بنات العطار

البارت السادس

داخل عطارة العطار
يجلس صالح علي كرسيه يطلع علي كشف النواقص   ليزفر وارجع ظهره علي الكرسي حته لاحظه مصطفى ثم قال له: مالك يا حاج انت تعبان ولا حاجه

صالح: لا ابدا مفيش مش تعبان بس كنت بشوف الكشف بتاع النواقص في حاجه نسيت اكتبها ولا لاء

مصطفى: طب تحب اعملك كوبايه شاي انا كنت هعمل لنفسي..

صالح بإبتسامة: مفيش مشكله ثم وجه نظرة علي الشخص الذي يدخل من الباب ويلقي السلام حته انصدم عندما راه..

صالح: وعليكم السلام ورحمة الله وبر.......

الشخص:مالك انصدمت مش كده لما شفتني

صالح:صلاح لا ابدا مفيش اصل استغربت من مجيك ليا الوقتي بعد السنين دي

صلاح ببرود وهو يجلس علي كرسي الذي امامه:منا مش جاي اشاهد جمالك يعني ولا عشان واحشني انا جالك في كلمتين وماشي علي طول

صالح بنرفزه:صلاح احترم نفسك شويه ومهما كان انا اخوك الكبير

صلاح بسخريه:مممم اخويا طب اقعد ياابو البنات

صالح وهو يزفر فها هو طبع اخاه طول عمره لن يتغير ابدا قلبه قاسي حاول التماسك امامه لانه في الاول والاخير اخيه من لحمه ودمه ثم اردف: خير يا صلاح جاي ليه

صلاح وهو يضع قدم علي قدم: جاي اقولك ابعد بنتك عن ابني انت مفكر كده هتعرف تاخد ورثك

صالح بذهول: انت بتقول ايه ورث ايه وبنتي نهي

صلاح ببرود:انت هتعملهم عليا يا صالح عاوز تفهمني انك متعرفش حاجه

صالح بغضب: بقولك ايه انا مش فاهم انت بتكلم عن ايه اصلا وبلاش شغل الالغاز ده يا تكلم وتقول علي طول يا نفضها سيره

صلاخ بغضب:انت عاوز تفهمني انك متعرفش ان بنتك ملك بتجري ورا ابني سيف واكيد انت اللي زاقيقها

صالح بصدمه وهو يهب من علي كرسيه :انت بتخرف بتقول ايه بنتي مستحيل تعمل كده

صلاح:لا مبخرفش دي الحقيقه وابقا اسالها كمان الظاهر معرفتش تربي يا صالح

صالح بصوت عالي: انا بناتي متربين احسن تربيه واكيد ده ملعوب منك

صلاح وهو ينهض حته يذهب: وانا هعمل ملعوب عليك ليه مليونير لسمح الله هيا كلمه واحده يا صالح ابعد بنتك عن ابني لاما انا هتصرف بمعرفتي بعد كده ومتلومنيش بعدها علي اللي هعملو لان جيت لحد عندك وحذرتك سلام يا ابو البنات قلها بسخريه وذهب من امامه

ارتمه صالح بجسده علي كرسيه بعد استماعه  لكلمات اخيه الجارحه له.. لا يكفيه ما صار في الماضي.. حته اته اليوم واكمل عليه.....

كان يقف مصطفى بعيدا قليلا اثر صراخهم علي بعض.. وهو لا يعرف من هذا الشخص.. الذي اغضب صالح بهذه الطريقه.. حته لاحظ وقوعه علي كرسيه.. هرول اليه سريعا ليقول بقلق: عم صالح انت كويس فيك ايه رد عليا طيب..