أحببت طفلاً ❤️

البارت التانى﴿2﴾

اللهم صل وسلم وبارك على سيدنا محمد وعلى آله وصحبه أجمعين ومن تبعهم بإحسان إلى يوم الدين 💙💙

سبحان الله وبحمده سبحان الله العظيم 💙💙💙💙💙💙💙💙💙💙💙💙💙💙💙💙💙💙💙💙💙💙💙💙💙

باك

.. و انا نازلة دلوقتي شوفت نفس الشخص تانى ال هو قدام حضرتك دا و استغربت انه طبيعى و واقف يتكلم عادى مع اصحابه و لما قربت منه لقيته بيتكلم على ال عمله معايا و طلع رهان بينه و بين صحابه انه يمسك ايدى و انا اسكت من غير ما امد ايدى عليه ... و بموافقتى و فرحان اوى بنفسه و بيتراهنوا على بنت تانية .. لما سمعت كدا دمى اتحرق منه و ضربته بالقلم .. ابقى انا كدا غلطانة حضرتك

... لا يا بنتى و ليكى حق تعملى اكتر من كدا كمان و لو عايزة تقدمى فيه محضر سب و قذف حالا انا موافق اعملهولك

....... حضرتك هتصدق البنت دى ..دى كدابة ..محصلش كل ال بتقول عليه دا

... انت تخرس خالص! .. غريبة يعنى مع ان باين عليك ابن ناس .. و انتى يا بنتى دلوقتي عايزة ايه و انا اعملهولك

....شكرا لحضرتك جدا يا فندم .. انا اخدت حقى و كل ال عايزاه انه ما يتعرضليش تانى .. عن اذنك عشان اتاخرت على كليتى

.. اياك اشوفك بتتعرضلها او تتعرض لاى واحدة تانية و شوف مذاكرتك احسن .. سامع .. يلا منك له كل واحد يشوف مصلحته .. ايه اللمة دى !

                      •••••••••••••••••••••
..... ايه يا هاجر اتاخرتى ليه كدا ؟!

.. معلش حصل مشكلة هبقى احكيلك بعد المحاضرة تعالى بس عشان اتاخرنا اوى

....يلا
                      •••••••••••••••••••••
.... برق .. مالك بتكسر ف الاوضة كدا ليه !!

..هى فاكرة نفسها مين !! انا ..انا واحدة زي دى تمد اديها عليا

..... مين دى و مدت ايديها ازاى ؟!

.. واحدة يا ماما و لا تسوى ضربتنى بالقلم ف المحطة قدام اصحابى و الناس

..... ضربتك! ليه انت عملتلها ايه؟

.. (بدا يتوتر ) ها لا انا ما عملتلهاش حاجة دى هى ال جت فجاة و ضربتنى على خوانة

..... برق انت بتكدب عليا .. انا امك يا حبيبى افهمك من غير ما تتكلم  ... اكيد عملت حاجة ضايقتها عشان تعمل كدا .. احكيلى يمكن اساعدك

... يوووه يا ماما انتى مش مصدقانى ليه ! بقولك هى ال جت و اتبلت عليا

...... عينى ف عينك كدا

... ( اخد نفس عميق و خرجه ) كنت يعنى مسكت ايديها غصب عنى افتكرتها واحدة زميلتى

...... برق

... بصراحة كنت متراهن مع اصحابى عليها .. قالولى انها محترمة جدا و ملتزمة و انهم حاولوا يكلموها قبل كدا و كانت بتصد اى حد .. ف اتراهنت انى اقدر اكلمها و اقف معاها من غير ما ترفض

.... و بعدين

.. روحت مثلت عليها  انى من زوى القدرات و مسكت ايديها و هى ما قدرتش تعمل حاجة و فضلت واقفة ساكتة .. بس انهاردة شافتنى مع اصحابى و سمعت بالرهان و ...

.... و كرامتها ما سمحتش و ضربتك .. صح !

.. بس والله ما انا سايبها هى اصلا بتمثل دور المحترمة و انا..

..... برق .. انا لا شوفت البنت دى و لا اعرفها بس انا واثقة ان البنت دى محترمة و دا واضح من كلامك و ال انت مش قادر تشوفه بسبب غضبك ال عاميك .. و الالم ال ادتهولك دا اقل حاجة واحدة ف مكانها تعمله .. و انا ياما حذرتك من السكة ال انت ماشي فيها و الشلة ال اتلميت عليها .. امتى ترجع لبرق ال اعرفه ال ما كانش بيسيب فرض و الناجح ف شغله .. ال سابه و ساب فلوسه و شركته ما يعرفش اى حاجه عنها

.... هنرجع تانى يا ماما لنفس الموضوع .. انا خارج

.. هتهرب زى كل مرة ! ... برق شيل البنت من دماغك ربنا يهديك يا حبيبى

.... حاضر يا امى

.. وعد ؟

... ابتسم ..وعد ..عن اذنك

..... ربنا يهديك يا برق و يحميك يا حبيبى و ترجع زى ما كنت
      
                •••••••••••••••••••••
... اخيرا المحاضرة خلصت .. يا ستار !

... الواحد اتخشب من القاعدة ... اه يا ضهرى يانى يا صغيرة ع الهم يا لوزة

..... شاهد عجوزة عشرينية و صديقتها اعجز منها

...... 😂😂😂 الكلية دى جابت اجلنا .. ها بقى احكيلى مشكلة ايه ال حصلت و انتى جاية

...... فاكرة الشاب بتاع امبارح ال حكيتلك عنه ؟!

.....بتاع القطر !

.. ايوا هو .. شوفته انهاردة ف المحطة .. و تخيلى طلع طبيعي مش زى ما كنا فاكرين

.... ايه دا ازاى ! لا ثوانى كدا .. انا مش فاهمة .. عمل ايه يعنى

..... ابدا و انا جاية انهاردة شوفته و ....... بس يا ستى و بعدين جيت على هنا

...يا ابن الناس الطيبين !! .. دا و لا كان باين عليه .. يا شيخة دا انا كنت هعيط عليه من كتر ما صدقت .. بس تصدقى الصراحة قمر انا كنت مستخسراه ف حالته دى 😂

..... سلمى ايه ال انتى بتقوليه دا .. عيب كدا و استغفرى ربنا يا استاذة

...اسفة والله مش قصدى .. يلا بينا بقى عشان نلحق تدريب الهم و الغم و حرق الدم .. انا كان مالى و مال القسم دا يا ربى اسيب كل اقسام الطب و اختار نفسية .. دا انا اساسا مريضة نفسية و عايزة ال يعالجنى

....... يا بنتى كفايا بقى هموت😂😂 .. و بعدين دا قسم قمر يعرفك ازاى تتعاملى مع الناس .. و تعالجى ارواح يعنى الم اكبر بكتير من الالم العضوى انتى بتعالجى الم مش متشاف و لا حد يحس بيه .. الالم العضوى مهما ان كان واضح المريض بيتعذر لانهم شايفين جرحه .. لكن جرح الروح محدش يشوفه و يفضلوا يزودوا عليه

.. طب يلا يا فيلسوفة عصرك و اوانك هو انا هخلص منك .. بينا ع المستشفى

... يلا

لو مش عجباكم يا ريت تقولو عشان اوقفها🤷🏻‍♀️💔

احببت طفلا❤️
بقلم/هاجر عمر ✍️