سلام :)
شلونكم ؟ اتمنى تكونون بخير 🤍
___________________________
" و اني أحبُكَ امتلاكًا و تملكًا و كمالًا
و أغارُ عليك تعصُبًا و تجننًا و حنانًا "
الساعة ب ١٠ الصبح ، يوم الاحد ..
الاستاذ واقف يشرح رياضيات والكل كان مركز وياه لان مسائل مهمة واقتربت الامتحانات ..
اهتز هاتف عمر دليل على وصول رساله ، ابتسم عمر وقراهاا
" اريد اشوفك استأذن من الاستاذ خمس دقايق حبيبي"
طلب عمر من الاستاذ يطلع بعذر يحس نفسه تعبان شوية.. ووافق الاستاذ لان يحترم عمر ويعتبره طالب مجتهد
طلع عمر التفت بالممرات ماكو محمد ! فجأه سحبته ايد لداخل غرفه -مخزن لغراض وكتب المدرسه الزايدة- ظلوا يطالعون بعيون بعضهم ثواني لحد ما محمد مد ايده ومسك خصر عمر وجره لحضنه وصار يتنفس عطره اللي برقبته
" ااوف لو تعرف شلون مشتاقلك صاير اليوم اللي ما اشوفك بيه صعب يمر عليه ! "
وبعدين اضاف بشي من الارهاق
" لك حتى احس مو طبيعي اشتياقي الك !"
ضحك عمر بخفة ايده حاوط رقبة محمد وتشبث بيه وهو يبادله نفس الشعور " اني هم مشتاقلك هواية "
بعد محمد عمر شوية عنه ومسك فكه ورفع وجه عمر يطالع بعيونه وقال " مشتاقلك ووراها لازم شنو ؟"
عمر خجل لان عرف شيقصد وهو يستحي يقولها بوجهة خاصآ انو يحس عيون محمد شوية و تخترقه ..
" ها كمل ! ليش ساكت لا يكون بعدك تخجل !!" كمل محمد وهو يضحك و يمسح على خدود عمر ويبوس بيها بوسات خفيفه
عمر ينفتن بضحكة محمد يحسها تاخذه لغير عالم خاصا وعنده لحية خفيفة ووجه يصرخ بالرجولية والملامح الحادة وعيونه فايض الحب بيها اله
" مشتاقلك حبيبي " رد عمر على محمد بالجواب اللي يرده وهو يباوع على كلشي عدا محمد ..
" واخيراااا يعني الكلمة منك تحتاج سنه" محمد قال وهو يبتسم و يناظر ب عيون عمر ويمسح على خصره
خجل عمر ونزل راسه ودفن نفسه ب حضن محمد مره ثانيه
الاثنين صارو يشدون على بعض كأنو ماكو يوم بعد
عمر بعد نفسه شوية وتكلم ب قلق واضح عليه لما تذكر موضوع " حمودي ..امي صايره تشك بيه وبطلعاتي وخايف لا فد يوم يكشفونا اني وياك سوة خاصا امي بعد شيخلصني .."
أنت تقرأ
STRONG LOVE
Romanceرواية مثلية عامية ، باللهجة العراقية The first one for me Started in 10/June /2020 - دراما , بعيدة عن الاكشن و السياسة
