فصليه ابو فهد

الجزء الاحد عشر

گتلك رُوح بَس بهدايّ

موش تروح كل قوتَك .🍂🕊

.

بقلم الكاتبة فاتي المياح ......

---------------------------------------------------------

احس مرات اشتاق الة وبديت اشتهي شغلات ما تخطر على بالي واكلي زين واليشوفني يكول سمنانة الشهرية ابد ما اجت حجيت ويا خالة

فاطمة : خالة اريد اروح للدكتور

رسل : شبيج يمة يوجعج شي

فاطمة : لا ( ما ردت استعجل واكوللها خاف حامل ويطلع ماكو شي ) ما بية شي بس شهريتي متخربطة اتوقع خربطة هرمونات فخلي نروح للدكتور

رسل : ان شاء الله يمة باجر حضري نفسج

احسها لكفتها بس سايستني وضحكت رحت نمت واني فرحانة احس هذا الطفل راح يغير هواي شغلات بحياتي

كمت اتخيل  شكلة وافكر شسويلة وشلون اكول لابو فهد وردت فعلهم مااعرف بيومها شوكت نمت

كعدت الصبح اتريكت وخالة كالت روحي بدلي البنات يشتغلن ابمكانج

رحت بدلت خالة كايلة لابو فهد فما يحتاج اكلة لبست بنطرون كابوي ويا بدي طويل للركبة ماروني واسود لبست شال مروني وخليت مكياج خفيف

نزلت جانت بوجهي ام حسين باوعت من فوك ليجوة ضحكت وهزت ايدها رحت لخالة

فاطمة : ها خالة كملت يلة نروح

رسل : اي يمة نروح بس البسي هاي العباية وامسحي المكياج

فاطمة : هاا البس عباية ؟ بس اني مالبسها

رسل : يمة ابو فهد ما يقبل تطلعين بلياها وحلفني وكال لبسيها عباية وخليها تمسح المكياج

فاطمة : عليج الله خالة مااريدها والله مااحبها وما مجربة البسها امسح المكياج اي بس العباية لا

فضيلة : ولج يا مكصوفة الركبة البسي العباية واسكتي رجلج حالف عليج اذا اطلعين بدونها يهججنة ويذبحج ويدفنج

فاطمة : اهوووو ما اريدها شلون بلة

فضيلة : لا تهوهوين وتنكلبين جلب انجبي والبسيها هي ستر ورجلج لو ما يغار عليج ما يحلف عليج ما تطلعين الا تلبسينها امشي بحجايتة ولا تشلعين كلبة فوك ما هوة مشلوع من الشرطة الويا

اعرف اذا اعاند كلشي ما استفاد مثل ما كال لبستها ومسحت المكياج يلا طلعنة

اخذنة ابو ايناس وبقى منتظرنا دخلنة للدكتورة كالت سوي تحليل دم

اخذنة التحليل وفتنة للدكتورة

الدكتورة : الف مبروك حامل

احس الفرحة ما سايعتني بقت تنطيني نصائح وهم انطتني ادوية لان عندي فقر دم ......

ابو ايناس : بشري حجية