بنات العطار

البارت التاسع

اما داخل كوخ قديم مظلم لا يوجد به ضوء غير مصباح صغير.. ويوجد شخص يجلس علي كرسي بأنتظار الجنرال..
وقفت سيارت مروان ليترجل منها مروان ومازن واتجه لداخل الكوخ ليفتح الباب..ليري الشخص الجالس يقول له: اهلا اهلا ياجنرال..

مروان ببرود: حمدل علي السلامه يا خالد

خالد: الله يسلمك يا جنرال اديني جيت زي مطلبت مني..

ليتقدم مروان ويسحب كرسي ويجلس عليه ويضع قدم علي قدم ويقول:
اقعد يا خالد ومتنساش.. انا نزلتك عشان ايه

ليسحب هو الاخر كرسي ويجلس عليه امامه ويقول: عارف...عارف

مروان: يبقا خلينا في الشغل اللي انا منزلك عشانه.. وقولي.. ها عرفت حاجه ولا جايلي وشك زي افاك

خالد: هو انا لحقت ده كان اول يوم ليا النهارده محصلش حاجه لسه بس اللي عرفته ان زين بنبش وراك..

مروان ببرود وهو يزفر دخان من سجارته في الهواء: معلومه قديمه غيرو..

خالد باستغراب: طب لما انت بتعرف كل حاجه اومال باعتلي ليه...وعاوزني ابقا وسطهم..

مروان بسخرية: الظاهر ان عقلك طار وفوت بسبب النسوان ومعتش بتعرف تفكر..

خالد بغضب وهو ينهض من علي كرسيه : طب وليه الغلط بقا ها..

مروان :اقعد مكانك وخلي غضبك.. ده لوقته عشان هنعوزه بعدين... واترزع عشان افهمك لانك معتش  بتفهم..

خالد وهو يجلس: اشجيني يا ابو التكاتيك

مروان: هعدهالك اسمعني.. اول حاجه عاوز اشتري نصيبك في الشركه ووبالرقم اللي تتطلبه..

خالد بذهول: نعم نعم

مروان بحدة: انا مخلصتش كلامي لسه.. ومتخلنيش اقلب عليك وانت عارف قلبت مروان الجزار عامله ازاي

خالد بتوتر: ولو مش وافقت علي انك تشتريه

مروان ببرود: لا هتوافق يا حبيبي لان رقبتك تحت ايدي.. ولو كنت ناسي افكرك بموت اخت زين شوف بقا لما هو يعرف مين السبب في انتحارها....... ها اكمل ولا استبينا

خالد وهو يبتلع ريقه: متكملش غير نصيبي المطلوب مني ايه

مروان بأبتسامه بانتصار: كده نتفاهم علي رواقه وتعجبني المطلوب منك بقا.............

*****************
داخل منزل العطار فتحت ندي باب الشقه بالمفتاح الخاص لتري.. ابيها واخواتها يجلسون علي المائده بأنتظارها ثم اردفت: السلام عليكم

صالح وبناته: وعليكم السلام ورحمة الله وبركاته ثم اردف ايه اللي اخرك كده يا بنتي..ليوجه نظرة علي جبينها ويكمل بقلق.. ايه اللي في راسك ده..ياندي

لتتجه الي الكنبه وتجلس عليها بتعب وتقول وهي تتنهد : متقلقش يابابا.. ده حاجه وقعت عليا واحنا بنضبط في الصيدليه..يعني خدش بسيط..