قطعته الجده بكلمة : جاتكككك
رحيل انصدمت كيف جعلوها بيع و شراء دون مراعاه لأدنى مشاعرها كسرتها ام زياد بكلماتها و كسرتها جدتها بموافقتها على طلب نوف دون ماعرفتها عنها شي الا اسمها ! ركضت لداخل وثم للغرفه ورمت حالها ع سرير تبكي بقهر و حرقه شعرت انها سلعه رخيصه !!
دفعت الجده ام زياد للخارج وهي تطردها و اقفلت الباب بقووووه .. والتفت لنوف وتكلمت بإعتذار: معليش ي بنتي السموحه و العذر منك واستري ما واجهتي !! و ادري انك ما جبتي طاري الخطوبه الا عشان تسكتيها عنا هالسعلوه فضحتنا بالحاره !
نوف بجديه: لا ي خالتي انا جاده بالخطوبه عارفه لا المكان و لا الوقت مناسب لكن راح أجيكم مره ثانيه بإذن الله . وجات بتطلع
الجدة: لحظه ي بنتي خذي طلبك الي جيتي عشانه ! واسرعت لداخل تحضر الأكياس بأحجام مختلفه واعطتها نوف التي شكرتها و غادرت
و بالخارج
عادت ام زياد غاضبه لبيتهم
وسط نظرات ذلك الشخص الذي ابتسم بخبث
وتقدم إليه طفل ذو 10أعوام
فبتسم له وطلع من جيبه 50ريال واعطاه
وهو يقول: ابيك الكلام الي سمعته بالهوشه تروح تخبر به كم بيت بالحاره
ابتسم الطفل بفرح عارم بالمبلغ الذي بنسبه له كثير وقال: ابشر وركض وهو جاهلآ انه الان يدمر سمعة فتاه
بينما ابتسم ع جنب ابو سعد انه جاته الفرصه ليثبت لجدة رحيل حقيقه جيرانهم: واللحين بأشوف شلون ي العجوز ترفضيني
وعندهم!
رجعت الجده الى الداخل مسرعه و هي تغلي غضب فقد حاولت ان تسيطر على اعصابها امامهم قدر الامكان ،و دخلت للغرفه لتجد رحيل بوجهها الأحمر ودموعها جالسه بصمت على سريرها
تماسكت الجده وسألت بترقب وخوف من الاجابه: ما ابي اصدق الكلام الي سمعته لأنك بنتي الي ربيتها وواثقه فيك ما تغلطي ولا تخذليني بنهايه عمري وتدري اني رافعه راسي فيك و اكسر خشم من يطري اسمك بالشين واصدقك بلي تقوليه !
ف اعطيني العلم الأكيد الي سمعته صدق ولا لا !
رحيل نزلت راسها وهي مازلت صامته ف الكلمات والتبريرات تهرب منها
الجده بحده: تكلمي اسمعك
رحيل بخوف وهي تضغط على قبضت يدها وتشعر ان انفاسها تتقطع من شدة ما تمر به من احاسيس مختلفه خوف وقهر وخجل و ندم والم
الجده بقهر: يعني صدق
نزلت رحيل من سريرها بهدوء واقتربت منها و جلست ع ركبها امام جدتها وهي تمسك يدها وتبوسها: اسسسفه جدتي والله ما كان قص..
و لم تكمل جملتها لأن جدتها دفعتها بعيدآ عنها وهي تقف وتضع يدها على راسها وتلطم نفسها: ياويل حالي ي غبنتتتي
وتضرب فخذها: هاذي اخرتها ي بنت فيصل كل الي بنيته بسنين هدمتيه بلحظه طيش مع الكلب زياد !
رحيل صامته فقد اخطئت فعلآ ولا تستطيع الدفاع عن نفسها
الجده: قولي اللحين وش صار بينكم
رحيل: والله ما صار شي بس رحنا الغرفه القديمه و..صمتت
استحت تكمل !
الجده سحبتها من شعرها: ي قليلين الحياء ذا السربوت لو فيه خير ويبيك كان جاب اهله وخطبك مو يحوم حوليك لو يحبك يحافظ عليك و على سمعتك اللحين قولي وش يسكت هالناس عنك ولا الثانيه الغربيه بتأخذك لولدها وتستر عليك خلتي راسي بالارض قدامهم !
رحيل كانت متألمه من شد جدتها لشعرها بس صابره لأنها تستاهل العقاب واول مره تعصب عليها جدتها بذا الشكل دفعتها جدتها وهي تقول: من اليوم مالك طلعه لغير مدرستك وجوال مافيه واخذت الجوال و مشت طالعه من الغرفه وهي تتحسب على زياد واهله وشعرت ان الدنيا ضباب امامها وطاحت على الأرض تقدمت رحيل بخوف بتساعدها وتمسك يدها: جدددتي
الجده نفضت يد رحيل عنها ووقفت بصعوبه ومشت متالمه!
أنت تقرأ
روايه سعوديه " أُريد كُرهكَ " من سلسلة "أقاتل لأجل من أهوى ، ومن أهواهُ يقتُلني"
Mystery / Thrillerتقدم لها بخطوات ارعبتها وجعلت قلبها يدق بقوووه ف تراجعت وهي تقول برجفه: لا تقرب ثم تنهدت براحه عندما تقدم لطاوله واخذ الدبله ودخلها بالظرف الذي يحتوي مبلغ مهرها وقال بدون ادنى مراعاه لمشاعرها وهو يرمقها بقرف : ومن قال راح اقرب لبنت مثلك تربية شوارع...
