بنات العطار

البارت السادس عشر

اما ندي كانت تتمشي وهيا تتذكر كل ما حصل معاها اليوم واتجهت امام.. البحر وجلست.. وهيا تزفر وقالت: كان مستخبيلك فين كل ده يا بنت الجبالي.. ايه اللي انا بقوله ده الافلام لحست مخك يا ندي.. ولا ايه فوقي كده 
ثم تذكرت مكالمه المحامي لها وعندما ذهبت اليه وقدم لها مظروف به جواب.. لها شخصيا وقال ان يسلمو لها بعد وفاته بشهرين وعليه.. ان يفتح الوصيه وصدمت عندما قال ان والدها.. كتب كل مايملك من اموال والعطارة بأسمها هيا... اطلقت تنهديه وهيا تقول:

ليه يا بابا كده بس تكتبلي كل حاجه حق اخواتي فين بس انا لازم ارجع حقك الاول من عمي الكلب وبعدين ارجع حق اخواتي تذكرت الرساله ومدت يديها داخل حقيبتها وهمت بأخدها حته شهقت بفزع عندما وضع شخص يديه علي كتفها وهو يقول:ممكن اتكلم معاك شويه لو مش هيديقك..

رفعت ندي عينها لترى من هذا الشخص وانصدمت واردفت:هو انت عاوز ايه انت كمان جاي تقولي خطيبك المستقبلي عشان تبقا كملت.

مازن بضحك: لا جاي عشان حاجه تانيه

ندي برفعت حاجب: وتطلع ايه الحاجه التانيه دي هو انت ولا صاحب بيجو من وشكو غير المصايب

مازن وهو يجلس بجانبها: ممكن توفري لسانك الطويل ولماضتك دي شويه وتسمعيني.

ندي وهو تنظر للبحر: اتفضل قول الكلمتين بتوعك عشان تمشي

مازن وهو يزفر: انا جاي عشان اقولك تدي لمروان فرصه تسمعيه وتحبيه

هبت من علي الكرسي ووضعت يديها في خصرها: نعم نعم يا عنيا احب مين الوقح.. ده انسان بارد وقليل الادب وهو بقا باعتك تقول الكلام ده ليا

مازن بضحك علي شكلها: انتي هتردحيلي الله يكون في عونك يا مروان.. بيحب واحده مجنونه وهبله وبعدين هو مبعتنيش.. ولا حاجه انا اللي.. جاي بنفسي

ندي بغضب: يا اخي حبه برص اخرص هو اللي زيه بيعرف يحب.. اصلا وحسن ملافظك.. معايا ياض انت

مازن: انا مش ياض اسمي مازن ها مازن

ندي: وانا اعمل ايه باسمك الوقتي اطلعلك بطاقه

مازن: اللهم اطولك يا ررررروح انتي ايه يا شيخه سحب كف يديها واجلسها بجانبه وقال: اتهدي بقا واسمعي اللي هقوله

ندي: متمسكش ايدي تاني عشان مش توحشك

مازن: يعني همسك ايد الملكة ديانا اسمعي بقا

ندي بتأفاف: قول خلصني

مازن: والله العظيم مروان مش وحش.. مروان من اللي شافه في حياته وطفولته هو اللي خلاه.. كده مش هقولك معملش حاجه.. لا عمل كل اللي يخطر علي بالك بس حقيقي.. مشفتش فيه تغير غير لما انتي ظهرتي في حياته.. وهو حاله اتظبط

ندي: وانت بتقولي الكلام ده ليه بقا

مازن: عشان مروان بيحبك وانتي الوحيدة اللي فتح قلبه ليها بعد.. ما كان قفلو من سنين.. وانتي الوحيدة اللي قدرتي تعملي اللي غيرك مقدرش.. يعملو تغيريه بعد مكانت حياته.. كلها نسوان وشرب وسهر.. بس من يوم ما شافك وهو اتغير معتش بيسهر.. ولا بقا في نسوان ولا شرب.. مروان اهلو ماتو في وقت هو كان محتاج حنان امه.. عليه حضنها تعرفو الغلط.. من الصح