بنات العطار

الفصـ3ـــل

تجلس روفيدا داخل احضان والدتها وهي تبكي بحرقة.. لتمسح ريم علي شعرها وتقبلها عليه وهي تقول..
بطلي عياط يا حبيبتي... ابوك هيجبلك حقك منه تالت ومتلت... الهي تنكسر ايدو قبل ما كانت تمد عليك..

ليدخل مصطفي من باب الغرفة وهو ينظر علي هيئة ابنته وراسها ملفوف بشاش ويوجد كدمات بوجهها كتيرة ليتقدم اليها حتي صار امام سريرها وهو يقول..

روفيدا عاوز منك كلمة واحدة بس عشان اعرف اتصرف مع الكلب اللي برة ده.. عاوزة ترجعيلو...

لتخرج من احضان والدتها وهي تنظر الي ابيها بدموع قبل ان تخفض راسها للاسفل وهي تقول..

انا اسفة اووي يا بابا عشان مسمعتش كلامك من الاول.. ان هو فعلا مش الشخص المناسب ليا.. بجد اسفة.عشان كده بقولك مش عاوزة ارجعله.

ليجلس بجانبها وياخدها داخل احضانة ويربط علي ظهرها ويقول وهو يرفع راسها لتنظر اليه..

مش بنت مصطفى داود اللي تنزل راسها للارض.. عاوزك قوية زي ما كونتي.. وديما تبقا راسك مرفوعة لفوق.. وانا هنفذلك كل اللي انتي عوزاه.. وهخليه يطلقك.. ليقبل راسها وينهض من جانبها ويخرج من الغرفة..

واقف مراد بسيارتة امام احد الاماكن الهادئه لينزل زين من السيارة بعد ان ترك بابها مفتوحا ويتجه للامام ويستند علي السور المطل علي البحر ليخرج من جيب بنطلونة علبة السجائر وياخد واحدة ويشعلها لينفس دخانها بشرارة... ليضع مراد يده علي كتفة وهو يقول..

من امته وانت بتشرب سجاير يا زين..

من اول ما سبتني وراحت اتجوزت الحيوان.. قالها وهو يجز علي اسنانة بغيظ..

وانت مفكر ان دي اللي هتنسيك وجعك يعني..انت كده بدمر صحتك..

هيا كده كده مدمرة اصلا يا مراد...

متنشف يالا متخليش الحب يعمل فيك كده..

ليرمي السجارة اسفل قدمة ويدهسها بحذائة وهو ينظر له ويقول بحدة..

اصل البعيد جبلة.. مش بيحس.. بارد في مشاعرة.. مجربش الحب عشان يعرف احساسي ايه الوقتي..

ليعقد حاجبية ويقول ببرود..
ومين قالك ان عاوز اجرب.. انا كده مرتاح بلاش شغل نحنحة وكلام فاضي.. وبعدين انا ظابط مش عاوز اعلق حد بيا.. وانا حياتي علي كف عفريت..

ليقول بخبث..
لما انت مش عاوز تعلق حد بيك.. ومش عاوز تجرب الحب.. اتنرفزت ليه لما شفتها واقفة مع واحد زميلها ها تقدر تقولي..

هيا مين دي اللي انت بتتكلم عليها.

ليقهقه عليه ويقول بمكر..
هتكون مين يعني.. قمر يا مراد انت عاوز تعرفني انك مش جواك مشاعر ليها.. بس بداريها وبتصدرلها الوش الميري بتاعك عشان متعلقهاش بيك.. لاكن من جواتك هتموت من الغيرة..