حب في التصنيف

البارت الثالث❤

لا تدع القراءه تلهيك عن ذكر الله
سبحان الله والحمدلله ولا اله الا الله والله اكبر ولا حول ولا قوه الا بالله العلي العظيم *"اللهم صلي وسلم وبارك علي سيدنا محمد صلاه تنحل بها العقد وتفك بها الكرب وتقضي بها حوائجنا وتفتح لنا بها ابواب الفرج والرحمه يارب العالمين ♥
________________________
كان هناك احد يسير بالسيارة ويتحدث بالهاتف
=ايوه يا زياد
=لا لسه موصلتش
=تمام لما اخلص هبقا اكلمك
=بقولك يا زياد اقفل معايا دلوقتي اشوف في ايه
=سلام
راى شابان يتعرضان لبنت ويقفان امامها وما ان راها حتى نهى مكالمة مع اخيه ثم ترجل من سيارته وذهب ليرى ماذا يحدث
=في ايه يا شباب
الشاب الاول : اركن انت دلوقتي خالص واتكل على الله مش ناقصين قرف
=انت بتكلمني انا كده يلا
الشاب الاول : اه بكلمك انت كده ولا مش عاجبك يا روح امك
=لا ده الي هيحصل فيك دلوقتي هو الي مش هيعجبك يا روح امك
وما ان انهى كلامه حتى انقض عليه باللكمات اسرع الشاب الثاني لينقذ زميله من تحت ايدي هذا الرجل
حدث كل هذا تحت اعين هدى التي كانت مصدومه مما يحدث ، ولكن ثوانى واتاها صوت ذالك الرجل الذي انقذها من هؤلاء الشابين
= بصوت عالي: اركبي العربية بسرعة
ولكن هي مازالت جامده مكانها لا تتحرك
هو بزعيق : بقولك اركبي بسرعة
وما ان انهى كلامه حتى استفاقت هي من صدمتها وذهبت لتركب السيارة كما امرها
ثواني وكان الشابين ملقيان على الارض، وبعد ان انتهى منهم ذهب ليركب سيارته ثم انطلق بها
هو : انتي كويسة ......حد منهم عملك حاجه
هزت هدى راسها نافيه ، ثم قالت: انا اسفه اني عطلتك
هو: لا ولا عطلة ولا حاجه المهم انتي بخير، ثم استطرد قائلا : صحيح انتي كنتي رايحه فين
هدى : انا كنت رايحة الجامعة
هو : جامعة ايه
هدى : جامعة ***
هو : تمام
وبعد أن وصلوا إلى الجامعة
هدى وهي تنزل من السيارة : شكرا جدا ليك وانا اسفة مرة تانية على تعبك معايا
هو : مفيش داعي للشكر و زي ما قولتلك من شويه مفيش تعب ولا حاجه
هزت هدى راسها ونزلت من السياره واغلقت الباب خلفها، ثم ذهبت داخل الجامعة، هدى في سرها وهي تكاد تبكي: يا رب زماني اتاخرت والدكتور هيطردني
ثم صارت تمشي بسرعة حتى دخلت المدرج ولم تجد الدكتور حمدت الله في سرها ثم رات صديقتها تقى ذهبت اليها وجلست بجانبها
تقى : ازيك يا هدى اتاخرتي كده ليه
هدى : كويسة الحمدلله لا ده انا حصل معايا مغامرة هبقى احكيلك بعدين المهم امال الدكتور اتاخر كده ليه مش عوايده ده انا كنت متوقعة اني هلاقي موجود ويطردني زي العادة
ضحكت عليها تقى : لا يا ستي عموما الدكتور مشي من الجامعة دي وراح جامعة تانية وفي دكتور تاني هيجي بداله بس مش عارفه اتاخر ليه من اولها كده باين انه مش منتظم في مواعيده ، وما ان انهت كلامها حتى دخلت الدكتور ، ثم قال : السلام عليكم
كانت هدى تنظر إلى تقى ولكن ما ان سمعت صوته حتى لفت وجهها اليه سريعا ثم قالت : احييه
_________________________
رنت ميرا على هاتف زياد بعد ان اخذت رقمه من الكارت الذي اعطاها اياه
رد زياد قائلا : السلام عليكم
ميرا : وعليكم السلام يا فندم انا الي جتلي المكتب امبارح علشان الفرح الي كان ...
وقبل ان تكمل كلامها قاطعها زياد قائلا : اه اه افتكرت
ميرا : طيب حضرتك اجي علشان اشوف المكان امتى
زياد : دلوقتي لو عايزه
ميرا : تمام... المكان فين
زياد : في ***
ميرا : تمام سلام
وبعد ان انتهت ميرا من المكالمة اخذت حقيبتها وذهبت لمكتب ليلى وطرقت باب المكتب
ليلى: ادخل
فتحت ميرا الباب وادخلت راسها وقالت: بقولك يا ليلى انا ماشية اشوف المكان الي قولتلك عليه
ليلى: تمام يا حبيبتي سلام
ميرا : سلام
اغلقت ميرا الباب واستقلت تاكسي لتذهب للمكان
وبعد ان وصلت اعطت السواق المال و وقفت امام الفيلا تنتظر زياد، دقائق و رأته ينزل من سيارته متجها اليها
زياد: السلام عليكم اسف لو اتاخرت عليكي
ميرا : لا عادي
نده زياد على البواب ليفتح باب الفيلا ثم دخلوا
ميرا بفضول: معلش سؤال هي دي ڤيلتك
زياد : لا دي ڤلة العريس
ميرا : اه قولت ازاي برضو هتعمل الفرح في ڤيلتك الي هي بتاعة اختك برضو فيها المفروض عند العريس يعني
زياد : اه ..... اهي الجنينه ، بدا يشرح لها ما يريده ثانيا واخذت ميرا تدرس الڨيلا جيدا وبعد ان انتهوا
ميرا : تمام ان شاءالله الناس هتبدأ تشتغل فيها انهاردة ولا تحب نبدأ امتى
زياد: تمام انهاردة مفيش مشكلة
ميرا : تمام وان شاء الله على المعاد الي اتفقنا عليه هتلاقيها جاهزة
زياد: تمام.... كنت حابب اعزم حضرتك
ميرا باستغراب: انا
زياد: اه
ميرا : بس بصفتي ايه
زياد: صاحبة العروسة
ميرا : بس انا معرفش العروسة اصلا
زياد: اهو بالمرة تعرفيها
استغربت ميرا ولكن ذهبت خارج الڤيلا
زياد وهو يلحقها : ها ما مقولتيش موافقة
ميرا : والله مش عارفه يا فندم بكرة هبقا ارد عليك
زياد: تمام ..... تحبي اوصلك
ميرا: لا شكرا هركب تاكسي
زياد: طب اعتبري ان العربية تاكسي وانا السواق
ميرا بامتعاض :لا شكرا
زياد : براحتك
ركب زياد سيارته وانطلق بها
وقفت ميرا تنتظر اي تاكسي ولكن للاسف لم تجد مرت نصف ساعة وهي على حالها نظرت ميرا في ساعتها وقالت : اف يارب مفيش تاكسي واحد حتى معدي سبحان الله لما اعوذ تاكسي ملاقيش ولما اكون مش عاوزه تكسيات البلد كلها تكون قدامي
اتى زياد بسيارته امامها وقال : اركبي انتي اديلك كتير واقفة ومفيش تكسي عده
ارادت ميرا ان تركب معه ولكن تراجعت وقالت : لا علفكرة في تكسيات كتير عدو بس انا الي مرضتش اركب
زياد : امم بجد
ميرا : اه وشكرا لعرضك عليا المساعدة
زياد: تمام سلام
ذهب زياد بالسيارة مره اخرى وانتظرت ميرا اي تاكسي ولم تجد مر اكثر من نصف ساعة ومازالت واقفة مكانها تنتظر ولكن لمحت سيارة زياد تقف امامها مجددا
زياد: اركبي
ميرا : انا......
قاطعها زياد قائلا : خلاص مش عايزه اسمع حاجه تعالي اركبي
رفعت ميرا حاجبها : بس انا مش عايزه اركب
زياد: يا بنت الناس مفيش تكسي عدى لغاية دلوقتي والله اعلم هيعدي امتى وغلط وقفتك لوحدك كده
ميرا : ملكش دعوة
ثوانى وسمعت ميرا صوت كلاب يتنازعون وخافت منهم بشده ثم رات كلب منهم ياتي عليها وما ان راته حتى جريت على السيارة وركبتها بسرعة ضحك زياد عليها نظرت له بغضب وقالت: علفكرة بقا انا مكنتش خايفة بس انت صعبت عليا من وقفتك بالعربية في الشارع علشاني فا من اخلاقي مردتش اوقفك اكتر من كده
زاد ضحك زياد عليها ثم قال :يا سلااام
استدارت ميرا وجهها الجهه الاخرى وقالت : اه ويلا بقا علشان متاخرش اكتر من كده
وما ان انهت ميرا حديثها حتى انطلق زياد بالسيارة
_________________________
طرقت ليلى باب مكتب حسام
حسام : ادخل
دخلت ليلى
ليلى: ازيك يا استاذ حسام
حسام: الحمدلله يا ليلى انتي عامله ايه
ليلى: تمام الحمد لله.... احم بصراحة طلبت اكل فا قولت لو ما اكلتش تاكل معايا ايه رايك
حسام: تمام وانا فعلا ما اكلتش الصبح
ليلى بهزار : يعني عرضي جه في معاده
ابتسم حسام : اه فعلا
ليلى : طب ثوانى هجيب الحاجات من المكتب واجي
ذهبت ليلى لتجلب الطعام دقائق ودخلت مكتب حسام ووضعت الطعام على المكتب
ليلى: يلا سمي الله
حسام : بسم الله
ثم بدأو يتناولون الطعام
ليلى : هو انا ممكن اكلم معاك
حسام باستغراب: ما انتي دايما بتتكلمى معايا ايه الي جد
ليلى بحرج: احم لا مش قصدي... قصدي احنا بنتكلم كا اتنين بيشتغلوا مع بعض لكن قصدي ممكن نتكلم كاصدقاء يعني
حسام: اكيد
ليلى : ممكن تحكيلي عن علاقتك بريهام كانت عامله ازاي ... هل كان في حب ما بينكوا .... هل كنت بتستريح معاها
حسام :.........

________________________
رايكم في البات
توقعاتكم
اسفة لو في اخطاء املائية
بقلمي ريم احمد
دمتم بخير سلام 👋