نقابة الهلاسون ( مكتمله )

دخول مفاجئ ✌️❤️🚶🏽‍♂️

السلام عليكم ورحمه الله وبركاته
ازيكم ي جدعان وحشتوني وانا وحشتكم طبعا مفيش كلام احب اشكر كل الناس اللى ردت على اخر بارت  اللى بعت على صراحه والناس اللى كلمتني من الجروب واللى خلو الموضوع اصعب جدا وعاااا رجعت ..

..

خلينا نتكلم في الجد ع طول في ناس كتير بتدايق وتزعل وتتعصب وممكن أنا منهم بس في ناس بتفوق بسرعه وتتجاوز والحمد لله أنا منهم برضو وبعرف اتوازن واتخطى اي شيء سواء حدث أو أشخاص أو حتى علاقات كامله اه الموضوع متفاوت بس عموما الواحد بقى عنده خبره حلوه اوي فالزحلقه وانا جي دلوقتي بس اشاركم شئ من خبرتي القليله

قبل كل حاجه اساس الفرج دائما هي حسن التوكل على الله والقرب منه واللى بفضله بس وقبل اي خطوه من اللى تحت دول هتقدر تعدي وتتجاوز كن مع الله وهتسلك ..

..

اول حاجه اوعي تستسلم للزعل او الحزن او تخليه يطبع على روحك وملامحك لا اطلع وغير جو وعبر او اعمل حاجه بتحبها وتريحك بس مش تعتزل الناس اللى بتحبك وبتحس وسطهم بالدفا

..

تاني حاجه اتكلم مع نفسك ايون اقف قدام مرايا كده وخد وادي فالكلام أنا أحيانا من غير مرايا بقعد ازعق مع نفسي وأقوم اعمل الصح واقنعني بس انا بحبني و كلامي فالهادف مش بشكل سلبي او مؤذي حتى لو غلطان لازم اطبط على نفسي واقويها عشان اقدر أتجاوز

..

تالت حاجه متطولش كتير ع السوشيال ومتخليش حياتك كلها في جهاز لا في حياه وفي جوانب كتير مشوفتهاش اطلع وجرب واتعامل مع الناس وناقش وزور وكن فعال في محيطك وهتلاقي تقدير كويس

..

رابع حاجه خليك عظيم فعين نفسك دائما وافتكر كل الحاجات الصعبه اللى عديتها ومتخليش اي حاجه تهزك مش بقول ابقى بارد او سوبر هيرو لا يقهر
بس بقول قدر نفسك وثق بأنك هتعدي

..

خامس حاجة مهما كان اللى حصل فهو حصل وانقضى سواء شخص زعلك أو قدر مش عارف تتقبله أو واقع ضاغط او حتى تقصير وغلط منك عدى ومش قدامك غير انك تعرف متكررش التجربه وتتعلم زي اللى بيحط ايده فالنار فيتعلم ميكررهاش وحتى لو كان في اثر أو طول اعرف انه هيبقى عادي ويتهرس فالتطويل فالزعل والضيق دا من وقتك وعلى حساب صحتك قبل اي حاجه ومش هيقدم ولا هياخر .. فطز بقى ..

..

سادس حاجه والاخيره خليك فالنقابه وتفاعل او ابعت ع صراحه لو في اي حاجه مدايقاك أو محتاج مساعده حتى ولو مفيش بنا كلام هتلاقي أن شاء الله رد ينفعك لو مش مني فمن الناس اللى هنا ..

..

الكوميكس بقى والإسئله تحت ..

..