نقابة الهلاسون ( مكتمله )

محن الواتباد ( التحرش العاطفي )

السلام عليكم ..
الاسئله فاخر كل فقره بعدها ( !.. )

..

الغرض من البارت النصح والتوجيه وكوني شاب اعرف طرق تفكير جنسي اكتر من اي حد و الكلام هنا عموما ومش موجهه لحد بس لانه صار موضوع بايخ..

..

بصو ي جماعه في أجواء كده ملاحظها هنا مش حلوه خالص جو الكابلز والحبيبه و الغيره والمحن بتاع الولاد والبنات اللى بتحب ع نفسها بشكل معيب ومبالغ فيه والناس اللى عندها فراغ عاطفي وحابه تجرب الحب والعلاقات و ما إلى ذلك الناس اللى مش بتفرق بين التعامل كصحاب بجد والتعامل كصحاب بميوعه ومش مشكله لو لقيت نفسي اتعلقت وحبيت الشخص دا ..

..
احب بس الناس كلها تفكر بعقلها قبل ما تكلم حد أو تتعلق أو تعجب وتحب حد انها تقف وقفه بمنطق مع نفسها وتسأل ..

..

ايه اخره الكلام والتعامل دا ! ..

..

ايه الفكره فاني اتعلق بحد بيني وبينه بلاد وحواجز ولا إيه لازمة اني اقعد احصر نفسي عشان واحد بعيد عني وفعليا مش هيبقى من نصيبي !..

..

ايه الفكره فاني احب حد لسه بيدرس أو لسه مش شغال ومش واضح لمستقبله ملامح فظل أن الحياه والواقع مش افلام عربيه قديمه جو الحب اللي بيعيش ويستحق التضحيات والاووڤر دا !..

..

ايه آلفكره فالاعجاب وانا صغير او صغيره ولسه مش مهيئ لشئ ولا واعي كفايه بشخص فكاهي أو جد أو حتى الشخص الطموح دا الحالم حاليا مش مثير لشئ لأن الطموح نفسه مبقاش مضمون فوقتنا دا !..

..

المشكله فإن ندوب المراهقه والشباب بتطول ومش بتزول بسهوله والخوازيق بتاعتنا بتتحكم بشكل كبير فشخصيتنا و أفكارنا واراءنا فالناس والمحيطين بينا
اي الفكره فاني اكتسب خازوق وانا متاكد اني هلبسه فالاخر فـ ليه كل دا !..

..

المهم يعني يا ريت بجد الناس تنظم حدودها وتعرف تميز مقام وقيمة كل شخص المناسبه له من غير مبالغه أو سذاجه مش كل ما حد يكلمنا بشكل كويس أو يتجدعن معانا نندلق عليه
المفروض احنا صحاب أو اخوات وكل التعامل بيبقى في نطاق دا من غير مبالغه ومن غير تعلق ..
..

مش لازم نحب أو نتعلق حاليا في حاجات اهم فالحياه وبتسعد الواحد من غير ما نستهلك عواطفنا بشكل غلط فعلاقات ومشاكل متعدده ..

..

ويا ريت كمان نخفف الخاص مع الاغراب أو من غير ضروره مع الصحاب بالذات لو قايل الخاص ممنوع فمتبقاش كاتب الخاص ممنوع وترد على حد لو دخل خاص من غير إذن لانه من البداية محترمش كلامك ..

..
و الخاص يقل لأن في شباب باقنعه بتدخل تتكلم مع بنات والكلام بيبقى عادي وبعدين يروح لمنطقة الحب والإعجاب والمحن وللاسف في كتير بيصدق وبيضحك عليه بالوش دا وللاسف في كتير مش بيحترم العلاقات دي بعد ما تخلص ويوسخوا لبعض وشغل تجريح وتهديد وابتزاز فمنعا لاي حاجه من دي يا ريت الناس تاخد بالها وتقفل الباب دا من الاول ..

..
وفي أحيانا شباب مش رجاله بتعمل حسابات بنات وبتدخل تتكلم مع بنات وممكن ياخدوا ارقامهم او حساباتهم ع مواقع تانيه ومعلومات عنهم ويبتزوهم
ويستغلوا صغر سنهم وخوفهم من اهلهم
فلو حد خد رقمك وكلمك ع موقع تاني لازم تسمع صوته أو تعمل مكالمه تتحقق من جنسه عشان مش تحصل مشاكل ومنشاركش اي حاجه ممكن تستخدم ضددنا صور او عناوين بيوت أو نتجاوز فالمحادثات وكده ..
..

انا اسف لو الكلام هيأذي حد بس الكلام عموما لأنه زايد عن حده وفي ناس سذج كتير وناس بتستغل دا هنا ومش كله سالك ودوغري فمتتغرش فحد حتى لو كان انا ..

..

بس كده قولت اللى عندي وميت فل وعشره وفي اجزاء وعي ومواجهة للابتزاز والهكر عشان محدش يستغلك او يهددك ..

..

اللي حابب يفهم بس وجهة نظري فالكلام دا مبنية ع ايه فانا قولته من حوالي خمس سنين واكتر فبارت بعنوان الحب حرام فكتاب خربشات متناقضة ..

الكتاب من هنا Smsmzeros

..
ارجو عمل منشن ومشاركه الموضوع مع الأصدقاء ..
..
سلامو عليكو ⁦🚶🏽‍♂️⁩✋⁦☠️⁩..