فصليه ابو فهد

الجزء السادس والعشرين

تعال الليل ماينام ،
امسح راسي خل اغفىٰ
هدوء وبالي مامرتاح ،
بالي بهوستك يصفىٰ .

بقلم الكاتبة فاتي المياح .....

---------------------------------------------------------

عفتها وصعدت اتعودت على كلامها الي يسم رحت للغرفة لكيت ابو فهد نايم والتلفزيون مشتغل طفيتة ورحت نمت بصفة على الجرباية

فتح ايدة ونمت بحضنة باسني براسي وحط اصابعة بشعري

نمت واحس براحة واني قريبة علي اتمنى ما يعوفني دقيقة احس بس هو بقالي من هاي الدنيا

كعدت الصبح ماكو رايح للدوام شفتها ب8 كمت سبحت ونزلت

فضيلة : هلا بهل الصباح شلونج اليوم حبيبية

فاطمة : الحمد لله بيبي

رسل : شوكت وصلتو البارحة

فاطمة : الساعة ب12 هيج

سجى : شلونچ فطومة

فاطمة : الحمد لله وانتي شلونچ

سجى : زينة اشتاقينالچ هواي

فاطمة : حبيبتي اني هم

سحر : بلا هل السوالف كوم اشتغلن

فضلية : الناس تكول يالله اتصبح انتي من الصباحية كوم اشتغلن

سحر : كلت يا الله عمة

كمت للمطبخ جانت احلام موجودة سلمت عليها وبوست سيوفي

احلام : انتي وزهراء وسجى ما متريگات

فاطمة : ماشي هسه اسوي ريوگ

سويت ريوگ ودخلت زينة رجلها يريد يروح للدوام اول ما شافتني

زينة : البقية بحياتج

فاطمة : حياتج الباقية

بقيت مصدومة من زينة بس كلت بلكت اتغيرت من عرفت اني مالي دخل بالموضوع مال اخوها

اتريگنة اني والبنات اجة سيوفي يأكل ويانة

فاطمة : احلام سيوفي متريگ لو لا

احلام : لا ما متريگ عوفي اني اوكلة يشلع الگلب بالاكل

فاطمة : خطية امبين جوعان راح اوكلة ويانة

احلام : خاف يشلع گلبج

فاطمة : لا بالعكس ما عندي شي

كعدت أوكل بي هو من النوع يأكل بسرعة ويترس حلكة اكل وما يبلع واخدودة إكبار ما يبين علي إذا بالع او لا

اني اسويلة وانطي بأيدة هو يأكلها وانطي چاي يشرب بس شوية لان كام يبجي على الجاي

شوية والولد غص جان حلكة متروس اكل انشحط بالجاي صار وجهة ازرق وعيونة اتدمع ما عرفت شسوي