حب في التصنيف

البارت الاول❤

ازيك يا ليلو عامله ايه، (كان ذالك صوت ميرا )
ليلى : كويسة الحمدلله وانتي عامله ايه يا حبيبتي
ميرا : تمام ياقلبي الحمد لله يلا نستعد للشغل بقا
ليلى: تمام يلا روحي انتي علشان شكل كده جايلك زبون
ميرا : تمام يلا سلام
ثم ذهبت للمكتب، ثواني ثم طرق باب المكتب
ميرا : اتفضل
دخل زياد ، زياد : السلام عليكم
ميرا : وعليكم السلام ....اتفضل
زياد : كنت عايز اعمل فرح في جنينه فيلا عندي
ميرا : تمام انت العريس
زياد : لا صراحة انا اخو العروسة
ميرا : والعريس والعروسة مجوش هما ليه يعني علشان يقولي النظام والديكور بنفسهم
زياد : ماهو الحقيقة ان العريس مسافر وهيرجع قبل الفرح بيومين والعروسة الي هي اختي هي الي بعتاني اقولك على الديكور والتصميمات
هزت ميرا راسها بتفهم : تمام
زياد : ان شاء الله تيجي علشان تشوفى المكان بنفسك علشان تعملي التصميمات
ميرا : تمام
زياد : اتفضلي العنوان اهو ودة رقم تلفوني وان شاء الله تبقى تيجي بكرة في الميعاد الي يعجبك رني عليا بس وقوليلي قبلها
ميرا : تمام
زياد : تمام سلام
ذهب زياد ودخلت عليها ليلى
ليلى بفرحة : ميرا حسام فركش خطوبته
ميرا : وانتي فرحانة كده ليه يا ليلى ميفركش ولا يخطب احنا مالنا
ليلى : اعملي نفسك مش عارفه الي فيها بقى
ميرا : يا ليلى يا حبيبتي قولتلك قبل كده حسام شيلي من دماغك خالص
ليلى : وانا فعلا عملت كده ومردتش اعمل اي حاجه وعملت حساب انه خاطب، واكملت بفرحة : لكن دلوقتي خلاص هو فركش ومبقاش في عائق
ميرا : بس يا ليلى ده واحد لسه طالع من علاقة و لو اخدك في نفس الوقت ده هياخدك سد خانة مش اكتر وافتكري اني بقول لو ده حصل فعلا واتقدملك ولكن مع الكلام الي انتي قولتهولي قبل كده مظنش انه يفكر فيكي بالطريقة دي
ليلى بحزن : اعمل ايه يا ميرا كل ما يكلمنى يقولي انتي زي اختي لدرجة اني ببقا نفسي اصرخ في وشه واقول لا انا مش زي اختك لكن برجع وبسكت ولما خطب اتوجعت اوي يا ميرا وانا اهو بقولك ان انا مش هسيبة تاني وهخلي يحبني باي طريقة
سمعوا صوت من خلفهم : انسه ليلي
لفوا له، ليلى بهمس لميرا : يا نهار ازرق
قالت ميرا : ايوة يا استاذ حسام فيه حاجه
حسام : لا ابدا بس كنت بدور على انسة ليلى في مكتبها ملقتهاش فقلت اكيد هنا وانا اسف اني دخلت بس الباب كان مفتوح واسف لو قطعت عليكم حاجه
قالت ليلى بتوتر من ان يكون سمعها : لا مفيش حاجه تقدر تروح وانا هاجي وراك
حسام: تمام وانا بعتذر مرة تانية من الي حصل بعد اذنكم
ثوانى وخرج حسام، تنهدت ليلى : يا نهار خايفة ليكون سمعنا
ميرا : لا مظنش انه سمع حاجه
ليلى: يا رب يا ميرا يا رب
ميرا : طب خلاص روحي شوفي انتي شغلك وشوفيه كان عايز ايه
ليلى : تمام
ذهبت ليلى ، وفي الخارج
طرقت ليلى باب مكتب حسام
حسام: اتفضل
دخلت ليلى : ايوه يا استاذ حسام حضرتك كنت عايز ايه
حسام: بصراحة كنت عايز اخد رايك في تصميم كده
ليلى وهي تشير على نفسها : رايي انا
حسام : اها لو معندكيش مانع يعني
ليلى بسرعة: لا مانع ايه احم قصدي اتفضل
ثم شاور لها على صورة وشرح لها ما كان سيفعله وما يريد تغيرة
حسام: ها ايه رايك
ليلى بتفكير : والله هو الي كنت هتعمله حلو بس الي هيغيرة ها يخليه احلا وكمان لو حطيت دي هنا، ثم بدات تشاور له على الصورة وتقول رايها
ليلى: ها ايه رايك وبراحتك برضو
حسام: بصراحة فكرتك عجبتني جدا وان شاء الله هعملها
ليلى بإيماءة : ان شاءالله، حضرتك عايز حاجه تانيه
حسام : لا تسلمى وشكرا على المساعدة
ليلى : الشكر لله، ثم قالت صحيح سمعت انك فركشت خطوبتك
تنهد حسام بحزن : اه
ليلى: معلش هو انا ممكن اسأل سؤال فضولي شوية
حسام: اتفضلي
ليلى : هو ايه الي خلاكم تفركشوا وانا بعتذر لو السؤال هايضيقك
حسام: لا مفيش مضايقه ولا حاجه بس كان في مشاكل بين مامتي ومامتها لغايه ما مامتها قالت ان احنا نفركش الخطوبة، ثم تابع كلامه بحزن : وهي طبعا وافقت علشان مامتها اختارت مامتها وسابتني
قالت ليلى بقلق : كنت بتحبها
حسام : كفاية لغايه هنا يا انسة ليلى معلش مش عايز اكلم في الموضوع ده تاني
هزت ليلى راسها بتفهم: تمام بعد اذنك
________________________
خلصت ميرا عملها وقررت ان تذهب إلى المنزل
ميرا وهي تطرق باب مكتب ليلى
ليلى من الداخل : ادخل
دخلت ميرا، ميرا : بقولك يا ليلى انا مروحه عايزة حاجه
ليلى : لا ياقلبي سلامتك وانا كمان شوية وهروح اصلا
ميرا : تمام يلا سلام
ليلى : سلام
____________________
عادت ميرا الى المنزل
ميرا : ازيك يا ماما عامله ايه
مامتها : كويسة يا بنتي وانتي عامله ايه
ميرا : تمام الحمد لله
ثم القت بجسدها على الاريكه ، ميرا : ياااه الواحد محتاج ينااام
مامتها : ينام ايه يا بت قومي في عريس جايلك انهاردة
ميرا باستغراب : عريس وجايلي انا انتي بتهزري يا ماما ولا ايه
مامتها : بهزر ايه يا زفته انتي بقولك في عريس جايلك بليل هو واهله علشان تتعرفوا على بعض
ميرا بضيق : ومين قالك بس يا ماما اني عاوزة اتجوزت دلوقتي
مامتها : ومش عايزة تتجوزي دلوقتي ليه يا روح امك انتي فالحه بس تجوزيلي في الناس وانتي كل ما يجيلك عريس ترفضيه وبعدين ابوكي خلاص اده كلمة للراجل وهو جي هو وامه ويلا انجزي علشان تجهزي نفسك
ميرا : ماشي يا ماما
دخلت ميرا غرفتها ثم جلست على السرير، ميرا : يا ربي هو انا الي هتجوز ولا هم دول زي ما كون بيعرفوني من باب العلم بالشئ هو انا ماليش لازمة للدرجادي
ثم طلعت التليفون ورنت على صديقتها ليلى، ميرا : ازيك يا ليلى عامله ايه وروحتي ولا لسه
ليلى : كويسة الحمدلله واديني روحت من شويه، مال صوتك في اية
ميرا بضيق : مفيش يا ستي ماما جيبالي عريس وجاي بعد شويه هو وامه وماما كتر خيرها حبت تعرفني
ليلى : خلاص يا ميرا متضايقيش قوي كده وبعدين دي مجرد قاعدة تعارف يعني محدش هيفرض عليكي حاجه
ميرا : المشكلة يا ليلى ان محدش خد راي من قبلها
ليلى: خلاص يا ستي معلش انتي تبقي تطلعي وتشوفيه مش يمكن يكون كويس
تنهدت ميرا : طب تمام هقفل معاكي علشان الحق البس
ليلى: تمام يا حبيبتي سلام
ميرا : سلام
اغلقت ميرا مكالمتها مع ليلى ثم نادت عليها مامتها، مامتها : خلصي يا ميرا ابوكى جه وبيقول الناس جاية دلوقتي
ميرا بصوت عالي من الداخل: حاضر يا ماما
ثم اتجهت إلى الخزانة لتحضر الملابس التي سوف ترتديها وبعد ان انتهت من تجهيز نفسها
ثوانى وسمعت جرس الباب ، فتحت امها : يا مرحب يا مرحب ايه النور ده كله
نيرة ام العريس وهي تنظر إلى الشقة بكبرياء : ازيك يا ام ميرا
مامة ميرا : ازيك يا حبيبتي اتفضلي اتفضلي ...
اتفضل يا بني نورتو والله
ابو ميرا : ازيك يا نيرة هانم
نيرة بكبرياء : ازيك يا سعيد (ابو ميرا)
سعيد : انا تمام الحمدلله ، ثم وجهه كلامه العريس : ازيك يا محمد عامل ايه
نظر له محمد من اسفل قدمة الي راسة ( نظرة استحقار) : تمام الحمد لله
نيرة : امال فين العروسة
سعيد : هتيجي اهي .....الشاربات يا ام ميرا
ذهبت ام ميرا لميرا الي غرفتها: يلا يا بت الناس برة مستنينك
ميرا بتافف : حاضر يا ماما جاية اهو
ام ميرا : يلا خدي طلعي الشربات
اخذت منها ميرا الشربات وذهبت الى الخارج
نيرة وهي تنظر نظرة تقييم لميرا : امم حلوة زي ما ابني قال عنك
اتحرجت ميرا من كلامها : شكرا يا طنط
نيرة بقرف : طنط ....لا طنط ايه اسمي نيرة هانم
اتحرجت ميرا اكتر واصبح وجهها كحبة الفراولة: احم اسفة يا نيرة هانم
نيرة : اقعدي ياحبيبتى وقفة ليه
نظرت ميرا لابوها هز راسه بالموافقة جلست ميرا بجانب اباها
قالت ام ميرا : طب ايه مش هنسيب العرسان لوحدهم شوية ولا ايه
سعيد : لا ازاي تعالي يا نيرة هانم نقعد في الليفنج روم ونسيبهم هما شوية
قامت نيرة بتكبر كالعادة: يلا
ذهبوا جميعا ولم يبقى الا ميرا ومحمد
ميرا : احم....بتشتغل ايه
محمد بتكبر : بشتغل في شركة انا بشرف على مجموعة من المهندسين
ميرا في سرها : ده شكله هو وامه تنكين
ثم قال هو : واني بتشتغلي ايه
ميرا : انا بشتغل في مكتب تجهيز الاعراس
محمد بتكبر: بتجوزي الناس يعني
ميرا بضيق : اها
محمد : طب بصي عموما احنا لو اتجوزنا وانا بقول لو وتحمدي ربنا لو نولتي الشرف واتجوزتي من عيلة الشامي
ميرا في سرها : صبرني يا رب وكل ده علشان الشامي امال لو كان زلابية ( نوع من الحلويات) كان هيعمل ايه
فاكمل قائلا :هنقعد مع مامي في الفيلا
ميرا في سرها : احية هو الي انا سمعته ده صح ده بيقول مامي اذا كان وانا طفلة مكنتش بقول مامي
، ثم قالت بصوت عالي : وليه نقعد في نفس الفيلا ما نجيب حتى لو شقة يعني لو مش معاك فلوس
نظر لها محمد بقرف : مش معايا فلوس انا معايا فلوس تشتري عيلتك كلها بس انا علشان مش عايز اسيب مامي لوحدها
نظرت له بضيق وبغيظ وهي تضغط على اسنانها وتقول في سرها : صبرني يا رب
ثم اكمل محمد قائلا وطبعا لو اتجوزنا ونولتي الشرف مش هتروحى شغلك ده تاني
قالت ميرا وهي تضغط على اسنانها: ليه بقى
محمد بكبرياء وغرور : انا مراتي متشتغلش في القرف ده
قالت ميرا بصوت عالي : لا بص بقا اذا كنت سكتالك من بدري فانا عامله احترام انك قاعد في بيتي ولامك الوالدة تنكة هانم لكن انت تخطيط الحدود والي بيتخطى حدودة معايا، ثم امسكت بفازا وكسرتها في الجدار الذي كان بجانبها واكملت قائلة: بيتعاقب والي بيتخطى حدودة معايا بيحصلة ايه ، قال هو وهو يعود للخلف وهو جالس على الاريكه ويبتلع لعابه بخوف: ب..بيتعاقب
عند والدي ميرا ،ونيره (ام العريس) سمعوا صوت شئ ما ينكسر بالخارج فخرجوا سريعا ليروا ماذا يحدث ثوانى وشهقت نيرة بعنف : ابني

__________________________

متنسوش التعليقات
رايكم حلو اكمل ولا لا
توقعاتكم
اسفة لو في اخطاء املائية
بقلمي : ريم احمد
دمتم بخير سلام