سلام .. •ᴥ•
شلونكم يالربع ؟؟ اتمنى تكونون بخير
انجوي 💗 🌈
________________________
" كلما اطلتُ النظر في عيناك اشعرُ بأني وأخيراً وجدت مَنزلي ، مُنذ أول نظرة علمت اني مصابٌ بِك يا مَن أُحارِب لأجله أنا مُتيم بك و بِعيناك "
.
.
.
عند عائلة عمر ، الساعة ١٠:٣٠ بالليل ..
" شوف عمر اني مااريد اكون ب صف اي واحد منكم ، بس انت هم علكيفك لا تكبر الموضوع لهذه الدرجة وكأنما عبالك انفصلتو ! ترا عادي كل العلاقات يصير بيها زعل وغيرة مشاكل ، يصير بيها هجر .. " علي اللي كان يتكلم وحاط راس عمر على فخذه ويلعب بشعره وحاطين قدامهم فلم المفروض يركزون بيه ، بس شغله حتى يغير اجواء عمر بعد ما غصب عمر يسولف مشكلته الحقيقة ف سمع تفاصيل موضوعهم هو ومحمد ، علي يعرف غيرة محمد وخوفه وحبه ل عمر ويعرف ديسوي هيج حتى ياخذ ك درس ، لذلك ما يريد يتدخل اكثر بهذا الموضوع هلمرة ...
" علي دااگلك يرد عليه بكل بورد عبالك ما يريد نبقى سوة ! مااعرف احس قلبي يوجعني حيل تخيل صار شكم ساعة مارة ولا سال عليه ولا دز شي " وهو يشد على عينه
" بيبي كافي اهدا لا تصير مثل الارملة بس تبچي ! يعني من شنو خايف بس اريد اعرف گلك خلي ننفصل ؟ انت بس اهدا ونام وباچر الصبح راح تشوفه يجي يصالحك بنفسه ، وهم ترجعون تطسون ومحد يدري عنكم " تكلم علي وهو يغمز بالاخير ويحاول يخلي عمر يضحك .. ابتسم عمر وهو يحاول يحس بجرعة الامل بكلام علي صحيح لان مستحيل باچر محمد ما يجي يسأل عليه ويحظنه .. و اذا ما اجاه هو يروحله"
"صحيح اكيد يجيني باچر " تنهد عمر بعد ما اقتنع بهذه الفكره وبدت عيونه تغمض لان اليوم كان محاربه النوم ...
علي شاف عمر نام لذلك ورا ربع ساعة قام بهدوء وحط مخدة جوة راس عمر وغطاه زين وطفى الضوا وطلع ....
عائلة عمر متعودين على علي لذلك صاير مثل ابنهم ..
" لك ها علي زمان عنك وينك مختفي يا ولد " حيدر اللي شاف علي وهو ينزل من الدرج ، ومد ايده يسلم عليه
أنت تقرأ
STRONG LOVE
Romanceرواية مثلية عامية ، باللهجة العراقية The first one for me Started in 10/June /2020 - دراما , بعيدة عن الاكشن و السياسة
