قيد الحياة

البارت 8

قيد الحياة
البارت الثامن

كمال : من سابع المستحيلات انطيهم بنتي

ابو كمال : اهدأ ابني والجماعه ضيوفنه واكرام الضيف واجب

كمال : اخليهم على راسي بَـس مريم خط احمر

ابو كمال : ان شاء الله خير

عم زامل : خويه ابو كمال حنه جايين اليوم وطالبين الگرب منكم من حيث  البت عاشت بينه وحبيناها وشاهد الله على عمى عيونه رجعتها لجن مايصح اله الصحيح يخوي واليوم جاينكم حنه وعمومتنا ولدنا وان شاءالله ديوانكم مايردنا والجيناكم علي نرد بي
وهذا انمار جدامكم زلمه والنعم منه وگاعه وحلاله خير من الله

ابو كمال : حياكم الله اخويه مناك لهنا بس تعرف ياشيخ الرأي الاول والاخير للبنيه وهي الي تريده يصير

عم زامل : جا شمنتظرين خلونه ننشد البت
وخير البر عاجله يله خويه انشدلنه بتكم

ابو كمال : ان شاء الله

كمال ابني تـــ؏ـ♕ــال

كمال : حجي گتلك هاي السالفه متصير

ابو كمال : صيحلي مريم

كمال : مريم بابا جدج يصيحلج

مريم : نعم جدو

ابو كمال : جدو حبيبتي آٌنـي اعرف ومتأكد من رأيج بيهم واعرف متوافقين بَس الاصول تگول لازم اسألج

مريم : على شنو جدو مااوافق
ترى كلشي مفتهمت من كلامه

كمال : الافنديه جايين يخطبوج لابنهم انمار

مريم : يمه شگد فرحت لكن فرحتي مادامت
اي سامعه بي خوش ولد

ابو كمال : شنو يعني انتي موافقه !!!!!

كمال : توافق شنو 😠

ابو كمال : احـجي جدو

مريم : گتلك جدو رأي بالولد
آٌنـي خلال الفتره الي عشت بيها هناك ماسمعت عنه غير كل خير

ابو كمال : راح اگول انتي مموافقه وانتهى الموضوع

مريم : شنوو😳😳😳😳

كمال : شوفي مريم هاي العائله سبب دمارنه همه ناس متهوريين وبدون  ميعرفون صحه الامر وحقيقته يصدرون احكامهم من سابع المستحيلات انطيج الهم

مريم : حيل انقهرت وگعدت ابجي طبعا رقيه عرفت بابا مموافق وگال آٌنـّ'ℳΈ'ـّي مموافقه

رقيه : لا تگدرين (تنقهرين)يمريمه انتي ماتعرفين ابن الجنوب لوعشگ وحط شي براسه
يسوي يسوي لو بعد الف سنه
وترى انمار گال لومريمه لو مااخذ

مريم : وشنو الفايده اهلي مديستوعبون هالشي

رقيه : ربج كريم يمريمه ومن ساعه لساعه فرج

مريم : طلوا اهل انمار وتقريبا عرفوا السبب الحقيقي ومصدر الرفض
واهلي مسكتوا ويگولون نصلخ ونذبح ومننطيج لهيج ناس

ام مريم : بله من كل عقلهم ذوله يريدون اوافق انطيهم بنتي شأگل للناس آٌنـي ومكانتي ازوج بنتي الوحيده لفلاح

كمال : هذا الشي ميصير لو على گص رگبتي

ابو كمال : كافي سدوا الموضوع لااحنه من ثوبهم ولاهمه من ثوبنه

مريم : اسمحولي ادخل

هسه الناس راحوا والسالفه انتهت وماكو احد غريب بس احب اگللكم

وين جانت مكانتج بالمجتمع ياامي العزيزه من جان يادوب عمري ١٥ سنه وحتى ممكملتها ونطيتيني فصليه
وين جانت رگبتك يا بابا الغالي من سلمتني لعمو زامل
وين كلامك والمستويات وثوبك وثوبهم من گعدت تقنع بيه وبالنهايه فرضت رأيك ياجدو

من آٌني جنت العب بالعابي وكتبي گدامي وهمي الوحيد جان شلون ادرس وانجح ومااعرف غير شي
محد فكر بيه بهالطفله شراح تعاني محد منكم رحم طفولتي
وهسه دورون مستويات وثوبكم وثوبهم هذوله الي تستنكفون من نسبهم شِفْْـٍــْْْ👀ــٰٰـٰتْ عدهم اشياء بحياتي مشفتها
رغم رحتلهم بضروف قاسيه لكن حبوني وعلموني وخافوا عليه

وبيوم الي ودعتهم روحهم فرفحت عليه ورجعوا طلبوني على سنه الله ورسوله
اني سنه بعيده عنكم منو فكر يتصل عليه مجرد اتصال منكم يااهل المدارس والمستويات
گلتلكم وارجع اعيدها عمر الشهاده ماسوت الانسان ولازرعت بي القيم والمبادئ
والدليل اليوم جان گدام عيونكم وهسه من رخصتكم .

ام مريم : شنو هَََـٰذا الكلام شتقصدين انتي احب اگلج هذا وكت وذاك وكت جنه مجبورين

مريم : يعني اذا نعادت الكره مستعدين تضحون بيه مره ثانيه 😏
احب اگللكم آٌنـي ممتندمه على الي قدمته لبابا ثقوا بالله روحي ترخصله
لكن الي صار اليوم متناقض ويه الي صار قبل اكثر من سنه ونص مو صح ياجدو 😒😒

ابو كمال : كلام مريم كله صـ✔ــح فعلا كلنا ضدها وحاولنه ننقذ كمال ومافكرنه بيها وهي طفله انعگد لساني وماگدرت اجاوبها

كمال : لعد شگد بنتي شايله بگلبها علينه فعلا احنه شمرناها وما التفتنا ورانه عفتهم وطلعت ماتحملت

مريم : مر حوالي سبوع على الخطوبه واني حتى مااصبح على اهلي حيل ضايجه منهم اكمل شغلي وارجع آنام

ابو كمال : حاولت ابادر واصالح مريومه حيل احبها وعزيزه على گلبي وضلمناها هواي رحت اشتريت موبايل وجبته الها

مريم : جدو جابلي موبايل اني اعرف يريد يصلح الي صار بينه قبل كم يوم
طبعا حيل فرحت بالموبايل اخذته وشكرت جدوا رغم كلشي بَـßÊـسّ كلش احب جدو حيل متعلقه بي

ابو كمال : انسي الصار جدو وخلي نبدي صفحه جديده

مريم : ڵــيْٰش هو شنو الصار
يله خلي نتغده آٌنـي وياك

ابو كمال : يله صبي وتعالي نتغده بالغرفه

مريم : صبيت غده ورحت اني وجدو كملنا وشربنا جاي وگعد يعلمني على الموبايل واخذت رقم جدو وجان المح اسم زامل

يتبع...