فصليه ابو فهد

البارت الاول

وانت ما بين
إزدحامات الشوارع
والدرابيّن القديمة
التاخذك للمدري وين
ومدري شنهي
تضيع
يومية بمكان، تضيع كلك
تنشد الناس الغريبة،
المايعرفك منهم أحد
بلكي مريت بدربهم
مرّة صدفة
بلكي، صدفة.

نبدي قصتنة

بقلم الكاتبة ( فاتي المياح ) .....

----------------------------------------------------

_فزيت من حلمي وعفت القصور والخدم والسيارات وشفت الساعة 7:15

فاطمة : يبو عليج فاطمة راح الامتحان

_كمت واني الم بشعري واجمع الكتب من الكاع لزمت الكتاب ابدل واراجع غسلت ولبست شالي وطلعت

ابتسام : ها ماما بعدج مرايحة

فاطمة : اي حيل متأخرة يادوب الحك اوصل قبل الامتحان باي

ابتسام : الله يسهلج حبيبتي

_بوست امي وطلعت مستعجلة المسافة بعيدة بين بيتنة وراس الشارع اجت كوستر صعدت ورحت للجامعة ... دخلت جان عدنا امتحان نهاية السنة بالكوة دخلني الاستاذ امتحنت وخلصت طلعت لكيت سارة منتظرتني ام وامها بنات خالة وتصير جوارينة هي قسم عربي واني هندسة بس نفس الجامعة

سارة : وينج بس كليلي

فاطمة : جنت نايمة ليش ما مريتي علية نروح سوية

سارة : ولج وكعت ايدي واني ادك الباب اخر شي ابوي وصلني لان اتاخرت من ورا حضرتج

فاطمة : نذلة مو بيدج جان انتظرتي بعد شوية واصلا بس كعدت بدلت وطلعت

سارة : ههههههه امبين عليج ديلة شلون جاوبتي

فاطمة : الحمد الله جاوبت

سارة : بمناسبة اليوم اخر امتحان امشي عازمتج على بيتزا

فاطمة : لا ما اريد اعزميني على همبركر اطيب

سارة : حاضر امشي يلا

_رحنة اني وسارة للنادي وكعدنا ناكل

سارة : لشوكت تضلين هيج

فاطمة : ليش شبية

سارة : نهارج طبخ وخبز للناس وليلج قراية

فاطمة : انتي برأيج عاجبتني الوضيعية بس شسوي كل هذا التعب علمود امي

_خلي اعرفكم شوية عن نفسي اسمي فاطمة عمري 21 قسم هندسة اني وحيدة اهلي ابوية متوفي وما اتذكر حتى شكلة
اشبه امي كلش عندي 2 عمام كلمن طالع ابيتة وعندي خال وخالة عايشين بالسويد وكاعدة اني وامي ابيت جدي بيبتي ماتت من قهرها ورا ابوية وجدي اتوفة قبل 3 اسنين
امي عدها ورم بالدماغ ولازم تسوي عملية بسرعة لان الورم بموقع حساس

سارة : اخذي افلوس من عمامج

فاطمة : يا عمام منو عصام اذا يطلع الربع تطلع روحة لو عمار حالة على كدة ويادوب معيش عائلتة