مرحبا ☁️
اتمنى أنه الكُل بخير ..
_______________________________
كل من في الغرفة لاحظ وقوع الكأس، لم يلحظ أحدٌ رجفة يده .
تبوگنا وانت گاعد بيناتنا على نفس السفرة !
حرامينا منا و بينا !
" شنو حرامي شنو فلوس انتو شدتحجون ! "
ناضرهم ب استغراب وهو يضحك بخفه ما مفتهم اللي يصير حوله
" فلوس بقيمة ٢٥ مليون بالخزنة االي بغرفة فادي وين اختفت ومحد غيرك يدخل و يطلع من الغرفه ؟"
هتف الاب وهو يناضره بحدة
" على اي اساس تتهموني بهيج مشكله ؟ والله لان ادخل و اطلع ! اعتيادي ادخل و اطلع غير ممرض هنا ! انتم من كل عقلكم !!" هتف بيهم باستنكار وهو عاقد حواجبه
" كل احنا ندري اليوم ام رؤى ما موجوده يعني انت الوحيد الغريب اضافة احنا عشره عمر ويه الناس الللي دتشوفهم هسه ب البيت و ولا مره انسرق من عدنا شي ! شمعنة هسه من صارلك شهر راحت الفلوس ؟"سأل الاب بحده و عيونه بعين الثاني
التفت امير لفادي ومشى ب اتجاهة " فادي ليش ساكت ! اني مو اليوم كل الاوقات اللي تواجدت بيها بغرفتك چنت انت كاعد ! احجي ليش ساكت " اقترب وهو يهز ذراعه ب عدم وعي
" هييي هييي اترك الرجال كلنا عرفنا طينتك!! " تقدمت ريم وهي تدفعه بعيد عن فادي ب عنف ناضرها ب استحقار و التفت لكل اللي واقفين بالصالة
" لكم اني شجابني على هيچ مبلغ ! خالة شلون تصدگين اني ابوگ ! اني شجابني على البوك لكم حتى اذا تريدون فتشوفني فتشو غراضي قابل وين احطها !! "
تكلم وقلبه يألمه من الموضوع كله ما مستوعب الكلام اللي متهمينه بيه ! كيف يقدرون يتهمون شخص مثله بالسرقة !
" هايه الورقه شنو ؟ مطلوب فلوس خصوصي مااعرف ايش ؟ ما تخاف على اخوك وانت ماخذله فلوس حرام ما تخاف من الله !"
تكلمت الام و هي تقترب منه وكانت واضحه عليها معالم الخيبة
ناضر امير الورقه اللي تشيرلها الام و ضحك ب استهزاء والتفت ل فادي ، ما يستوعب كمية حقاره هذا الانسان ! .. شكد يسمع قصص واشخاص بالواقع حقيريين بس ما اتصور لهذه الدرجة ! تقرب منه وهو يهتف بيه بقهر
" هاية لأن گعدت اسولفلك على الخصوصي طلعتني حرامي ! لك حتى لما عاملتني مثل الكلب ما گلت شي گلت هسه ينعدل يلين ! و تاليها تختمها تطلعني حرامي !!!"
أنت تقرأ
STRONG LOVE
Lãng mạnرواية مثلية عامية ، باللهجة العراقية The first one for me Started in 10/June /2020 - دراما , بعيدة عن الاكشن و السياسة
