ما بين متمرده و مغرور

الثالث

ما بين متمرده ومغرور
البارت التالت

زينه: لا كده تمام اوي بس حاسه ان صوتك مألوف ليا
روح: انا الصخر
اسر بصدمه: ازاي قصدي يعني
روح: ها قصدك اي
زينه: هو قصدو يعني لي تشتغلي حارس
روح: دي شغلتي الاساسيه وياريت محدش يعرف بالموضوع ده
زينه: ازاي وانتي مصارعه مشهوره يعني اكيد هيعرفو
روح: انا مش بظهر بوشي في الصراعات بعدين الجماهير ميعرفوش حاجه غير اني الصخر ولا يعرفو اسمي ولا شكلي
زينه:تمام بس انتي لي لابسه الماسك دلوقتي
روح بهدوء :مبحبش حد يعرف شكلي
ساره باصه ل روح بطفوليه وبتشدها: يلا نلعب بقى كفايه كلام
روح بضحك: حاضر والله هنلعب. يلا عن اذنكو. وراحت مع ساره
اسر: همشي انا بقى عشان اتاخرت ع الشركه
زينه: وانا هروح الجامعه سلام
بعد شويه عند اروى
اروى: ي اسراء انا خايفه ده انا سمعت عنو شويه كلام خلوني اترعبت
اسراء: هيعمل اي يعني ي اروى
اروى:بيقولو انو متشدد اوي في الشغل وعصبي ده غير انو مغرور
اسراء:متخافيش بعدين هو اكيد مش بيزعق على الفاضي والمليان اهدي بقى واقفلي عشان ورايا شغل وانتي متتاخريش من اولها.وقفلت
اروى: يارب استر يارب انا هبله ولله ولو حد زعقلي هعيط انا عارفه نفسي ربنا يستر ويطلع كلامهم عليه غلط طب افرضي طلع صح اهئ اهئ يصغيره على الهم يلوزه
السكرتيره: اتفضلي المدير وصل
اروى في سرها: ربنا يستر. ودخلت لقتو مديها ضهرو وبيتكلم في التلفون
اروى: احم انا اروى
: طب تمام هكلمك بعدين سلام. اقعدي
اروى قعدت في سرها: اي قله الادب دي باين عليه مغرور هففف بقى كان لازم اشتغل يعني مكنت اترزعت في البيت بلا قلبه دماغ
المدير لفلها بابتسامه : نورتي
اروى بصتلو بصدمه: اسر
عند روح وساره قعدين بيلعبو و لاول مره روح تحس انها فرحانه وحبت ساره جدا
روح: كفايه لعب انهرده وهاجي بكره
ساره بطفوليه: لا متمشيش العبي معايا
روح بابتسامه: لو حليتي الواجب كلو هجبلك شوكلاته وانا جايه ونروح الملاهي
ساره بتتنطط بفرحه وبتثقف: بجد بجد هيييه. وحضنتها: انا بحبك اوي اوي قد البحر
روح و مشاعرها اتحركت كأن قلبها الحجر رجع تاني للحياه: وانا كمان بحبك اوي اوي قد السما يلا بقى حلي الواجب عشان نلحق نقعد كتير
ساره جريت على المكتب الصغير وقعدت تزاكر
بصتلها بابتسامه و قالت في سرها: شكل انتي الي هتغيري الصخر. ومشيت
عند زين
زين: جبت المعلومات ولا لا
الحارس: ده الي قدرت اجيبو صعب اوي نعرف حاجه عنه
زين بعصبيه: هو اي الي صعب مش عارف تجيب شويه معلومات عنها
الحارس: يباشا دي باين عليها مش سهله ووراها ناس مهمه ده انا عشان اجيب المعلومات دي طلع عيني
زين بعصبيه: غور من وشيي
الحارس مشي
: تؤتؤتؤ اعصابك يبيبي هيطقلك عرق
زين بص وراه بصدمه: انتي اي الي جابك هنا وعرفتي تدخلي هنا ازاي
اسراء قعدت وحطت رجل على رجل ببرود: اي الي جابني هنا بوفر عليك التعب بدل متضور عليا اجيلك انا اما بقى دخلت ازاي ف مش مهم انا مفيش حاجه صاعبه عليا
زين: وعرفتي منين اني بضور وراكي
اسراء: توقعتك اذكى من كده بس للاسف طلعت غبي لدرجه ان حركاتك كلها متوقعه وبصراحه مبحبش اضيع وقتي مع لعب ملوش لازمه طبيعي راجل اعمال مشهور زي زين المنشاوي مفيش حاجه تقف في وشو ومقضيها وتيجي بنت تهزقه بالطريقه دي ويسكت من غير مينتقم منها بس احب اعرفك انا مش سهله زي م ابان و ممكن اخلص عليك وقتي بس انت عجبتني عملت الي محدش اتجرأ وعملو عشان كده هديك دروس
زين:قلبك مقويكي لدرجه انك تتكلمي معايا كده وانتي عارفه انا ممكن اعمل فيكي اي
اسراء ببرود رفعت كتفها: اعمل الي تعملو متفرقش معايا
زين: صدقيني انك تقفي في وشي دي لوحدها تعتبر كأنك بتنتحري
اسراء ضحكت ببرود وهي بتديلو ضهرها عشان تمشي: لو على الكلام كلنا بنعرف نتكلم انا بقتنع بالفعل
جايه تمشي: اه نسيت اول حاجه متخليش حركاتك متوقعه واحسب كل خطوه بتعملها كويس عشان غلطه بسيطه بتضيع تعبك ده اول
درس و حاجه كمان انصحك متضيعش وقتك في انك تضور ورايا مش هتعرف حاجه غير لو انا الي عيزاك تعرفها تمام سلاموز. وضحكت بسخريه ي زين المنشاوي
زين بعصبيه:انتي كده بتفتحي باب جهنم وبتخشي حرب انتي مش قدها انتي لسه متعرفيش مين هو زين المنشاوي
اسراء بابتسامه جانبيه وهي مديالو ضهرها:اعتبر اني اعلنت الحرب . وخرجت
زين: وانا هحرمك تقفي قدامي ازاي مسك تلفونو: اسمع............... يتعمل من غير ولا غلطه. وقفل: هنشوف مين الي هيندم.وضحك بسخريه وهو بيتخيلها وهي بتترجاه
عند اروى
اروى بصدمه: ازاي ا انت و ها
اسر ضحك بصوت عالي: اهدي بس في اي
اروى بعد م استوعبت: انت مدير الشركه
اسر: اه يستي
اروى: ومقولتليش لي
اسر: هقولك امتى انا مقبلتكيش غير مره واحده
اروى بغباء: بجد
اسر ضحك: بجد يلا عشان نعمل الانتر فيو
في مكان تاني
روح بتجري بسرعه وحراس كتير بتجري وراها وبتضرب عليها نار ركبت موتسكل وجريت بسرعه بصت وراها وكانو لسه وراها بالعربيات
روح بعصبيه: كملت ولله. لقت مخزن قدامها نزلت بسرعه ودخلت وهي بتنهج قفلت الباب واخدت نفس
: انتي مين و بتعملي اي هنا
روح غمضت عنيها وقالت في سرها : لا لا لا مفيش حظ ازبل من كده كمان
عند زين
قاعد ببرود و غرور بيشرب سجاير قاطعو صوت
فتح الباب جامد ودخول بنت لابسه ماسك و طقيه مخبيه وشها
زين بعصبيه: انتي مين و بتعملي اي هنا
روح لفتلو:ولله يعسل نفسي اجاوبك بس مش هنلحق
زين لسه هيتكلم سمع صوت ضرب نار برا
زين: في اي مين برا
روح بتطلع مسدس وتقمرو وبتحط كاتم صوت: كان بودي اجاوبك بس انا مش عايزا اموت دلوقتي
زين بصلها بعدم فهم
راحت شدتو واستخبو ورا كراتين
زين: ان
روح: شششش ونبي مش وقت كلام خالص هنموت ي عسل. زين جاي يقوم فزقها بالغلط عند المنشار ففتح جرح في كتفها
روح غمضت عنيها بألم : ااه يبن ال. كملت بعصبيه: ممكن تاخد بالك انت مش لوحدك
قطع كلامهم كسر الباب ودخول عدد كبير من الحراس
زين بهمس: مين دول
روح بصتلو بنرفزه وقالت بهمس: لو انت كاسب حياتك في كيس شبسي ومستغني عنها ف انا لسه
صوبت المسدس على واحد منهم وقتلو عشان تشتتهم الحراس بصو على الي مات. راحت شدت زين وجريو: اجري اجري اجري
طلعو من المخزن من الباب الخلفي
زين وهو بياخد نفسو:ممكن افهم في اي ومين دول وانتي مين بظبط
روح وهي بتمشي بحظر: ملكش فيه
زين اتعصب ومسك ايديها وشدها ليه: هو اي الي ملكش فيه في ناس جايه تضرب علينا نار وتقولي ملكش فيه
روح فلتت ايديها بعصبيه: لا زعق اكتر عشان يسمعونا ويجو يخلصو علينا. سابتو ومشيت
زين زفر بعصبيه ومشي وراها
لغايه موقفت وراقبت المكان لقت اتنين واقفين
عند الموتسكل بتاعها صوبت المسدس عليهم وقتلتهم وجريت بسرعه وزين راح وراها وهو مش فاهم حاجه. ركبت الموتسكل:اركب بسرعه
زين ركب وراها وساقت
بسرعه جنونيه
عند اروى واسر
اسر: كده تمام
اروى: طب هشتغل اي
اسر: السكرتيره بتاعتي
اروى: تمام هبدأ من امتى
اسر: من انهرده لو حبيتي
اروى هزت راسها واسر مسك التلفون
اسر: تعالي على المكتب حالا
بعد ثواني دخلت بنت: حضرتك طلبتني
اسر: دي اروى هتبقى السكرتيره الجديده تاخدي تضربيها على الشغل وتعرفيها قوانين الشغل
البنت: حاضر يفندم اتفضلي معايا
عند زين
روح: الو...... اكيد مكنتش هرد وانا في ناس بتضرب عليا نار....... لاحظي ان انتي السبب مقولتليش على الانزار...... اه معايا......... تمام هظبط الدنيا واقابلك.......... يبنتي متقلقيش محدش شاف وشي........... تمام يلا سلام
قفلت واخدت نفس طويل
زين بصلها : ممكن افهم
روح وهي باصه للتلفون ببرود: تفهم اي
زين برفعه حاجب: انتي مين
روح ببرود: روح
زين بعصبيه: مبقولش اسمك اي مين الناس دي وانتي مين
روح ببرود وهي لسه باصه للتلفون:ناس مين وانا لسه مجاوبه انا روح
زين بعصبيه:الي لسه كانو بيضربو علينا نار
روح بصتلو ببرود: ميخصكش.ركبت الموتسكل:يلا عشان اوصلك لان المكان هنا مقطوع
زين بعصبيه: هو اي الي ميخصنيش ناس بتضرب عليا نار يبقى ميخصنيش
روح: ولله هم مكنوش بيضربوك انت بالنار كانو بيجرو ورايا انا فاعتقد انها حاجه تخصني
زين: اه لا بجد برافو. قال بزعيق: وهم يجرو ورانا لي
روح اتنهدت: الافضل متعرفش
زين شدها بعصبيه فوقعت وسحبتو معاها ووقع فوقيها
روح وهي مغمضه عنيها بألم:ااااه يغبي
زين بص في عنيها بعصبيه سرعان متغيرت نظرتو وبقى بيبصلها بسرحان
روح بصتلو وسرحت في ملامحو وقلبها فضل يدق جامد لغايه مقرب منها وكان هيشيل الماسك راحت زقتو وقامت بتوتر
روح بتوتر: ااا ع على فكره انت قليل الادب
زين بيبتسم بسخريه: هه خوفتي كده لي متقلقيش انتي مش نوعي المفضل
روح بغيظ واحمرار: بارد
زين: فريزر وحياتك
روح بصتلو بعصبيه وغيظ
زين ضحك بانتصار
روح محاوله السيطره على خجلها ف اتكلمت بسخريه:البركه في تاريخك المشرف ي زين باشا تبقى خد الطريق جري بقى يمكن تخس شويه.ضحكت بسخريه ومشيت
زين بص ل اثرها بعصبيه بس سرعان م لقى نفسو ابتسم قطع سرحانه صوت تلفونو
زين: في اي ي اسر
اسر: عايزك ضروري
زين: تمام مسافه السكه واكون عندك
عند روح
روح: الاجتماع هيتعمل فين وانا هبقى اسلم الورق في الاجتماع.
بسنت: في الغابه
روح باسغراب: غابه اي
بسنت: في اي يبنتي البيت الي في الغابه
روح: لا انتي بتستظرفي انا قولت البيت ده يبقى برا الشغل انا مش ضامنه مين ممكن يروح هناك
بسنت: يهبله محدش هيروح وسط الغابه يعني عشان محدش يعرف حاجه عن البيت ده غيرك انتي واخواتك الله يرحمهم
روح بتفكير: ماشي
بسنت: هنستناكي هناك بكره عساعه ٩ متتاخريش
روح: ماشي ومش تدخلوني ماتشات الايام دي عشان ورايا شغل
بسنت: تمام مع السلامه
روح: سلاموز
في شركه المنشاوي
يدخل زين بغرورو المعتاد والكل واقف وباصص في الارض
اسر: اي يعم اتأخر لي
زين: اعبال مجيت مروحتش في حتى بعد مكلمتني
اسر: طب يلا
بعد شويه
اسر:بس كده لسه مفكرتش بقى هعمل اي الخطوه الجايه
زين بتفكير: بص انت هتكلمو وتقولو انك حددت الاجتماع
اسر: انت بتهزر ي زين ازاي عيزني اصلا اعمل معاه صفقه
زين: افهم لازم يطمن اكيد هيشك في الموضوع انت لي بتتهرب فلما نعمل اجتماع زي مابيقولو اي كلام هيطمن شويه ومش يشك في اننا بنلعب من وراه
اسر هز راسو: تمام
زين بصلو باستغراب: مالك يلا
اسر اتنهد بتعب: تعبت ي زين تعبت
زين: في اي يعم احكي احنا اخوات
اسر بشرود: تصدق انا نفسي مش عارف
زين: على العموم انا جنبك في اي وقت محتاجني هتلاقيني صح احنا مش شيه بعض بس انا اكتر واحد يخاف عليك ي اسر انت اخويا الصغير
اسر: حبيبي يعم زين باشا
زين بضيق: يوووه متفكرنيش نفسي اكسر دماغها
اسر بضحك: تستاهل
قطع كلامهم فتح الباب
اروى وهي باصه للورق الي معاها ومخدتش بالها من زين: معلش ي اسر بس في حاجه مش فاهماها
زين بصلو بخبث
اسر: احم تمام ي اروى هخلص واعرفهالك
زين: لا خليكي كده كده انا ماشي. وطى على اسر وهمس في ودنو: مكنت تقولي من الاول بس مش عيب عليك دي جيجي هتولع فيك بس اصراحه حقك البت فرصه اصراحه
اسر بعصبيه وهو بياخد حاجه يحدفو بيها: برااااا
زين خرج بسرعه وهو بيضحك
اروى: اسفه مكنتش اعرف ان فيه حد هنا
اسر بعصبيه وزعيق: كنتي اسألي وبعد كده خبطي قبل متدخلي انتي مش داخله زريبه
اروى بضيق: تمام عن اذنك. وخرجت قبل ميرد
اسر قعد بعصبيه وهو ميعرفش لي اتعصب اصلا زفر بضيق: في اي ي اسر فوق انت راجل متجوز
عند اروى
ماشيه سرحانه لغايه متخبطت
اروى: ااه انا اسفه مخدتش بالي
يوسف: لا محصلش حاجه انتي كويسه
اروى: اه شكرا لسؤالك
يوسف بابتسامه: العفو على العموم انا يوسف
اروى بابتسامة: اتشرفت انا اروى
يوسف: انتي موظفه جديده هنا
اروى: اه لسه جايه انهرده
يوسف: في قسم اي
اروى: لا انا سكرتيره.سكتت بعدين قالت: استاذ اسر
يوسف: اي ده بجد
اروى: اه وانت شغال هنا ولا جاي لحد
يوسف: لا انا رئيس قسم الحسابات
فضلو يتكلمو ويضحكو تحت انظار تتمنى قتلهم
دخل مكتبو بعصبيه وفضل ماشي فيه وهو هينفجر ومسك ازازه وكسرها وقعد وهو بينهج: نفسي افهم انت مضايق لي لازم تفهم دي موظفه عندك بس انت متجوز افهم بقى.مقدرش يستحمل اكتر وقال بصوت عالي:يوووووووووسف
عند روح
بسنت: ها عملتي اي
روح: ده انا شوفت يوم زباله وانتي يواطيه متقوليش ان فيه انظار ده انا هربت منهم بمعجزه
بسنت: اعمل اي انا نسيت
روح: بسنت دي مش لعبه عشان تقولي نسيت ده شغل ممكن تروح فيها رقاب
بسنت: خلاص بقى الحمدلله عدت على خير
روح: لا معدتش
بسنت: لي يفقر
روح: زين
بسنت: مالو
روح: زين عرف ان ورايا حكايه كبيره لان المكان الي استخبيت فيه كان موجود فيه
بسنت: صلاه النبي احسن واي الي حصل
حكتلها
بسنت: يعني هو ميعرفش حقيقتك
روح: اه
بسنت: طب مكل حاجه تمام اهي
روح: يبنتي انا بودي جارد ل اخته انتي فاهمه
بسنت: هو ميعرفش حقيقتك صح
روح: صح
بسنت: وانتي بتاخدي احتياطاتك عشان لو اتراقبتي صح
روح: صح
بسنت: يبقى فين المشكله
روح: مش عارفه بس قلقانه خايفه يعرف
بسنت: متقلقيش انتي اصلا متراقبه واي حاجه بتحصل بنعرفك
روح: ربنا يستر
في مكتب اسر
اسر بعصبيه وهو ماسك يوسف من هدومو:اقسم بالله لو محترمت نفسك لدبحك
يوسف: في اي يعم
اسر بعصبيه:لو قربت من اروى هزعلك ي يوسف
يوسف:اه هي دي ال
قاطعهم خبط الباب
عند اروى
: عايزه اقابل استاذ اسر
اروى: اقولو مين
: جيجي
اروى: تمام دقيقه ابلغو
خبطت
اسر: ادخل
اروى دخلت وهي باصه في الارض: واحده عايزه حضرتك برا ي استاذ اسر
اسر: انتي من امتى بتخبطي لما تدخلي وبعدين اي استاذ دي
اروى متجاهله كلامو: بتقول اسمها جيجي
اسر بقله حيله: خليها تدخل.
يوسف:هخرج انا بقى
اسر هز راسو.
اروى: بيقول لحضرتك اتفضلي
جيجي بصتلها من فوق لتحت ودخلت قابلت يوسف في وشها
يوسف:ازيك يمدام جيجي.بصتلو ببرود ودخلت
اروى رفعت حاجب: مالها دي
يوسف:فكك منها عايز اقولك حاجه
في المكتب
اسر: خير
جيجي: عايزه فلوس عشان الكريدتكارد بتاعتي خلصت
اسر: خدي.
جيجي: هي مين البتاعه الي برا دي
اسر بعصبيه: جيجي احترمي نفسك و متتعديش حدودك وملكيش دعوه بيها
جيجي: مالك اتحمقت عليها كده يكش تولع انت مالك
اسر وهو ماسك اعصابو: اطلعي برا عشان فضلي تكه ومش عارف هعمل فيكي اي
جيجي: انا مش فاهمه انت محموق عليها لي
اسر:هي مجتش جنبك يبقى ملكيش دعوه بيها
جيجي:تمام هعديها بمزاجي بس لو في حاجه تانيه متزعلش بقى تشاو يبيبي.وخرجت
اسر بصوت عالي: اروااااا
اروى جت بسرعه: نعم ي فندم في حاجه
اسر وقف قدامها بعصبيه: في اي اي الي حصلك
اروى: هو انا حصل مني حاجه يفندم
اسر بعصبيه: فندم اي وزفت اي
اروى: هو في اي انت كل شويه بحاله انا مش لعبه انت قولتلي ان دي شركه للشغل اديني بتعامل اهو زي الموظفين
اسر: اروى انتي عارفه اني بعتبرك صديقتي مش موظفه عندي بس كنت مضايق وطلعت عصبيتي
عليكي اسف
اروى بصتلو شويه وافتكرت لما يوسف قالها ان هو مش سهل عليه يعتذر عشان الشخص الوحيد الي كان بيعتذرو كانت والدتو ولما ماتت اتغير وبقى يعتبر آله للشغل: تمام بس هتجبلي شكولاته
اسر بضحك: حاضر هجيب شكولاته حاجه تانيه
اروى: بيتزا ولو اتكررت تاني هنفوخك،
اسر بهزار: حاضر يكبير
اروى: اشطات يلا همشي انا عشان متاخرش وبكره لو مجبتش الشكولاته والبيتزا هعمل منك بوفتيك
عند بسنت وروح
بسنت: الورق كده جاهز
روح بتعب: فاضل قد اي على الحوار ده
بسنت بعمليه: مفضلش غير ورق تجاره الاعضاء
روح بتعب: تمام شوفي امتى وفين وقوليلي
بسنت وهي جايه تبصلها: هبقى اقولك في الاجتماع. اي ده مالك
روح بتعب: معرفش حاسه الجرح الي في كتفي بيوجعني اوي
بسنت: وريني كده. قالت بصدمه: يخربيتك ده الجرح اتفتح تاني انتي مش حاسه
روح: اتفتح ازاي
بسنت بعصبيه: ده الي فارق معاكي قومي عشان نروح المستشفى
روح: مينفعش هيقعدو يسالو وندخل في س و ج يعني لما يجو يسألوني اي الي فتحو كده اقولهم اي ده كاتشب
بسنت وهي بتحاول تكتم الدم: مش مهم المهم نلحق نخيط الجرح ده
روح: يحجه هنلفت الانظار مش ينفع
بسنت بعصبيه: اومال اسيبك تتصفي
روح: خلاص خيطيه انتي
بسنت: هو بنطلون اخيط اي
روح وهي بتفقد وعيها: خيطيه انتي ي بسنت
بسنت: روح روح فوقي روح
يتبع

الشخصيات
روح /اهلها متوفين عندها ٢٤سنه مصارعه مشهوره بالصخر كلمتها سيف بتمشي على الكبير قبل الصغير ديما متعرضه للخطر بسبب شغلها وشاطره جدا فيه و الي مساعدها انها ملهاش الي تخاف عليه
بسنت /يتيمه اتربت في ملجأ عندها ٢٦ سنه صديقه روح ومعاها ديما وزملتها في الشغل
اسراء/ اهلها متوفين عندها ٢٤سنه بتحب الرسم عصبيه لابعد حد وديما وراها اسرار وشخصيه غموضيه
اروى/اهلها مسافرين برا مصر من وهي صغيره عندها ٢٤ سنه صديقه ل اسراء وعايشين سوا مسابقه مشهوره بالبرق
زين /٣٠ سنه شاب مغرور كل يوم مع واحده شكل بس ليه هيبه وكلامو بيمشي على الكل وبيعملولو الف حساب محدش يتجرأ يرفع عينو وهو موجود
اسر/اخ زين عنده ٢٧ سنه مهتم بشغلو و كل حياتو ليه بيكون في البيت وقت قليل وطول الوقت في الشركه عصبي والكل بيخاف منو
زينه/اختهم ٢٤ سنه في اخر سنه لكليه الطب رقيقه وطيبه ومحبوبه جدا من الي حواليها
ساره /اصغر واحده في عيله المنشاوي ٦ سنين
يوسف/صاحب اسر وزين عنده ٢٦ سنه بيحب الهزار والضحك بس وقت الجد بيكون شخص يعتمد عليه
امجد/٢٨ سنه زميل بسنت وبيحبها عقلو بيوزن بلد زي ما بيقولو
جين/ ٢٧ سنه صاحب امجد وبيشتغل معاهم بيحب روح مرح جدا وفي نفس الوقت عصبي وكلو بيتجنبو وقت عصبيتو