ما بين متمرده و مغرور

الثاني عشر

ما بين متمرده و مغرور
الثاني عشر

اسراء وهي بدب برجلها على الارض مسحت شفتها بغيظ واحمرار: عااااااا مهزق وقليل الادب. فضلت تمسحها جامد لغايه محمرت ونزلت دم: واحد مهزق معداش عليه ربع ساعه تربيه
عند زين
واقف متنح من الصدمه: يبنت المجنونه
عند بسنت وامجد
بسنت: في اي بقى مضايق لي
امجد بضيق حكالها الي حصل
بسنت: متقلقش اسراء ميتخافش عليها
امجد: منا عارف دن بس عايزو يجرب يقرب منها بس وانا هدفنو حي
بسنت ابتسمت بحب
امجد برفعه حاجب: مالك بصالي كده لي
بسنت مسكت ايدو بابتسامه: انت طيب اوي ي امجد
امجد باس اديها:ربنا يخليكي ليا ي كل حياتي
عند زينه
يوسف: ممكن اعرف بتهربي مني لي مش احنا اتفقنا لو مش متقبله الموضوع متبعديش عني
زينه بصتلو: اي ده اي الي عمل فيك كده
يوسف: مش مهم ممكن اعرف بتهربي مني لي
زينه: مين عمل فيك كده ي يوسف
يوسف: ابدا تور من صحابي
زينه بقلق: طب استناني هنا انا معايا شنطه اسعافات في العربيه. مستنتش ردو وجريت على العربيه
يوسف: طب طلاما بتحبني لي بتهرب مني ممكن تكون بتحب حد تاني بس قلقها عليا بيدل انها بتحبني يارب ساعدني
زينه جت وفضلت تعقم الجروح واديها بتترعش ودموعها بتنزل: بتوجعك
يوسف ابتسم بحب: لا
زينه بدموع: انت بتكدب عليا صح
يوسف بنفس النظره: لا
زينه ضربتو على صدره: رخم
يوسف: اااه يخربيتك هو انا ناقص
زينه اتنفضت: وجعتك طب تعالى نروح المستشفى يلا
يوسف مسك اديها وقعدها قدامو بهدوء: سيبك من كل ده عايز اتكلم معاكي
زينه: قوم الاول نروح المستشفى
يوسف بهدوء: انا كويس ي زينه بس لازم نتكلم زينه انتي في حد في حياتك
زينه بصت في الارض
يوسف ابتسم: صح انا نفسي انك تكوني ليا بس مش معنى كده اني اقف قصاد سعادتك لو بيحبك بجد ي زينه متضيعهوش
زينه: يوسف انا
يوسف: انا مش زعلان صدقيني انا الي يهمني سعادتك حتى لو مع حد غيري المهم انك مبسوطه  بس هنفضل صحاب ماشي
زينه ابتسمت ابتسامه بسيطه: انت احسن شخص قابلتو في حياتي ياريت كنت قابلتك من زمان
يوسف ابتسم: اي رايك نتمشى على البحر
زينه ابتسمت: يلا
في بيت المنشاوي
تفتح اوضه ساره براحه وتمشي على طراطيف صوابعها لغايه متبقى وراها بظبط غمضت عنيها: انا مين
ساره اتنطتت بفرحه وحضنتها: اسرااء وحشتني اوي اوي قد البحر
اسراء بابتسامه: وانتي وحشتيني قد السما وجبتلك شكولاتة من الي بتحبيها
ساره بحزن: بس انا
اسراء: مالك ي سو
قاطعهم خبط الباب ودخول محمد
محمد: ازيك يبنتي
اسراء: الحمدلله يباشا بس عايزه اعرف ساره مالها
محمد بحزن: ساره عندها السكر
اسراء بحزن نجحت تخبيه: يعني قلقاني عليكي على الفاضي الي عندهم السكر دول ناس مسكره انتي مسكره يبيضه
ساره بطفوليه: بجد
اسراء بابتسامه: بجد بس عشان انتي سكر مينفع تاكلي سكر كتير عشان ميغرش منك
ساره بحزن: بس انا عايزه اكل شكولاته و هي فيها سكر
اسراء: انا هجبلك شكولاته مخصوص لساره بس
ساره بفرحه: بجد
اسراء: بجد. وحضنتها
يعدي الوقت بسرعه ويجي الليل 
في بيت المنشاوي
ساره: هيييييه زينه جت
زينه حضنتها: حبيبتي الصغيره
ساره: عيزاكي تلعبي معايا انا واسراء
زينه: بقيتي بتيجي هنا كتير يعني
اسراء: احتمال اقيم هنا بسبب ساره ولله 
زينه: قيمي يختي حد ماسكك
اسراء: واقعد مع اخوكي المجنون ده في مكان واحد لا انتي بتهرجي
زينه: طب ولله ليقين على بعض
اسراء: ممكن تخرسي بعدين انا لازم امشي اتاخرت اوي على البنات وهيعملو مني بوفيتك ده غير اني لسه هروح اجيب اروى عشان عربيتها بتتصلح
زينه: سلميلي عليهم وانا هبقى اعدي عليكو بكره
اسراء: عنيا يلا سلاموز. خرجت و ركب عربيتها وفي طريقها للاسطبل
في مكان تاني
: وصلت لفين يعم
سيف: خلاص قربت اخلص اديني بس يومين وانا هخلص
: ولله انا خايف عليك
سيف: هي اول مره ولا اي بعدين عملت اي في الي اتفقنا عليه
: نفذت بس الموضوع باظ
سيف بعصبيه: لي اي الصعب في انك تفك فرامل عربيتو
: انا نفذت فعلا وفكيت الفرامل بس في واحده كسرت العربيه قبل ميركبها
سيف: مين دي
: دي البنت الي كنت حكيتلك عنها قبل كده
سيف هز راسو: هنشوف طريقه تانيه
في الاسطبل
زين مسك ايد اسراء وبصلها بحب: انا بحبك
اسراء احمرت وبصت في الارض زين رفع وشها: مش هتقوليها
اسراء ابتسمت: بحبك ي زيني
سكتو لما سمعو صوت صفير وتثقيف
زين: انتو هنا من امتى
اسر بضحك: من اول انا بحبك اه يخلبوص ومش معرفني ده انا اخوك حتى
اروى بصتلهم شويه: انتو هنا من امتى
اسراء بصت ل زين: هو انا لسه جايه وقابلت زين في الطريق فقولت استناكي هنا وزين كان عايزني عشان كده قعدت معاه تكوني خرجتي
اروى ابتسمت: مبروك رغم انها غريبه شويه الصخر يقع في الحب
زين: منا مش اي حد برضو
اسراء: خف غرور عشان بالمنظر ده مش هنكمل مع بعض
زين: طب قومي عشان اوصلك وبكره هعدي عليكي عشان اعرفك راي بابا
اسراء: لا انا معايا العربيه يلا ي اروى
اروى: يلا
طبعا مسلمتش من كميه التحقيق الي حصل لغايه مروحو
بسنت: خيانه كنتو فين ها
اروى بابتسامه: زين واسراء بيحبو بعض
بسنت: برضو كن نعم يختي زين ومين
اسراء: في اي يبنتي انا وزين بنحب بعض
بسنت: ده من امتى ده مين الي جاب البنزين جنب النار
اروى: الحب يبنتي يعمل المستحيل تعرفي لولا الخبر ده مكنتش انا واسر هنتجوز
اسراء باستغراب: لي
اروى: عشان بابا اسر حط شرط ان زين يتجوز الاول ده غير اني مكنتش عايزه اسيبك لواحدك بعد م بسنت برضو هتتجوز
اسراء بضيق: انا مش طفله عشان تقولي مش عايزه اسيبك لواحدك تمام
بسنت: اسراء اروى عندها حق بذات الحاله العصبيه الي بتجيلك فمش هنكون مطمنين طول منتي لواحدك
اسراء بهدوء: على العموم الموضوع اتحل اهو هطلع عشان هموت وانام
اروى وبسنت: تصبحي على خير
اسراء: وانتو من اهل الخير
وطلعت رمت نفسها على السرير وباصه للثقف: هو الي عملتو ده صح
فلاش باك
اسراء لسه هتدخل سمعت اروى واسر بيتكلمو حست بصوت نفس وراها بصت لقتو زين بيشاورلها تسكت وقفو يسمعو بيقولو اي
اسر: قالي ان الشرط اني اقنع زين يتجوز قبلي عشان هو الكبير
اروى: اسر هو في حاجه عايزه اعرفهالك لان حتى لو زين اتجوز مش هنقدر نتجوز
اسر: لي
اروى: مش هقدر اسيب اسراء لوحدها مش هطمن بذات ان بسنت هي كمان هتتجوز اسراء محتجاني ومش هعرف اسيبها
اسر باس راسها: اكيد هنلاقي حل لكل حاجه
متخافيش
اسراء وزين بصو لبعض بعدين مشيو بعيد عشان ميعرفوش انهم سمعو. قعدو في مكان بعيد
زين وهو باصص قدامو: هنعمل اي
اسراء بضيق: معرفش بس اكيد مش هنسبهم يتفرقو تاني مش عارفه الغبيه دي بتفكر ازاي انا مش طفله عشان تقلق عليا
زين: ومين بقى الي توافق تتجوز واحد بالي انا بعملو ده من غير متكون طمعانه في الفلوس
اسراء مسحت على وشها بسرعه: يعني اي هنسبهم كده
زين: اكيد هنلاقي حل
اسراء سكتت شويه
زين: سرحانه في اي
اسراء بصتلو بشرود: تتجوزني ي زين
زين بصدمه: اي
اسراء بهدوء: انت اكيد سمعت تتجوزني مفيش حل غير كده انا وانت المشكله وكل واحد ليه اسباب انا اروى مش هتوافق غير لو اطمنت عليا واسر عشان انت لازم تتجوز لانك الكبير مفيش حل غير اننا نتجوز فتره لغايه ميتجوزو وبعدين نبقى نخلق مشاكل وخناق مع بعض عشان يصدقو ان العيشه مع بعض مستحيله ونطلق
زين بصلها شويه: ماشي بس محدش هيعرف بالاتفاف ده
اسراء: اكيد طبعا بس عندي شرط
زين: اي هو
اسراء: مش عايزه فرح هو كتب كتاب بس
زين باستغراب: لي انا فكرت انك هتطلبي فرح كبير وحوارات
اسراء بصت قدامها بحزن: ده طلبي
زين شاف نظره الحزن في عينها فمحبش يضغط عليها اكتر: موافق
اسراء اتنهدت: دلوقتي انا وانت هنفضل قاعدين ولما  نشوفهم وهم جايين نعترف بحبنا عشان يصدقو 
زين: تمام بس لازم نتجوز باقرب وقت ممكن 
اسراء: حدد امتى وانا موافقه بس طبعا بعد م باباك يعرف
زين: تمام يلا عشان جايين
باك
اسراء غمضت عنيها محاوله الهروب بالنوم
في بيت المنشاوي
محمد: انا عن نفسي موافق بس لي مش عايز فرح
زين: اسراء الي طلبت ده
محمد: ازاي يبني انت راجل اعمال كبير يعني لازم يتعملك فرح يليق بمقامك
زين: حاولت اقنعها بس هي رفضت من غير متقول السبب
محمد: خلاص براحتكو اتفقتو على اليوم الي هنروح نتقدم فيه
زينه: احم بابا اسراء يتيمه
محمد بحزن: عشان كده رافضه الفرح
زين:معرفش والله
محمد: خلاص بكره نعزمها هي و اروى ونتفق على كل حاجه
اسر: تمام هبقى اعرف اروى
زين: ماشي هطلع انا عشان انام تصبحو على خير
الكل: وانت من اهل الخير
ويعدي اليوم بهدوء وتشرق الشمس معلنه بدء يوم جديد
اروى: اسر كلمني وقال ان باباه عازمنا عندو عشان نتفق على كل حاجه
اسراء: اه زين قالي هي بسنت فين صحيح
اروى: امجد كلمها وعزمها برا عشان برضو يتفقو
اسراء بابتسامه: امجد صبر ونال مش عارفه استحملها ازاي بأمانه حب لو تلج
اروى: الحب ي اختشي الحب
اسراء بضحك: حبك برص هو انتي مش راحه الشركه النهرده
اروى: اسر اخد لينا اجازه انهرده
اسراء: فكريني اقول لبسنت ترجع الماتشات تاني
اروى: انتي مش هطبطليها
اسراء: انا ممكن ابطل اي حاجه الى المصارعه
اروى: صح فكرتيني بتشربي سجاير ي اسراء ده انا هنفخك
اسراء: بطلتها من زمان بس الفتره دي كانت صاعبه وكنت بطلع غلي في اي حاجه ملقتش غير السجاير اعمل اي يعني المهم قومي البسي يلا عشان مش نتأخر
اروى بغمز: لحق يوحشك
اسراء: وحش اما يلهفك انتي وهو غوري من وشي يبت
اروى جريت وهي بتضحك: يبقى وحشك يموزه
عند امجد وبسنت
امجد: ها اي رايك..... بسنت.... انتي يبنتي
بسنت: هه نعم ي امجد
امجد: كنتي سرحانه في اي بقالي ساعه بكلمك
بسنت: اسراء
امجد بقلق: مالها حصلها حاجه
بسنت بسرعه:لا بعد الشر بس امبارح لما رجعو بيقولو ان اسراء وزين بيحبو بعض
امجد: يشيخه خضتيني وفيها اي يعني لما يحبو بعض
بسنت: مش عارفه ي امجد حاجه منعاني اصدق
امجد: اكيد قلقانه عشان المشاكل الي كانت بنهم بس ما محبه الى بعد عداوه عادي جدا
بسنت بشرود: ياريت يكون الموضوع كده ي امجد
عند زينه
زينه: الو ي سيف
سيف: اي يحبيبتي فاضيه نخرج انهرده
زينه: معلش مش هقدر عشان اسراء واروى جايين
سيف: لي حصل حاجه
زينه: لا بس انت عارف ان اسر هيخطب اروى وامبارح زين فاجأنا بموضوع انو هو واسراء بيحبو بعض وهيجو انهرده عشان يتفقو
سيف: اي ده بجد
زينه: اه انا بجد مبسوطه اوي وانت مش مبسوط
سيف: هه لا طبعا مبسوط جدا ربنا يتمم على خير معلش يحبيبتي لازم اقفل عشان صاحبي وصل
زينه: ماشي ي حبيبي سلام. لقت الباب اترزع
اسراء: الحيوانه الي مش بتعبرنا
زينه بضحك: تعالي يختي انتي وهي
اروى: اه يواطيه مش بتسألي لي ولا لازم انا الي اجي
زينه: ولله غصب عني بس مبسوطه اوي
اروى: انا مش بس مبسوطه انا مصدومه اسراء وزين لا بصراحه شابوه
زينه: عشان تصدقوني لما اقول حاجه قولتلك انتو لايقين على بعض طلعتي فيا اكلتيني
اسراء: حفلو حفلو مليكو حق منا الي ادبست
اروى: وانتي يبت مش هنفرح بيكي قريب
زينه: لا لسه بدري اوي على الكلام ده
اروى: بدري من عمرك يعسل
اسراء: طب ولله البت دي بتفهم لولا بس اني بحب زين مكنتش اتجوزت واترزعت زي منا
زينه: اسراء انتي عارفه ان زين
اسراء: عارفه كل حاجه عنو متقلقيش هو مش مخبي عني حاجه وانا هعرف اغيرو
زينه بشرود: هو ينفع حد يتغير عشانك
اروى: لو حبك بجد هيتغير اديكي شوفتي اسر و زين
زينه: معاكي حق زين فعلا الفتره الاخيره مبقاش بيروح الاماكن الي كان بيروحها
اروى: البركه في شيخه اسراء
اسراء: حاسه ان في حد عايز يموت سيكا
قعدو يضحكو ويهزرو مع بعض بعدين جت الخدامه تناديهم عشان الاكل جهز ونزلو
اروى واسراء كانو قاعدين جنب بعض بس اسر قعدها جنبو وزين لما نزل قعد جنب اسراء
زين بصوت واطي: نورتي
اسراء بغرور : طول عمري بيبي
زين: مغروره
اسراء ضحكت بسخريه: لا بجد حوش يلا رئيس حسب التواضع بيتكلم
زين: طب اخرسي بقى عشان بدأو ياخدو بالهم
اسراء: انت الي بدأتي مترجعش تلومني بجد مش عارفه هستحملك شهرين ازاي ده انا مش قادره استحملك ساعتين على بعض
زين:لا يبت على اساس اني هموت عليكي
اسراء: ممكن متتكلمش في الموضوع عشان من اخر مره وانت شكلك وحش
زين: مستفزه
اسراء: مغرور
زينه: بتقولو اي كل ده سمعونا
اسراء : بنحب في بعض ايش حشرك انتي
زينه: زين شوف مراتك المستقبليه بتقولي اي
زين: لا مهو بجد انتي ايش حشرك
زينه: تصدق بالله انت اخ مش جدع  وانتي صاحبه عره اصلا
اسراء: عشان مصحباكي (هذه الفتاه رمز لقصف الجابهه)
في مكان تاني
١:هو ده الي حصل يباشا
٢: ممم وهي عارفه بيعمل اي
١: سيف مقليش ان كانت عارفه ولا لا
٢: خلاص ابعتلها صور ليه يوم كتب الكتاب واتوصى شويه
١: حاضر يباشا
٢: هتخرجني امتى
١: وقت ملاقي الفرصه المناسبه
٢: ياريت بسرعه مش هفضل هنا كتير
١: حاضر يباشا
في بيت المنشاوي
محمد: هو انتي مش عايزة فرح لي
اسراء بصت ل اروى برجاء انها مش هتقدر تتكلم
اروى: احم ممكن اتكلم مع حضرتك على انفراد 
محمد باستغراب: ماشي يبنتي اتفضلي. راحو بعيد يتكلمو والباقي قاعد بيبصو لبعض باستغراب وبعد شويه رجعو. محمد قعد جنب اسراء وحضنها
محمد: انتي رمز للقوه اوعي يأثر عليكي حاجه من انهرده اعتبريني والدك تمام
اسراء بابتسامه: حاضر
زين فضل باصص عليهم حس بضيق لما لقاها في حضنو بس اقنع نفسو انها حاجه عاديه 
اكلمو شويه بعدين محمد قال: واهل اروى
اروى بضيق: مش ليهم لازمه اصلا
محمد: لي بس يبنتي
اروى اتنهدت: كل الي اعرفو عنهم انهم سابوني من ١٥ سنين مع الداده وسافرو وكل سنه بيكلموني مره واحيانا مش بيكلموني اصلا ف وجدهم زي عدمو
محمد: بس
قاطعتو اسراء: اعتبرني مكان اهلها اي حاجه تخصها انا موجوده
اروى بصتلها بابتسامه وهمست: هتفضلي اختي وكل ما ليا
محمد:عارف يبنتي بس الاصول اصول
اسر: خلاص ي بابا انا هتصرف
زينه: بصو فككو من الاحزان دي ويلا اتفقو على الفرح عشان عايزه اعمل دور العمه الحربايه
اسراء بصتلها برفعه حاجب: ده الي فارق معاكي
زينه بثقه مضحكه: اكيد
زين: عمتا بما ان كل حاجه جاهزه يبقى كتب الكتاب اخر الاسبوع
محمد: اي رايك يبنتي
اسراء: موافقه
زينه: هم بيزغرطو ازاي
اروى: انا مشوفتش في تفاهتك
خلصو كلام بعدين كل واحد خرج خطيبتو
عند اسر واروى
اسر: لي مش حكتيلي على موضوع اهلك
اروى بضيق: مش بحب اتكلم في الموضوع ده
اسر بحب: وعد مني اني هعوضك
اروى بابتسامه بسيطه: متأكده من ده بس مش عارفه اهلي هيجو ازاي ي اسر ازا كان مش بيسألو  عليا هيجو عشان فرحي
اسر:متخافيش ي حبيبتي انا هظبط الموضوع
عند اسراء و زين
زين: اي السبب
اسراء: في اي
زين: في انك مش عايزه فرح
اسراء بضيق: مش بحب اتكلم في الموضوع ده ي زين لو سمحت
تسريع الاحداث
بسنت: وزين رأيو اي في الموضوع ده
اسراء: و هو مالو اصلا دي حاجه تخصني
بسنت: يبنتي انتي كلها ٣ ايام وهتبقي مراتو
اسراء: ايوه برضو هو مالو
بسنت: بصي هو حاجه من الاتنين ي بتستغبي ي دي طبيعتك
اسراء: اجابه تالته برضو هو ملهوش علاقه بعدين فيها اي ده يعتبر شغل وهو عارفني بيه
بسنت بتنهيده: براحتك على العموم في بعد بكره ماتش كنت هأجلو لغايه متيجي تقولي نبدأ
اسراء: مفيش متشات بكره
بسنت: لا بعدين لاحظي ان المره دي هتطلعي ب اسراء مش الصخر
اسراء: لي
بسنت: ولي لا الي كنا عاملين موضوع الصخر ده بسببو اتسجن ف لي متطلعيش ب شخصيتك العاديه
اسراء: تمام مواففه المهم عملتي اي انتي وامجد
بسنت: امجد عايزنا نتجوز بسرعه بس مش عارفه لي خايفه
اسراء: لاحظي انو استحملك كتير لغايه معترفتي انك بتحبيه متخلهوش يزهق بقى بعدين انتي خايفه لي ده شعور طبيعي جدا
بسنت: طب اعمل اي يعني
اسراء: تروحي تتكلمو مع بعض وتحددو معاد مع بعض متضيعهوش من ايدك ي بسنت
بسنت: انتي شايفه كده
اسراء: مش شايفه غير كده
بسنت اتنهدت: خلاص هكلم امجد واشوف هيقول اي
اسراء: تمام
بسنت: انتي راحه فين
اسراء: هروح المرسم
بسنت: هتتاخري
اسراء: معرفش بس هحاول اجي بدري اروى راحت الاسطبل
بسنت: اه عشان بقالها فتره مش بتروح وركي واحشها
اسراء: تمام سلاموز
بسنت جابت الاب توب وقعدت تشوف معلومات وتشوف كميرات المراقبه
بسنت باستغراب: اي ده. علت الصوت وحطت السماعه فتحت عنيها بصدمه: لازم ابلغهم بسرعه
عند اروى
بتمشي اديها على روكي براحه فابتسمت: جيت لي
اسر حضنها من ضهرها: ميمشيش معاكي انك وحشتيني مثلا
اروى ضحكت: انا لسه سيباك من شويه
اسر: انتي بتوحشيني على طول. بعد عنها ووقف عند الحصان ومشي بايدو عليه: معاكي من زمان
اروى: اوي ده عندو نفس عمري اتولد في نفس اليوم ولما كبرت شويه بقيت بهتم بيه لغايه مكبرنا
اسر بابتسامه: بتحبي الاحصنه
اروى: فوق متتخيل بذات روكي
اسر بضحك: يباختك يعم روكي
اروى ضحكت: بتغير من حصان ي اسر
اسر بصلها بنص عين: عندك مانع
اروى وهي بتكتم ضحكها: لا
عند جين وامجد
جين قاعد في امان الله لقى حد هجم عليه
جين: اي يعم كسرت الباب
امجد بسرعه: في مصيبه
جين: انا من ساعه معرفتكو و كل يوم مصايب
امجد بعصبيه: مش بهزر. وقالو الي بسنت قالتو
جين بصدمه: اي طب مين ده
امجد: الكاميره مجبتش وشو بس طول مهو موجود حياه اسراء هتفضل في خطر
جين: في حاجه ناقصه في الموضوع ده يعني اكيد مش صدفه
امجد: هكلم الباقي وانت كلم رياض باشا ونتجمع في مكانا
حين هز راسو بالمواقفه
عند اسراء
اسراء: في اي ي امجد
امجد: انتي فين
اسراء: في المرسم
امجد: سيبي كل الي في ايدك وتعالي في مكانا بسرعه
اسراء وهي بتجيب المفتاح وخارجه: اي الي حصل
امجد: لما تيجي هتعرفي كل حاجه
قفلت معاه وساقت عربيتها بسرعه جنونيه
عند اروى
اروى: في اي بس
بسنت: هتعرفي كل حاجه لما تيجي مفيش وقت
اروى: حاضر سلام. قفلت: لازم امشي ي اسر البنات عيزيني
اسر: في حاجه ولا اى
اروى: معرفش بس لازم امشي دلوقتي هكلمك لما اروح سلام
اسر: سلام
بعد شويه 
اروى: في اي جيبنا على ملا وشنا كده لي
بسنت: لما كنت بشوف كاميرات المراقبه لقيت واحد بيتكلم مع عثمان وبيعرفو اخبار اسراء والي فهمتو انها كسرت عربيه واحد كان المفروض ان العربيه دي فراملها مفكوكه عشان يموت وبيتفق معاه كمان انو يهربو
جين: انتي فاهمه حاجه
اسراء: انا عارفه نص الحوار ده
يتبع
#الا_رسول_الله
#مقاطعه_فرانسا
#مقاطعه_المنتجات_الفرنسيه