حب في التصنيف

البارت الخامس❤

لا تدع القراءه تلهيك عن ذكر الله
سبحان الله والحمدلله ولا اله الا الله والله اكبر ولا حول ولا قوه الا بالله العلي العظيم *"اللهم صلي وسلم وبارك علي سيدنا محمد صلاه تنحل بها العقد وتفك بها الكرب وتقضي بها حوائجنا وتفتح لنا بها ابواب الفرج والرحمه يارب العالمين ♥🌸"*
____________________________
ذهبت ميرا الى مكتب ليلى ولم تجدها استغربت كثيرا ثم نظرت بجانبها وجدت باب مكتب حسام مفتوح ،فتحته ميرا لترا هل ليلى بالداخل عند حسام ولكن بعدما فتحت الباب صدمت مما رأت
ميرا بصدمه : ايه ده انتوا بتاكلوا من غيري
ليلى بإبتسامه : جيتي في وقتك.... يلا تعالي كلي
ميرا بهزار وتمثيل : لا لا لا مكنتش اتوقع منك يا صحبيتي يا عشرة عمري بقا بتاكلي مع حد غيري ومين.... استاذ حسام
حسام بإبتسامه: انا مكنتش هاكل لكن هي الي اصرت عليا
ليلى وهي تتظر له بصدمه وهزار : ايه ده بعتني كده من غير ولا قلم
ميرا بفخر : عيب عليكي هيبتي سبقاني
حسام : طيب جماعة بعد اذنكم بقا علشان عايز اكمل شغلي ومش فاضي دلوقتي
ميرا انحنت على ليلى وهمست في أذنها : ايه ده هو بيطردنا ولا ايه
ليلى بنفس همسها : تقريبا كده .. المهم يلا نمشي احنا
ميرا وقد ارتفع صوتها دون قصد : ايه ده هو انا عماله اطرد انهارده كده ليه
حسام وهو ينظر لها : نعم
ميرا بإحراج : لا مفيش ، ثم سحبت ليلى معها، ميرا : يلا احنا يا ليلى ، ثم نظرت الى حسام، ميرا :بعد اذنك ، أومأ لها حسام بالقبول، خرجت ميرا وليلى وذهبوا الى مكتب ليلى، ميرا بحاجب مرفوع: ممكن افهم ايه الي وداكي عنده
ليلى بتوتر : م مفيش كنت جعانه فطلبت دليفري فقولت ياكل معايا
ميرا وهي تدور حولها كالظابط الذي سوف يكشف السارق، ميرا : ويا ترى ايه الهدف من الحنيه دي بقا
ليلى بتوتر: ع عادي يا ميرا هو انا عملت مصيبة يعني
ميرا وهي تنظر لها وتضيق عيناها : امم... لا يا ليلى معملتيش مصيبة واتمنى تبطلي تعملي الي في دماغك علشان ساعتها ممكن فعلا تحصل مصيبه وساعتها انتي الي هتضري وانا مش بقولك كده علشان مش عايزاكى تكوني مبسوطة بالعكس انا اكتر واحده عايزاكى تكوني مبسوطة بس ده هيوديكي لطريق مظلم انتي مش عارفه نهايته.. بلاش يا ليلى .. ابعدي عنه
ليلى بدموع : مش هعرف يا ميرا صعب الواحد يبعد عن حبيبه عادي انا معاكي ان هو لسه مش بيحبني بس انا مش هعرف ابطل احبه يا ميرا مش هعرف اقول لقلبي بطل تدق للشخص ده... مش هعرف يا ميرا ، احتضنت ميرا وجهه ليلى بين كفيها ومسحت دموعها وقالت بهدوء: انا حسه بيكي يا ليلى وعارفة انه صعب بس على الاقل حاولي... انتي صحبتي يا ليلى وانا مش مستعده اشوفك بتتأذي قدامي فلو كنت بعمل أي حاجه فتأكدي انه علشان مصلحتك مش عايزاكى تزعلي مني يا حبيبتي
ليلى : انا عمري ابدا ما ازعل منك
ابتسمت ميرا : طب ايه هنفضل كده كتير ولا ايه.... لا انا مش متعوده منك على كده
ابتسمت ليلى وابتعدت عنها : خلاص انا كويسه المهم روحي انتي شوفي شغلك بقا
كشرت ميرا :لا بقا مش معقوله كده دي تالت مره اتطرد انهارده
ضحكت ليلى: يلا بقا معلش
ابتسمت ميرا :تمام يا ستي يلا سلام
______________________________
هدى بإبتسامه : بس كده يا ستي هو ده الي حصل
تقى بإبتسامه مماثله : طب والله طلع كويس وجنتل وشهم و......
هدى بغضب خفيف قاطعتها قائلة: ايه يا حاجه انتي كفايه مش شايفه انك بتتكلمى على شاب
تقى بأستغراب : بس دي مش اول مره اتكلم على شاب لكن اول مره انك تتعصبي كده، ثم ابتسمت وقالت بخبث : ولا يكون قلبك مال يا هدهد
هدى بتوتر : ايه الي انتي بتقوليه ده هو انا لحقت اعرفه اصلا
تقى بخبث : امم ما هو باين
هدى في محاولة لتغيير الموضوع: المهم انتي شغلتيني بالموضوع ده وكده هنتأخر على المحاضراة يلا بينا ، تقبلت تقى تغير هدى لمجرى الحديث وذهبت معها دون ان تفتح الموضوع ثانيا
__________________________
عادت ميرا الي منزلها والقت التحية على عائلتها وذهبت لتغيير ملابسها ثم تناولت الطعام مع عائلتها في جو يسوده الحب والمرح انتهت ميرا وعائلتها من الطعام اخذت تنظف المائده من فضلات الطعام التي عليها ونادت على والدتها اثناء ما هي تعمل ردت عليها والدتها ، والدتها : نعم
ميرا : بصي كان في واحد كان جايلي في الشغل علشان فرح اخته المهم ان هو عزمني وانا لا اعرفه ولا اعرف اخته ولا اعرف اي حد من عيلته اصلا بس فا ايه رايك اروح ولا ايه
والدتها : بس هتروحى على ايه يا بنتي وانتي زي ما قلتي ماتعرفيش لا العروسه ولا العريس ولا اهل العروسة حتى
ميرا في محاولة لإقناعها : اصل هو قلي انه هيعرفني على اخته بالمره
ضحكت والدتها : والله انتي مستوعبه انتي بتقولي ايه
ضحكت ميرا ايضا : بصراحة انا اصلا مش مستوعبه بس قولت اروح اهو اخرج شوية وبعدين انا لو رحت مش هروح لوحدي هاخد ليلى معايا
والدتها : والله مش عارفه يا بنتي قولي لي ابوكي
ميرا : ماما انتي عارفه ان بابا ممكن ميرضاش
والدتها : يبقا ساعتها تسمعي كلامه
ميرا برجاء : ماما بلييز قوليله انتي وحاولي تقنعيه
اتنهدت والدتها : ماشي يا ميرا لما اشوف اخرتها بس عندي شرط
ميرا :انتي تؤمري
والدتها وهي تنظر لها :تؤمري امم شكل موضوع المرواح ده مهم بالنسبالك، اتكسفت ميرا، اكملت والدتها : عموما يا ستي شرطي انك تنظفي المطبخ
ميرا بتذمر :دي اسمها استغلاليه علفكره
والدتها : بقى انا مستغلة... ماشي شوفي مين بقا هيقنع ابوكي
اتى والدها ثم قال بأستغراب : تقنعيني بإيه
ابتسمت ميرا بتوتر : ل لا مفيش، ثم قالت محاولة تغيير الموضوع : انا هعملك شاي مش انت عايز شاي صح قول قول متتكسفش طيب انا رايحه اعمل، وقبل ان تذهب نظرت لوالدتها نظرة رجاء اخيره وذهبت ، استغرب والدها حالها كثيرا ثم نظر الى والدتها وقال : مالها ميرا في ايه
ابتسمت والدتها ثم اقتربت منه : لا مفيش....بقولك يا حاج هو انا ممكن اطلب منك طلب
ابتسم سعيد (والد ميرا) : اتفضلي
_______________________
انتهت ميرا من التنظيف ثم جلست بغرفتها منتظره والدتها تخبرها اوافق ام رفض
طرقت والدتها الباب ، ميرا : ادخل ، وما ان رات والدتها حتى جريت عليها وسألتها بلهفة :ها وافق
نظرت لها والدتها بخيبة امل قالت : انا اسفه يا بنتي
قاطعتها ميرا وقد علمت من ملامحها الحزينه : متكمليش رفض صح، ابتسمت والدتها وقالت بفرحه : ابوكي وافق، ميرا بفرحه: بجد ، ثم اكملت : كده يا ماما تدخلي عليا الدخلة دي في الاول
ضحكت والدتها : جربي من الي بتعمليه فينا ده شوية
ميرا بفرحه: ماشي مش مهم المهم انه وافق
والدتها بخبث :امال قولي لي يا ميرا انتي مهتميه اوي بالموضوع كده ليه
ميرا بتوتر : مفيش عادي
والدتها : تمام يا ميرا هسيبك المرادي.... المهم يلا اطلعي بره
ميرا بصدمه : لا اطلع ايه انا مش هطرد رابع، ثم نظرت الي غرفتها واستكملت حديثها : وبعدين دي اوضتي علفكره
نظرت والدتها الي الغرفة وتذكرت قائلة : اه تصدقي صح يلا يا بنتي معلش بقا.. ثم قالت وهي ذاهبة إلى الخارج : انتي هتنامي دلوقتي ولا لسه شوية
ميرا : لا شوية وهنام
تذكرت والدتها شئ ما وقالت : صح يا ميرا، ميرا : نعم، والدتها:هو امتى الفرح ده وفين
ميرا : هو بعد بكره في ***
والدتها :تمام تصبحي على خير
ميرا : وانتي من اهل خير
هاتفت ميرا صديقتها ليلى وبعد ان سلموا على بعض وبعد كثير من الكلام بينهم
ميرا :بقولك يا ليلى ايه رايك تيجي معايا فرح كده
ليلى بإستغراب : فرح مين
ميرا : فاكره الي قولت لك اني هروح معاه اشوف المكان انهارده
ليلى: اه ، ميرا : هو فرح اخته وعزمني وقولت لاهلي هنا ووافقوا ... ها ايه رايك
ليلى : ........
_____________________________
رايكم حلو ولا لا
توقعاتكم
اسفه لو في اخطاء املائيه وبعتذر عن تأخير البارت
بقلمي ريم احمد
دمتم بخير سلام 👋