ما بين متمرده و مغرور
الخامس عشر
في بيت المنشاوي
زينه: بابا انت صاحي
محمد: تعالي ي زينه عايزه اي
زينه: كنت عايزة اتكلم معاك شويه
محمد: في اي
زينه: اشمعنى حطيت شرط ان زين يتجوز الاول
محمد: بصي انا مش هقولك السبب بظبط بس هقولك جزء منو
زينه: اي
محمد: عشان يتجوز اسراء
زينه: واي الي خلاك واثق ان هو هيتجوزها م ممكن يشوف واحده تانيه
محمد: في يوم اسراء كانت بتتكلم مع امجد شوفت نظره الغيره في عين زين فده كان دافع لي وفرصه انو يتجوزها بذات ان اروى صاحبتها وممكن تعمل اي حاجه عشانها
عند اسراء وزين
اسراء خرجت من المطبخ وهي بتحط الاكل على السفره : يلا ي زين الفطار جاهز. رفعت عنيها عليه لقتو قاعد على الكنبه من غير تيشرت وبيحاول يحط المرهم
اسراء باستغراب: انت لسه مخلصتش
زين بزهق: مش عارف احطو
اسراء ضحكت على طفولتو: لي
زين بعصبيه: انتي بتضحكي
اسراء بضحك: خلاص مش هضحك قولي مش عارف تحطو لي
زين: هو اي الي لي كتفي واجعني ي حجه
اسراء: ممممم
زين برجاء: حطيه انتي طيب بيوجعني اوي بعدين انا زي جوزك برضو
اسراء بتفكير: ماشي. مسكت السكينه: بس اي حركه كده ولا كده هطير رقبتك
زين: هبقى مؤدب صدقيني
اسراء مسكت المرهم بتردد: ه ههو بيوجعك اوي
زين: اومال بستعبط. وابتسم بخبث
اسراء حطت المرهم على ضهرو و اديها مش سامحالها تتمد: ز زين ه هو ل لازم
زين: متخلصي ي اسراء هو انا بقولك هاتي بوسه بعدين ده بسببك على فكره
اسراء ضربتو على ضهرو: انا السبب لي هو انا الي قولت اتفلسف وشيل فوق قدرتك
زين: ااه يغبيه ضهري بعدين انتي متعرفيش تقربي مني غير في حاله الضرب
اسراء: اخرس خليني اخلص.اخدت نفس وبتصبر نفسها ودهنتو بسرعه جايه تقوم زين شدها غمضت عنيها و لما فتحتها لقت زين فوقيها
اسراء وهي بتزقو بعصبيه: ابعد عني ي زين
زين: تؤتؤ
اسراء بتهديد: ابعد عني ي زين احسنلك
زين بتفكير: بشرط
اسراء بنفاذ صبر : اتزفت
زين ثبت اديها وباسها بعمق بعد شويه بعد عنها وجري بسرعه
اسراء بعصبيه: ي حيواااااان لو مفتحتش دماغك تعالى هناااا
زين بضحك: فيها اي يعني كل ده عشان بوسه عيب على فكره ده انا جوزك
اسراء بعصبيه: جوز جزمه قصدك هقتلك ي زين الكلب
قطعهم صوت خبط الباب
زين جري يفتح الباب و اسراء حدفت الشبشب بس كان من نصيب زينه
زينه بابتسامه: شكرا على الترحيب العسل ده
اسراء بعصبيه: اسكتي ابعدي من وشااااي ولله لهقتلك ي زين
زين استخبى ورا زينه وهو بيضحك
زينه: في اي يبنت المجانين عملك اي
زين وهو بيغمز: قوللها عملت اي
اسراء بعصبيه: عملك اسود ي زين الكلب هقتلاااك
قاطعهم صوت ساره: اسراء وحشتيني اوي
اسراء بصتلها بفرحه ورمت الشبشب: سو حبيبتي
وجريت عليها حضنتها
زينه: شوف شوف الي كانت حالفه لتقتلك
زين وهو بياكل خياره: عادي هي دي اسراء اي الجديد يعني
اسراء:يلا ي سو عشان نفطر سوا
زينه:فطرنا يختي
اسراء:عادي افطرو تاني
بعد شويه
اسراء قاعده بتلعب مع ساره وزين وزينه قاعدين يتفرجو عليهم باسغراب وقطعهم صوت تلفونها
اسراء: استني ي سو اشوف جين عايز اي
زين اتعصب لما سمع اسمو بس مبينش
اسراء : الو ي جو عامل اي
جين: الحمدلله يحبيبتي وانتي اي اخبارك
اسراء: تمام في اي اخبار جديده
جين: مش بظبط بس عايزين نقابلك
اسراء: تمام امتى
جين: على اساعه سته كده
اسراء: حاضر سلاموز. وقفلت
زينه: يلا هنمشي احنا بقى
اسراء: لي خليكو شويه
زينه: لا لازم اوديها الحضانه انا جيت بس اسلم عليكو وعشان ساره كانت عايزه تشوفكو
اسراء: بس هتيجو تاني
زينه: ماشي يلا سلام
زين: هو جين كان عايز اي
اسراء: مفيش عايز يقابلني
زين: لي
اسراء: معرفش المهم هتروح الشركه انهرده
زين: اه هخش اغير هدومي
تسريع الاحداث
اسراء بصدمه:اكيد بتهزرو انتو عايزني اروحلو برجلي انتو عارفين ممكن يحصل اي انا ممكن اقتلو ي جين مش هقدر اقف في وشو ببرود مش هقدر ي جين
بسنت: شوفو حل تاني
امجد: خلاص قولو انتو لازم عثمان يخرج من الحبس
بسنت: متخلي حد من معارفك يخرجو لاي سبب
امجد: ي بسنت احنا مش ظباط عشان نخرج ونطلع براحتنا احنا بنساعدهم من بعيد لبعيد
اسراء بتفكير: خلاص انا موافقه بس تخلصو بسرعه عشان مش هسيطر على اعصابي كتير
جين: متأكده
اسراء: وانا من امتى بتكلم اي كلام على العموم تخلصو في وقت قياسي بس في مشكله
بسنت: اي
اسراء: فالنفرض اننا خرجنا عثمان الحراس الي جوا هتدخلو ازاي
امجد بضيق: رجعنا للصفر تاني يجماعه لازم نعرف مين الشخص الي بيساعده قبل معاد المحكمه اكيد هيفكر يهربو مهو احنا مش سبنا مخرج يخلي محامي يطلعو احنا جبنا شويه ادله ولا الف محامي يعرف يخرجو فمش هيلاقو حاجه
غير انهم يهربوه
جين: كلام امجد صح
اسراء: فالنفرض معرفناش مين الشخص ده
بسنت: انتي لي بتقفليها في وشنا
اسراء: انا مش بقفلها في وشكو احنا لازم نحط اي احتمال ممكن يحصل عشان نعرف نتصرف لو حصل حاجه
امجد: المشكله ان معاكي حق بس هنعمل اي
اسراء: لا مش تبصولي انا معرفش هنعمل اي
جين: حد عندو اي اقتراح
الكل: لا
بسنت: الي يعرف يوصل لحاجه يكلم الباقي ونتجمع اخر الاسبوع تاني
الكل: تمام
في شركه المنشاوي
اسر بيدعك عينو: انت مين
زين برفعه حاجب: مين اي انا زين
اسر بص في الساعه: انت جيت الشركه بجد
زين: اه ي خويا هروح اشوف بقيت الشغل
اسر: استنى هنا بس استهدى بالله انت من امتى بتيجي ولو جيت مش بتيجي دلوقتي
زين بغيظ: البركه في جعفر الي في البيت
اسر ضحك: طب مش المفروض ان امبارح كان فرحكو اي الي جابك برضو
زين: هي برضو مصحياني خمسه الفجر نعمل رياضه ي اسر ده انا بكون لسه هخش انام
اسر ضحك بصوت عالي
زين بصلو بغيظ: اضحك يخويا اللهي تشوف الي بشوفو
اسر ابتسم: على فكره هي بتعمل كده عشانك
زين بغيظ: عشاني اي في حد يعمل الي بتعملو ده دي بتحط الاكل بمواعيد ي اسر ولو مش صحيت في المعاد وعملت الرياضه هتطلعني برا وتقفل كل الاوض بالمفتاح هو انا في الجيش يعم لا وتقولي تكون في البيت تسعه ونص لو جه المعاد وملقتكش في البيت مش هتدخلو تسعه ونص دي
كنت بكون لسه هخرج وتقولي بتعمل كده عشاني
ووقفت الكريد كارد بتاعتي يعم
اسر فضل يضحك وزين يبصلو بغيظ
زين بعصبيه: انا هروح اشوف شغلي بدل مكسر دماغك. وسابو وخرج وهو لسه بيضحك
اروى دخلت وبتبصلو باسغراب: بتضحك على اي و اي الي جاب زين دلوقتي وخارج متعصب لي متفهمني ي جدع
اسر بضحك: اسراء عملالو حظر تجول
اروى ضحكت: صاحيتو خمسه ونص الفجر عشان يعمل رياضه صح
اسر: عرفتي ازاي
اروى بضحك: اصلو نفس الحظر
عند زينه و يوسف
يوسف: مالك يبنتي من ساعه مخرجنا وانتي سرحانه
زينه: يوسف هو ممكن امشي دلوقتي واجي بليل حاليا مشتته اوي
يوسف: من اي بس هو انا ضايقتك في حاجه
زينه: بالعكس ي يوسف انت فوقتني على حاجات كتير اوي في الكام يوم الي قضناهم سوا
يوسف باسغراب: مش فاهم
زينه بابتسامه: مش لازم تفهم دلوقتي مسير في يوم تعرف لازم امشي عن اذنك. ومشيت واتصلت ب اسراء واروى
زينه: تعرفو نتقابل دلوقتي
اسراء: تعالو على البيت زين في الشركه ومش هيجي دلوقتي
اروى: هحاول اجي هشوف اسر
اسراء وزينه: تمام
عند امجد وبسنت
امجد: ها اي رايك في المعاد ده
بسنت: مش عارفه بس مش بدري اوي
امجد: بدري اي بس استهدي بالله انا مستحمل بقالي ٧ سنين ي ظالمه
بسنت بضحك: براحتي
امجد: هتقولي رايك ولا اروح اشوف عروسه تانيه
بسنت اتحولت: اتحرك بس من مكانك ومش تلومني على الي هعملو فيك
امجد: بتغيري يبطه
بسنت وهي بتلم حاجتها: بطه في عينك
امجد: استني بس ولله بهزر
بسنت: تبقى هزر كويس يبتاع عروسه تانيه
امجد بضحك: طب ولله بتغيري
بسنت بصتلو بنرفزه بعدين قامت تمشي وقفت وقالت: اخر الاسبوع كتب الكتاب. ومشيت بسرعه
امجد واقف بصدمه بعدين ضحك: دي وافقت لولولولي. الو ي جين بسنت وافقت ي اسراء بسنت وافقت ي اروى بسنت وافقت
اسراء: اقفل يبن الهبله
اروى: ربنا يكملك بعقلك
جين: انا عارف في حد داعي عليا مش عارف انام ي ظالمه
امجد: مهزقين علطلاق مهزقين. وقفل في وشهم وجري ورا بسنت: استني يبت خدي هنا
عند اسراء وزينه
زينه: هي اروى مجتش
اسراء: عليها شغل ضروري هروح اعمل نسكافيه وتيجي تحكيلي
زينه: انا اعمل معاكي واحكيلك واحنا بنعملو
اسراء: ها احكي
زينه: من فتره اتعرفت على واحد اسمو سيف حبيتو وهو برضو حبني المشكله انو مش جاهز يتقدملي وطلب مني استناه بصراحه عدت فتره كبيره اوي ولما روحت عشان نتكلم قالي ان الشقه قربت تجهز وهيجي يتقدملي
اسراء: طب مكويس اهو اي المشكله بقى
زينه: المشكله ان ظهر يوسف في حياتي ممكن تكوني عرفاه طلع صاحب اسر وزين مكنتش اعرف غير يوم كتب كتابك
اسراء: اه عرفاه مالو
زينه: يوسف لما ظهر في حياتي لخبطني اوي اول مره اتقابلنا كانت ساره هتتخطف ولولاه مكنتش عارفه اي الي ممكن يحصل بعدها بفتره صغيره اتقبلنا وبقينا صحاب بس فاجأني بانو بيحبني بصراحه حاولت اتهرب منو فجه يوم كان متصاب المهم طلب مني نتكلم و عرف اني بحب سيف قالي انا صح بتمنى انك تكوني ليا بس مش على حساب سعادتك وطلب مني اننا نفضل صحاب واخوات
اسراء: كل ده تمام اي المشكله مش فاهمه
زينه بتنهيده: المشكله ان يوسف فاهمني اكتر بيستحمل طفولتي وهبلي بال وبيشاركني فيها عكس سيف الي ديما خايف على منظرو قدام الكل ويقعد يتريق عليا لو طلبت مثلا نروح الملاهي يقول ده مكان اطفال اكبري شويه انا بحب البساطه حابه الاماكن البسيطه على الكورنيش مثلا هو لا لازم يقعد في افخم مكان و يقول منظري اي قدام الناس وانا بتمشى قدام الكورنيش ديما خايفه وانا معاه عكس يوسف الي مطمني ديما مبقتش عارفه حاجه شعوري متلخبط
اسراء: حسيتي ب اي لما لقتيه مصاب
زينه: حسيت ان انا الي بتوجع مش هو رغم انها مكنتش اصابه شديده بس كنت خايفه اوي بس تعرفي اي الي ملخبطني اكتر
اسراء: اي
زينه: لمعه عينو ولهفتو الي مشوفتهاش في عين سيف بمجرد مبشوفها بحس بامان
اسراء تلفونها رن: الو..... اي حصل امتى........ انا جايه حالا
زينه بقلق: في اي
اسراء: انا عيزاكي تهدي خالص
زينه: متقولي يبنتي في اي
اسراء: يوسف عمل حادثه
زينه وقعت من اديها الكوبايه من الصدمه ودموعها نزلت صوتها طلع بالعافيه: يو يوسف. كملت بصراخ: عايزه اروح ل يوسف ي اسراء وديني ليه عشان خاطري
اسراء قعدت هي مبتسمه و بتشرب النسكافيه بروقان: اقعدي ي هبله
زينه بعياط وصراخ: اقعد اي عايزه يوسف انتي اي قلبك ده حجر مبتحسيش
اسراء بصتلها شويه ببرود اخدت نفس: يوسف مش جرالو حاجه انا عملت كده عشان اتأكد
زينه بعصبيه: تقومي تعملي كده انتي عارفه اني كنت هموت
اسراء: بس اتاكدتي انك بتحبيه
زينه سكتت شويه: بحبو
اسراء: اه ي زينه حبيتيه انتي مشوفتيش شكلك كان عامل ازاي
زينه قعدت وسندت راسها: انا تعبت
اسراء قعدت جنبها: يوسف حبك حب صادق اللمعه الي في عينو بتثبت انو مش بس بيحبك ده عشقك ورغم انو عارف انك بتحبي غيرو مش عايز يدمرلك ساعدتك رغم العذاب الي حس بيه بس فضل انو يبقى جنبك على الاقل
زينه: طب وسيف
اسراء: بصي انا معرفش سيف ولا عارفه شعوره ناحيتك اي بظبط بس الي هاكدهولك ان سيف محبكيش لان الي بيحب ممكن يعنل اي حاجه عشان بس يشوف ابتسامتك حتى لو كانت السبب في اذيتو
زينه بسرحان: يمكن
اسراء: اه عشان كده كنتي سالاني ممكن شخص يتغير عشانك ولا لا
زينه: بصراحه اه
اسراء: كنتي قصدك على سيف
زينه: اه
اسراء: بصي ي زينه يمكن يتغير فعلا بس مش تنسي ده لو بيحبك بجد
زينه: طب اعمل اي
اسراء: لاول مره هقولك امشي ورا قلبك شوفي هيختار مين بس حاولي تعرفي بسرعه قبل فوات الاوان فكري كده مين اول واحد هيختر على بالك تكلميه وقت متكوني في مشكله الشخص ده هو الي قلبك دقلو
زينه: مبلاش السؤال ده
اسراء باسغراب: لي
زينه: اول حد بيخطر على بالي اكلمو لما اكون في مشكله انتي واديكي شوفتي كلمتك لما لقيت نفسي تايهه
اسراء: احيه عايزه تتجوزيني ولا اي اومال اعمل اي في اخوكي
زينه بضحك وهي بتحدفها بالمخده: بس يخربيتك
عند زين
زين: عايز اي ي سيف
سيف: ي برنس بقالك فتره مختفي في اي
زين: مفيش
سيف: طب اي مش هتيجي انهرده ده في حفله جمده
زين: معتقدش اني هعرف اجي
سيف: في اي يعم مالك
زين بهدوء: سيف انا متجوز دلوقتي ومينفعش اروح الاماكن دي
سيف: اوبا من غير متقولي يعم
زين: كل حاجه جت بسرعه
سيف: المهم هي حلوه
زين بعصبيه: في اي ي سيف متحترم نفسك انت بتتكلم عن مراتي
سيف: اهدى يعم مش قصدي
زين: اقفل ي سيف عشان مزعلكش. وقفل في وشو وهو بيزفر بعصبيه
عند سيف
شاهي خبطت على صدرها: يلهوي اتجوز
سيف: اه يختي الجوازه دي لازم تبوظ
شاهي: اتصرف يخويا الواد هيضيع مني
سيف: هشوف يختي
عند اروى
الباب بيخبط
اروى باستغراب: مين الي هيجي دلوقتي.وقامت تفتح
اروى بصدمه: ماما
عند زينه
زينه: انا هنهي الحوار ده كلو. واتصلت على سيف
زينه: الو ي سيف ممكن تقابلني بسرعه عشان تعبانه
سيف: مش فاضي دلوقتي كلمي حد من اخواتك ولما افضى هبقى اجيلك
زينه قفلت في وشو واتصلت على يوسف
زينه: يوسف ممكن تجيلي عشان تعبانه اوي
يوسف بخضه: انتي فين
زينه: في البيت
يوسف: مسافه السكه واكون عندك. وقفل
زينه بصت للتلفون: ولله شكلي طلعت بحبك وانا كل ده كنت عاميه
عند اسراء
جين بضيق: اسراء ممكن اقابلك
اسراء: طبعا ي جين فين
جين: في......... ياريت متتأخريش
اسراء: مسافه السكه واكون عندك
عند اروى
شاهندا بتحضن اروى: اروى حبيبتي
اروى بعدت عنها وبتتكلم ببرود: اي الي جابك هنا وعرفتي مكاني ازاي
اسر: انا الي جبتها ي اروى
اروى: اسر بس
اسر: عشان خاطري
اروى اتنهدت بقله حيله: اتفضلو
اسر: لا انا همشي عشان اتاخرت وبكره نتكلم
اروى هزت راسها واسر مشي
شاهندا: مممم هو ده صاحبك
اروى ببرود: خطيبي
شاهندا: من غير منعرف
اروى: وانتو يهمكو تعرفو حاجه عني اومال في رضوان باشا
شاهندا: بيجيب حاجه وجاي
قاطعهم وصول رضوان
رضوان حضن اروى: ازيك يحبيبتي كبرتي اهو ومبقتيش صغيره
اروى: الصغير بيكبر ي رضوان باشا
رضوان: مين الشباب الي كلمونا دول
اروى باستغراب:هو مش اسر بس الي جابكو
رضوان:فيه حد كان معاه تقريبا يزن حاجه كده
اروى:اه ده زين اخو اسر الكبير
شاهندا: يعني راحه تتخطبي لده وسايبه اخوه
اروى بتماسك: نعم اخوه متجوز صاحبتي
رضوان: صاحبتك دي ناصحه عرفت تنقي صح مش عارفه ياختي تاخديه منها
اروى: انت بتقول اي دي صاحبتي بعدين انا بحب اسر
شاهندا: بصي يحبيبتي احنا اهلك وادرى بمصلحتك اخوه الكبير يعني هو الي في ايدو كل حاجه فلوس وشركات وكلو
اروى بحده: بصو انتو سايبني بقالكو ١٥ سنه فمتجوش تمثلو دور الاهل الي خايفين على بنتهم لولا ان والد اسر عايز كده مكنتش كلمتكو اصلا لاني مش بعتبركو اهلي اساسا واسر الي مش عاجبكو ده هو الي اصر على الموضوع كنا ممكن نتجوز من غير متعرفو ولا تقدرو تتكلمو اصلا وزين ده يعتبر اخويا مش اكتر واسراء الي هي مرات زين يسحيل اخونها ابدا وياريت متتكلموش في الموضوع ده تاني لغايه ماتجوز انا واسر وتسافرو تاني تمام. وسابتهم وطلعت اوضتها تلفونها رن ولقتو اسر
اروى بصوت مقطع: الو ي اسر
اسر باستغراب: مالك ي حبيبتي
اروى بعياط: لي جبتهم ي اسر لي
اسر بقلق: اهدي بس اي الي حصل
اروى بعياط: قعدو يقولو كلام يحرق الدم
اسر: معلش يحبيبتي كان غصب عني فكرت انك هتكوني مبسوطه بوجدهم اوعدك الموضوع هبخلص بسرعه
عند اسراء وجين
اسراء: ها ي سيدي مالك
جبن بضيق: عايز اسافر
اسراء بصدمه: اي
يتبع
#الا_رسول_الله
#مقاطعه_فرانسا
#مقاطعه_المنتجات_الفرنسية
أنت تقرأ
ما بين متمرده و مغرور
Lãng mạnاياك ان تتحداني انا الصخر وحياتي ك اسمي لا ارحم من اذاني استعدو واطلقو الصرخات انها كالموسيقه في اذني
