ما بين متمرده و مغرور

الاخير

ما بين متمرده و مغرور
الرابع و العشرون

اسراء شهقت:اه يقليل الادب ابعد كده خليني امشي.وهي في نص الطريق عربيه خبطتها واتحول لون الافستان من ابيض ل احمر
زين بصراخ:اسرااااااااااء
ين يقوم بفزع ويبص حواليه لغايه مشاف اسراء جنبو اتنهد براحه وحمد ربنا انو كابوس وباس راسها واخدها في حضنو ونام
تاني يوم
اسراء:مالك
زين محاول الابتسام: لا ابدا مفيش حاجه
اسراء ضربتو في كتفو بهزار: عليا انا برضو مالك يواد
زين: حلمت بكابوس خايف يتحقق
اسراء وهي ماسكه خدوده: وانت بتخاف من حاجه هنهزر بقى
زين: اسراء انا مش بهزر صح انا عمري مخوفت من حاجه بس دلوقتي بخاف بل بترعب لو الحاجه دي تخصك انتي النفس الي بتنفسو الي لو بعد عني هموت
اسراء بعصبيه: متجبش سيره الموت ممكن
زين: غصب عني بس مش قادر استوعب فكره انك ممكن تبعدي عني
اسراء: لا اطمن مش هسيبك
زين: طب اوعديني انك مش هتسبيني ابدا ومفيش حاجه هتبعدنا عن بعض
اسراء: شوف ده وعد من الصخر بذات نفسه بقولك مش هسيبك ي زين يبن ام زين بحبك يواد
زين فضل يضحك: ولله هبله
اسراء: يخلاثي عليك وانت بتضحك هات بوسه يلا
زين وهو بيبعد بضحك: بت اهمدي في اي
اسراء غمزت: هاخد بوسه
زين بضحك: اخلاقك باظت
اسراء بترفع كتفها: لا هي بايظه لوحدها بس ولله لاخد البوسه خد يلا هنا. وفضلت تجري وراه والبيت اتملا بصوت ضحكاتهم
عند امجد وبسنت
امجد: ها خلصتي
بسنت: قربت اهو
امجد: متخلصي ي بسنت بقالك ساعه بتلبسي
بسنت: هففف اخيرا فستان رخم رخامه
امجد بص عليها بسرحان
بسنت: امجد انت يلا احيه الواد اتجمد
امجد حضنها: بحبك
بسنت ضحكت وشددت على حضنو: وانا بعشقك
عند اروى و اسر
اسر فتح الباب ولقى البيت ضالمه: اي الضلمه دي اروى ي اروى راحت فين البت دي. فتح النور واتفاجأ
اروى بضحك: هابي بيرث داي يعمري
اسر ضحك: عرفتي منين
اروى بغرور: مصادري الخاصه
اسر: يواد يجامد
اروى: تشكرات تشكرات يلا تعالى قول هف
اسر ضحك بصوت عالي: اقول اي يختي
اروى: هف ي اسر هف بص انت اش عرفك انا عارفه بقولك اي يلا قول هف عشان عايزه اكل الشكولاته
اسر حضنها: هبله بس بحبك
اروى باستو من خدو : وانا بتنفسك
عند يوسف و زينه
يوسف: طب بتعيطي لي دلوقتي
زينه بعياط: عشان زعقتلي
يوسف: مانتي نرفزتيني بقالي ساعه بشرحلك نفس الحته وكل مبصلك الاقيكي بصالي وسرحانه اجي اسألك تقولي مش عارفه يبقى مين الغلطان
زينه بعياط: انت
يوسف: يصبر ايوب انا هببت اي
زينه: عشان حلو
يوسف برفعه حاجب: نعم يختي
زينه: بيبقى شكلك حلو وانت بتشرح وعامل نفسك كبير
يوسف: زينه انتي هبله ي حبيبتي
زينه: يعني انا هبله ماشي ي يوسف مش عايزه حاجه هبقى اخلي حازم يشرحلي على الاقل لما اسرح مش يزعقلي. قالت كلامها وجريت يوسف جري وراها وفضل يخبط على الباب بعصبيه: فتحي ي زينه
زينه: ولله غصب عني انا اسفه
يوسف بعصبيه: افتحي ي زينه بدل مكسر الباب على دماغك
زينه خافت وفتحت الباب وهي بتعيط
يوسف بنرفزه وصوت عال: بتعيطي لييييي. وضرب الحيطه جامد
زينه حطت اديها على وشها وهي بتعيط
يوسف قعد يتنفس بسرعه لغايه مهدي بعد اديها عن وشها واتكلم بحنان: بتعيطي لي
زينه بعياط: عشان انت هتضربني
يوسف: انا عمري م امد ايدي عليكي تتقطع قبل متتمد عليكي
زينه مسحت دموعها: طب انت زعلان مني
يوسف: اه عشان مينفعش الي قولتيه حتى لو بتهزري
زينه اترمت في حضنو: خلاص انا اسفه مش هتتقرر تاني
يوسف: و انا اعرف افضل زعلان منك برضو بحبك
زينه بابتسامه: بحبك
عدت الايام و كل شويه حبهم بيزيد اكتر من المره الي قبلها ويجي اخر يوم للجالسه
الدكتوره: كده اقدر اقولك حمدلله على السلامة
اسراء: يعني هبطل اخد الادويه تاني
الدكتوره بابتسامه: بظبط وهتعرفي تعيشي حياه طبيعيه
اسراء وهي بتقوم: شكرا بجد على تعبك معايا
الدكتوره: العفو ده واجبي بعدين احنا بقينا صحاب ولا اي
اسراء ابتسمت: اكيد ده شرف ليا اشوف وشك بخير مع السلامه. ونزلت
زين بابتسامه: حمدلله على السلامه
اسراء: الله يسلمك زين
زين: نعم
اسراء: شكرا
زين: على اي
اسراء: شكرا انك في حياتي لولاك مكنتش هخف ومكنش هيبقى في سبب اعيش عشانو شكرا على كل حاجه
زين: بس يبت ملكيش انتي دعوه انا ومراتي نتصرف مع بعض
اسراء: اومال انا مين يهبل
زين غمز: هقولك لما نروح
اسراء: قليل الادب بعدين ده مش طريق البيت
زين: عارف
اسراء: عارف اي انت مودينا فين يعم
زين مردش وبعد شويه وقف: انزلي
اسراء: زين انا عايزه افهم
زين: اسمعي كلامي لو لمره واحده بس في حياتك
اسراء اتنهدت ونزلت
بعد شويه خرجت وكان زين بيتكلم في التلفون اول مشافها فضل متنح وفاق على صوت التلفون: ها لا ابدا مع السلامه. قفل وقرب منها وباس اديها واتكلم بحنان وحب: زي القمر
اسراء: هو شكرا وكل حاجه بس انا عايزه افهم
زين: تعالي بس
اسراء: مش عارفه امشي بيه تقيل اوي
زين: امري لله. وراح شايلها وركبها العربيه وبعد شويه وصلو للمكان المحدد
زين:انزلي
اسراء نزلت ولقت حاجه بتتحط على عنيها:زين بجد في اي انا بدأت اقلق
زين مسك اديها:ششش تعالي معايا. وفضل يمشي بيها كتير
اسراء: يعم انت موديني فين
زين: ممكن تخرسي عشان بالسانك ده اللحظه هتبوظ
اسراء: يعم شيل البتاعه الي على عيني دي
زين: خلاص وصلنا. شال القماشه من على عنيها
اسراء فتحت عنيها وفضلت تبص حواليها ولقت نفسها قدام البحر والمكان كله متزين بالضوء والورد بصتلو:انت عملت كده عشاني
زين قرب منها: بحبك ومحبتش قدك تتجوزيني
اسراء باستغراب:بس احنا متجوزين
زين:لما اتجوزنا اول مره كان عشان اسر و اروى يتجوزو بس دلوقتي عايزين نبدأ حياه جديده انا وانتي اخترت اليوم ده عشان ننسى الماضي ونبدأ من جديد ها موافقه تتجوزيني
اسراء بفرحه وعياط وهي بتهز راسها: اه اه موافقه. ونطت عليه تحضنو فوقعو
زين: عجبك كده
اسراء افتكرت موقفهم زمان وضحكت فسندت عليه باستمتاع: اوي
زين بضحك: فاكراه
اسراء: نفس الموقف بيتعاد
زين بخبث: لسه في حاجه متعملتش
اسراء باستغراب: قصد. مكملتش كلامها لما باسها بشغف وهي بدلتو بحب فاقو على صوت تثقيف اسراء بعدت بسرعه ووشها احمر وطبعا مسلموش من التحفيل عليهم
:وحشتيني اوي
اسراء وقف الزمن بيها لما سمعت صوتو بصت وراها والدموع بتجري في عنيها: جين. وجريت عليه وحضنته
اسراء بعياط: وحشتني اوي ي جين
جين: وانتي اكتر يروح قلب جين
زين شد اسراء: اسف على قطع اللحظه دي بس ممنوع اللمس
اسراء ضحكت وسط دموعها: بحبك اوي ي زين
زين بابتسامه:وانا بعشقك يقلب زين
جين: يحنين
اروى: مش هتعقلو ابدا
جين وزين في نفس الوقت: هو الي بيبدأ
قعدو يضحكو وشغلو اغاني وفضلو يرقصو
جه واحد من الحرس قرب على زين: في واحده عايزه حضرتك برا
زين باستغراب: واحده مين
الحارس: معرفش هي قالتلي عيزاك في موضوع مهم ومينفعش يتأجل
زين: خلاص جاي. وخرج وراه بص على البنت وقال بصدمه: شاهي
عند اسراء
اسراء باستغراب:هو زين فين
جين:شوفتو خارج برا
اسراء:خلاص هروح اشوفو وجايه
شاهي: اذيك ي زين
زين: اي الي جابك هنا
شاهي: وحشتني
زين بعصبيه: شاهي الزمي حدودك
شاهي: ي زين انا بحبك حس بيا بقى
زين: وانتي عارفه اني عمري محبيتك انا محبتش في حياتي غير واحده بس وهي اسراء واظن انك عارفه الكلام ده كويس
فجأه حضنتو: وانا كمان بحبك اوي ي زين
زين زقها ولسه هيزعق شاف اسراء واقفه ودموعها بتنزل
زين: ا اسراء ولله
اسراء فضلت تهز راسها يمين وشمال وهي برجع ومش شايفه حاجه من دموعها لغايه موصلت لنص الطريق.فجأه صوت عربيه بتقرب منها
زين بفزع وهو بيجري ناحيتها : اسراء حاسبي اسرااااااء. اسراء بصت جنبها ولسه هتصرخ بس كان الوقت فات الوقت وقف في اللحظه دي الكابوس بقى حقيقه دمها سايح لون الفستان اتصبغ بدمها فضل بصصلها بصدمه ودموعو بتجري على عينو: اا ا اس اسراء اسراااااااااء. جري نحيتها وقعد يهز فيها
زين بصوت متقطع: اسراء اصحي يحبيبتي انتي مبترديش لي انتي زعلانه مني صح طب طب انا اسف بس ونبي فتحي عينك متغمضهاش انتي مش بتردي لي. محسش بحاجه شاف الناس بتتلم حوالينو و سامع صوت صراخ اروى وبسنت وزينه وساره وجين بيتكلم في التلفون وهي بيجري واسر بيحاول يكلمو
في المستشفى
الجو متكهرب الكل برا وهم بيدعو بخوف زين مش حاسس بحاجه شايف المشهد قدامو بيتعاد مش مصدق انها هتسيبو تسيبو! لا لا يستيحل تسيبو هي وعدتو انها هتفضل جنبو فاق من دوامه افكاره
محمد: اجمد يبني هتبقى كويسه
زين اترمى في حضنو وفضل يعيط بحرقه: خايف اوي يبابا مش عايزها تسبني انا هموت من غيرها طب تاخد من عمري بس تبقى معايا مش هقدر اصحى وانام من غير ملامحها مش هقدر اعيش من غير ضحكتها مش هقدر ولله عايزها معايا وفي حضني خليها تقوم ونبي مش عايز غيرها
محمد: لا حول ولا قوة الا بالله اهدى يحبيبي هتقوم منها ان شاء الله
بسنت بعياط: لي عايزه تسبيني زيهم لييييي مش قولتي هنفضل مع بعض على طول وهتكوني ضهري والي هتسند عليه كلامك راح فين قومي بقا قومي اااااااااه. امجد شدها لحضنو وفضل يقرالها قرآن وسط دموعو
اسر وهو محاوط وش اروى: متخافيش ي اروى اسراء قويه وهتخرج
اروى بعياط وهي بتفقد قوتها : عايزه تسبني ي اسر متبقليش غيرها قلبي بيوجعني اوي عليها انا ا انا. واغمى عليها اسر جري بيها للدكتور
خرج الدكتور من اوضه العمليات والكل جري عليه
جين بصوت مهزوز: ه هي كويسه ص صح
محمد:طمنا يبني اسراء عامله اي
الدكتور: الحادثه كانت شديده اوي ف مقدرناش ننقذ الجنين
زين ونزل عليه الخبر كالصاعقه: ج جنين
الدكتور: للاسف ايوه واسف اني هقول كده بس مش عايز اخبي عليكو الحاله حرجه جدا ولو عاشت هتبقى معجزه. في اللحظه دي اقض عليه زين وقال بصراخ: هتعيش انت فاهم اقسم بالله لو حصلها حاجه لقتلك
جين وهو بيبعد زين: اهدى ي زين هتبقى كويسه بس اهدى
بعد شويه
دخل دكتور تاني وامر الممرضه الي مع اسراء تخرج تجيب ادويه خرجت وهو خرج حقنه من جيبو
: مع السلامه ي صخر. و اداها الحقنه في دراعها وخرج
معدتش ثواني الى وصوت صفاره تحذير ان القلب وقف ملت المكان
زين بص على اوضه العمليات بصدمه وقلبو وقف وهو شايف كميه كبيره من الدكاتره دخلت و صوت انعاش القلب الي بتفشل كل شويه عدت دقايق وخرج الدكتور وملامح الاسف على وشو
بسنت وقف قدامو وهي بتبلع خصه في حلقها: ف في اي ب بقت ك كويسه
الدكتور باسف: البقاء لله
بسنت صرخت صرخه هزت اركان المستشفى
وزينه اغمى عليها في حضن يوسف
جين قعد على الارض بكسره ودموعو مغرقه وشو: سبتيني انتي كمان روحتي ليها وسبتيني
زين لما استوعب كلامو زق الدكتور ودخل ليها وزعق للي كان في الاوضه: انتو بتغطو وشها لي ابعدو عنهاااااا. محمد اقنعهم يسبوه فخرجو وسابوه
زين قرب منها وقعد جنبها ومسك اديها وبيحاول يتكلم
زين بعياط وصوت متقطع: ا اسراء هم بيكدبو صح انتي مش هتسبيني انا عارف انك لما بتوعدي بحاجه بتنفزيها. ضحك وسط عياطو: قومي دول اتجننو تعرفي بيقولو اي بيقولو انك سبتيني بس انا عارف انهم بيكذبو انتي مبترديش لي....... هزها: حبيبتي فتحي عنيكي انتي من امتى نومك تقيل كده تعرفي انا زعلت اوي ان ابننا مات بس انتي عندي اهم قومي يلا واحنا نجيب واحد تاني يلا. قلبو بيوجعو وبيطلع كلامو بالعافيه: اسراء انا قلبي بيوجعني اوي بس تعرفي انتي شبه الملايكه وانتي نايمه. ضحك : بس لما بتصحي بتبقي جعفر بس انا بحبك. كمل بعصبيه بصراخ: اسراء متهزريش انتي عارفه اني مبحبش الهزار ده ردي عليا وقوليلي انهم بيكدبو عليا انتي مبترديش لي....... حضنها وحط راسو مكان قلبها محسش بالنبض
كمل ودموعو بتنزل وبيشدد على حضنها جامد: يعني كلامهم صح سبتيني خلاص ب بس انا لسه عايزك معايا انا محتاجك. عيط بحرقه: اسراء ردي عليا ونبي قلبي بيوجعني اوي. دفن راسو في رقبتها وفضل يعيط وهو شادد على حضنها بكل قوتو
دخل محمد مع مجموعه الدكاتره وهو زعلان على ابنو وعلى اسراء الي كان بيعتبرها بنتو
محمد: يلا ي زين عشان ندفنها
زين اتنفض من مكانو وهو ماسك فيها زي الطفل الي ماسك مامتو وبيهز راسو: لا لا هي عايشه صدقوني بصو. بص ل اسراء وفضل يهزها وهو بيعيط: اسراء قومي دول عايزين ياخدوكي مني قومي قوللهم انك عايشه ويستحيل تسبيني. شدوه وبيطلعوه بالقوه تحت صراخو وهو بيمسكها بكل قوتو: لا سبوها محدش يغطي وشها اسرااااااااء عشان خاطري متسبنيش ولله بحبك ااااااااااه. حط ايدو على قلبو بعدها محسش بحاجه تاني
نرجع للوقت الحاضر
في بيت المنشاوي
زين بيتكلم ببرود بقت عادتو من ساعه م ماتت: اتفضلو
جين اخد نفس واتكلم بحزن: انا هرجع المانيا ومش هرجع تاني كنت واخد وعد اني مش هرجع بعد موت روح بس رجعت عشانها لاكن هي كمان سابتني وانا تعبت ومش هقدر استحمل اكتر
زين وجه نظرو ل اسر و اروى
اسر: هروح امسك الفرع الي في امريكا عشان حالت اروى تتحسن
زين ببرود وهو بيقوم: الي عايز يعمل حاجه يعملها
ساره نزلت وقربت من زين: ابيه زين
زين بصلها
ساره: هي اسراء بطلت تيجي لي انا سمعت بابا بيقول انها اتوفت يعني اي اتوفت
زين غمض عينو وقلبو بيتحرق ومسك دموعو بالعافيه
زينه اتكلمت بصوت مهزوز: تعالي هنا ي ساره سيبي زين عشان تعبان
قاطع كلامهم صوت امجد وبسنت الي دخلو كالاعصار
امجد: محدش هيروح في حته في مهمه جديده
جين بعصبيه: انا مش همشي في الطريق ده تاني هو السبب في كل حاجه اخد مني كل الناس الي بحبهم
بسنت بهدوء: بس ده حق اسراء
زين بصلها بسرعه: يعني اي
بسنت: لما المهمه خلصت وعدنا بعض اننا مش هنمشي في الطريق ده تاني وهنقفل اي باب يخلينا نمشي فيه تاني بس لما فتحت تلفوني القديم لقيت عليه رساله من الحراس بيقولو ان عثمان هرب في نفس اليوم الي. غمضت عنيها واخدت نفس: في نفس يوم الحادثه ساعتها افتكرت ان اسراء كانت حاطه في كلبش عثمان جهاز تصنت فتحت التسجيلات وسمعتو بيتفق مع واحد انو يقتلها بنفس طريقه موت مازن شوفت تسجيلات كتير هتساعدنا بس في تسجيل ناقص وده اهم تسجيل لانو بيقول فيه طريقه موتها ازاي لانها مش ماتت من الحادثه ومين الي قتلها لازم نجيب التسجيل ده
زين قبض على ايدو وعينو بتنطق بالانتقام: وحياه حبي ليها لجيب الي عمل كده واخليه يدفع التمن غالي اوي
قاطع كلامهم كسر ازاز ودخول منو واحد على موتسكل ولابس خوذه
كلو قام وقف وهو باصص على الموتسكل
زين: انت مين
نزل من الموتسكل وشال الخوذه وابتسم ابتسامه جانبيه
: مش قولت قبل كده محدش يقول حاجه هو مش قدها
الكل بصدمه: اسراء
تمت بحمد الله
كده الجزء الاوا خلص توقعاتكو للجزء التاني بقى هتوحشوني سلاموز
#مقاطعه_فرانسا
#الا_رسول_الله
#مقاطعه_المنتجات_الفرنسيه