أحببت طفلاً ❤️

Part 13

سبحان الله وبحمده عدد خلقه ورضا نفسه وزنة عرشه ومداد كلماته🌻 لا حول ولا قوة الا بالله🌻 لا اله الا الله عدد ماكان وعدد ما يكون وعدد الحركات والسكون🌻

هاجر اتصدمت و اتجمدت مكانها .. براء .. انت بتقول ايه!!

..... بفرحة .. بقول انى عايز نتجوز .. مش انتى قولتى ان الراجل ال بيحب بنت بيتجوزها .. انا بقى عايز اتجوزك .. انا بحبك اوى اوى اوى

.. بهدوء و حذر .. براء .. انت مش فاهم ال انت بتقوله .. و بعدين و بعدين انت لسه صغير

..... وقف بسرعة و قرب منها .. لا انا راجل .. بصلها يتاكد .. مش انتى قولتيلى كدا ؟! .. مش انتى قولتيلى قبل ما نيجى هنا ان الراجل ما ينفعش يلمس واحدة مش من محارمه و انى بقيت راجل .. ازاى بتقولى دلوقتي انى صغير

.. براء اسمعنى .. انت مش فاهم ال انت بتقوله.. انت مش فاهم يعن... مسحت ايديها على وشها بعصبية .. و بصتله و ما عرفتش ترد عليه .. يلا يا براء احنا اتاخرنا عليهم .. لفت وشها و ماشية

..... بدموع .. انتى غشاشة و مش بتحبينى .. انا بكرهك

.. قلبها وجعها من الكلمة .. بس ما لفتش ليه و مشيت

....... ايه دا امال فين براء يا هاجر !!

.. بجمود .. كان جاى ورايا بس جالى تليفون و مضطرة امشي .. عن اذنك

....... خير يا حبيبتي .. ف مشكلة؟!

.. لا ابدا يا طنط .. بابا بس محتاجنى و لازم اروح ضرورى

... طب استنى اوصلك

.. بسرعة .. لا شكراً انا هاخد تاكسي .. عن اذنكوا .. و مشيت

....... بصت لبرق .. امال براء ماجاش ليه يا برق .. قوم شوفه كدا

.... و هو بيقوم .. حاضر .. راح يدور عليه و لقاه قاعد على ركبه مكان ما هاجر سابته منهار و دموعه مغرقة وشه .. جرى عليه بسرعة

.... برق مالك !! قعد قصاده ع الارض و مسكه من كتفه .. مالك يا حبيبى ف ايه !!

........ عيط اكتر و دموعه زادت .. انا بحبها اوى اوى يا براء و هى سابتنى و مشيت

... برق استغرب كلامه .. هى مين دى يا حبيبي ال سابتك ؟!

.......بدموع و طفوله .. هاجر .. هاجر سابتنى و مشيت

.. بهدوء .. و مين قال انها سابتك ؟! .. هى بس باباها كان عايزها ف حاجة ضرورى اوى اوى .. و عشان كدا هى راحتله و هترجع بكرة تانى

.. بصله بامل .. بجد !!

..... بجد يا عيونى .. و مد ايده يمسح دموعه بحنية

.. ببراءة .. يعنى هى بتحبنى و مش هتسيبنى !!

..... طبعا يا حبيبي .. اى حد يعرف براء لازم يحبه عشان انت ملاك .. و الملايكة ال زيك يتحبوا علطول