اصدقائي الالكترونيين
شلونكم يابة ؟ شخباركـم
گلنا عود نختم وياكم السنة بآخر بارت منها بس مَرهمت
عذرونا ♥️، و كالعادة لا تنسون الأغنية ..
______________________________
إضحك مرة أخرى، أرِنا تشرُد اللغة و إنحسار المعنى.
- بعد مرور ١٥ يوم ..
جالس بالساحة الخارجية للمدرسة و بيده بطاقة و الاخرى كان يحمل بيها علبة كولا باردة يرتشف منها ببطىء وهو يناظر درجاته
بالرغم من كل الايام التعيسة اللي مَر بيها ما ينكر فرحته الداخليه البالغة على المعدل اللي حصله و رضاءه التام عن الجهد اللي بذله، ايام الامتحانات اللي مرت بصعوبة على عمر و اللي كان يعاني من ضغط فضيع من اكاذيبه المستمرة على اصدقائه الى الاضطرار لسمع قرارات ايمن اليومية الى سرقة اللحظات بصعوبة حتى يكلم حبيبه و يستفسر عن اوضاعه ..
وصل مرحلة بالكبت لدرجة استصعب فكرة انه هذه الايام ممكن تمر بخير ، استصعب فكرة ممكن تتبدد بأيام سعيدة ... لكن الان و بالنضر لنتيجته اللي استلمها من نصف ساعة كانت دليل كبير على انه و بالرغم من كل شيء قادر يسوي الشيء اللي يريده و اللي يصمم عليه .
ناظر ساعة ذراعه ، شاف الميل تعدى ال ١٠ و النصف
مر ساعة لما ياسر ارسل خبر انه قادم بالطريق
مع العلم انه بيتهم بنفس فرع المدرسة
" لك هذا ياسر وين اختفى "
تكلم عمر ناحية علي وهو يشوفه قادم باتجاهة و بأيده كيس فستق و حَب عين الشمس و مشروبات غازية
" يول انت ما تعرفه لياسر
يگلك جاي بالطريق وهو بعده ما گايم من الفراش "
اعطى اللي بأيده لعُمر وهو يفتح مكالمة التلفون اللي وصلته
" تجي لو نروح ؟؟
ديلا بطل سوالفك و استعجل "
ضحك بخفة وهو يرجع يقعد جانب الاخر على المصطبة
" مو گلتلك هالولد چذاب ما تصيرله چاره "
تنهد عمر وهو يتكىء بأيده على المصطبة تثاوب بملل وهو يرجع يناظر نتيجته اللي موضوعه على افخاذه
" گلت لمحمد على النتيجة ؟ "
ابتسم عمر على ذكره وهو يتذكر مكالمته اول ما استلم النتيجة
" نصبت عليه بالبداية گلتله طالع بواحد بالرياضيات "
" و شگال ؟ اكيد ما صدك "
سأل علي وهو يطلع باكيت السجائر من جيب بنطلونه الجانبي ويسحب وحدة واضعها بفمه
" اكيد ما مشت عليه .. بس گال جايك بالطريق "
ضحك علي وهو يدور على الجداحة بجيبة الخلفي هامس بخفة
" وين يگدر يجي امتحانه الاحد الجاي "
أنت تقرأ
STRONG LOVE
Romanceرواية مثلية عامية ، باللهجة العراقية The first one for me Started in 10/June /2020 - دراما , بعيدة عن الاكشن و السياسة
