قيد الحياة
البارت العاشر (الاخير)
مريم : اجه يوم العرس بدلنه ورحنه طبعا جانت نظرات مناف اليه غريبه معرفت افسرها لكن ماعرف شنو الي حسيته من شِفْْـٍــْْْ👀ــٰٰـٰتْ مناف گاعد يم عروسته شي مثل الفقدان او الغيره ماعرفت اترجم احساسي
عروسته جانت كلش حلوه وطويله
صح مناف جان اطول منها بشويه لكن لايگين لبعضهم
طبعا نسيت اگللكم بأن مناف قبل ميزوج هواية اتصل علية لكن آٌنـّي مجاوبت ابد دزلي رسائل هواي جنت افتحها اقراها لكن ولا مرة رديت على رسائلة لان جان همي الوحيد هو انمار ميهمني احد غيرة
بالنسبه لانمار طبعا ضليت على تواصل وية رقية وهي جانت توصلي اخبارة
عدت الايام والسنين وصار عمري عشرين سنه نضجت اكثر وكمت افكر بعقلي اكثر حسيت على وكتي مثل ميگولون وللاسف لگيت نفسي خسرانة وخسرانة كلش هواي
اول خسارة جانت هي دراستي مجنت متوقعة راح يجي يوم واتحسف هيج اااااااخ لو ماما مرجعتني اجباري جان مْْـٍـْْـْْـو هذ حالي للاسف عنادي أثر علية
والخسارة الثانية هو حبي الاول وحب مراهقتي انمار اااااخ يا انمار جان مثل النسمة الباردة بليالي الصيف هم ضاع مني لكن سبب ضياع انمار اهلي
ومناف جان انسان مهذب وخلوق ومرات اتمنى لو اهلي جابريني علي مثل مجبروني على زامل عالاقل جان تغير حالي
كلش صعبة تعيش بعائلة الام صيدلانية والاب مهندس والاخوة ديتنافسون منو الي يطلع جراح ومنو مهندس واني فانية حياتي بالتنظيف والطبخ احس نفسي نكرة 😔
يوم من الايام گاعدة وچان دك علية رقية وگالت انمار راح يزوج اهنا جانت الصدمة قاتله😳💔
دموعي نار وتنزل على خدي كل الي گدرت اگولة الف مبروك ربي يهني بَـس شوكت العرس گالت الخميس يعني بعد يومين
سديت التلفون وغلقتة نهائيا حبست نفس بغرفتي وبقيت استرجع ذكرياتي وية انمار صـــح صار كم سنة آٌنـّي وانمار من نهينة العلاقة لكن جان عندي بصيص امل و من سمعت بي راح يزوج انهاريت
اهلي حاولوا يعرفون سبب حزني لكن شنو الي اگدر اگولة الهم مفتحت حلگي بكلمة جانت مرحلة بحياتي كلش قاسية اتمنى انساها او امحيها من ذاكرتي لان بمجرد ما اسرد احداثها احس روحي تنقبض وما اتمنى لأي احد يمر بهيج وضع
مرت الايام والاشهر وصار حوالي سنة على زواج انمار لكن خلال هاي السنة ابد محاولت اتصل ولا اسمع اي خبر جنت مكسورة بما فيه الكفاية
بالنسبه لمناف خطية زوجتة طول هالسنوات الاربعة كل مرة يصير عدها حمل ويوگع راجعوا هواي اطباء لكن جان عدها تهطل بالرحم بحيث من يبلش يكبر الطفل يوگع
اخر مرة سوولها عملية والحمدلله صارت حامل لكن شرط تبقى نايمة خلال فترة الحمل ومتتحرك اله للضرورة وضعها جان كلش يقهر والدكتورة جات تگول احتمال كلش جبير بعد الولادة يستأصلون الرحم
أنت تقرأ
قيد الحياة
Lãng mạnتترك عالم الامان لتذهب الى عالم لاتعرف خباياه قصه حقيقيه تصف معاناه فتاه تظلم وتأخذ فصليه
