ما بين متمرده و مغرور

السابع عشر

ما بين متمرده و مغرور
السابع عشر

محمد: زينه موافقه ولا لا
يوسف بدأت ملامح القلق تظهر على وشو
زينه بصتلو بحزن: انا اسفه بس مش هقدر. وقامت بسرعه  عشان محدش يشوف دموعها وقفلت على نفسها واتفتحت بالعياط
كلو صدم واسغرب من رد فعلها اسراء و بسنت واروى جريو وراها
محمد: معلش يبني بس كل شئ نصيب
يوسف مش قادر يصدق الي حصل وفاق على كلام محمد: لا ي عمي محصلش حاجه عند اذنك. واخد اهلو وخرجو
الام: متزعلش نفسك ي بني ده نصيب
يوسف بدون ملامح: عادي ي ماما محصلش حاجه
عند عيله المنشاوي
اسر: اي الي حصل دلوقتي
محمد: ولله يبني منا عارف
زين: انت اجبرتها على انها تقابلو
محمد بتعب: ابدا ولله امبارح كانت فرحانه جدا لما عرفت انو هيتقدملها مش عارف عملت كده لي.و اغمى عليه
زين واسر بصوت عالي:باباااا
عند البنات
اسراء: افتحي ي زينه بدل مكسر البابة
زينه بصوت عالي وعياط: سبوني لوحدي
اروى: ي اسراء سبيها ترتاح شويه
اسراء بعصبيه: انتي شوفتي الي حصل من شويه انا عايزه افهم لي عملت كده رغم انها بتحبو
بسنت شدت اسراء و اروى راحت وراهم
بسنت: هي مش هتقدر تتكلم دلوقتي سبيها تهدى ونبقى نتكلم معاها لما تهدى
عند يوسف
قاعد سرحان في الي حصل: انت غلطان من الاول قبلت انك تفضل معاها رغم انها بتحب غيرك و صدقتها لما قالت انها بتحبك اتساهلت كتير وده كان رد كافي انو يفوقك من الوهم الي عايش فيه
في بيت المنشاوي
اسر بقلق:هو كويس ي دكتور
الدكتور:حاليا كويس بس ضغطو علي فجأه ياريت تاخدو بالكو منو
زين هز راسو بقلق
اسراء:هيفوق امتى
الدكتور:كمان ساعتين كده عن اذنكو
بعد شويه
محمد بتعب:عايز اسراء لوحدها اخرجو انتو
خرجو وسابو اسراء ومحمد بيتكلمو
عند اسر و اروى
اسر: مقلتش حاجه
اروى: لا قالتلي سبوني لوحدي دلوقتي الصبح تكون هديت شويه وهبقى اتكلم معاها انا والبنات
اسر: انا الي عايز افهمو لي تعمل كده مهي بتحبو وهو بيحبها
اروى: معرفش ولله ي اسر متقلقش خير انشاء الله
عند بسنت وامجد
امجد: ولي كل ده
بسنت: معرفش بس الي ترجمتو ان في حد ضاغط عليها او بيهددها اي الي يخلي واحده رافضه واحد تعيط وتنهار كده غير انها بتحبو 
امجد: متقلقيش كل حاجه هتهظر مع الوقت
بسنت اتنهدت بتعب
امجد: مالك ي بسنت
بسنت بصتلو بتعب: امتى هنخلص من كل ده امتى نعيش حياه عاديه من غير مهمات وخطر لامتى هنفضل خايفين نغمض عين لنتقتل لامتى هنفضل في دوامه الالغاز دي
امجد اتنهد: معرفش ي بسنت بس احنا الي اخترنا الطريق ده محدش مشي فيه غصب عنو
بسنت: انا لاول مره في حياتي اكون خايفه ي امجد لما نتجوز عيالنا هيكون مصرهم اي الي شجعنا زمان اننا نختار الطريق ده اننا ملناش الي نخاف عليه طب دلوقتي ي امجد انا مش هقدر اتحمل فكره انك تبعد عني
امجد باس دماغها وضمها: كلو هينتهي وهيتحل مش هسيبك ابدا يبسنت
عند زين واسراء
اسراء: هنقعد هنا انهرده
زين: اه مينفعش نسيب الدنيا مولعه كده
اسراء: تمام هطلع اريح لاني خلاص فصلت
زين بصلها شويه وابتسم  بخبث من غير متاخد بالها:وانا كمان هطلع معاكي اوضتنا
اسراء وقفت مكانها: نعم
زين: اي المفروض اننا متجوزين
اسراء بتوتر: ايوه بس
زين مسبلهاش فرصه تكمل وطلع: يلا عشان تعبان
اسراء غمضت عنيها واخدت نفس ببطئ وراحت وراه
في بيت اروى وبسنت
اروى وبسنت دخلو لقو رضوان و شاهندا قاعدين وعلى وشهم ملامح الغضب
بسنت: احم السلام عليكم
رضوان بعصبيه: كنتي فين واي الي اخرك للوقت ده
بسنت: ي عمي هو
شاهندا: احنا بنتكلم معاها هي
بسنت باحراج: انا اسفه عن اذنكو
اروى ببرود: استني ي بسنت. بصتلهم: ده بيتها وانتو ضيوف هنا فياريت متتعدوش حدودكو اما بقى كنت فين ورجعت دلوقتي لي ف دي حاجه تخصني انتو متدخلوش اصلا وللمره الألف بقولكو انتو هنا عشان بس الاصول بتقول ان لازم اهلي يكونو موجدين وانا بتجوز حتى انتو متستحقوش كلمه اهل اصلا ولا انا بعتبركو اهلي ف ياريت تعرفو حددكو لغايه منخلص وبعدين ترجعو من مطرح م جيتو وتنسو ساعتها ان ليكو بنت اسمها اروى اظن كلامي واضح. بصتلهم بحده: يلا ي بسنت
واخدتها وطلعو
شاهندا بضيق: احنا هنسكتلها كتير
رضوان بقرف: مش بنتك اتصرفي معاها
شاهندا: نعم ي خويا بنت مين يعنيا لا يحبيبي دي بنتك انت انا مليش دعوه بيها
رضوان: ولا بنتي ولا بنتك انا هسافر انهرده وتعمل الي تعملو
شاهندا: انا هجهز الشنط تبقى تشوف بعد كده مين الي هيصرف عليها
اروى من على السلم: مش محتاجه فلوسكو محطوطه زي مهي ووفرتو عليا كتير ولله
شاهندا بصتلها بقرف ودخلت الاوضه
عند اسراء و زين
اسراء: لا لا لا
زين ببرود: خلاص نامي على الارض بقى. وراح نام على السرير
اسراء نطت على السرير: انت عاجبك كده مينفعش الي بيحصل ده
زين وهو مغمض عينو: للمره الالف انا جوزك وطبيعي تنامي معايا. فتح عينو وقال بخبث: وينفع حاجات كتير حلوه برضو مش بس انك تنامي جنبي
اسراء باحمرار وغضب: اا انت انت قليل الادب
زين وهو بيديها ضهرو وبيكتم ضحكتو وبيتصنع الحده: عارف واتخمدي عشان جالي صداع
اسراء فضلت تبرطم بغضب ونامت على اخر السرير بعدين جتلها فكره: لو مجننت الي خلفوك مبقاش اسراء اصبر عليا
ويعدي الليل بهدوء
تاني يوم
اسراء صحيت ولقت نفسها في حضن زين لسه هتصوت افتكرت الخطه فابتسمت بخبث  قامت لبست لبس رقيق و حطت شويه مكياج خفيف وقربت منو و فضلت تحسس على وشو وشعرو وتقول بصوت ناعم عكس جعفر الي نعرفو: زين حبيبي اصحى ي زين اصحى بقى يخربيتك انت مبتصحاش بالزوق ابدا طيب. وجابت كوبايه مايه ودلقتها عليه
زين قام مفزوع وقال وهو متنرفز: اي الي عملتيه ده
اسراء بصوت ناعم وحب وهي بتلعب في شعرو: صباح الخير ي حبيبي
زين بيبصلها بصدمه وفاتح بؤه ببلاها: ها
اسراء ضحكت برقه وهي بتمسك خدودو: يلا ي حبيبي قوم خد دش وغير هدومك اعبال محضرلك الفطار عشان متتأخرش. وباستو على خدو و طلعت
زين فاضل باصص ل اثرها بزهول فجاب كوبايه مايا ودلقها على نفسو: يعني انا صاحي والي حصل دلوقتي مش حلم. قام بسرعه وراح ورا اسراء
زين: اسرااء انتي فين اسراء
اسراء: في المطبخ ي حبيبي
زين راحلها واتصدم من جمالها قال بصوت واطي: يخربيت جمال امك
اسراء ضحكت بخفه: مالك ي حبيبي واقف كده لي بعدين لي مغيرتش هدومك هتتأخر كده
زين بلخبطه: هو في اي
اسراء باستغراب مصتنع: في اي
زين وهو بيهز راسو: لا لا اكيد بتوهم
اسراء وقفت قدامو وحاوطت رقبتو برقه: مالك يحبيبي انت تعبان
زين: ها
اسراء ابتسمت: تحب تشرب قهوه بعد الفطار
زين بصلها بذهول وبعد عنها: مش عايز حاجه انا اا ا انا هطلع اغير. وسابها ومشي
اسراء ضحكت بصوت عالي: يالهوي ده انا اخد جايزه في التمثيل هيييحح استعنا عشقه بالله
عند اروى وبسنت
بسنت برفعه حاجب: مالك صاحيه مبسوطه كده لي
اروى بفرحه: سافرو ي بسنت اخيرا
بسنت: انا مبقتش فاهمه حاجه لي بتكرهيهم كده
اروى بتنهيده: انا معشتش معاهم غير خمس سنين رغم سني ده الى انهم كانو بيعاملوني وحش ديما بيضربوني من غير سبب لو متخانقين مع بعض يجو يضربوني انا ولما سافرو سابوني مع الداده هي كانت طيبه بس غصب عني احساس اليتم كان بيطاردني فضلو يبعتولي في فلوس فتره بعدين قطعو عني كل حاجه فصعبت على الداده وبقت بتشتغل وبتربيني وعاملتني على اني بنتها لغايه مكبرت واخدت صدمتي انها ماتت معرفتش اروح فين ولا لمين بس اسراء واشراق وروح و زينه وقفو جنبي  بذات ان زينه رجعت من السفر مخصوص عشاني وعشت مع اسراء واخوتها لان ساعتها كانو عايشين لوحدهم بسبب الحادثه وبعد الموضوع ده ب سنه معرفناش نوصل لزينه وانتي عارفه الباقي
بسنت بحزن: واو بأمانه احنا يتعملنا تمثال على الي احنا شوفناه ده
اروى: ربنا عوضنا ي بسنت بوجود اشخاص تمسحلك الماضي باستيكه تخيلي لو مكنتش قابلت اسراء ولا اخواتها ولا انتي ولا اسر ولازينه ولا بابا اسر وزين وساره و يوسف وامجد وجين دول كفلين اوي يخليكي تنسي الماضي بجد دول احسن هديه في حياتي النعمه الي هفضل احمد ربنا عليها طول عمري
بسنت بابتسامة: عندك حق 
عند جين وامجد
امجد: ممكن افهم اي الي عرفتو ده
جين: اي
امجد: عايز تسافر ي جين
جين: امجد انت عارف ان طول منا هنا هتعذب مش سهل عليا انسى روح ي امجد دي كانت كل حياتي عارف يعني اي تعرف ان حبيبتك بتحبك بعد موتها روح شافت كتير اوي ي امجد ملحقتش حتى اعوضها ملحقتش اشبع منها كل يوم بحلم بيها انا مستني اليوم الي هروحلها فيه
امجد حضنو: اجمد يعم انا معاك لو السفر هيريحك سافر بس ترجع تاني احنا محتاجينك معانا
جين: صدقني هيجي يوم وهرجع وهحاول انزل اجازات
امجد: ربنا يريحك ي صاحبي
في بيت المنشاوي
كلو متجمع على السفره
محمد: تسلم ايدك ي بنتي
اسراء بابتسامه وهي بتاكل ساره: بالهنا والشفا اومال فين اسر منزلش يفطر لي
محمد:لا هو بيمشي بدري بعدين سيبي ساره هي بتعرف تاكل وافطري انتي
اسراء: لا انا مش بفطر
اسراء موجهه كلامها لزين:مش بتاكل لي ي حبيبي
زين باصصلها بذهول: هه لا لا باكل اهو
بعد مخلصو فطار
اسراء: عن اذنكو. واخدت فطار وطلعت اوضه زينه
اسراء: اقسم بالله او مفتحتي لكسر الباب على دماغك
زينه فتحت وشكلها استغفر الله العظيم
اسراء: عااااااااا انتي مين
زينه دخلت الاوضه من غير مترد واسراء دخلت وراها وقعدت قدامها
اسراء: هتحكي
زينه باصه قدامها بكسره
اسراء اتنهدت: اسمعي ي زينه يمكن معرفش مالك ولي رفضتي يوسف وانتي اصلا بتحبيه بس انا معاكي ديما ومش هسيبك ووقت متقدري تتكلمي هتلاقيني موجوده وهقف جنبك للاخر يلا قومي خدي دش وغيري هدومك وتعالي افطري
زينه طاوعتها لانها معدتش قادره تناهد مع حد
اسراء اتنهدت بتعب وبصت على السرير وضيقت عنيها وهي بتبتسم بجانبيه
عند يوسف
الام: انت مش هتفطر
يوسف بعمليه: مليش نفس بعدين انا هتاخر
الام بحزن: يوسف
يوسف باس اديها: صدقيني انا كويس متقلقيش. باس راسها و نزل تلفونو رن
يوسف باستغراب: اسراء. رد: الو ي اسراء ازيك
اسراء: انا تمام الحمدلله وانت
يوسف بتنهيده: كويس
اسراء: عايزه اقابلك ضروري
يوسف: لو هنتكلم في موضوع امبارح يبقى مش هاجي
اسراء: بكره الساعه ٥ في كافيه........
يوسف: انتي مش سمعاني بقولك لو هنتكلم في موضوع امبارح مش هاجي
اسراء: هستناك هناك سلاموز. وقفلت
يوسف بص للتلفون: مهو حاجه من الاتنين ي اما مجنونه ي اما مجنونه. وصلتلو مسدج فتحها *انا مش مجنونه يمهزق وعلله تتاخر هاجي اجيب اجلك  *
يوسف: احيه دي سمعتني
في شركه المنشاوي
اسر: مالك يعم من الصبح مبلم
زين: مش عارف ولله ي اسر انا هتجنن
اسر: لي
زين سرح ومردش
اسر: حلو اوي جاي يبلم هنا كمان عيله مجانين صحيح
في بيت المنشاوي
اروى وبسنت بصدمه: انتي مين
اسراء: المفروض اني اسراء
اروى: انتي حاطه مكياج لا وكمان لابسه لبس بناتي اعمل فرح
اسراء: بطلي تخلف
بسنت: زينه قالت حاجه
اسراء هزت راسها ب لا
اروى: وهنسيبهم كده
اسراء: مبقاش الصخر الى لو خلتهم يتجوزو انشالله لو غصب
بسنت: مش كل حاجه بالدراع لازم نفهم السبب ونحلو
اسراء: اهي زينه جوا لو عرفتي تطلعي منها بمعلومه هسمع كلامك
اروى: ايوه بس برضو مش يتجوزو غصب
اسراء: ي بنتي مش بالمعنى الحرفي هحل الموضوع ده انهرده او بكره بالكتير
اروى: هتعملي اي
اسراء: الصخر بينفذ على طول المهم خشو اقعدو معاها اعبال محضر الغدا عشان زين واسر زمانهم جايين
عند زينه وصلتلها ماسدج
*لو عايزة الصور تتمسح تقابليني بكره في........*
زينه قفلت التلفون وقعدت تعيط. دخلو بسنت واروى وفضلو جنبها ويحاولو يهدوها
بسنت: طب قولي اي حاجه واحنا هنساعدك
زينه مبتردش وفضلت تعيط
اروى حضنتها وفضلت تمسح على شعرها لغايه منامت
اسراء دخلت وبصتلهم بتساؤل
بسنت هزت راسها: مفيش فايده
اسراء: سبوها ترتاح وانزلو يلا عشان تتغدو
ويعدي الوقت بسرعه
زين:ممكن اعرف في اي
اسراء:مالك يحبيبي
زين بنرفزه:اسراء انا على اخري فهميني في اي
اسراء وهي بتلعب في زراير قميصو:هو عيب اني ادلع جوزي حبيبي
زين بصدمه:اسراء انتي سخنه
اسراء بابتسامه:انا زي الفل
زين:لا انتي اكيد تعبانه
اسراء بابتسامه رقيقه وبدلع:تحب تشرب حاجه
زين بصلها بذهول وسابها ومشي من غير ميتكلم
اسراء ضحكت بصوت عالي:ولسه يحبيبي ولسه
فلاش باك
محمد: عايز اسراء لوحدها
الكل خرج واتبقى محمد واسراء
اسراء: نعم ي بابا اؤمرني
محمد: اسمعي ي اسراء انا عارف اتفاقك انتي و زين
اسراء بتوتر: اتفاق اي
محمد:متلفيش وتدوري باينه اوي المهم انا مش جاي اقولك على الموضوع ده
اسراء باحراج:اومال اي
محمد:زين بيحبك بجد مفكرتيش لي انا حطيت الشرط ده لاني متاكد ان زين هيتجوزك انتي
اسراء:كان ممكن يتجوز اي واحده تانيه
محمد بابتسامه:ابني وانا عارفو يوم مكنتي بتتكلمي انتي وامجد كان فضلو تكه وهيفرقع بعدين باين اوي انو بيحبك زين عمرو مطاوع حد وبيعمل الي شايفو ان كان صح او غلط اسر حكالي الي انتي عملاه فيه بصراحه فرحت فيه بس صدقيني زين بيحبك بجد
اسراء:بصراحه ي بابا انا عرفت انو بيحبني من يومين     جه سكران وفضل يخطرف بالكلام انو بيحبني فالاول فكرتها هلاوس بس بعد م مشي جيت اروق الاوضه لقيتو راسم صوره ليا انا وهو حاضنين بعض ساعتها اتاكدت انو بيحبني بس كنت متلغبطه
محمد:انتي بتحبيه ولا لا
اسراء ابتسمت ابتسامه بسيطه:لو مكنتش بحبو مكنتش حاولت اغيرو
محمد بابتسامه:عشان كده اوعي تضيعيه من ايدك الحب بيجي مره واحده بس يبنتي وانتو الاتنين واقعين في بعض
اسراء:صدقني المره دي هيبقى بجد وزين هيتصلح
بس مش عارفه اعمل معاه اي  بذات انت شايف طريقتي عامله ازاي
محمد:لازم تملي عينو رغم انك مش محتاجه حاجه
انتي قمر زي منتي بس فكري كده لو زين شافك بشكل جديد وتصرف جديد هيعمل اي
اسراء فكرت شويه بعدين ابتسمت:هربيه ولا تضايق نفسك
باك
اسراء ابتسمت ابتسامه جانبيه وفتحت تلفونها:هو فين دلوقتي
في ملهى ليلي
زين قاعد يفكر في تغير اسراء وحس انها بتحبو فابتسم بحب بمجرد مفكر انها بتحبو كانو هيعيشو حياه تانيه خالص.فوقو صوت سيف
سيف: في اي
زين حكالو الي حصل مع زينه
سيف في سرو: لا مطيعيه اوي: متزعلش نفسك كل حاجه هتتحل
زين: الي مضايقني ان يوسف بيحبها بجد
شاهي: زيزو وحشتني اوي
زين بصلها بقرف
سيف بص بعيد واستغرب: مين دي اول مره اشوفها هنا
زين بص وكانت الصدمه:اسراء
عند اسر و اروى
اسر: لي بس
اروى: صدقني كده احسن هم مش هاممهم اني اكون مبسوطه كل الي يعرفوه الفلوس تخيل كانو عايزيني
اسيبك واتجوز حد تاني عشان الفلوس
اسر: نعم يختي طب كنتي فكري كده بس وانا هكسر دماغك
اروى بضحك: احنا في اي ولا في اي
اسر بغيظ: اسكتي خالص
اروى: خلاص بقى الي حصل حصل شوفت بقى ان الاحسن انهم يسافرو صدقني انا مش زعلانه ولا محتجاهم انا مش فكره اي زكرى حلوه تخليني اسامحهم
اسر حضنها وفضل يمسح على شعرها بهدوء
في ملهى ليلي
سيف بصلو باستغراب: انت تعرفها
زين بصدمه: ها اا اه
اسراء تروحلهم بابتسامه وثقه: هاي
شاهي وهي بتعوج بوقها: وانتي مين بقى
اسراء: حد عزيز اوي لزيزو مش كده ي بيبي
زين: اي الي جابك هنا
اسراء بهمس: جايه اشقط انت مالك حاولت ابقى معاك كويسه بس انت شكلك عمرك مهتتغير بجد انا اسفه اني فكرتك بني ادم وحبيت اصلح منك
سيف وفهم انها مرات زين فحب يشعلل الدنيا اكتر: وانتي اي الي لابساه ده انا لما شوفتك من بعيد فكرتك راجل
اسراء بابتسامه جانبيه: معلش ابقى اكشف نظر بس تعرف انا نفسي اتلغبط و شوفتك من بعيد راجل
سيف: يراجل
اسراء: يمرا (بصوت رضوان البرنس 😂)
سيف قعد ساكت ووشو بقى احمر
شاهي: مالك ياختي داخله فاتحه صدرك علينا كده
اسراء بصتلها من فوق لتحت: مين الكائن ده
شاهي بدلع: انا حبيبه زيزو وانتي مين
زين ضرب نفسو بالقلم: احيه
اسراء: بيجااد بتهزري متعرفيش انا مين
شاهي: لا معرفش
اسراء بضحك: انا مرات زيزو.بصت لزين:بقى بذمتك دي واحده تقعد معاها طب استنضف حتى
شاهي خبطت على صدرها: نعم يختي مراتو
اسراء ببرود:  انتي مفكره انو يوم ميفكر يتجوز
هيتجوزك انتي لا اكيد بتهزري يحبيبتي ده انتي ملعب.قربت من ودانها وقالت بهمس: اديكي شوفتي ي حرام بقالك ست سنين  بتحاولي معاه وواحده زيي في اقل من اسبوعين بقت مراتو
زين بهدوء: اسراء يلا نمشي
اسراء بصتلو بعصبيه ومردتش عليه
شاهي: طلاما شايفه انك احسن مني تحبي نعمل تحدي
زين بصوت عالي: اسراااء قولت يلا نمشي
اسراء بابتسامه جانبيه: وانا قبلت لو كسبت تبعدي عن زين نهائي
شاهي: ولو خسرتي
اسراء: هخلي زين يطلقني
زين بص ل اسراء بصدمه: انتي بتقولي اي
اسراء بصتلو بثقه ومردتش: التحدي اي
شاهي: تغني
اسراء بابتسامه جانبيه: متأكده 
شاهي بثقه: اكيد. شاهي وقفت جنب سيف بيتكلمو اعبال ميعلنو عن التحدي
سيف بهمس: دي فرصتنا الوحيده لازم تكسبي
شاهي: انت نسيت انا مين ولا اي انا شاهي يحبيبي
عند اسراء و زين
زين بصدمه: هو انا قليل اوي بالنسبالك عشان اكون تحدي
اسراء ودموعها بتنزل وبتتكلم بقوه: لو كنت تعرف انت اي بالنسبالي مكنتش جيت هنا ي زين  ابتسمت بسخريه وسط دموعها: بس شكل انا الي قليله بالنسبالك عشان اجي والاقي واحده زي دي بتقولي انك حبيبها. بصتلو بقوه: عمري مخسرت تحدي واوعدك اني هكسب ده كمان وهثبتلك ده دلوقتي مش هسمح انها تاخدك مني
زين بصلها بصدمه: اا انتي بتحبيني
اسراء بصتلو بدموع وقوه ومردتش
زين بيشدها: انا مش عايز اثبات يلا نمشي من هنا
اسراء مسحت دموعها وشدت اديها: لو خرجت من هنا يعتبر بنسحب وتبقى هي كسبت التحدي و هتبقى ليها وده مش هيحصل طول منا عايشه
زين بصلها بذهول مش عارف هي بتعمل كده عشانو ولا ده بس عشان كرامتها
طلعت شاهي على المسرح والكل بيثقفلها وحاولت تغني باحسن صوت عندها. ويجي دور اسراء
تطلع على المسرح ووشها مش باين بسبب ظنط الجاكت الي مغطي نص وشها وغنت وكانت الصدمه بالنسبه للكل صوتها سحرهم كان فوق الروعه والكل بيثقفلها واسراء كسبت التحدي كالعاده. شاهي بصتلها بغيظ:انتي غشاشه
اسراء بصتلها بانتصار: تحبي نلعب لعبه تانيه بس من اختياري وهتبقى الفاصل بنا ويستحيل فيها الغش
شاهي: موافقه
اسراء قلعت الجاكت وطلعت مسدس مما صدم الكل. شاهي بصدمه: انتي هتعملي اي
اسراء وهي بتشيل طلق المسدس وبتتكلم ببساطه وبرود: هنلعب لعبه الموت المسدس المفروض يبقى فيه ٦ طلقات هنشيل خمسه منهم ونسيب واحده وكل واحد هيصوب على التاني والي يموت خسران والي يفضل عايش يكسب
زين بصوت عالي وهو بيحاولي يوصلها بس الحراس منعينو: اسراء انزلي وبطلي جنان
اسراء بصتلو: متنساش ان ده بسببك فياريت متتكلمش
شاهي بخوف وهي بتهز راسها: لا لا
اسراء بابتسامه جانبيه وهي بتلف خزنه المسدس: يعني هتنسحبي من اولها
سيف قلق بس لقاها فرصه لو اسراء كسبت البوليس هيقبض عليها بتهمه القتل ولو خسرت فهيخلص منها وبكده يضمن ان زين يدمر وهيعرف يسيطر عليه: وافقي ي شاهي
شاهي بصتلو بصدمه: انت بتقول اي
سيف بحده: وافقي ي شاهي
اسراء بصوت عالي: انتو اي رايكو نلعب
الكل بيثقف وموافقين
اسراء: تحبي تبدأي ولا ابدأ انا
شاهي باصه المسدس بخوف
اسراء: هبدأ انا. شاهي غمضت عنيها وهي خايفه واسراء ضربت بس مطلعتش: حظك حلو امسكي. شاهي مسكت المسدس بخوف وصوبتو اتجاها
وزين بيزعق وهو بيزق الحراس: اسرااااااء
في مكان تاني
عثمان: لي
: حركاتهم الفتره دي مش تطمن ولازم ناخد بالنا
كويس عشان مش نتكشف
عثمان: ماشي بس ياريت نخلص
: متقلقش
بعد شويه
مازن وهو مستخبي وبيتكلم بصوت واطي: الو ي امجد
امجد: خير
مازن: في واحد لسه خارج من عند عثمان بس مخبي وشو
امجد اتعدل: خليك وراه اوعى يفلت منك
مازن: انا وراه اهو في..........
امجد وهو بياخد المفتاح: تمام انا جايلك على  طول
مازن: تمام.وقفل بص على المكان ملقاش حد استغرب سمع صوت نفس وراه لف كان حد ضربو على دماغو وهرب
في الملهى الليلي
اخدت المسدس وصوبتو اتجاها مطلعتش ضمت شفايفها وضيقت عنيها: ممممم دي فرصتنا الاخيره. ومدت اديها بالمسدس
شاهي اخدتو وهي بتترعش وصوبتو اتجاها بس الطلقه مطلعتش. اسراء اخدت المسدس منها بابتسامه جانبيه وهي مصوباه ناحيتها: كانت فرصتك الاخيره سلاموز
شاهي عيطت وهي بتهز راسها وبتترعش وخايفه: لا لا
وزين بيزعق لانو عارف ان في تلك الحالتين هيخسرها: اسرااااااء انا بحبااااك
اسراء ضربت الطلقه و اتقطعت الانفاس و...... يتبع
#الا_رسول_الله
#مقاطعه_فرانسا
#مقاطعه_المنتجات_الفرنسيه