نقابة الهلاسون ( مكتمله )

خمسه جد .. ( ساند )✌️⁩✋⁦🚶🏽‍♂️⁩

السلام عليكم

كنت كتبت ع صفحتي التانيه فاخر منشور تقريبا اقتباس
..
"أريد أن أساند الجميع، أن أترك شيئًا جميلًا و مختلفًا، و أن يبتسم أحدهم حين يذكرني."
..
يعبر عني وراق لي صراحه وبيوضح حقيقه انا عاوز اوصل لها
..
اولا انا مش ملاك ومش جدع بالصوره اللى كتير متخيلها لان في جوانب افضل تبقى مداريه ومسامح ظن وخيال اي حد لو تخطاها لما هو اسوء ..

والبارت دا دعوه ونصيحه من واحد ربما مش اهل ليها بس خدها منه علها تفيدك مش اكتر ..
..

ركز بقى ✋⁦🚶🏽‍♂️⁩

...

كون مفيش حد يقدر يساعد كل الناس صراحه والموضوع مبالغ فيه بس مش مستحيل حاجه خلتني اشارك بالكلام دا ..
..

احنا فحياة ضاغطه وسريعه بتهرس كل يوم فينا و بنضطر آسفين وعن غير قصد أحيان كتيره ندوس على حاجات حلوه فينا كونها عمله قديمه في العصر دا وعديمة القيمه فوجهة نظر المجتمع والناس ..
..
بقينا نفتقد الاخلاق الكويسه والناس النضيفه والتعامل مع الناس بدون مصالح واطماع لدرجه بقى اي تعامل مع حد مبني ع هدف ولشئ ما إلا من رحم ربي
..

المهم بعيدا عن كم الكلام المعروف دا للكل واللى الكل اتاذى ومتاذي منه  وغيره كتير ..

..

البارت دا توجيه بس عشان نبقى معاونين لبعض كلا يدعم الآخر حسب معرفتة وينصح حسب مقدرتة وبما يفيد بدون كلام سلبي او حتى مصلحه ..

..

ربنا مخلقناش عبث ولا عشان نعيش الحياه لنفسنا ومع نفسنا  ربنا رزقنا عقل واحيانا فكر أو روح طيبه أو مرحه عشان نؤدي بيها رساله و نفيد بيها الغير ..

..

العلم اللى انت شايله وبتكافح فيه دا لو منتجش عنه إفاده فعليه لغيرك يبقى ابتر صفر ع الشمال ..

..

الكاريزما والحضور الكويس لو مكانش موجه لهدف سامي هيتحول لغرور و كبر ويبهت على روحك ويخليها ممله ..

..

القدره على النصح وإرشاد الناس لو مستعملتهاش في الوصول للهدف الاخروي والحقيقي الاكبر تبقى قدره واهيه بلا قيمه ..