إياس بغضب و هو يمسك أدهم من تلابيب قميصه : انت بتقول ايه يا أدهم انت عارف انت بتقول ايه.
جاء حسام مسرعا ليمسك بإياس: اهدي يا إياس.
إياس بغضب: اهدي ازاي انا لازم اقتلها الو*** ديه.
توجه إياس سريعا بغضب إلي غرفتها و لكنهم لحقوا به و امسكوه جيدا ...
نبيل بانفعال: اهدي يا إياس علشان نقدر نفكر.
سلوي ببكاء: لو سمحت يا نبيل خد إياس و ولادك و انزل تحت و انا هحاول افهم منها ايه اللي حصل.
أومأ لها بهدوء و جذب إياس معه للأسفل ... دلفت سلوي لتجد سلمي في احضان جميلة و الجانب الآخر تجلس بسملة تبكي ...
سلوي و هي تجلس أمامها بهدوء: قوليلي يا حبيبتي ايه اللي حصل علشان نعرف نتصرف.
سلمي بصدمة: انتي كمان يا ماما مش مصدقاني والله ما فيه حاجة حصلت.
سلوي بانفعال: طب ليه شربتي الحبوب الزفت ديه يا سلمي ها قوليلي ليييه عجبك حال اخوكي كدة يا خسارة تربيتي فيكي يا خسارة بجد.
صُدمت سلمي من رد فعلها و لم تنطق ببنت شفه ...
سلوي: ها قولي مين اللي عمل كدة انطقييي.
لم ترد سلمي بل ظلت تبكي بشدة ...
في الأسفل ...
أدهم: اهدي يا إياس هنعرف مين اللي عمل كدة و هنربيه متقلقش.
إياس بجمود: هقتله.
حسام بتساؤل: انت تعرفه يا إياس.
إياس و هو ينهض: أيوة و ربي لاقتله.
نبيل: اهدي يا بني علشان نعرف نتصرف ده مش حل هتبقي انت و اختك روحتوا فيها و هي هتتفضح كدة يعني فكرك هيقولوا قتله ليه.
سمعوا صوت من خلفهم يقول بسخرية: اولا انا جاي أتقدم لسلمي علي سنة الله و رسوله و ثانيا انت متقدرش تقتلني ثالثا بقي و ده الأهم زي ما قولتلك احنا بنحب بعض و هي موافقة.
كان إياس سيتوجه إليه لتلقينه درسا لا ينساه و لكن منعه أدهم من الذهاب بينما ظل حسام مصدوم مما حدث و يحدث ...
★★★★★★★
في قصر الانصاري كان جميع الخدم قد ذهبوا فقد انتهي دوامهم و كان سليم نائم بغرفته شعرت سيدرا بالجوع الشديد فخرجت من غرفتها ببطء حتي لا توقظ يزن و لكن يزن لم يكن نائم بل كان يجمع أفكاره و يرتب ما عليه فعله الايام المقبلة ... و لكنه شعر بتحرك في الغرفة فتح عينيه ببطء ليجد سيدرا تتسحب للخارج ... تعجب بشدة و انتظر أن تخرج من الغرفة و قام بملاحقتها بهدوء ...
وجدها تتجه للأسفل غضب بشدة ظن أنها ستحاول الهروب و لكن صُدم عندما وجدها تدلف للمطبخ ذهب خلفها ...
أنت تقرأ
فداء لأخي S.O
Romanceاحبها واراد التقدم لخطبتها ولكن لم يساعده الوقت ليتخذ قرار معها يغير حياة جميع من حوله دون أن يدري .. دخلت في دائرة انتقام لم يكن لها يد بها ودفعت ثمن خطأ شخص آخر فكيف ستتصرف .. ذلك ما ستعرفه خلال فصول الرواية
