حب في التصنيف

البارت الثاني❤

لا تدع القراءه تلهيك عن ذكر الله
سبحان الله والحمدلله ولا اله الا الله والله اكبر ولا حول ولا قوه الا بالله العلي العظيم *"اللهم صلي وسلم وبارك علي سيدنا محمد صلاه تنحل بها العقد وتفك بها الكرب وتقضي بها حوائجنا وتفتح لنا بها ابواب الفرج والرحمه يارب العالمين ♥🌸"*
___________________________
شهقت نيرة بعنف: ابني ...... ايه الي انتي بتعمليه ده ميرا بلا مبالاة: لا ده احنا كنا بنتفاهم بس
صاحت نيرة : لا ده احنا شكلنا جايين نتهزق هنا هتوقع ايه من واحدة لوكل زيك ... يلا يا محمد
حرك محمد راسه لاعلى واسفل بالقبول وذهب سريعا الى الخارج خوفا من ميرا، ذهبت نيرة واغلقت الباب بعنف خلفها
والدة ميرا : ايه الي انتي عملتيه ده ميرا
ميرا : الله ...واحد وكان عايز يتوقف عند حده فقلت اعمل حاجه تفيد الوطن
والد ميرا (سعيد) : بس احنا من امتى بنعامل ضيوفنا كده يا ميرا مهما كان الضيف وحش مينفعش بنعمل كده
ميرا : اسفه يا بابا ، ثم اكملت بضيق : بس ده ما يمنعش انه يستاهل
والدة ميرا: عوضي عليك في تربيتي دي يا رب، ثم شاورت على قطع الزجاج المكسورة في الارض وقالت : ده يتلم دلوقتي حالا فاهمة وبعدين تروحي تروقي المطبخ
ميرا بمضض : حاضر هغير هدومي وهاجي
ذهبت ميرا لتغيير ملابسها و ما ان انتهت حتى ذهبت لتفعل ما امرتها به والدتها ثم قالت وهي تنظف وهي تكاد تبكي : حسبي الله ونعم الوكيل فيك يا محمد يا ابن ام محمد اشوف فيك يوم انت وامك
__________________________
ليلى : ازيك يا منى عامله ايه
منى (اخت ليلى) وهي تسلم على ليلى :كويسة الحمدلله .... اومال ماما فين
قالت والدتها وهي تاتي من الداخل: ازيك يا منى عامله ايه يا حبيبتي وعيالك وجوزك عاملين ايه
منى لوالدتها: تمام يا ماما الحمدلله
والدتها : امال عيالك فين
منى : وادتهم النادي وقولت اجي اقعد معاكوا شوية
طب ادخلي يا منى واقفين ليه
منى بهزار : اصل ليلى مش عايزه تقعدني
ليلى بتشوار على نفسها بعدم تصديق: انا
منى بهزار : ايوه حصل ، حصل ولا محصلش يا ماما
والدتهم بدعاء : ربنا يهديكم على بعض يا رب
منى وهي تشاور على والدتها وبهزار : شوفتي بتقولك حصل
ليلى: تمام يا ستي هعتبرك اختي الكبيرة وهعديها
منى وهي تحييها: الله يكرم اصلك يا ام الكرم
ليلى : يلا يا ستي عدي الجمايل
والدتهم : طب يا بنات هروح انا اعملكم عصير
ليلى : لا يا ماما خليكي انتي انا هروح اعمل
منى وهي تؤكد على كلام ليلى : ايوة صح يا ماما خليكى انتي ليلى هتروح تعمل
ليلى وهي تضرب منى في كتفها بهزار : يا عم انتي هتتعازمي على غيرك
منى : الله وان متعازمتش عليكي اتعازم على مين يا ليلو
ليلى : تصدقي عندك حق
منى : شوفتي ... روحي بقا
ذهبت والدتهم الى الداخل وقالت : يا ربي بتعامل مع عيال صغيرة
جلست ليلى وقالت منى : ها ايه اخر الاخبار
ليلى بعدم فهم : اخبار ايه
منى : حسام
ليلى : فركش
منى بفرحة : ده بجد
ليلى: اه
منى : مالك مش حساكي فرحانة كده
ليلى: والله انا كنت فرحانة
منى : وايه الي حصل
ليلى: مش عارفه اعمل ايه يا منى وبعدين في شكله شكله بيحبها
منى بتعجب : اومال فين كلامك لما قولتي يفركش خطوبته بس وانا مش هاسيبه وهعمل المستحيل وكل الكلام ده
ليلى: وانا فعلا مش هسيبه بس...
منى : بس ايه يا ليلى انتي دلوقتي بقا قدامك الطريق مفتوح مش تقفي تتفرجي لغاية ما يتقفل تاني يا ليلى وانتي فاهمه قصدي
ليلى: فاهمه يا منى فاهمه
دخلت عليهم والدتهم بالعصير وبعض القطع من الكيك ثم قالت : ها بقا يا ستي احكيلي عامله ايه مع جوزك وعيالك
___________________________
دخلت هدى غرفة حسام
هدى : ازيك يا سحس عامل ايه
حسام : ازيك يا هدى
هدى : حسام انت لسه زعلان على موضوع فركشة خطوبتك انت وريهام
حسام : والله مش زعلان عليها قد ما زعلان على الي حصل، انا طلعت مش هاممها اصلا
هدى : خلاص سيبك منها يا سحس...انا اصلا مكنتش بطيقها
حسام : سيبك منى انا المهم جامعتك هتبدا امتى
هدى : الله طب وليه سيرة النكد دي
حسام وهو يضربها على راسها بخفة: نكد ايه يا زفته انتي
هدى بحسرة : اد ايه الاحترام نعمة، ثم اكملت قائلة: على العموم يا سيدي هي هتبدا بكرة ان شاءالله
حسام وهو يزقها من على السرير : تمام امشي بقى علشان عايز انام
هدى : الله انا بتطردني
حسام : اه
هدي : تسلم احب يلا سلاموز
________________________
في الصباح
استيقظت ميرا وعملت روتينها وادت فريضتها ثم ارتدت ملابسها ، وخرجت من غرفتها قائلة: صباح الخير يا ماما
والدتها: صباح الخير يا حبيبتي يلا علشان تفطري
ميرا : امال فين بابا
والدتها: باباكي فطر وخرج من شوية
ميرا : تمام
خرج اخوها من غرفتة قائلا وهو يتثائب : صباح الخير يا جماعه
ميرا ووالدتها: صباح النور، قالت ميرا : امال انت كنت فين امبارح ياض يا احمد
احمد بقرف : ياض...يا شيخه اتقي الله في الفاظك
ميرا : الله .....شوف الواد ، ثم قالت : انت نسيت ياض انت اني كنت بجيبك من تحت بي......
كتم احمد فمها سريعا ثم قال : جرا ايه يا ميرا يا حبيبتي انتي هتسيحيلي ولا ايه
شالت ميرا يد احمد من على فمها ثم قالت : ما قولنا نحترم نفسنا من الاول.....ناس ماتجيش الا بالعين العسلي ، ثم قالت : بس برضو مقولتش انت كنت فين امبارح
احمد : كنت في الدروس ياختي
ميرا وهي ترفع حاجبها : دروس ايه الي تقعد بعد الساعة واحدة بليل
احمد وهو يجز على انسانة : جرا ايه يا ميرا يا حبيبتي متخليكي محضر خير امال
ميرا وهي تضيق عينيها : اممم هبحث على الموضوع ده بعدين .... المهم عايزة اروح اكل بسرعة علشان كده هتاخر
احمد بصوت واطي : اللهي تشرقي
ميرا : سمعاك يا كلب
بلع احمد ريقه بتوتر : لا ده انا بدعيلك يا حبيبتي
انتهت ميرا من الطعام ، ثم قالت : ماما انا ماشية عايزة حاجه
والدتها: لا يا حبيبتي سلامتك
ذهبت ميرا الى عملها
خبطت ميرا على باب مكتب ليلى
ليلى : ادخل
ميرا : ازيك يا ليلو
ليلى: كويسة يا حبيبتي الحمد لله، انتي عامله ايه
ميرا بمرح : عملت شوية فشار امبارح يستهلو بوقك
ابتسمت ليلى : تسلميلي يا قلبي
ميرا : رنيت عليكي امبارح مردتيش
ليلى : اه اختي كانت عندنا امبارح فا معرفتش اكلمك وبعد ما مشيت الموبايل فصل شحن
ميرا بمرح : تمام يا ستي هعفو عنكي
ليلى بابتسامة: اتشرف بان مولاتي عفوت عني
ابتسمت ميرا ثم تابعت كلامها قائلة: هروح اشوف انا شغلي و اه صحيح همشي علشان المفروض اروح اشوف المكان الي هيتعمل فيه الفرح انهاردة
ليلى : تمام انتي هتروحى دلوقتي
ميرا : مش عارفه لسه هشوف
ليلى: لما تعرفي تبقي تبلغيني تمام
ميرا و هي تذهب إلى الخارج : تمام، يلا سلام
ليلى: سلام
_____________________
استيقظت هدى بالصباح وعملت روتينها وادت فريضتها و ارتدت ملابسها ثم خرجت من غرفتها، رات حسام يخرج من غرفته ايضا و كان مرتدي ملابس العمل : صباح الخير يا سحس
حسام : صباح الخير يا هدى .. صباح الخير يا ماما
والدته : صباح الخير يا حبيبي
هدى: صباح الخير يا ماما
والدتها : صباح الخير يا حبيبتي..... يلا علشان تفطروا
حسام : لا انا مستعجل ومش هقدر اكل
والدته : يا حبيبي كل اي حاجه
حسام : تسلميلي معلش مش هقدر
والدته: تمام يا حبيبي براحتك
جلست هدى تتناول الطعام وقالت بمرح : خلاص يا ماما هعوضلك انا اكل حسام
والدتها : ده الي هو ازي بقا يا فلحوصة
هدى بابتسامة متسعة: هاكل لينا احنا الي اتنين
حسام : انا قولتلك قبل كده يا ماما اخلص منها ومن غبائها عارضتيني
ضحكت والدتهم عليهم : ربنا يهديكو على بعض ياحبيبي
قبل حسام يديها : امين يا ست الكل، ثم قال : امال بابا مشي من امتى
والدته : من ساعة كده ولا حاجه
حسام : اها .... انا همشي بقا، ثم وجه كلامه لهدى : هتيجى معايا يا هدى اوصلك الجامعة ولا ايه
هدى والطعام في فمها : لا روح انت انا هروح لوحدي حسام: تمام ، ثم قال لها بمرح : وكفاية لغ ها كفاية لغ
هدى : بصي يا ماما ابنك بيبصلي في اللقمة ازاي
والدتهم: يا ربي حسه اني مخلفة اطفال
حسام: طب يلا امشي انا بقا سلام
والدته وهدى : سلام
وبعد ان انتهت هدى من الطعام :ماما انا ماشية سلام والدتها: سلام يا حبيبتي
خرجت هدى من البيت واستقلت تاكسي للذهاب الى الجامعة ، ولكن في نصف الطريق اوقف السائق التاكسي
هدى باستغراب : في ايه
السائق : معلش يا بنتي العربية عطلت مني
هدى : يعني ايه انا كده هتاخر على الجامعة
السائق: معلش يا بنتي خدي اي تاكسي من هنا
هدى بحزن : وانا هلاقي تاكسي ازاي هنا
السواق : متزعليش يا بنتي اتمشي شويه لقدام وانتي هتلاقي
هدى:تمام، ترجلت هدى من التاكسي واعطت السواق بعض الورقات المالية واخذت تمشي بسرعة كي لا تتاخر اكثر من ذالك ، ثم رات شابين يقفان بجانب بعضهما متكئين على احدى العربات ،الشاب الاول :ما تحن يا قمر وهطلعك القمر
الشاب الثاني: صاروخ ارض جو يا اسطا
ثم اخذت تسرع في خطواتها ولكن وقفوا امامها و...............
_______________________
توقعاتكم
رايكم في البارت
متنسوش فوت وكومنت
اسفة لو في اخطاء املائية
بقلمي ريم احمد
دمتم بخير سلام 👋