طفلته

البارت السابع ( نضرات )

هلو حبيباتي كلشش خجلانه منكم
بس والقران مو بيدي 😭😭😭😭
تلفوني فقد برنامج وتفرمت كلشي
وجاي اكتب كلشي من جديد 🥺😭🤦🏻‍♀️🤦🏻‍♀️
وكلش مقهوره والله الصور البرامج والضيم كلشي راح
اني من اتاخر تره عندي ظروف مو عبالك مهمله
اتمنى منكم تعذروني وتقدرون هالشي
وغير الكتابه اني عندي هواي مسؤوليات طولو بالكم وياي🥺💔

وهذا بارت طويل لعيونكم

تصويتكم وتعليقكم كلش يهموني 💋🖤

________________

-آلحُرية أن تنام ليلاً دون أن تفكر بأحد '

______________

اسامه ..اني كاعد يم امي بالصاله وعيني بتلفوني احجي اكلب بالبرامج
وامي دزت المدبره على هاي البنت تصيحها
اجت تمشي من الغرفه الي يم غرفه امي بخطوات هادئه اني عيني عليها مادري فضول او شنو بالضبط بس ردت اشوفها
وهيه تمشي وصلت يمنا دخيل الله شايله جسم يشكك شككك بكلبي كلت هاي شلون طفله
فجأة رفعت راسها وعيني اجت بعينها  اويلييي
جانت ملامحها كلش حلوه بياض وعيون سود شفايفها شكلهن كلش يغري والجسم كلشي بارز بي من ملامح الانوثه
رغم هذا كله احسها مجذبتني ابد يمكن لان شايف هواي بنات ومعاشرهن المهم من رفعت راسها شتت نضري عنها
هله يمه حبيبتي ترف طمنيني شلونج
الحمد الله خاله .. حجيتها واني مدنكه و مرتبكه شفت ابنها اسامه الي جابني من بيت خاله ومتت بدمي من الفشله يعني شنو ها الوضع الي اني بي حسبي الله على الي جان السبب بهذا وضعي .
يله يوم نروح ؟
اي حبيبي يله تعالي ترف
خاله والله ماله داعي ممحتاجه شي ( حجيت واني خجلانه )
دتعالي خل نتونس هسه خالتج وعزمتج
سكتت ومشيت يمها ابنها طلع كدامنه واني دفعت الكرسي رغم هيه مقبلت طلعنا للكراج وصلتها للسياره
اجه اسامه فتحت باب الصدر الها وساعدها بحركه خفيفه وخلاها على الكرسي بالصدر .. مبين متعود يمكن يطلعها ويعرف شلون يصعدها يمه اني صعدت ورا هو طبك الكرسي مال امه وخلاه بصندوك السياره وصعد
اسامه .. انتبهت عليها من تحجي ويا امي صوتها هادئ وناعم وابد مترفع راسها بداخلي هواي اسئلها هاي البنيه شنو وراها
اخذتها هيه وامي و اول شي وديتهم للتايم سكوير اني امشي وهيه تدفع ب امي كتلها عوفي اني ادفع بس امي الله يسلمها فشلتني كدامها وكالت لا خلي ترف تدفعني
حجت وياي الوالده واحنه بالسياره كالت من نوصل للمول ودينا محلات ملابس نسائيه اني هم مكلت لا اوصلهن للمحل وابقى واكف يم الكاشير منتضر وتفوت هيه وامي واباوع عليها كلشي متختار وامي تأشر الها اخذي هذا وهذا وهيه متعترض
تالي غابن عن عيني يمكن فاتت تقيس  ورا نص ساعه اجن حاسبت وطلعنا و مشينه شويه وهم وكفتني امي يم محل بس كله ملابس نوم وملابس داخليه وكالت انت ابقى هنا باوعت ع ترف وجهاا صار بلون الفراوله ههههههه كلت بكلبي امي ولا تستحي البنيه خجلت  هم انتضرتهن واجن حاسبت بس مشفت شنو جابن هههههه
ام اسامه .. ها وليدي خو ما جاي نتأخر عليك ؟؟
اسامه .. لا حبيبه صدك جذب خادم زغير الج هههههه
ام اسامه .. يبعد روحي محشوم انت الغالي بس يمه شوف النه محل شالات
اسامه .. صار حبيبه هسه نشوف بالطابق الثاني بس خل اصعدكم بالمصعد .
ترف .. من دخلنا للمول شفت مكان بحياتي مشايفته و اليوم اول مره بحياتي اطلع واشتري ملابس من كبرت لليوم من جنت ببيت ابوي جانت هناء هيه تجيلي كل سنه قطعتين او تلاثه اليوم حسيت ب احساس البنت من تطلع ويا امها صح خاله ام اسامه مو امي بس والله اليوم عشت مشاعر وجعت كلبي شكد ما حلوه اني بطبعي قنوعه بحياتي ما جنت اتشرط او اطلب جبت عمري ساكته وقنوعه بالي عندي
خاله وين ماكو محل ملابس او شغلات نسائيه تفوتنا بي وتكلي اختاري اني ساكته لان استحي شختار واني اقرا الاسعار على كل قطعه ناار من شافتني هيج كالت معليج بس قيسي
ضلت تختار تراكات بس مو ضيقه لا مرتبه اخذتلي ٤ تراكات واخذتلي دشاديش هيه تسميهن دراتات خليجيه يخبلن كلش مشايفه منهن اكلها خاله شدعوه  تكلي دسكتي هو اني اليوم طايره من الفرح عندي بنيه واختار الها ملابس والله ولا انطي فرحتي لااحد
سكتت وعيوني دمعت كلت معقوله هيج حنينه عليه وهيه اليوم عرفتني حتى محاجين هواي وابوي الي هو بسببه انولدت بهاي الدنيا جان يعاملني بكل قسوه الدنيا ؟؟
بقينا من محل لمحد الى ان وصلنا لمحل ملابس داخليه يبوووو هنا متت خجل وضل وجهي ينطي الوان والله فشله عود اهمس الها خاله ماريد وهيه ولا عبالك
فتنا للمحل واخذتلي ملابس للنوم عباره عن دشاديش قصيره وكلها رسومات شكد حلوات واخذتلي ملابس داخليه بكلبي احجي شكد خسرتهم اليوم والله عيب
حتى شالات اختارتلي ومبقت شي محتاره شتجيب وشتبقي
همست الها خاله عفيه كافي
ام اسامه .. لج يوم متكليلي شبيج صار قرن ممطلعني هذا الملعون
ترف .. تحجي وتسمع اسامه واني حسيت راسي دخن من الخجل
اسامه .. ها يوم هيج الحجي ههههههه يله ميخالف تمونين يالغاليه
ام اسامه .. يابعد عمري لا والله ما مقصر مالي عليه الدنيا لو بس الله يهديك على ذاك الموضوع جان اني بخير
اسامه .. لا على بخت راح نتخارب ههههههه يله اذا كملتو حتى نروح نتعشى
ام اسامه .. اي حبيبي كملنا
ترف .. همه يحجون ويتشاقون واني كل شويه افكار الخوف تهجم عليه واحس الدنيا هاي الجبيره ضايقه بيه
اوف ربي رحمتك
كملنا مشترا او بالاصح خاله كملت كلشي وطلعنا للكراج الي بي سياره اسامه اني بالي مو يم الي دا يصير كله اخاف من باجر اخاف من فكره ممكن ابوي يلاكيني اخاف على خالتي ام جنه خاف صدك يشتكي عليها هواي افكار مخليتني امشي بين الناس بس جسد
اسامه .. اخذتهن لمطعم الطازج يصير بالجزائر كلش احب اكل بي وهم اعرف الوالده تحب معجناتهم وصلنا وصعدنه للطابق مال العوائل
صارت كعدت ترف يم الوالده واني مقابيلهن
مادري كل شويه عيني بدون ما اقصد تخطف عليها النظر جانت كلش هادئه ومتحجي ولا تبتسم
كلت للوالده يله شنو تردون نتعشى كالت بكيفك هنا تعمدت سئلت ترف وحجيت وياها حتى امي انصدمت مني
اسامه .. ترف شنو تردين اطلب الج ؟؟
ترف .. جنت كاعده ومنزله راسي والعب ب اصابيعي بحركه توتر على غفله حسيت اسامه يحجي وياي ويسئلني شنو اطلب الج اول مره بحياتي احس نفسي خرسه اريد اكوله شبعانه شكرا حسيت الحجي ميطلع ابد بقيت ساكته ومسويه نفسي ممنتبه او مسمعت لان والله ماكدرت ارد
اسامه .. احجي وياها مترد شكد قليله ذوق وادب بها اللحظه تمنيت اسحلها سحل بس اوف يا امي الي من اول يوم فتحت كلبها وبيتها لهاي
غلست عنها او تجاهلتها طلبت اكل على ذوقي تعشينا والخاتون تنقش تنقش بالاكل عود تستحي وهيه مهزومه بكل صلافه هه
رجعنا للبيت واني اول ما نزلت والدتي عفتهن وصعدت لغرفتي دايخ اريد ارتاح واصلا بعد يومين لازم التحق تخلص اجازتي
ام اسامه .. حبيبتي ترف هاي الملابس وشغلاتج كلهن رتبيهن وفوتي اخذي دوش زيحي التعب عنج وخلي سالفتج على الله ونامي ولا تفكرين
ترف .. خاله والله خجلانه منج وماعرف شنو اكولج
ام اسامه .. يووو هم بجت لج امي شو روحي سوي مثل ما كتلج وعوفي البجي يله تصبحين على خير ونوم العوافي .
ترف .. الله يعافيج خاله
فتت للغرفه واباوع ع الملابس وكل الشغلات الي اشترتهن خاله ام اسامه اليه شكد حسيتها طيبه وحنينه
كمت اخذت دشداشه مال نوم مريحه ومنشفه وملابس داخليه وفتت للحمام الي بالغرفه سبحت وطردت كل الافكار الي مخوفتني من راسي لان صدك تعبت خلص ماريد افكر اريد راسي ساعه يصفى مليت
اسامه .. صارت ساعه ١ بالليل خابرتني ساره
ساره .. الووو حبي مشتاقتلك متكدر تجي يم بيتنا اشوفك شويه
اسامه .. هلو ساره لا ماكدر تعبان جنت طالع
ساره .. ويا منو طالع ؟
اسامه .. لجججججج لتنسين نفسج انتي منو وتحاسبيني ؟؟
يله ولي . سديت الخط بوجهه
للي ميعرف ساره راح احجيلكم عنها
بنت مسيحيه كلش متحرره تحبني بجنون مسلمتني نفسها لا ابعد حد تعرفت عليها بلبنان جنت هناك سياحه وهيه جانت ويا والدتها عدها علاج هنا
ما انكر البنت كلش حلوه بياض على شقار  والجسم عبالك مرمر من كد ما صافي جذبتني اول ايام علاقتنا بس بعدين ضليت اسحب نفسي منها يمكن لان سلمتني نفسهه واكثر من مره واني ماحب البنت الي تنطي نفسهه للرجال بسهوله
ساره ليل نهار تخابر وتدز مسجات وحتى مرات تجي للبيت وتددك تكلي اني برا تعال لو ادك الباب وافوت
كلش كرهت جرئتها وعدم محافظتها على كرامتها هالشي محلو للبنت وينزل من قيمتها
ردت اغير مودي كلت اروح اشرب بس خاف الحجيه تلكفني وتزعل تعوذت من الشيطان وبطلت
مادري ليش اجت ببالي هاي المهزمه اريد اعرف شنو سالفتها كلت لنفسي لازم باجر اعرف كلشي وشرط منها هيه لان مبقى شي والتحق شلون ائمن على والداتي بغيابي ؟؟
___________________
لااا بابا فدوه لتزوجني والله مو خوش رجال بااااباااا عفيه لا تضربني
اااخ عفيه عوفني والله ممسويه شي اااخ بابا  عوووفني عووووفني
ترف .. فزيت من النوم واني مرعوبه وجسمي كله يرجف وحتى دموعي نازله جنت احلم انو ابويه لكاني وكعد يضرب بيه ويريد يزوجني اووووف الحمد الله طلع حلم
حاولت ارجع انام بس اشتاقيت لجود هسه جود شلونه ؟؟ شكال عني خالتي ام جنه شلونها اوف اريد اعرف شسوه ابوي
تعوذت من الشيطان ورجعت نمت .
___________
صباح اليوم الثاني جان يوم احد
ام جنه .. الوو هلا بيج داده شلونج ام اسامه فدوه طمنيني ترف شلونها وينها نايمه كاعده اعذريني مخابرتج من الصبح بس والله بكلبي نار عليها
ام اسامه .. الوو هلا بيج كليبي ههههه دكولي صباح الخير يختي لا والله مو هاي المرجيه منج تخافين على ترف وهيه عندي ؟؟
امانه الله ورسوله بنية اختج والله
ام جنه .. يا بعد روحي اعذريني بس والله ما تدرين البارحه شصار
ام اسامه .. خير يا ستار شكو شصاير ؟؟
ام جنه .. ولج داده غير ابوها كالب بغداد كلب عليهه وخابر اخوي ابو راكان يكله بنتي عدكم انتضر ٢٤ ساعه وتلاكوني يمكم
ام اسامه .. يااا خل يولي شعليج ترف دخيله عندي وما انطيها لو اعرف تصير مذابح
ام جنه .. اووف والله ادري بيج كول وفعل
ام اسامه.. دصبري خل اصيحها تحجين وياها ويرتاح بالج
سنيثيه ولجج يمه سنيثيه بس لا نايمه
ترف .. فزيت الصبح ع صوت خاله تصيح العامله اني نسيت نفسي لابسه دشداشه نوم وقصيره ركضت لغرفه خاله خفت على بالي بيها شي .
اسامه .. الصبح كعدت على صوت امي تصيح واصلا اني جنت هستوني اريد اغفى خلصت الليل اتكلب واتصالات
نزلت ركض خايف على امي كلت بس لا هاي المهزومه سوت الها شي والله اله اشعلها شعل
واني نازل وشفت الضيم كدامي طالعه من غرفتها وممنتبه اني نازل الشعر اسود مفتوح وطاير وراهه من تركض والرجلين عبالك مرمر يلمعن من البياض والزنود طالعه
مدريت شسوي اركض ل امي لو ارجع بفشلتي لان ضيت بترف مسويه شي
جانت كلش حلوه عيون ناعسه وملامح تخبل العاقل
اكيد كل ها المواصفات ومهزومه عدها علاقه هههه اوو يمكن علاقات .
قررت ارجع للغرفه مالتي مدام تاكدت هيه ممسويه شي
ترف .. هاا خاله فدوه بيج شي ؟؟
ام اسامه .. ههههه ياا شنو هالصباح الحلو صح النوم امي لا والله مبيه شي بس ردت هاي العوبه حتى تكعدج تالي صوتي كعدج
ترف .. صباح النور خاله اعذريني مسلمت بس خفت عليج من سمعتج تصيحين
ام اسامه ..دتعالي كعدي يمي هاج خالتج على الخط
ترف .. خالتي صددككك حسيت بفرح وخوف  بنفس الوقت
الوو هلو خاله شلونج
ام جنه .. هلا بريحه الغاليه شلونج توته طمنيني ولج يوم كلبي نار عليج
ترف .. خاله اني زينه والله وخالتي ام اسامه حايره شسوي اليه والله
خاله فدوه ابوي خو ما سوالج شي احجي وبلشت الدموع تنزل
ام جنه ..لج يوم دسكتي شيسوي ؟؟ شنو قابل طافرين على مرته يا يمه لو بكنه قاصته والله خوش فوك شينه كوات عينه
لتخافين احنه كلشي ما علينه وديري بالج على نفسج وعلى خالتج ام اسامه وانتضري مني اتصال ماشي توته ؟؟
ترف .. اوك خاله ماشي
ام اسامه .. ديله ماريد دموع بعد جوعانه اني كومي خل نتريك بس بدلي ملابسج خاف ينزل اسامه يشوفج ويجلب هههههههههه
ترف .. من حجت هيج خاله احس راسي دخن من الخجل يبوووو هاي اني شلون طلعت هيج ؟؟
هاا خاله والله ممنتبه خفت عليج واجيت ركض
ام اسامه ..يمه فدوه للي تخاف عليه
ترف .. رجعت للغرفه وبدلت دراعه خليجيه ولميت شعري ولبست شال توضيت وصليت وطلعت لغرفه خاله لكيت العامله تساعدها تغير ملابسها
كلت الها عوفيها اني اساعدها
فوتتها للحمام وغيرت ملابسها وعطرت جسمهه و لبستها المحرم مالتها وكالت اريد اصلي بس عدلي الكرسي مال الصلاه جان مصمم الها حتى ما تتعب صلت دفعتها ورحنه للمطبخ والعامله مسويه الريوك هذا كله واسامه نايم مشفته
بقيت محتاره اريد اسوي شي ممتعوده على الكعده كالت خاله خل نطلع للحديقه اني وياج
طلعنا وبلشت اسولف الها عن حياتي وعن كلشي يخصني واحنا نسولف اندك الجرس كالت خاله يمه افتحي الباب
فتحت الباب وهنا جانت الصدمه

_________________________
يتبع ع ع ع ع

انتضروني  احبكم هوايه