فصليه ابو فهد

الجزء الثاني والعشرين

ياحلاتة ....
من يسئلوني الخلگ
ياهو التحبة واصرخ انتة !

الصفنة اذا مابيها وجهك
تگضي سكتة

بقلم الكاتبة فاتي المياح ......

-------------------------------------------------------------

تقريبا ساعة واجتني سارة وامها تتحمدلي

تبارك : حبيبتي الحمد الله على سلامتج

فاطمة : الله يسلمج خالة

تبارك : هسه شلون صرتي

فاطمة : الحمد الله احسن

سارة : اي عيني طبعا احسن ابو فهد بنفسة اجة اخذها ويفتر بيها ويهتم بيها

تبارك : اي غير يحبها ويهتم بيها يوم الج سارة وتلكين واحد يحبج هيج

فاطمة : هو موجود بس ست سارة ما تقبل

سارة : هم رجعنة لو يبقى اخر واحد ما اخذة لو يموت

ابتسام : اي يا يمة يحبج ويردج وشارج بعد شتردين

تبارك : ولج يمة استاذ جامعي وابن عمج ويحبج ويريدج وتكول هي تشرط واني انفذ

فاطمة : وحتى اسمائكم ملائمة انتي سارة وهو سلام بعد شتردين

سارة : لو يبقى اخر واحد ولو اموت وما اتزوج ما اخذ سلام العوينجي

فاطمة : هههههه اخ بطني ولج شكد ما يحبج ما يشيل عيونة عنج

سارة : حبتة حية وخلصت منة ما اريد اكره واموت منة

ابتسام : يا خالة شلون قسمة وحلو ليش اكو سبب

سارة : لا ماكو بس اني اكره تقبلون اعيش ويا وحدة طول عمري وما اطيق اشوف وجهة

فاطمة : خوش عوفها براحتها

تبارك : والله انتي متعافية ولج البنات كاتلات نفسهن علي كتل وانتي رافسة النعمة

سارة : يا نعمة يا نعمة حشى خلقة الله غير جنة قرد واني ادري بيج كاتلة نفسج تزوجيني والله ما اتزوج طول عمري اذا تبقين تلحين على سلام العوينجي

فاطمة : خالة عوفيها اني احجي وياها

سارة : ما اريد احجي

فاطمة : انجبي وكوميني للغرفة ما اكدر امشي

أخذتني سارة للغرفة ورحنة كعدنا وامي وامها بقن بالغرفة

فاطمة : اي ليش ما تردينة

سارة : جنت احجي هندي برة

فاطمة : ولج سارة اني اعرفج احجي احجي

سارة : والله ماكو شي بس اني ما اطيقة

فاطمة : ماشي صدكتج صدوك عود مصطفى كلتي اعرف وين شايفتة

سارة : اي ولج اتذكرت طلع صديق سلام دائما اشوفهم سوية اكثر من مرة اشوفة بالجامعة يجي على سلام