طفلته

البارت السادس ( لقاء )

البارت السادس ( لقاء )
السلام عليكم حبيباتي هذا بارت طويل لعيونكم
صبركم صبركم منا رح تبلش الاحداث الي الكل منتضرها 
طلبي منكم تصويت وتعليق ومنشن حتى القصه تصعد فدوه لعمركم ❤❤❤❤

_____________

أُمنيتي أوكعّ بَحضرة احضانكّ 🖤🔥،

____________

الوووو خاله فدوه الحكيلي
ام جنه .. جنت كاعده اصلي الظهر وسمعت نقالي يدك كمت اشوف منو
لكيت رقم غريب بسرعه كلبي نغزني
فتحت خط وسمعت صوتها ترجف ومبين تبجي ولج يمه ترف هاي انتي
اي خاله اني اني احجي والحجي كوه يطلع مني ينفهم وابجي بعبره كوه كاتمتها
خاله فدوه اني بالبصره
شلوووووون ؟؟؟  ويامن اجيتي هسه وينج ولج يمه احجي
خاله مادري ما اندل هسه وصلت اجيت و وحدي خاله حجيتها وحسيت بخجل وخوف
سوده بوجهج امل سوده بوجهج ولج يمه هذا رقم منو الي جاي تحجين منه
خاله هذا تلفون الرجال السايق
بسرعه بسرعه انطيني ايا  خل افتهم انتي وين حتى هسه اجيج اني وخالج ابو جنه
تفضل خالتي تريد تسئلك
الو  هلا بيج حجيه
اي حجيه اني سايق
اي بالبصره ساحه سعد
ان شاء الله حجيه
لاا على بختج امانه الله
اوك ب انتظاركم
في امان الله
اسمغ الحجي ومنزله راسي بس دموعي تنزل
خويه كولي يا الله هيه والدتج جايه بالطريق وراح ابقى هنا انتضرهم وياج حتى اسلمج الهم واكون اخليت امانتي امام الله
ام جنه .. ابو جنه الحكني كوم بسرعه
شكو شكو يا ستار
ترف ترف اجت للبصره مهزومه وهسه وصلت وحجت وياي ما تندل والسايق الله يرضى عليه باقي يمها بساحه سغد
سترك ربي ربي يله يله مشينا بس البس دشداشتي
جنت كاعده على طرف الرصيف منزله راسي والف فكره اجت ببالي هسه ابوي يدور عليه اكيد هسه انتبهو اني مموجوده شراح يكول عني جود شراح يسوي هناء شراح تكول ل ابوي وتترس راسه من بين هاي الافكار والشرود الذهني فززني صوت خالتي ولج يمه تررف
ركضت على خالتي حضنتها واني انحب بصوت مخنوك وهيه نفس الشي
سلمت على السايق هيه وخالي ابو جنه وتشكرو منه هواي لان نادرا بهذا الزمن تصادفنا ناس طيبه وتخاف الله
مشتني خالتي وياها وصعدنا السياره وصلنا لبيت خالتي وهنا جان اكو مفترق طرق لازم اختار واحد وامشي بي
ولج يمه سوده عليه شلون اجيتي شسوو بيج
خاله والله سمعت هناء تسولف على هذا العريس
اي ؟ شكالت
سولفت لخالتي كلشي اني احجي وخالتي تضرب على وجهه وخالي ابو جنه منزل راسه ويستمع اليه بس مبين عليه القهر
والله وامان الله وروح فاطم مترجعين الهم
هدي يا ام جنه كولي يا الله خل نتصل ب ابو راكان نحجيله
لاااا رحمه ل اهلك تريد اضيع بنت اختي وانطيها للكواويد عوف ابو راكان هسه كبل يكول هو ابوها واحنه حيا الله خوالها
والحل برئيج شنو ؟؟
مادري مادري بس ترف مترجع لو اعرف اموت
مترجع يابه صلي على نبيج بس اكو مشكله لازم تفكرين بيها
شنو هيه ؟؟
ابوها مو هددج انتي وراكان وكال الكم اتهمكم خاطفين بنتي ؟؟
طبه مرض العار الي مجلب بذيال مرته
يا عيني بس هدي بالج وخل نفكر بهدوء قبل لا يسبقنا ابوها ويقدم شكوى واكيد يهمج انتي وراكان و مو بعيده يتهمني
الحل شنو فهمني
ببالي نغير مكان ترف نخليها يم ناس امان وثقه وما يطلعون الحجايه منا على ما نلاكي حل
عدمن نخليها واحنه كل ناسنا تدور الزله علينه وروحها بالفضايح وهسه يطلعون الف سالفه عليها ؟
ترف .. اني بس منزله راسي وابجي بحركه بداخلي قهر وخوف ونار مشتعله هاي تاليتي واني الي جنت مدلله اللهم لا اعتراض على  حكمك ربي حسبنا الله ونعم الوكيل
ام جنه .. ماكو غيرها تساعدني وهم اثق بيها هواي وبمعزة فاطم الله يرحمها
ابو جنه .. منو هاي ؟؟
ام جنه .. ام اسامه
والله والنعم منها استعجلي خابريها شوفيها تكدر تساعدنا
ترف .. يحجون واني مثل الاطرش بالزفه كلشي مدا افتهم
_______________
ام جنه .. الو داده الحكيني فدوه اروحلج
الوو هلا بيج بعد كلبي يمه اسم الله الرحمن كولي بعد كلبي ما يردج الا لسانج شمحتاجه
ام جنه .. والله مادري شكلج بس تذكرين بنت المرحومه اختي ؟
اي اي اذكرها خير شبيها
ام جنه .. الحجي هواي يختي لازم كعده بس هسه هيه يمي مهزومه من ظلم ابوها ومرته وابوها من رحت لبغداد هددني يشتكي عليه يتهمني خاطفتها اذا اخذ ترف
واكيد هسه رح يشتكي عليه ومو بعيد يجون يفتشون البيت وماكدر ارجعها لذاك الظلم
اريد منج تخلينها يمج هالفتره بس حتى الاكي حل وادري الطلب صعب بس ماعندي احد غيرج اثق بي وائمنه على بنت اختي
ام اسامه .. ما طلبتي شي يلغاليه شاهد الله اضمها بروحي هسه راح اكعد اسامه وادزه الكم يجيبها بس كلشي يصير  لا تجين وياها خال يداهمونكم فجأة
يا بعد روحي شلون اجازيج
ام اسامه .. دكولي يا الله وجهزي البنيه
______________
ولج ماما سنيثيا مدري شسمج
نعم ماما
روحي كعدي اسامه بسرعه كوليله ماما الكبيره تريدك متخربطه
بس ماما انتي زين مو مريض
ولج شنو تحقيق روحي كعدي بسرعه
...........
اسامه .. نايم وتعبان ونعسان واجتني المدبره تكعدني اسامه ماما الكبيره مريض تريدك
كعدت مفزوع نزلت ركض كلشي ولا امي
وصلت لغرفتها شفتها على كرسيها بس الحمد الله مبين زينه
يوم انتي زينه ؟؟
اي حبيبي زينه  بس اني كتلها تكولك هيج لان ادري بيك متكعد
يوم صدك جذب هبطتيني
هسه عوف الحجي وبدل بسرعه روح لبيت ام جنه صديقتي ذيج المره وديتني الها
يوم يوم شنو المن اروح للناس ؟؟
حبيبي اكعد احجي وياك
تعرف شعور الظلم لان ابوك جار علينا هواي وظلملك هواي اذا شخص جاي ينظلم وهو يتيم الام نساعده لو نتفرج عليه؟
اذا نكدر نساعده ما نقصر
اي يوم نكدر
منو هالشخص ؟؟
بنت اخت ام جنه بعدهي جاهل وامها ماتت وابوها تزوج والدنيا وابوها جارو عليها انهزمت يم خالتها  ولان الاب مهدد خالتها طلبت مني اخليها يمنا فتره بس حتى تلاكي حل الها
حجيه ع بخت بنت مهزومه ؟؟ نساعدها بفلوس نساعدها بشغل مو نساعدها نضمها يمنا هاي مسؤوليه والدنيا تخوف احنا شنعرف عنها شمسويه ومهزمه ناهبه حابه بايكه
استغفر ربك ابني هاي اعراض ناس لا تشلع كلبي وترفع ضغطي تروح تجيبها لو لا ؟؟ حتى اذا متروح هيه اخلي هاي مدري شسمها سنيثه تروح وياي أجر تكسي واروح اجيبها
على كيفج يوم محجيت شي لعيونج كلشي اسوي وماعندي اغلى منج
بزر بطني واعرفك صاحب نخوه
يله حجيه اروح اني ابدل واطلع بس اوصل يم بابهم اتصل عليج تنطيهم خبر
صار يبعد امك محروس بالله
اسامه .. الحجي بينا اني ما ارتاح لبنيه تنهزم احسها مو راحه ووكحه لو وراها بلوه بس شسوي ل امي اوف نقطه ضعفي هيه
ام جنه .. توته كومي يوم غسلي وجهج خل اصبلج اكل هسه رح اوديج بمكان امن وابوج لو يضل طول عمره يدور ما يلاكيج
ترف .. خاله ما اشتهي
دكومي يا عيني ضربي الدنيا عرض الحايط محد يمسج لا تخافين
ترف  .. اخذتني خالتي غسلت واحس نفسي شويه ارتاحيت
صبتلي  اكل بس جنت صدك ما اشتهي اكل كوه خالتي جبرتني اكل جم لكمه
اسامه .. الو يوم انطي الجماعه خبر اني بالباب
ام جنه .. الو هلا بيج داده صدك وصل اسامه يله هسه راح اخلي ابو جنه يطلع اله
ام جنه .. كوم ابو جنه وصل اسامه بالباب اطلع خل يفوت
اسامه ..جنت واكف منتجي على سيارتي طلع زوج ام جنه سلم عليه وجلب بيه اله ادخل للبيت
دخلت ويا للاستقبال واحنه نحجي فاتت ام جنه
هلا بيك خاله اسامه معروفكم هذا ما انسا طول عمري الله يوفقك ويستر عليك ويكفيك شر الدنيا وبلاويها خاله ما اوصيك بنت اختي امانه الله ورسوله
خاله صدك جذب الدنيا بخير ما يمسها بس الهوى
واني احجي وياها كالت راح اصيحها الك حتى تتوكلون لان الوضع يخوف خاف بأي لحظه يدخل ابو البنت
صاحت عليها
يمه ترف يله تعالي
فتت واحس روحي ضايعه بملابسي من الفشله والخجل والقهر
اسامه .. دخلت بنت شابه منتبهت لملامح وجها بس جانت عبالك ترجف كتلهم يله من رخصتكم طلعت والبنت هيه وخالتها وزوج خالتها وراي طلعو
فتحت الها باب الكشن الي وره حتى تصعد
ترف .. سمعت صوت الولد ترخص من خالتي جان صوته مثل مسكن الم اليه مثل طوق النجاة مشيت واني ابد مرفعت عيني شفت فاتح باب السياره التفت على خالتي حضنتها وبجيت صعبه اروح لناس غربه بس شسوي ماكو غير حل صعدت بالسياره واني لافه نفسي لف كلشي ممبين مني حتى الشال منزلته كلش ع وجهي
اسامه ..صعدت البنت واني حركت السياره ابد مصار عندي فضول اشوف شكلها لان بصراحه اني ممرتاح لبنت تنهزم
مشيت بالسياره طول الطريق واحنه ساكتين وصلا للبيت دخلت السياره للكراج وهيه ابد مرفعت راسهه مدنكه حتى ردت اكلها تره انكسرت ركبتج  هههههه بس تالي غلست شعليه بيها فتت جوه صحت يوم تعالي هاي امانتج
عفتهم ورحت صعدت لغرفتي