ما بين متمرده و مغرور

الرابع عشر

ما بين متمرده و مغرور
الرابع عشر

زينه: مسكتك ي عفريته
ساره: لا انتي غشاشه
زينه: لا انتي خسرتي مليش دعوه خبيتي اسراء فين بقى
ساره ببراءة: في اوضه ابيه زين
زينه: اي
عند اسراء
اسراء بصت بصدمه لقت زين في وشها من غير تيشرت ومربع ايدو
خبت عنيها باديها: اي يعم انت روح البس حاجه
زين قرب منها وقفل الباب: بتعملي اي هنا
اسراء: البركه في اختك بعدين اي المرعب في قفصك الصدري يعني روح استر نفسك يعسل. جايه تفتح الباب زين قفلو تاني وحاصرها بايدو ومبقاش بنهم مسافه
زين: يعني تيجي هنا برجلك وعيزاني اسيبك تخرجي تؤتؤ عيب عليكي
اسراء بتوتر: ز زين ا ابعد عيب كده
زين ضحك بصخب: بجد مكنتش اعرف
اسراء بتمساك: لو مخرجتش من هنا هصوت و
قاطعها زين: اي ده هو انا مقولتلكيش
اسراء بلعت ريقها بتوتر: اي
زين همس في ودنها: الاوضه عازله للصوت
اسراء جمعت قوتها وزقتو وبعدت بسرعه: زين افتح الباب متهزرش
زين ضحك ولما يقرب خطوه اسراء ترجع خطوتين: مش قولتي مقولش كلام مش قدو واثبتي اني فعلا عايزك انا اهو بعترفلك انا عايزك مالك بقى خايفه لي
اسراء بتماسك: انا مش خايفه ومش بخاف وانت عارف كده كويس
زين: اومال بتبعدي لي
اسراء بتوتر: ا اا انا اااه. اتكعبلت ووقعت على السرير وشدت زين فوقيها
زين وهو بيقرب منها: وفرتي كتير اوي
اسراء بتوتر وهي بتزقو: ابعد ي زين عشان مزعلكش
زين مسك اديها وقال بهمس وهو بيقرب منها: انا عايز ازعل. اسراء غمضت عنيها جامد. بعد عنها وهو بيبتسم:اديكي كنتي تحت ايدي حبيت بس اعرفك انك غلطانه انا لو كنت عايزك كنت اخدتك ولا حد هيقدر يمنعني. اسراء في ثانيه كانت في اوضتها
اسراء وهي بتاخد نفسها غمضت عنيها واخدت نفس طويل: اما وريتك ي زين وخليتك تقول حقي برقبتي مبقاش انا الصخر
عند زين
حط ايدو ورا رقابتو وبيحاول يسيطر على نفسو:مش هضعف قدامها يستحيل ااه يخربيت كده فففف
تاني يوم
زينه: اصحي ي اسراء انتي يبت يخربيتك انتي  مقتوله
اسراء بتعب: الله يخربيت اليوم الي عرفتك فيه عايزه اي
زينه: حبيبتي انهرده هتتجوزي لازم تقومي عشان
تلحقي تخلصي ونشطبك ي موزه
اسراء: بعيدا عن ملافظك دي هي الساعه كام
زينه: تسعه
اسراء: ده انتو لو هتشطبو شقه مش هتصحوني دلوقتي روحي يماما العبي بعيد خليني اتخمد.وشدت البطانيه ونامت
زينه شالت البطانيه ( ولله البطانية دي صعبانه عليا): قولت لا يلا قومي
اسراء: ههبب اي انا الساعه تسعه حبيبتي انا يدوب هلبس و يتكتب كتابي على التور اخوكي وخلاص مش ناقصه وجع دماغ
زينه: لا في حاجات تانيه لسه هنعمل ماسكات و تحطي مكياج و حاجات كتير قومي بقى
اسراء: مين الي هيعمل الحاجات دي
زينه: انتي
اسراء: انتي اكيد ضاربه حاجه وجايه تصتبحي عليا امشي ي زينه من وشي بدل متغابا عليكي
زينه: ي اسراء مش كفايه مش هتعملي فرح فيها اي يعني كل البنات بتعمل كده عشان خاطري اتنازلي عن روح جعفر الي جواكي مره واحده بس
اسراء بصتلها وافتكرت كلام زين امبارح فابتسمت بخبث: موافقه يلا بينا
زينه بصدمه: وافقتي بجد
اسراء بلامبلاه: اه
زينه بصوت عالي: بجد بجد مش مصدقه ي ارواااا ي بسااااانت تعالو بسرعه
دخلو بسرعه وكانو لابسين خوذه و ماسكين درع بيقولو بصوت عالي: هجووووووم
اسراء باستغراب: انتو جايين تحاربو
اروى وبسنت بصو لبعض بعدين بصو لزينه: انتي عايشه
زينه بصت لنفسها: تقريبا
اسراء قعدت على السرير: مجانين
اروى: لالا لازم افهم اشمعنى مكسرتيش دماغها ده انا عشان قولتلك البسي ملون بدل الاسود في الحافله خلتيني اروح استلم المداليه وانا متجبسه  يقادره
زينه:اصلها وافقت
بسنت واروى: عشان كداا اي وافقت ازاي
اسراء بخبث: فيها اي يعني انهرده برضو لازم اكون بشكل مختلف مش انهرده كتب كتابي على حبيبي ولا اي
بسنت وهي مصدومه: اروى
اروى وهي لا تقل صدمه عنها: اي
بسنت: اقرصيني
عند زين واسر
زين: انت موديني فين يعم
اسر: انا وانت هنجهز عند امجد عشان البنات ياخدو راحتهم
زين: انتو لي مكبرين الموضوع كده
اسر: ولله انت الي بارد مش احنا الي مكبرين الموضوع خالص يلا انزل وصلنا
طلعو و بمجرد مزين شاف جين اتعصب ونفس الحكايه عند جين
جين وهو بيغيظ زين: يلا ي امجد نلحق نلبس عشان اسراء حبيبتي وحشتني اوي
زين وهو بيجز على سنانو: ياريت عشان حبيبتي الي كلها ساعتين هتبقى مراتي وفي حضني وحشتني زيك بظبط ويمكن زياده حبتين اديك شايف عريس بقى 
اسر بيهدي الموضوع: فين ي امجد الاوضه الي زين هيغير فيها
امجد: الي على اليمين
اسر: يلا ي زين عشان متتاخرش
زين وهو باصص ل جين: يلا ي اسر
اسر شدو ودخلو الاوضه
امجد: في اي يعم قالب على الواد كده لي ده هيبقى جوز اختك
جين: مده الي فارسني الواد مصمم يسفزني بيعمل حركات مستفزه زيو
امجد بضحك: هنبدأ بقى اخلص يلا عشان لو اتاخرنا عليها هتقتلك انت وهو
جين بضحك: يلا يخويا
ويبدأ الكل يجهز ويجي وقت كتب الكتاب
زين وجين بيبصو لبعض بغيظ
اسر: اموت واعرف اي البرود الي انت فيه ده واقف ولا كأنك كمان شويه هتتجوز ي شيخ ده انا  اخوك مش العريس وقلقان اكتر منك
يوسف: لا منا لازم افهم زين وجواز ازاي مين دي الي توقعك على بوزك
قاطعهم صوت نزول اسراء وخفطت الانظار
زين بصلها بصدمه:يالهوي دي مش هتعدي الليله على خير ربنا يستر. فاق على صوت يوسف
يوسف بسرحان: اوبا لا موزه موزه اوي يعني ليك حق بأمانه ده انت لسه شايفها ووقعت
مكملش كلامو لما لقى بوكس في وشو من زين مسكو وقربو منو: يعدي اليوم بس وهندمك على كل حرف نطقتو
اسر بعدو عنو: هتفضحنا الله يفضحك
زين بصلو بغضب ملامحو لانت بمجرد م بصلها
اسراء قربت منو: اي مالك.لفت: اي رايك
زين بسرحان: ملاك
اسراء ابتسمت: روح يلا خلينا نخلص انا مش مستحمله الخنقه دي
زين بضحك: عايزه تلبسي لبس عبد موته الي بتلبسيه
اسراء: يعم مش احسن من الخنقه دي مش عارفه بيستحملوه ازاي
زين بسرحان: انتي قمر في كل حلاتك
اسراء: عارفه ومش مستنياك تقولي. وسابتو ومشيت
زين في سرو: شكلك هتخسر ي عم زين
زين وجين قعدو عشان يكتبو الكتاب
جين: لا المنديل ده مش عاجبني عايز واحد غيرو
اسراء بتكتم ضحكها وزين بيبصلو برفعه حاجب
امجد: اخلص ي جين
جين: مليش دعوه عايز منديل غير ده
اسر: خد ي خويا يكش نخلص
عند زينه
زينه: انت بتعمل اي هنا
يوسف: انا صاحب زين واسر وانتي
زينه: انا اختهم و صاحبه البنات
يوسف: اي ده بجد
زينه: ولله صدفه عجيبه
يوسف: احلى صدفه دي ولا اي
بعد كتب الكتاب
جين: لا سن القلم تخين مش بحبو
زين بعصبيه: انت بتستعبط
جين بلا مبلاه: لو مجبتوش قلم غير ده مش همضي
امجد: خد واخلص عشان عايز اتخمد
المأذون: يلا ي عروسه امضي
اسراء مسكت القلم وفضلت بصاله شويه
زين بصلها باستغراب وقالها بهمس: متمضي في اي
اسراء بصتلو وبصت للقلم تاني قالت في سرها: هو ده بجد حياتي متوقفه على امضه لا لا انا خايفه اوي بس اروى. بصت ل اروى وهي واقفه جنب اسر وبينهم نظرات حب . كملت: بطلي انانيه اكيد مش هتضيعي سعاده صاحبتك عشان شويه وهم بعدين اي خايفه دي من امتى بتاخفي.نفضت الافكار دي من راسها و اخدت نفس ومضت
(بارك الله لكما وبارك عليكما وجمع بينكما في خير)
وبدأت فقره المباركات وغيرو
جين حضنها بحنان: مبروك يحبيبتي
اسراء بابتسامه: الله يبارك فيك ي احسن اخ في الدنيا. زين سحابها ب آليه واتكلم ببرود: يلا عشان نروح
اسراء سلمت على صحابها بعدين مشيو
بعد موصلو
زين وهو باصص في الارض: اوضتك هناك اهي في ثانيه مش عايز اشوفك قدامي
اسراء ربعت اديها:خايف
زين بصلها باستغراب: نعم
اسراء قربت منو واتكلمت بهمس: خايف
زين بتوتر: لل لا
اسراء قربت اكتر: مالك
زين: م مفيش
اسراء قربت اكتر ومبقاش بينهم مسافه: كداب
زين بص على شفايفها وبلع ريقو بتوتر: ها اا
اسراء رسمت ابتسامه جانبيه ووعدت نفسها لتخسرو التحدي انهرده قربت اكتر وباستو من شفايفو بعدت شويه وهي لسه قريبه منو زين بهمس وهو بيقربها من شفايفو: متبعديش
همست: عايزني. زين بتوهان: بدمنك. وباسها بحب 
اسراء بعدت وهي بتبتسم ابتسامه جانبيه: كده خسرت التحدي ي زيزو قولتلك عمري مخسرت تحدي ولا هخسر. وضحكت ودخلت اوضه وقفلت  على نفسها. زين بص ل اثرها بصدمه: لا اكيد مجنونه. راح قدام الاوضه وخبط عليها
اسراء وهي بتكتم ضحكتها: مين
زين بنرفزه: بطلي استظراف وافتحي
اسراء: لي
زين: افتحي ي اسراء بدل مكسر الباب
اسراء ضحكت بصوت عالي: واحشتك ولا اي
زين وهو بيهدي نفسو: افتحي
اسراء: روح يعم العب بعيد خليني اتخمد
زين فضل يخبط عليها وهي مردتش فزفر بعصبيه  ودخل الاوضه التانيه وقلع الجاكت بعصبيه و رمى نفسو على السرير
عند اسراء
اسراء فضلت تتنطط: يس يس الله عليكي ي اسراء ي جامده ولسه ي زين اصبر عليا مبقاش الصخر لو مكسرتش غرورك و بقيت شخص تاني وافتكرت وعدها ل باباه
فلاش باك
اسراء: نعم ي بابا حضرتك لي طلبتني و قولتلي معرفش حد
محمد: عايز اتكلم معاكي في موضوع مهم
اسراء: طبعا اتفضل
محمد: انتي الوحيده الي تقدر تغير زين ي اسراء هو قلبو طيب بس اتلم على شويه شباب خلوه كده بذات بعد وفاه مامتو حاولت معاه كتير بس هو مفكر اني بكرهو واني عايز اسيطر عليه وميبقاش لي رأيي بس ولله كل الي عايزو انو يبقى واحد كويس عارف ان طريقتي غلط و دمرت حياه عيالي من غير مقصد وفكرت ان دي الطريقه الصح بس فوقت متاخر اوي صدقيني زين بيحبك ي اسراء عشان كده عايزك توعديني انك تغيريه
اسراء بصتلو شويه بعدين: اوعدك اني هعمل المستحيل عشان اغيرو
باك
اسراء: مممم هبدأ ازاي بقى
عند اسر واروى
اسر: مالك ي اروى
اروى بتنهيده: اسراء هتوحشني اوي متعودتش انها تبقى بعيد عني في يوم
اسر بضحك: في اي بس ي حبيبتي شويه وهنتجوز وهتكوني مرزيه بيها
اروى: هنتجوز ازاي وانا مش عارفه اوصل ل اهلي
اسر: مش انتي واثقه فيا 
اروى: اكيد
اسر: خلاص متشليش هم حاجه الشهر ده مش هيخلص غير وانتي في بيتي
اروى بابتسامة: تعرف انا بحبك
اسر: اعرف ي اختي ومعرفش لي
عند امجد وبسنت
امجد بفرحه: بجد والله يعني موافقه
بسنت: اهدى يبن المجانين هتفرج علينا الناس
امجد: من فرحتي بس احلفي انك موافقه
بسنت: هسيبك وامشي ولله
امجد قام حضنها: اخيرا قلبك لان يشيخه تعبتي قلبي
عند زينه ويوسف
زينه وهي بتتنطط: مش مصدقه ي يوسف اخيرا زين اتجوز مش مصدقه
يوسف: اهدي بس الشارع بيتفرج علينا
زينه: من فرحتي ولله مش عارفه بس انا مبسوطه اوي
يوسف: طب تعالي
زينه: هنروح فين
يوسف: هخطفك ساعتين وارجعك
زينه بضحك: بجد
يوسف: بجد
وركبو العربيه وفضلو يتمشو بيها فجأة 
زينه: يوسف وقف العربيه بسرعه بسرعه ي يوسف
يوسف وقفها بقلق: مالك انتي كويسه
زينه: انزل جبلنا غزل البنات
يوسف بصلها وهو بيحاول يستوعب: نعم يعني قطعتيلي الخلف عشان غزل البنات
زينه: معلش يلا بقى انزل
يوسف وهو بينزل: ربنا على الظالم و المفتري
زينه ضحكت وفضلت باصه عليه فشافت ولد صغير قاعد على الرصيف فراحلو وادالو غزل البنات وجاب تاني
زينه سرحت
فلاش باك
زينه: سيف أنا عايزة غزل البنات
سيف: هو انتي طفله اي الهبل ده
زينه: فيها اي يعني
سيف: فيها كتير ازاي امشي جنبك وانتي بتاكلي حاجات اطفال هيقولو علينا اي
باك
قطع سرحانها
يوسف: تعالي نقعد على الكورنيش الجو حلو اوي
نزلت تقعد معاه
يوسف: مالك ساكته لي
زينه: كان نفسي اقعد هنا
يوسف: ومكنتيش بتقعدي لي
زينه: ها
فلاش باك
زينه: الجو حلو اوي متيجي نتمشي شويه على الكورنيش
سيف ضحك بسخريه: ازاي يعني يحبيبتي المفروض نقعد في مكان فخم يليق بيكي
زينه: بس انا حابه اقعد هنا
سيف: وانا قولت لا
باك
يوسف: زينه انتي يبنتي روحتي فين
زينه بابتسامه: لا ابدا معاك
يوسف: طب اي رايك
زينه: في اي
يوسف: نروح الملاهي
زينه: هو مش المكان ده للاطفال
يوسف: مين قال كده وهي بس الاطفال الي تلعب   عادي يعني اي حد ممكن يروح هناك كبير وصغير
زينه:عندك حق
يوسف بهزار: بعدين مين قالك انو للاطفال قصدك اني طفل
زينه: لا ده واحد سمعتو بيقول كده
يوسف: عادي يبنتي يلا بينا هفسحك فسحه تاريخيه
زينه بفرحه: يلا
ويعدي اليوم بدون احداث تذكر
اسراء: زيييين اصحااااااا
زين قام مفزوع: اي في اي البيت بيولع
اسراء بابتسامه: صباح الخير ي بيبي
زين بصدمه: انتي مين
اسراء بدلع: في اي ي بيبي انت نسيت ولا اي انا مراتك ي بيبي
زين بصدمه: مراتي مين
اسراء اتحولت تاني: جرا اي ياض انت متقوم وانت ساكت هو لازم اتغابى عليك يعني
زين: اه كده انا عرفتك بعدين تعالي هنا انتي لابسه التيشرت بتاعي لي
اسراء بلامبلاه: مجبتش هدومي قوم يلا
زين بص في الساعه : لييي نصحى خمسه ونص لييي ي ظالمه لييي
اسراء واقفه قصادو ببرود:معلش اصل انا نسيت اعرفك من انهرده كل حاجه ليها معاد مخصص الصحيان خمسه ونص تعمل رياضه لغايه الساعه سبعه الفطار هيتحط سبعه هيتشال سبعه ونص بعدين تروح الشركه وتيجي على هنا عشان الغدا هيتشال خمسه ونص بظبط بعدين عايز تنزل براحتك بس الساعه تسعه ونص تكون هنا مفيش دقيقه تأخير العشا هيتحط عشره والنوم عشره ونص كده كل القوانين اتقالت
زين بيثقف: لا هايل ي فنانه متعمليش كده تاني بقى
اسراء بنفس برودها: الاكل مش هيتحضر مرتين هيتشال في معادو بعد كده حبيت تاكل اعمل لنفسك وهتصحى في المعاد ده غصب عنك لو مش برضاك الاوض كلها هتتقفل اما على على الشركه حتى لو مرحتش مش هتدخل البيت الى في معادك اما على معاد رجوعك بقى الباب هيتقفل تسعه ونص جيت بقى مجتش براحتك وتخيل لما باباك يعرف انك بايت برا والبركه فيا بقى مقلكش شعله هعرف اوصيه عليك
زين ضحك بسخريه: ان كان على الاكل اجيبو من برا على النوم ف الفنادق في كل مكان
اسراء: افف يخربيت النسيان هو انا مقولتلكش ان الكريد كارد بتاعتك وقفت ومش هيبقى معاك فلوس غير لو اشتاغلت وجبت فلوسك بايدك
زين بعصبيه: نااااااعم وانتي مين عشان تعملي كده
اسراء وهي بتظبط القميص بتاعو: مراتك ي بيبي يلا خش بسرعه خد دش اعبال مجهز الات الجيم باي بيبي. و قفت على الباب قبل متخرج: على فكره اي حاجه بعملها في صالحك انت وعشان تحس بكم النعم الي حواليك وانت مش شايفها او يمكن انت الي مش عايز تشوفها.وخرجت
زين بص ل اثرها بشرود بعدين اخد دش وغير هدومو. خلص على صوت خبط على باب الاوضه
اسراء: خلصت ي زين
زين: اه جاي اهو
خرج ولقى الات جيم في الصاله
زين باستغراب: اي ده جبتيهم منين
اسراء غمزت: منا مش اي حد برضو انا الصخر
زين بيربع ايدو: لا ولله
اسراء هزت راسها ب اه
زين برفعه حاجب : تحدي
اسراء بتحدي: تحدي
زين بسرعه: اكتر واحد هيشيل اثقال يكسب
اسراء: والي يخسر يعمل ١٠٠ضغط
زين: يبقى جهزي نفسك للخساره
اسراء: لسه محرمتش برضو
عند بسنت واروى
بسنت نايمه في امان الله
اروى: بسااااااااانت
بسنت قامت مفزوعه: مين اي الي حصل امتى فين
اروى باستغراب: اي
بسنت: في اي
اروى: مش عارفه انام
بسنت: ومصحياني لي
اروى: عشان تقعدي معايا
بسنت: هسالك سؤال قبل معرفك كنتي بتعملي كده في اسراء
اروى: اكيد
بسنت: وكانت بتعمل اي
اروى بفخر: تثبت المسدس على دماغي لغايه متخليني انام غصب عني
بسنت: متوقعه مني اعمل اي
اروى مسكت خدودها: تقومي تقعدي معايا عشان انتي طيوبه
بسنت: لا ي حبيبتي عارفه هعمل اي
اروى: اي
بسنت قامت شدتها برا البيت وقفلت الباب ودخلت تنام
اروى: افتحي ي حيوااااااانه
عند اسراء وزين
زين: ها
اسراء وهي بتنهج: لا مش قادره اشيلها
زين: لو شلتها هكسب
اسراء: لو
زين راح يشيلها واسراء باصه في الساعه
زين بتحمل: فاصل قد اي
اسراء: خمسه اربعه تلاته
زين نزلها بسرعه: ااه ضهري
اسراء: كان فاضل ثانيتين يظالم حرام عليك مش عارف تستحمل
زين: تعالي بس اسنديني عشان ضهري اتنى
اسراء قعدتو على الكنبه: استنى هجبلك مرهم
وجابت المرهم وجت: خد
زين: اعمل بيه اي
اسراء: يعني هتاكلو اكيد هتدهنو
زين خطرت في دماغو فكره فابتسم بخبث: هدهنو ازاي
اسراء: هو اي الي ازاي زي السكر في الشاي بيبي يلا خد
زين ببرود: خلاص ادهنيه انتي
(حاليا اتقال كلام جارح للاطفال فحفظا على مشاعرهم حذفناه)
زين فاتح عينو بصدمه
اسراء وهي بتاخد نفاسها: خ خد ا اعبال مم معمل الفطار. سابتو جنبو وراحت المطبخ
زين بص للمرهم: ولله انت مرهم فقري
عند جين و امجد
جين: ايوه برضو مصحيني دلوقتي لي
امجد: عايزين ننزل نحط الكاميرات عشان اكيد نايمين دلوقتي ومحدش هياخد بالو
جين: معاك في كل ده بس انت مش ضامن اي الي ممكن يحصل ممكن حد يشوفنا
امجد: لازم نحط الكاميرات وعثمان مش موجود
جين: ايوه يعني نخفيه ولا اي
امجد: منا بفكر يعم
جين: من غير تفكير الطريقه الوحيده الي ممكن عثمان يخرج بيها هي ان حد عايز يزورو
امجد: صح بس مين واي السبب الي ممكن نقنع بيه عثمان انو راح يزورو
جين: مش لازم تكون زياره اطمئنان ممكن زياره تهديد مثلا او شماته
امجد: ممكن بس مين الي يعمل كده
جين: هو في شخص واحد الي ينفع يروح وهتدخل على عثمان بس خايف عليها
امجد: مين
جين: اسراء
يتبع
#الا_رسول_الله
#مقاطعه_فرانسا
#مقاطعه_المنتجات_الفرنسية