فصليه ابو فهد

الجزء الثالث والعشرين

هنيالك يا كبر شايل كل العزاز

بقلم الكاتبة فاتي المياح ....

---------------------------------------------------------

دكتور : للاسف راجع الورم

فاطمة : شنو دكتور اتاكد خاف انخبطت التحاليل ترة هي قبل فترة سوت عملية وراح شلون رجع

دكتور : بنتي متاكد اول الشي الورم ما شايلي كلة باقي جزء منة وثاني شي الورم خبيث مو حميد شكد ما نشيلة راح ينتشر بغير مكان

من الصدمة ما عرفت شنو احجي بقيت ابجي واباوع على امي

الدكتور : بنتي البجي ما يفيد

ابتسام : كافي ماما بلا بجي

فاطمة : دكتور شنو اسوي اني مالي غيرها بس هي الي بهاي الدنيا

الدكتور : لا تبجين وسلمي امرج لله وهو يتكفل بالباقي

فاطمة : والنعم بالله

طلعنة ورجعنة للبيت امي هادئة وما حجت شي ابد حتى من كال الدكتور ما انصدمت

فاطمة : اكولج ماما

ابتسام : كولي حبيبتي

فاطمة : الدكتور من حجة ليش ما انطيتي ردة فعل انتي تعرفين وضامة علية

ابتسام : اي عرفت قبل اسبوعين اتخربطت واخذوني للمستشفى وعرفت الورم راجع وثاني يوم رحت لعمج وكتلة انروح انرجعها اريد اشبع منج قبل لا اموت

فاطمة : لا تحجين هيج اني منو الي

ابتسام : الج ابو فهد يمة الرجال يحبج ويردج وشاريج وما تلكين بحنيتة ديري بالك اضيعينة من ايدج

فاطمة : بلا هل الحجي ان شاء الله اطيبين وترجعين احسن من قبل

ابتسام : ماما لا اريد اضحك عليج ولا على نفسي سمعتي الدكتور شيكول

فاطمة : ما كال شي كال سلمو امركم لله وان شاء الله تصيرين احسن بس لا تفقدين الامل

رجعنة للبيت ماما دخلت نامت اني جنت مصدومة وحايرة ما اعرف شنو اسوي رحت صليت وكعدت ادعيلها

واني اصلي سمعت تليفوني يدك شفتة ابو فهد

علي : الوو

فاطمة : الو

علي : ها خيرج بوية شو امبينة تعبانة

فاطمة : ما بية شي شوية دايخة

علي : احجي حاسج بيج شي

بس كال بيج شي كما ابجي كوة لازمة نفسي

علي : ها ها شبيج يمعودة

فاطمة : امي امي

علي : شبيها امج

فاطمة : امي مريضة راجع عليها الورم والدكتور يكول ما الها علاج

علي : ماكو شي ما الة علاج اني جاي ومن اوصل نحجي وهسه امسحي دموعج وبلا بجي