طفلته

البارت الثالث ( ظلم الاقربون 🥺 )

يسعد مساكم متابعيني
تصويتكم وتعليقكم يشجعني استمر لا تحرموني منهن ❤🥺

_________

هناء.. ولج ترف ذاك اليوم حسن يكول ترف من تطلع من المدرسه عيونها زايغه
لا والله خاله ولا ارفع عيني هو ابن اخوج ميستحي
شلون ولج منو ميستحي يا صلفه
لزمتني ضربتني راشدي وصاحت
باوعي بعد مدرسه ماكو
شنوووو انتي شتحجين ؟؟؟
هناء .. مثل ما سمعتي ام الدروب
ترف .. خاله عيب هالحجي
هناء .. شنو ولج انتي تعلميني العيب
ترف .. اي عيب اني ماعندي هاي السوالف وبس يجي بابا راح احجيله على كلشي بعد ما اسكت
هناء .. شتحجين ابوج من انعل روح امج بها اليوم اشتعلت روحها
ترف .. سمعت تسب امي واني تخبلت ركضت عليها ونسيت الخوف وكلشي ضليت اضرب بيها وهيه ترد الضربه اليه واني اصيح انتي ببيت امي وتسبينها والله اليوم اموتج والله انتي وجهالج اموتكم اخذتو كلشي مني
وكتها فقدت اعصابي كلش قهر عشر سنوات كله طلعته الحجي الي جان خانكني طلعته بس وكتها جنت احجي من باب العصبيه يعني بالنهايه ولدها اخواني ومستحيل اسوي شي يئذيهم
هناء .. شلون ولج بيت امج والله لنعل ابوج لا ابو امج هذا بيتي وبيت جهالي انتم لفو وانتي مخليتج للخدمه
ولج ترف اذا ما اكسر ضهرج تمدين ايدج عليه كح ...
ترف .. عفته تصيح وركضت للغرفه وانتبهت جود واكف ورا الباب يبجي ويرجف
حضنت جود وحاولت اهدي بي واحاول اسكته
هناء .. هاي ترف تعيرني فوك ما اخذت ارمل وعنده جهال اثنين والله لكسر ضهرها واخليها تهج من البيت لو اخليها تنتحر
انتضرت ابوها يجي وجنت محضره خطه اخلي يبطلها من المدرسه ويشك بيها حتى لو يزوجها واتخلص منها
ها الله بالخير هنوه
كلبت خلقتي بوجهه وسويت نفسي ابجي
شبيج هناء شصاير الجهال بيهم شي
صخام الصخمنه ولك عباس مصيبه ووكعه على راسنا
عباس .. شكو شكو شصاير
هناء .. بنتك بنتك نزلت راسك بالكاع
عباس .. احجي ترف شمسويه
هناء .. تعال تعال لا تصيح لا ننفضح فوك صخام الوجه
سحبته ورحت للغرفه وبلشت اترس براسه بنته عدها تصرفات موزينه وتشرد من المدرسه والله يعلم وين تروح وكتله ابن اخوي شايفها تحجي ويا ولد بالشارع وتتمضحك
وكتله ردت احجي وياها وافهمها اني مكان امها كتله هجمت عليه وضربتني وضلت تفشر عليه وتكلي اله اموتج انتي وولدلج
عباس .. صدك تحجين ترف هيج سوت ولججججج تررررف
ترف .. جنت بالغرفه كاعده وكلبي ممرتاح من الي رح تسوي هناء عرفتها راح تكول ل ابويه بس مجنت اتوقع تتهمني بشرفي
سمعت صوت بابا يصيح واني ضليت ارجف عباك سعفه والريح عصفت بيه
دخل عليه للغرفه سب وغلط وطبك الحزام ونزل بيه على وجهي واديه ويصيح تردين تموتين اخوانج يا ادب سزز ولج هاي تاليها تتجاوزين على المره الي ربتج وكبرتج وهيه تريد تستر عليج
اريد ارد وادافع عن نفسي ماكدر حسيت جسمي تشكك
مادري ورا شكد انغمى عليه
ثاني يوم حسيت على نفسي واني ملابسي مشككه وصوت هوسه ببيتنا
زحفت لحد الباب لكيته مقغول
واسمع صوت هناء تحجي ويا ابويه وتكله زوجها ختولي
وبابا ما اله صوت
ضليا اتلفت بالغرفه جود ماكو ماخذينه من يمي
صوتي مدا يطلع وشعري مكفوش والضيم يا حالي
______________
اسامه .. حجيه محتاجه شي رح اطلع اتونس شويه
ام اسامه .. لا حبيبي بس لا تتاخر بالليل
اسامه .. صار حبيبه شعندي غيرج
طلعت بالسياره ومريت ل ايهم صديقي المقرب
جانت علاقتي بي اكثر من اخو يحجيلي كلشي واني هم ما اضم شي عنه
ايهم .. هلا ابو السوم
اسامه .. لك اني شكم مره اكلك لا تكلي هيج زعطوط كدامك هي اثول
ايهم .. والله احب اضوجك😂
اسامه .. دطير لك يضوجني اليوم طالبه كعده وشرب بس الحجيه شلون
ايهم .. لا يمعود تطردك ههههههه
اسامه .. هههههه فدوه لكلبها
ام اسامه تعرف ام جنه خالة ترف عن طريق الدكتور الي تراجع عنده لان ام جنه هم عدها سوفان ومفاصلها تعبانه تعرفت على ام اسامه اثناء مراجعه الدكتور
ام جنه .. الو هلا ام اسامه شلونج شخبارج اعذريني كاطعه وياج هالفتره بس تدرين بين وجنه تزوجت
ام اسامه .. هلا والله عاش من سمع هالصوت شلونج حبيبه شلون صحتج ؟
لا والله عاذرتج وادري بيج مشغوله
ام جنه ..بعد عمري يا غاليه والله احس كلبي ناغزني اليوم كلش وحسيت بضيقه وتدرين بيه اخابرج اشكي همومي عندج
ام اسامه .. يا داده شبيج شخيرج ؟؟