فصليه ابو فهد

الجزء السادس والثلاثين

ردني لـ آول سآلفه ..
بـ ذآك الدرب من نمشي سكته
ردني لـ آول مستحه يطيح بـ آحبك
ردني لـ آول نظره چآنت ..
عآيزه تسافر لـ گلبك
لمني يمك !!
وآنه بـ كل ثآنيه بـ گلبك آحبك .

بقلم الكاتبة فاتي المياح .

-----------------------------------------------------------

وصلنة لمنطقة بيوتها حديثة وكف السيارة كدام بيت حديث ونزل

علي : يلة انزلي

فاطمة : احنة وين

علي : بالكرادة

نزلت من السيارة راح فتح باب البيت

فاطمة : ليش اجينة اهنا

علي : اريد احجي وياج

فاطمة : نكدر نحجي باي مكان

علي : خايفة مني

فاطمة : لا بس ما اثق بيك

احس أنصدم من حجيت ويا اني واثقة بي أكثر من روحي بس ما اريدة يحط امل ارجعلة

علي : ولج انتي بت گلبي

فاطمة : على الشفتة بهذا الشهر حتى بنفسي بعد ما اثق

علي : انتي ليش ما جاي اتصدكين وعيونج ما شايلها من كاعها فوكها اجبر نفسي عليها انتي مصدكة  الموضوع

فاطمة : اي مصدكة من شفت تحليل الدكتورة بعيني 

علي : ولج اكبر جذابة يعني الدكتورة صديقة سحيرة شتتوقعين

فاطمة : والدكتورة الثانية شيماء كالتلي اخذتها لدكتورة ثانية وهم نفس الحجي

علي : وغلاتج بگلبي ما مسوي شي

فاطمة : اثنين دكتورات يجذبن

علي : اي شمعرفج شحجت وياهن وصفن وياها

فاطمة : اني بعد اتحمل كافي عوفني انتة بطريق واني بطريق

علي : احنة طريقنة واحد وحتى لو افترقنة نرجع واتذكري هذا الحجي

بقيت ساكتة اعرف يحبني واني ما اكدر اعيش بدونة بس شسوي كرامتي ما تسمحلي ارجعلة ورا اسبوع من زعلت هو ماخذ رغد لدكتورة ثانية وهم نفس الحجي

بيومها صدكت الموضوع واتأكدت صح جنت شاكة لأن الدكتورة صديقة ام حسين بس هاي الدكتورة ما مجبورة اتجذب

فاطمة : رجعني للبيت اتاخرت

علي : اريد احجي وياج وافهمج

فاطمة : شنو تفهمني

علي. : اني اتزوجتها علمود اكشفها اريد اعرف منو مساعدها لأن هذا كلة مستحيل تسوي وحدها

يحجي وياي واتصال علية وسام

فاطمة : الو

وسام : الو فاطمة وينج