فصليه ابو فهد

الجزء الثالث عشر

‏

عريان يگول :
ماعاد الصبر يلچم مصب العين
ولا مثل الخلگ بدموعنه نمثل

بقلم الكاتبة فاتي المياح .....

------------------------------------------------------

صعدت فوك وشفتهم كلهم بغرفة قاسم دخلت لكيت احلام تبجي ولازمة ابنها

علي : شنو انتم ما تستحون ما تكولون البيوت الها حرمتها صوتكم واصل لسابع جار

احلام : خوية اني تعبت ومليت احجي ويا اخوك

قاسم : انتِ انجبي خوية اني احجيلك

علي : اسكت ولا حرف اطلعو اريد احجي ويا ام سيف

قاسم : بس ابو فهد

علي : شكلت

طلعنة ونزلنة جوة وابو فهد بقة هو واحلام يسولفون تقريبا ربع ساعة ونزل عصبي

علي : قاسمم شنو هذا الحجي السمعتة

قاسم : اي خوية اني مااريدها اطلكها واجيب الاحسن منها

علي : تاكل خ... وتنجب بنت الناس مو لعبة اليوم تتزوج وباجر تريد اطلك

اول مرة اشوف ابو فهد هيج اعصاب ويصيح على قاسم ويغلط بعدة يحجي ودك تليفونة

علي : هلا بيك عمي .... والله الحمد الله وانتَ ... دامك بخير ... اتفضل امر خدمة ....... هاا ..... والله ياعمي ماادري شكلك .... احسبها عليها وامسحها بوجهي .... يصير خير .... لا لا ادلل ان شاء الله سلم على الاهل )

الكل كاعد بالاستقبال خلص ابو فهد الاتصال وباوع لمصطفى

علي : ولك شمسوي

مصطفى : خيرك خوية شمسوي اني

علي : وسم ما تدري مو لا تغشممم نفسككك ولك عمك خابر على موضوع شمس شحاجي وياها احجييي

مصطفى : ما حجيت شي غلط كتلها مااريدج وختمت الموضوع وياها

علي : هيج تحجيها عادي يابة اريد اشرببب من دمككك انتة جاهل بس كلي عمرك 30 وما تعرف تتصرف مو كتلك اني احلها واني احجي ويا الشيخ وعمي

يحجي بكل عصبية وجهة احمر من الاعصاب ويصيح جنة بوحدة صرنة باثنين

مصطفى مخطبينة بنت عمة رافد من هم اصغار ومصطفى ما يريدها

ما اعرف عمة شنو حجة ويا وهيج صار يرعد انطبكت باب المطبخ قوي

دخلو جهال شيماء وراهم شيماء تبجي وجها خرايط من الكتل دخلت وهي هم انصدمت من شافت ابو فهد يصيح

علي : شبيج خوية

بس تبجي وراحت حضنت الشيخة

فضيلة : يمة سودة علية شمسوي بيج هذا العار كسر بأيدة ان شاء الله