#قيد_الحياة
البارت الرابع
انمار:السلام عليكم
الاهل: وعليكم السلام
زهره: گواك الله خويه
انمار: هله بيج خويه شلونج
زهره: خويه نمّيير طالبك لا تفشلني
انمار: گولي خويه رگبتي گدامج
زهره: اريدك سالم خويه لجن خل انتغده واسولفلك عگب
انمار: على امرج
زهره:تغدينه وكملنه وگعدت اسولف ويه انمار
خويه عاين عليه انت تعرّف بقصه زامل والفصليه الي جاباها النه
انمار: خويه صارت شريجتجن بعد
زهره: لا خويه زامل ماتگربلها بس ياخويه البت بعدها زغيره واخاف بيوم تدنه نفسه عليها ويتگربلها
فياخويه طلبتك
انمار: وانتي شنهو الي تردينه 😠😠
زهره: الي اريده منك تتعده عليها حتى نخلص منها
انمار: وسفه عليج خويه
ولج مو انمار الي يتعده على حرمه غيره وحق موسى ابن جعفر لو ما انتي اختي وادري بيج ثايره من غيرتج على رجلج جان شفتي مني شيء ماشايفته ولاراح تشوفينه بحياتج ولج زهره البت امانه عدكم حافظوا عليها
احسبيها حسبه بناتج
ولج خويه عدج بنات ودنيانه زغيره ماتعرفين شيصير باجر
والي هجسته من سالفتج البت زغيره علميها خويه علميها والج اجر زهررررره
زهره: ها خويه
انمار: اي تصرف تسوينه تجاه هالبت خلي بناتج بين عيونج وابد لاتنسين ترى الدنيا زغيره ياخويه
زهره : رجعت لبيتي وجلمات انمار مثل الجرس يرن باذني
عاينت على البت وذكرت من اجتنه اول يوم شلون وجه مورد هسه ذبلانه حيل قررت اداريها واحسبها مثل بناتي
مريم : گاعده آٌنـي والبنات جان اشوف خاله زهره اجتي گمت ارجف من شفتها بسرعه گمت من يم البنات ودخلت للمطبخ
زهره: من طبيت للبيت اعاين على مريم فزت وگامت من يم البنات وطبت للمطبخ
ادري بيها تخاف مني عاد رحت وراها
سمعي يمريمه هَََـٰذا البيت بيتج وانتي حسبه رقيوه وحويره
يمريمه انسي الراح
مريم : اتفاجأت بكلام خاله زهره وفرحت حيل ورحت عليها بستها وحضنتها وگمت ابجي
عاد هي طبطبت على جتفي وگالت احنه ولد اليوم
فاطمه : تغيرت زهره حيل ويه مريم انه هم خلي اصيرن زينه وياهه لجن زهره ذيبه سوت هيج علمود تكسب زامل اووف منج يزهره
زهره: امشينه يمريمه اريدن اعلمج تلمين حطب لجن انه تعبت واريدج تعينيني
مريم : صار خاله دللي
أنت تقرأ
قيد الحياة
Romanceتترك عالم الامان لتذهب الى عالم لاتعرف خباياه قصه حقيقيه تصف معاناه فتاه تظلم وتأخذ فصليه
