أحببت طفلاً ❤️

Part 11

سبحان الله وبحمده عدد خلقه ورضا نفسه وزنة عرشه ومداد كلماته🌻 لا حول ولا قوة الا بالله🌻 لا اله الا الله عدد ماكان وعدد ما يكون وعدد الحركات والسكون🌻

.. هاجر ابتسمتله .. يلا بينا

خرجوا ووقفوا قدام باب الڤيلا مستنيين برق ييجى بالعربية ووالدة براء واقفة قلقانة و خايفة

...... هاجر بصت ل والدة براء .. هو برق اتاخر كدا ليه دا قالى انه هيجيب العربية و ييجى

.. براء بفزع .. لأ .. عربية لأ .. و بدا يتنفس بسرعة و يبعد عنهم بخوف

..... هاجر قربت منه .. براء اهدى انت مش هتركب العربية .. اهدى .. ممكن !! .. بدأ يتنفس بهدوء .. ايوا كدا .. براء شاطر و بيسمع الكلام

.. بصلها و الدموع ف عنيه و بيهز راسه يمين و شمال بطفولة .. انا مش عايز اركب العربية

....... ابتسمت تطمنه .. وبمشاكسة .. و مين قال انك هتركب العربية؟! .. العربية انا و برق و ماما هنركبها و انت هتركب العجلة زى المرة ال فاتت

.. بصلها و بيحاول يتاكد من كلامها .. بجد !!

....... ابتسمت .. طبعا بجد .. يلا بقى قوم كدا و خليك جامد .. انت راجل و الرجالة ما بتخاف و لا ايه ؟!

.. وقف بغرور و رفع راسه .. ايوا طبعا انا راجل

...... ضحكت .. طيب يا سيدى .. بصت لوالدته .. طنط ممكن تروحى تشوفى برق اتاخر ليه

.. بصتلها بتردد و فضلت مكانها

....... هاجر بصتلها تنبهها .. طنط !! .. ممكن تنادى برق ؟ .. و هزت راسها انها تعمل ال اتفقوا عليه

.. بلعت ريقها بخوف .. و هزت راسها بموافقة .. حاضر .. و مشيت

فضلت هاجر تهزر مع برق تضيع وقت على ما ييجوا

.. والدة براء جت بسرعة و مخضوضة .. هاجر الحقينى بسرعة برق .. الحقى برق

..... هاجر جريت عليها .. ف ايه يا طنط ؟! .. ماله برق

.. بتعيط .. روحت لقيته واقع عند العربية و ما بيردش خالص و لا بيتحرك

...... هاجر جريت على برق .. و براء و مامته وراها .. لقت برق واقع ع الارض .. قربت منه و قعدت جنبه على ركبها و مسكت ايده تقيس النبض .. و قربت ودانها من قلبه .. براء كان قاعد جنبه الناحية التانية و ماسك ايده و بيعيط
.. هاجر بصت لوالدته .. لازم ننقله ع المستشفى حالا

... برق ماله .. كان دموعه مغرقة وشه .. برق هيمشى و يسيبنى
.. و قعد يهز ف برق جامد .. برق قوووم .. برق ما تسبنيش
.. حاوط وشه بكف ايده .. بدموع .. مش انت قولت انك مش هتسيبنى .. برق .. قوم يا حبيبى .. قوم ما تمشيش زى بابا
.. و بص لامه كانت بتعيط على حالة براء .. جرى عليها و شدها من ايديها .. ماما الحقى برق يا ماما .. قوليله ما يمشيش و يسيبنى .. قوليله انى بحبه اوى اوى .. سابها و جرى على برق تانى .. برق قوم انت زعلان منى ؟! .. قوم و انا هسمع كلامك و مش هزعلك ابدا ابدا .. بس قوم