قيد الحياة
البارت التاسع
مريم: ع السريع حفظت الرقم بگلبي بعدين اخذت موبايلي من جدو داحفظ الرقم بجهازي ونسيت رقمين گمت الوب
ابو كمال : يلة جدو طفي الضوة خلي آنام
مريم : صار جدو
طلعت من يم جدو واني الوب شلون اخذ الرقم منة مر حوالي شهر
اصلح الوضع بلبيت بيني وبين اهلي ورجع طبيعي طبعا الفضل لله وثم جدو
مناف : شكل مريم طابع بالي اول بنية تعجبني وتدخل گلبي لازم افاتح اهلي بالموضوع خلي افرح الوالدة
ام مناف : يوم اشو مْْـو على بعضك مگضيها صفنات خيرك يا ابني ريح گلبي وگلي شبيك
مناف: يالغالية مابية غير كل خير بَـس كل ما هنالك اكو موضوع شاغل بالي ادعيلي الله يسهل امري وافرح گلبج عن قريب يا ام مناف الغالية
ام مناف : الله يسعدك ويهنيك يا ابني والله ماريد غير سعادتك
مناف : فدوة رحت لاثر رجلج يلغالية
مريم : اليوم لازم اخذ رقم عمو زامل صار شهرين واني رقم ما گدرت اخذة شگد فاهية لعد
ام مريم : مريومة ماما جدج يريد جاي
مريم : صار ماما هسة اسوي
ام مريم : اي حضري بين ميطلع من الحمام
مريم : جدو بلحمام ؟
ام مريم : اي
مريم : خلي ارتب غرفتة لعد
(هاي فرصتي لازم اخذ الرقم اليوم)
دخلت للغرفة واخذت رقم عمو زامل وحفظته بااسم رقية احس مسوية انجاز كلش جبير بحياتي من اخذت الرقم ثاني يوم كالعادة الكل بالدوام وجدو طلع يشتري مسواگ للبيت جان ادگ على عمو زامل
مريم : الو
زامل : الو ياهو
مريم :هلو عمو شَـ ـلُوٍنّكٌُ آٌنـّ'ـّي مريم
زامل : يااا صدگ هاي انتي يمريمة شلونج بوية
مريم : الحمدلله عمو والله كلش مشتاقتلكم
عمو هذة رقمي احفظه بس لا ادگ علية اله آٌنـّـّي ادگ عليكم
زامل : چا خوش يبنيتي
مريم : عمو مشتاقة احـجي وية رقية موجودة
زامل : اي موجودة هسة ناديهة لج
رقيوة بوية ياا رقيوة بوية هاي مريمة تريد تحاجيك
رقية : الو
مريم : هلو رقاوي شلونج مشتاقتلج
رقية : مريمة يبعد گلبي بخير انة لچن خالي موش زين من يوم الخطبة وهو طريح افراش
أنت تقرأ
قيد الحياة
Romanceتترك عالم الامان لتذهب الى عالم لاتعرف خباياه قصه حقيقيه تصف معاناه فتاه تظلم وتأخذ فصليه
