أحببت طفلاً ❤️

Part 14

نام براء على أمل ان هاجر تيجى بكرة .. عدى الليل و صحى الصبح  .. فضل ف اوضته ما رضيش ياكل و لا ينزل الا لما هاجر تيجى

.. بقلة حيلة .. يا حبيبي انت هتفضل كدا يعنى و بعدين احنا حاولنا نكلمها كتير .. ممكن يكون حصلها اى حاجه منعتها انها تيجى

..... هز راسه بنفى .. لا انا مش هنزل الا اما تيجى ان شاء الله افضل العمر كله هنا

.. بصتله بحزن ونزلت راسها .. دخل برق الاوضة .. و بص لبراء .. اخبار البطل ايه

..... كشر وربع ايده و لف وشه .. مش كويس .. و مش هيبقى كويس الا اما هاجر تيجى

.. برق بص لمامته و هى بصتله .. عملت ايه برق كلمتها ؟!

.....رنيت عليها تليفونها لسه مغلق و كلمت دكتور خالد عشان اخد عنوانها بس ما رضيش و قال انه هيحاول يكلمها

.. بصت ل براء .. طب وبعدين هنعمل ايه ؟!

..... براء فضل طول اليوم من غير اكل و لا ادوية و مستنيها

عند هاجر كانت نايمة عنيها وارمة من كتر العياط .. الباب خبط و مامتها دخلت

.. قربت من السرير .. ميلت عليها وحطت ايديها على كتفها هزتها بالراحة .. هاجر .. هاجر .. قومى يا حبيبتى

...... شدت المخدة حطتها على وشها .. سيبينى يا ماما .. انا عايزه انام

.. يا حبيبتي انتى نايمة من امبارح و انتى زعلانة و انا مش عارفه ايه ال فيكى

..... اتكلمت من تحت المخدة و صوتها منبوح .. مفيش يا ماما .. سيبيتى انام و هبقى كويسة

.. طبطبت عليها بحنية .. طب قومى يا حبيبتى افطرى احنا قربنا ع الضهر و انتى ما كلتيش من امبارح

..... مش جايلى نفس

.. معلش تعالى على نفسك عشان خاطرى

..... صدقينى يا ماما مش جعانة .. سيبينى بس انام

.. قامت .. لو اعرف ايه ال فيكى بس .. ربنا يريح قلبك يا حبيبتي

..... غمضت عنيها بوجع و دمعة نزلت من عنيها .. اااه لو تعرفى اد ايه انا محتاجة الدعوة دى يا ماما
.. و فضلت حاطة المخدة على وشها و تكتم فيها صوت شهقاتها .. فضلت طول اليوم حابسة نفسها .. تعيط و بس

.. هى هاجر مالها ؟! .. من امبارح حابسة نفسها و ماشوفتهاش

..... مش عارفه والله .. انا حاولت اكلمها بس هى مش راضية تحكيلى

.. لا يكون حد مزعلها ف الكلية و لا المستشفى

..... بحيرة .. مش عارفه .. شوية و هدخل اكلمها تانى

خرجت عليهم هاجر و عنيها حمرا

... بابا انا عايزه اسافر اسكندريه عند عمتو