#قيد_الحياة
البارت الاول
طبعا لمفروض يكون بارت تعريفي للابطال لاكن...
راح تتعرفون عليهم من خلال لبارتات القادمه بالتفصيل💕
في صباح مشرق خرج المهندس كمال الى موقع العمل ليشرف ويقف على رأس عمله
#في_مكان_اخر
محمد: خويه اني رايح للشغل
زامل : مودع بالله خويه
فاطمه : زامل جا ليش مازوج محمد جم دوب يبقى هيج لاهو لسما ولا هو للگاع
زامل : يمره جني بمجانج لا والخلقج اردج لهلج
زهره : ياااا زامل جا فاطمه ماحجت غير لمصلحه محمد هو كبر ولازم يعرس
زامل : ولجن دهر صابجن شجاجن على محمد من صباحيات الله خير اليگول گاعد على افادجن
زهره : والله يراعي بيتي انه وشريجتي (ضرتي) نحجي لمصلحه محمد ونريده يستقر بحياته خلي يخلفله فرخ فرخين (طفل طفلين)
زامل : على راحته شوكت مايقرر يعرس ذاك الوكت بيها الف خير
فاطمه : گومي زهره سوي الغده واني راح اروح احطب
زهره : گايمه يفاطمه گايمه
#في_موقع_العمل
صباح : اجه مهندس كمال
عمار : ولك شايف نفسه هذا المهندس
صباح : شوكت الله يخلصنه منه
عمار : يومه قريب خويه لتخاف
صباح : شتقصد؟
عمار : راقب وشوف شراح اسوي
صباح : مالنه حمل مشاكل هو مهندس واصل ومثقف
عمار : خلي ثقافته تفيده اليوم
صباح : گلي شراح تسوي
عمار : گتلك راقب وشوف
مهندس كمال : يله شباب همتكم خلي نكمل الشغل حتى ننتقل لموقع ثاني
محمد : صار استاذ
عمار : محمد يله تـــعال ويانه
كمال : لا محمد راح يصعد للبنايه ويايه
صباح : استاذ احنه متعودين نشتغل سوه دائما
كمال : كلمن على شغله 😠
محمد : اني صاعد شباب
عمار : اني الك ياكمال
صباح : نصي صوتك
عمار : هو جنى على نفسه والله
كمال : انتظر محمد اني اصعد وياك
محمد : تفضل استاذ
كمال : صعدنه للبنايه وكملوا العمال تسليح وشتغلت الخباطات
أنت تقرأ
قيد الحياة
Romansaتترك عالم الامان لتذهب الى عالم لاتعرف خباياه قصه حقيقيه تصف معاناه فتاه تظلم وتأخذ فصليه
