قيد الحياة
البارت الخامس
هتف صوت بدليلي الحب بعد راح
وبعد شيفيد المناطر بعد راح
قسمت بفرحتي الراحت بعد راح
شگ حلگ الفرح لو مر عليه
احمد: السلام عليكم
زامل : وعليكم السلام ياهلا بأحمد شذكرك بينا وانت من راح المرحوم ولا نشدت
احمد : خويه زامل يگلك بات مظلوم ولاتبات ظالم وانت صارلك سنه وانت ظالم
زامل : شجاي تحجي آنت ظالمن انه شهالخرابيط
احمد : قبل يومين بالشغل الخباطه لفت ايد صباح وگطعتها
زامل : لااا اله الا الله شجاهم ذوله
احمد : تقصدمن يزامل
زامل : خطيه عمار قبل فتره احترگ بيته وموبس البيت احترك وليده هم جدام عينه وهسه مسودن
احمد: خويه زامل هذا تالي الظلم وانه جيت احذرك
زامل : خويه انه احترمنك واقدرنك لجن مارضه بهالحجي
احمد : خلي اسولفلك الصار
خويه صباح من انگطعت ايده رحت وياه للمستشفى وهو يلوب ويهذري هاي حبوبتهم ماتعدتنه
بعدين عرفت هو وعمار متفقين على المهندس والله حفظ المهندس ومحمد الي وگع بيها الله يرحمه
ومن حقدهم يخوي وغلهم خلوك تصدگ بحجيهم وتهمت المهندس بجتلة اخوك الله يرحمه
يزامل كمال وبنيته مالهم غرض بدم اخوك
وعمار مثل ماحرگ گلب المهندس كمال بنته الله حرگ كلبه بوليده
وصباح انبترت نفس الايد الي جانت سبب وفاه محمد الله يرحمه ربك يمهل ولايهمل
وترى المهندس كمال كلنا نشهد بنزاهته لجن هو صايم مصلي وماله غرض بغيره من حيث هو مثقف وهيج شغيلات ماتطلع منه
خويه زامل رد البت لهلها وتعذر منهم وحگك برگبه عمار وصباح
زامل : مثل ماحترگ گلبي بخوي وعضيدي محمد الله يرحمه احترگ گلب عمار بوليده وصباح فقد جزء من جسمه
ماگول غير حسبنا الله ونعم الوكيل حگ محمد والمظلوم اخذه رب العالمين والله على الظالم
مريم : مر كم شهر واني اعرف انمار احس ارتاح من اشوفه وافرح والابتسامه متفارگني ابد
ومن مااشوفه حيل اضوج هو اجمل شيء صار بجيتي لبيت عمو زامل
زهره : يااا يزامل هَذا الخبر الزين لجن لزووم ترد مريمه لهلها مالها مجان هنا بعد
زامل : وهذا الي راح يصير يزهره لجن الزوم اعلم اعمومتي
فاطمه : سالفه الحگ تنگال هالبت حسافات ترد لهلها والله وثم الله يلوعندي اخوو ماخليها ترد يلو على گص هالرگبه
زامل : اي والله يفاطمه البت صدگ بيضت وجه اهلها رغم كلشي صار وياها من حيثها راكده ومعدله عسى الله يحفظها
أنت تقرأ
قيد الحياة
Romanceتترك عالم الامان لتذهب الى عالم لاتعرف خباياه قصه حقيقيه تصف معاناه فتاه تظلم وتأخذ فصليه
