رمشت سارة بعينيها عدة مرات حتي اعتادت علي ضوء الغرفة و بمجرد أن فتحت عينيها حتي ارتعد قلبها بخوف أرادت الصراخ و لكن وجود ذلك الشريط اللاصق علي فمها منعها عن ذلك .. وجدت نفسها في غرفة بسيطة اثاثها متهالك لا يوجد بها نافذة بل باب وحيد مغلق عليها ظلت تنظر حولها بخوف حتي فتح الباب علي مصراعيه ليدلف بلال و لكن كان واضعا قناعه الذي سبق و رأته به ..
بلال بهدوء و هو يقترب منها: انا هشيل اللصق ده لو طلعتي صوت هقتلك.
امأت له برأسها بخوف فأزال الشريط اللاصق بحذر فتألمت هي قليلا ليقول هو بحذر: انتي ايه علاقتك بالتعلب.
سارة قاطبة حاجبيها: تعلب ايه مش فاهمة حاجة .. ثم أكملت بتساؤل .. مش انت اللي انقذتني من اسبوع و ..
بلال ناهضا بهدوء: أيوة و ياريت متجيبيش السيرة ديه قدام حد علشان مصلحتنا احنا الاتنين.
سارة بتساؤل: انا مش فاهمة حاجة انت مين و انا بعمل ايه هنا.
جلس بلال أمامها علي ركبتيه ناظرا لعينيها بثبات قائلا: اوعديني انك مش هتقولي لحد علي السر اللي هقولهولك دلوقتي .. نظرت له سارة بعدم فهم و لكن اخذت تدقق النظر في عينيه فهي سبق و رأتها ...
و لكن جحظت عينيها عندما أزال ذلك القناع و ظلت تنظر له بدهشة و شعرت بانفاسها تتثاقل لتقول قبل أن تفقد وعيها: حح .. حسام.
تنهد بغضب و خرج سريعا ليجلب أي شئ يساعدها علي استعادة وعيها ....
..........................
كان يزن و إياس و أدهم بغرفة المكتب الخاصة ببيجاد في منزله كانوا جميعا يفكرون في تلك الأحداث بينما بيجاد يأخذ المكتب ذهابا و إيابا بغضب ..
تنهد يزن ليقول بحزم: بيجاد اهدي خلينا نتصرف.
بيجاد بغضب: اهدي ازاي و اختي معاه ها عايزني اهدي ازاي.
إياس بغضب: الموضوع زاد عن حده اوي كدة يا جماعة احنا لازم نبلغ البوليس.
أدهم بتفكير: اكيد لو بلغنا هيبقي في خطر عليها.
بيجاد بغضب: الحل ايه دلوقتي ده حيوان يطلب مني يا إما اطلق سلمي يا إما يقتل سارة.
إياس بهدوء: طب احنا بردو ازاي نضمن أنه ميعملش حاجة لسارة لو طلقت سلمي ده واحد مريض.
جاء ليزن اتصال و بمجرد أن علم هوية المتصل حتي أجاب علي الفور تحت نظرات الجميع و رد قائلا بهدوء: أيوة يا بطل عرفت أن سارة التعلب خطفها.
نظروا له جميعا بتساؤل ...
المجهول بتنهيدة: معايا متقلقش.
يزن بهدوء مضيقا عينيه: طب و الحل دلوقتي هنعمل ايه.
المجهول: دلوقتي المهمة كلها في خطر علشان اللي حصل ده احنا لغاية دلوقتي مسكنا أدلة كتيرة اوي ضدهم فا ممكن نعجل من التنفيذ.
أنت تقرأ
فداء لأخي S.O
Lãng mạnاحبها واراد التقدم لخطبتها ولكن لم يساعده الوقت ليتخذ قرار معها يغير حياة جميع من حوله دون أن يدري .. دخلت في دائرة انتقام لم يكن لها يد بها ودفعت ثمن خطأ شخص آخر فكيف ستتصرف .. ذلك ما ستعرفه خلال فصول الرواية
