وهنا سوف نعود للماضي
...
قبل "6 "سنوات
"بالرياض"
في احد المدارس الأبتدائيه وبالتحديد بالصف السادس
على الطاولة رقم 2 عند الطالبه: رحيل فيصل ال....
جالسه بهدؤها المعتاد وسرحانهاا تناظر البنات و تساؤلات دايمآ تدور براسها الصغير .. ليه مجرد اختلاف بالشكل يخلق هذه الفرق بتعامل .! و لا المشكله فيها هي وشخصيتها الغريبه .! لأنها و رغم امتيازها وتفوقها ماعندها صداقات كثير بسبب تنمر البنات و عنصريتهم ضدها .. ف صارت تبتعد عنهم ما عاد القليل جدآ من الزميلات ..
قطع سرحانهااا دقه ع كتفها رفعت راسها و شافت الطالبه سما الي مستقعده لها و كأنه من أساسيات يومها الدراسي انها تضايقها وتضارب معها ..!!
سما بصيغه امر: اسسسمعي ي بنت الشغاله اليوم بعطيك كتبي كملي لي الناقصصص!!
رحيل ناظرت لها ببرود وإستحقار .. و بالأساس أمها لا هي شغاله ولا جات سعوديه اساسآ بس شكلها الأسيوي مربوط عند البعض كذا ..!! ف طنشتها ورجعت تناظر لقدام ..!
سما بقهر ضربت ظهرها بقوووه : وجع اكلمككك انااا
تنرفزت رحيل ووقفت و دفعتها للخلف لتبعد عنها : انقلععععي عني.. احسن لك
سما بإستفزاز وهي تحط يدها ع قلبها بسخريه : يممممه خفت .. لكن انا اوريككك
وتقدمت نثرت اغراض رحيل من ع الطاوله للارض..سحبت شنطتها و رمتها اخر الفصل..
رحيل عصبت لكنها بهدوء مشت واخذت شنطتها وسط نظرات البنات ونظرات سما المستفزه !!
اول ما صارت قريبه منها رفعت الشنطه المليانه كتب بسرعه و ضربتها ع راس سما ..!! تألمت سماا وتراجعت للخلف ورحيل باقي ما برد قلبها رمت شنطه وانقضت عليها و سما نفس شي وبدأت مضاربه بينهم شد شعر وتخميش و رمي بالكتب.. وبنات يصرخوا.. وحده من طالبات ركضت تنادي معلمه .. و كم بنت حاولوا يبعدوا رحيل عن سما لأنها ماقصرت بسما ..
ف رحيل بطبيعتها شخصيتها عدائيه ومتعوده ع مضاربات ..
و كل ما تقربت منها بنت تبعدها عن سما.. تضربها .. وصاروا يبعدوا البنات بخوف..!
دخلت المعلمه بسرعه و ضربت بالعصا ع طاوله بقوووه : بسسسس .. أنتي وهي .. وبنظره شامله ع بنات ثم تبعه صوت عالي : كل وحده ع مكانها اشووووف .
بسسسسرعه .. رجعوا البنات اماكنهم ورجعت رحيل وشعرها المحيوس مع شنتطها مكانها و سما وقفت وهي مبهذله ترتب مريولها
المعلمه بصرامه وهي تأشر ع سما و رحيل: وانتم الثنتين تعالوا .. وراي ع الأداره
مشت رحيل بهدوئها ثم وراها سما الي بقهر دفت رحيل مع كتفها و هي تسبقها وتخرج من الفصل
رمقتها رحيل بنظرات كره و مشت !!
دخلو الاداره وسجلوا تعهد
اما الوكيله بعد طلوع رحيل رفعت السماعه لمرشده الاجتماعيه : ابله سماح تعالي عندي المكتب ومعاك ملف متابعة حالة الطالبه رحيل
خمس دقائق و دخلت سماح : السلام عليكم
وتقدمت و وضعت الملف ع مكتب الوكيله
الي ردت : وعليكم السلام .. وسحبت الملف وهي تأشرع الكنب: تفضلي ..
سماح جلست : خير ابله فدوى وش فيها الطالبه رحيل
الوكيله وهي تقلب أوراق الملف : رحيل موضوعها متأزم شوفة عينك البنت شاطرة و مستواها ممتاز لكن تصرفاتها عدائيه مع زميلاتها وانتي عارفه التنمر الي ضدها وضد غيرها من الطالبات من بعض البنات الله يهديهم .. نبي نسوى محاضرات نتكلم عن هذا الموضوع بشكل غير مباشر
سماح تبرر : والله ي ابله فدوى رحيل الله يهديها متعبتني مو راضيه تتكلم وتتجاوب معي وانتي عارفه جدتها مو قادره اخذ منها حق ولا باطل اقولها رحيل فيها كذا ولا كذا بتطلع بعيني بتأكلني بدل ما تتعاون معنا
الوكيله قفلت الملف : ان شاء الله خير و راح نشتغل ع موضوع رحيل لكن اتمنى تكثفي لها خطط علاجيه وتحاولي تتعاملي معها كأم و ليس كمرشده .. ومدت لها الملف
سماح وقفت و تقدمت وأخذته : ان شاء الله .... وأردفت وهي متضجره تكره احد يعلمها شغلها : واللحين عن اذنك تبي شي ثاني
الوكيله وهي تنزل عيونها ع اوراقها و توقع : لا شكرا
أنت تقرأ
روايه سعوديه " أُريد كُرهكَ " من سلسلة "أقاتل لأجل من أهوى ، ومن أهواهُ يقتُلني"
Mystery / Thrillerتقدم لها بخطوات ارعبتها وجعلت قلبها يدق بقوووه ف تراجعت وهي تقول برجفه: لا تقرب ثم تنهدت براحه عندما تقدم لطاوله واخذ الدبله ودخلها بالظرف الذي يحتوي مبلغ مهرها وقال بدون ادنى مراعاه لمشاعرها وهو يرمقها بقرف : ومن قال راح اقرب لبنت مثلك تربية شوارع...
