طفلته

البارت الثاني ( طفوله )

بنات لا تنسون تصويتكم وتعليقاتكم تشجعني لا تحرموني منهن ❤🙈
...........

دائمًا عتبي على طريقة الرحيل وليس الرحيل بحد ذاته، أنامُ في غفلة وعودهم واَستيقظ فجأة وقد عزموا الغياب، حتى العتاب حرموني منه، لم أنَل منهم جوابًا واحدًا يسمو بهم في داخلي، بل هكذا كانوا يغلقون الباب في وجهك فجأة وأنت تهمّ بالدخول، بعد أن أخبروك أن هذا منزلك"
_________________
ها ام جنه هلا بيكم شنو جبتي الجهال عود كلت بالليل امرلكم اعذريني
لا خويه ميخالف بس همه اشتاقولك وجبتهم
يله من رخصتكم .. مطولت خالتي يمكن دقايق بسس
رادت تطلع جان صاحت وراها  هناء
هنا .. ام جنه بعد مقدمتلج ضايفه العرس
التفت عليها خالتي وكالت الها مشكوره واصله ضيافتج
ابو ترف الجهال امانه الله وامانتك
بوستنا خالتي وعيونها دمعت وجود موت نفسه بجي عليها وبابا شايله يسكت بي
اني بقيت اباوع بالوجوه ولا عبالك بيتنا او بيت امي مثل ما تسمي خالتي حسيت نفسي غريبه لا هذا ابوي ولا هذا بيتي
جود مستمر بالبجي نزله بابا وراح يشتريله بلكت يسكت
بابا طلع منا وهناء زمخت على جود
اووووووووي سد حلكك دوختني والله يا الله ملحكت اتهنه جابتهم شمرتهم وولت
اني سمعت هيج بسرعه رفعت عيني بعينها وخزرتها
صاحت دكومي سكتي اخوج دوخني
من ساعتها عرفت نفسي راح اعيش بعذاب وضيم
كمت لجود شلته بلكوه لان بعدني طفله وهذا الحمل فوك طاقتي بس حبيبي بس دادا شنو تريد عميه يله حبيبي لا تبجي .. سبحان الله جود بلش يهدأ شويه وخله ايده على ضفيرتي ضل يلعب بيها
اجه بابا جايب حلويات بعلاكه
كبل تلكته هناء جيبهن حياتي اني انطيهم موزين ع اسنانهم
وبابا كبل اي اي عاشت ايدج
نزلت جود وهو مجلب بيه خليت ايديب ايده ورحت لغرفتي
قبل العرس المشؤوم خالتي رتبتها ورتبت ملابسي اني وجود وعلمتني من يجوع اسويله مميه هو ياكل بس بالليل يريد رضاعه يله ينام
وخالتي نقلت جربايه جود يم مالتي وعبالك كلبها حاس انو اني رح اصير الام والاخت لجود
بدلت ملابسي وبدلت لجود وغيرت حفاظته وهو يضحك وياي
كتله مميه دادا ضل يضحك ويهز براسه دلاله على القبول
جانت الدنيا صيف المي ميحتاج احمي للمميه
عفت جود بغرفتنا ورحت اجيب بطل مي حتى اسويله مميه
واني امشي سمعت ضحكات وسوالف بابا وهناء
حجي اول مره اسمعه ماما جانت متسوي هيج شغلات كدامي ابد تكلي طفله عيب تفتحين عينج ع هيج سوالف
ركضت للمطبخ اخذت مي ورجعت وجود ع حطت ايدي
سويتله مميه وتمددت يمه وهو لزم مميته وبلش يرضع
ضليت اباوع عليه شلون عيونه بعدهي مليانه دموع
شكد صعبه عليه واني بهيج اعيش كل هالمشاعر
مادري شلون غفينه اني ويا
كعدت الصبح ع جود يكعد بيه دادا دادا
باوعت وكعدت اله ع حطتنا محد فاكدنه ولا متذكرنا اصلا
زلمت جود وطلعنا من الغرفه واشوف غرفه امي الي صارت هسه غرفت مرت ابوي مسدوده
اني جوعانه واخوي جوعان
احتاريت شسوي بدون ما احس بلشت ابجي بدون صوت ينسمع بها الوكت جود احتاج اغير حفاظته واغسل اله
خالتي علمتني شلون اغسل اله بس ممجربه
فوته للحمام وهو خطيه مجلب بيه بلشت انزع ملابسه وفتح المي شكد ما اكدر حاولت ما اخلي يزلك غسلته مره ومرتين والثالثه بالصابون حتى لتبقى بي ريحه
لفيت عليه المنشفه وهو بي طبع من يلف المنشفه يضل يضحك ويصيح خيه ههههه
شكد عشت امور صعبه بس اخوي جان مهون عليه هواي
من شفته يضحك كتله اي خيه
واحنه طالعين من الحمام انفتح باب الغرفه وطلعت هناء
اووي شها الضحك من الصبح
تعالي لج غسلي الحمام مو بس تغلسين ل اخوج بي
هزيت راسي وسكتت
كملت لجود وانطيته نص صمونه ياكل بيها
ورحت للحمام هو كلشي مبي ونظيف بس ما ادري ليش هيه ضلت تحجي وتصيح عليه
بقينا ع ها الحال شهرين ورجعت المدارس
واني متحمله مسؤوليتي ومسؤوليه اخوي
ابوي جان وجوده والعدم واحد مجرد جان موفر اكل وبيت
تغير ١٨٠ درجه
وحتى كلامه قليل ويانا يجي كبل للغرفه مكابل زوجته
ولو طلعو هم هيه حاضنته وكاعده
بلش الدوام واني صرت محتاجه ملابس للممدرسه