ما بين متمرده و مغرور

السادس عشر

ما بين متمرده و مغرور
السادس عشر

جين بضيق: عايز اسافر
اسراء: بطل هزار ي جين
جين: مبهزرش ي اسراء انا عايز اسافر
اسراء: لا بتهزر ي جين انت عايز تسبني مش انت وعدتني انك هتفضل في ضهري
جين دموعو نزلت: مش قادر انساها طول منا هنا هفضل فاكرها
اسراء مسحتلو دموعو: انت مفكر لما تسافر هتنساها يستحيل ي جين روح في قلبك مش في المكان لازم تقوى اكتر ي جين عشان خاطري بلاش تسبني مش هقدر اكون لوحدي مصدقت لقيت اخ اتسند عليه
جين:صدقيني هرتاح شويه اوعدك اني هرجع
اسراء بدموع فشلت في اخفائها:عشان خاطري بلاش خليك معايا انا محتجاك
جين مسحلها دموعها:انا مش هسافر دلوقتي بعد مطمن الاول انك في امان هسافر فتره مش عارف قد اي بس وعد مني هرجع تاني عشانك
عند بسنت
دخلت البيت لقت شاهندا و رضوان في وشها
بسنت باستغراب: انتو مين
شاهندا: احنا اهل اروى
بسنت بابتسامه: اهلا بيكو نورتو انا بسنت تحبو اي مساعده
رضوان: تسلمي بس ممكن تعرفينا مكان الاوضه
بسنت: طبعا اتفضلو
عند اسراء وجين
زين كان رجع و لسه هيطلع شاف اسراء نازله من عربيه جين فاتنرفز وزاد الموضوع عصبيه لما لقاها حضنتو ونزلت فاتعصب وراح على الملهى الليلي
سيف: اي يعم مش قولت مش جاي
زين بضيق: اتخنقت فجيت فيها حاجه
شاهي: لا طبعا نورت ي زيزو
زين: قولت ميت مره اسمي زين
شاهي بدلع: بدلعك فيها حاجه
زين: فيها اني دلوقتي متجوز وياريت متتعديش حدودك معايا
شاهي: ي ز
قاطعها سيف: امشي دلوقتي ي شاهي
شاهي: حاضر بس هيجي وقت تحتاجني فيه سلام يزيزو
سيف: مالك يعم
زين: مش عايز اسمع حاجه انا عايز اشرب وبس عايز انسى
سيف: تنسى اي بس فهمني
زين: مش عايز اتكلم قولت
عند اسراء
قعده قلقانه على زين: الو ي اسر هو زين لسه عندك
اسر: لا ده مشي من بدري حصل حاجه
اسراء: لا لا خلاص سلام
عند زينه ويوسف
يوسف بقلق: زينه انتي فين
زينه: انا في الجنينه
يوسف راحلها بسرعه
يوسف بقلق فضل يتفحصها: انتي كويسه اي الي بيوجعك تعالي نروح المستشفى
زينه بابتسامه: اقعد بس انا كويسه
يوسف بقلق: طب انتي سخنه طيب
زينه بضحك: يعم انا كويسه مفيش حاجه
يوسف قعد: طب قولتيلي لي انك تعبانه
زينه: عايزه اتكلم معاك شويه
يوسف بعصبيه: عشان تتكلمي معايا توقعي قلبي كده انتي عارفه كميه الافكار الي جت في دماغي ان ممكن اخسرك انتي مجنونه ي زينه
زينه بصالو بحب
يوسف: بتبصيلي كده لي
زينه بحب: بحبك
يوسف: اه قولي ك. بصلها بصدمه: قولتي اي
زينه: بحبك ي يوسف
يوسف: زينه الموضوع ده مفهوش هزار
زينه: ولله العظيم بحبك ي يوسف
يوسف الابتسامه اترسمت على وش يوسف ببطئ
زينه: عارفه عايز تقول اي بس انا اكتشفت اني محبتش غيرك ي يوسف من ساعه م ماما اتوفت وبقى كل واحد ليه حياتو اتفرقنا مبقناش نشوف بعض غير صدفه كنت محتاجه الاهتمام ظهر في حياتي سيف واداني الاهتمام ده عشان كده اتعلقت بيه بس عمري مشوفت في لمعه عينو ولا لهفتو الي بشوفها معاك ديما وانا معاه يكون خايفه بس معاك بحس بامان يوم مشوفتك متصاب حسيت اني انا الي بتوجع مش انت حسيت ان قلبي بينزف عشانك ديما بحب وجودك جنبي بتستحمل كل حاجه عشاني بتشاركني تفاصيلي حتى لو كانت تافهه انا اكتشفت اني مكنتش عايشه قبلك ممكن تسامحني ونبدأ من جديد
يوسف: تتجوزيني
زينه بفرحه: بجد
يوسف بابتسامه وحب: تتجوزيني ي زينه تقبلي تقضي حياتك كلها معايا
زينه وهي بتهز راسها بفرحه: اقبل. وحضنتو جامد
:اي المسخره الي بتحصل دي
بصو للصوت
زينه بخوف: بابا استن
محمد: مش عايز اسمع صوتك
يوسف: عمي انا
محمد: تعالى هنا
يوسف راحلو: ممكن بس تسبني اشرحلك
محمد: تعالى الاول بس نتفق بعدين ابقى فهمني
يوسف بعدم استعاب: نتفق على اي
محمد: مش انت عايز تتجوز زينه
يوسف: اكيد
محمد: وانا موافق شوف معاد مع اهلك و انا في انتظاركم
يوسف حضن محمد بفرحه: يحبيبي ي حمايا
محمد: ابعد يلا خنقتني
يوسف: تعرف انا بحبك
محمد غمزلو: اه منا عارف
يوسف بص لزينه الي هتنصهر من الخجل
محمد: متنساش
يوسف: انا هجيب اهلي واجي بكره لو حضرتك فاضي
محمد: تمام
عند اسراء
دخل زين وكان بيمشي بالعافيه وبيخطرف بالكلام
اسراء: زين انت كنت فين كل ده
زين مردش وهو بيحاول يمشي
اسراء راحت تسندو: اي ده انت شارب
زين: بتحبيه لي
اسراء وهي بتوديه اوضتو باستغراب: هو مين
زين: بتحبيه لي انا بحبك اكتر منو المفروض تحبيني انا
اسراء قعدتو على السرير: ده انت في البطاطا خالص
زين شدها و بقى فوقيها اتكلم قدام شفايفها:انا بحبك ي اسراء متسبنيش انا بحبك اكتر منو انتي بتاعتي مش هسيبك لحد غيري انتي بتحبيني انا
اسراء بتوتر: زين انت مش في واعيك ابعد عني ي
زين مسبهاش تكمل كلامها وطبع شفايفو على شفايفها.اسراء بتحاول تزقو و بعد عده محاولات نجحت زين مسك اديها قبل متقوم
زين: انتي مش هتسبيني صح انا بحبك اوي صدقيني بحبك اكتر منو انا لما بشوفك معاه بحس اني عايز اقتلو بكون عايز ادخلك جوا حضني مطلعكيش منو ابدا انتي ملكي انا بس
اسراء فضلت تاخد نفسها وهي مش مستوعبه كلام زين: ز زين ا ااا انت مش في واعيك تعالى اغسلك وشك. سندتو لغايه موصلو للدش وشغلت المايا الساقعه وزين لسه بيخطرف
زين وهو بيقرب منها: انتي مش هتبعدي عني انتي بتحبيني زي مبحبك صح. وشدها عليها و اتغرقت هي كمان
وزين بدأ يفوق وقفل المايا بسرعه: اي الي حصل انا جيت هنا امتى
اسراء بتوتر: اا زين
زين استوعب ان اسراء في حضنو رفع عينو واتقابلت مع عنيها وكل واحد سرح في التاني شايفه لمعه عينو وحضنو الي بتحس فيه بالامان اتمنت انها متخرجش منو ابدا. فاقت على قرب زين: احم انا هروح اغير. وجريت بسرعه وقفلت الاوضة بالمفتاح
غمضت عنيها: اي الهبل ده بقى زين بيحبني لا اكيد كان بيخترف منك لله ي زين الكلب قلبي هيقف متهدى يمهزق انت كمان
عند زين
غير هدومو و رمى نفسو على السرير وبص للسقف وهو بيحاول يفتكر الي حصل: كان لازم اتقل في الشرب عجبك كده بس اي الي حصل مش فاكر حاجه
ويعدي اليوم بهدوء
بسنت: اصحي ي اروى كل ده نوم
اروى فتحت عنيها بتعب: في اي ي بسنت
بسنت: انتي الي في اي
اروى حضنتها بهدوء من غير متقول حاجه
بسنت باسغراب: مالك ي اروى
اروى بتنهيده: عايزه ارتاح ي بسنت نفسي ارتاح
بسنت فضلت تمسح على شعرها بهدوء 
عند اسراء وزين
زين: مالك
اسراء: مفيش بس عايزه اعرف اي الي حصل امبارح ده
زين: اي الي حصل
اسراء: زين انت كنت سكران
زين: اه وفيها اي
اسراء ضحكت بسخريه: فيها اي بجد مش المفروض انك تعقل ده انت حتى متجوز
زين ببرود: متنسيش انو جواز فتره وهنطلق
اسراء: ولغايه اليوم ده المفروض تعملي احترام حتى لو انت مش بتعتبرني مراتك بس ده الواقع مش هتقدر تغيرو
زين: اما تبقي تعمليلي احترام الاول تبقي اتكلمي
اسراء: لي هو انا قللت من احترامك
زين بدون وعي: انك تحضني جين ده ميعتبرش انك قللتي من احترامي
اسراء ضيقت عنيها وقربت منو: اوعى تكون بتغير
زين بتوتر نجح في اخفاءه: اي الي انتي بتقوليه ده انا بقول ان انتي دلوقتي متجوزه يعني المفروض تحترمي جوزك
اسراء: انت متعرفش حاجه ي زين
زين: احب اعرف
اسراء بصتلو شويه بشرود: مينفعش تعرف
زين: تمام يبقى ملكيش دعوه اعمل اي و لاحظي اني بتساهل معاكي كتير بس الموضوع مش هيطول وياريت ي اسراء هانم متدخليش في الي ملكيش فيه. وسابها و نزل
اسراء زفرت بضيق بعدين دخلت تروق اوضه زين شالت الفرش فلقت ورقه وقعت على الارض مسكتها باستغراب وفتحتها وعنيها اتفتحت على اخرها من الصدمه
عند زين
قاعد في العربيه ومغمض عينو بضيق: وانت فاكر ان ده صح انتو الاتنين مينفعش تبقو سوا واضح اوي انها بتحبو لازم تفوق ي زين دي جواز فتره بعدها هطلقها وكل واحد يروح لحياتو بس انا مش عارف اي الي مغيرني كده ولي بتساهل معاها ولي بسيبها تحركني براحتها لي بكون قدامها ضعيف لي
قاطعو صوت تلفونو
زين بضيق: عايز اي
سيف: في حفله انهرده هتيجي ولا اي
زين فكر شويه:هاجي
سيف: اشطا عليك
زين: اقفل دلوقتي عشان هروح الشركه. قفل وساق العربيه
عند بسنت و اروى
اروى: انا هروح الشركه
بسنت: متقعدي انهرده اهلك لسه جايين امبارح
اروى بضيق: مش عايزه اقعد معاهم. وقامت تاخد دش
بسنت بسرحان: حياتنا كلها الغاز بطريقه غبيه هنفضل كده ل امتى. قاطعها اتصال امجد
امجد: اي ي حبيبتي مجتيش لي
بسنت: هاجي اهو مش هتأخر سلام
عند زينه
سيف: نعم في اي
زينه: احنا لازم نسيب بعض
سيف: زينه انا مش فايق للهزار ده
زينه: انا مش بهزر من انهرده مش عايزه اعرفك تاني
سيف: و ده من اي ده
زينه: من غير حاجه وانا تعبت من اني اكون الطرف الي بيشد الحبل لواحده ولا انا عايزه اكون تسليه لحد لغايه هنا كفاية اوي وانهرده هيتقدملي الي بيحبني بجد والي قدر يخليني احبو
سيف: اه طب بصي ي حلوه انا ميتقاليش الكلام ده فهعتبر نفسي مسمعتش حاجه هسيبك كده تهدي و تفكري واكلمك لما تروقي  عشان مش اروح لخطيبك الي فرحانه بيه ده واوريه شويه صور كده انما اي عسل ولو عرفتي حد تبقي وريني بقى هتداري فضحتك ازاي سلام ي موزه. وقفل
زينه باصه للتلفون بصدمه ودموع وهي مش مصدقه انها كانت بتحب واحد زي ده. وصلتلها رساله فتحت ولقت صور ليها فتحت عنيها بصدمه: اي ده انا متصورتش كده. بعتلها رساله تانيه*لو حد عرف او سمعت انك وافقتي على العريس هتلاقي الصور دي منوره في كل حته *فضلت تعيط وهي مش مصدقه الي بيحصل
عند اسر
اسر: ها اي الخبر الي مش ينفع يتاجل
يوسف: فاكر البنت الي حكتلك عنها
اسر: مالها
يوسف: هتقدملها انهرده
اسر بفرحه: بجد طب ازاي
يوسف: اصل
اسر باسغراب: اصل اي 
يوسف: البنت دي اختك
اسر مسكو من هدومو: نعم ي روح امك
يوسف: اهدى كده انا كلمت باباك امبارح. وحكالو كل حاجه بس معرفهوش ان زينه كانت مرتبطه قبلو
اسر: الف مبروك يعم رغم ان نفسي اخنقك بس عارف انك بتحبها بجد
يوسف: الله يبارك فيك وانت مش ناوي ولا اي
اسر: انهرده برضو
يوسف: اي رايك نكتب الكتاب على طول في نفس اليوم ونعمل فرحنا مع بعض
اسر: تصدق فكره هشوف كده ونظبط مع بعض
عند اسراء
اسراء بصدمه: اي ده يعني زين بيحبني بجد.فضلت باصه للراسمه بسرحان ولقت نفسها بتبتسم حطت اديها على قلبها الي بيرقص من الفرحه بعدين تحولت ابتسامتها لخبث: حبيبي ناقص تربيه والي ناقص تربيه يتربى. قامت ورجعت كل حاجه مكانها واتصلت على واحد من الحرس
اسراء بحده وبرود: لما يخرج من الشركه تراقبو وتشوف هيروح فين و تكلمني
الحارس: حاضر يفندم. قفلت واتصلت على بسنت
اسراء:  اي ي معلم كنتي متصله لي
بسنت: اهل اروى جم
اسراء بخضه: نعم طب اروى كويسه
بسنت: هو في اي ي اسراء انا تعبت من الالغاز الي حوالينا دي هنفضل ل امتى كده
اسراء اخدت نفس عميق: ده قدرنا مش هنقدر نغيرو اروى فين ي بسنت
بسنت: راحت الشركه
اسراء: تمام خدي بالك وحرسي منهم
بسنت: لي نفسي افهم لي اروى مش بتحبهم
اسراء: هتعرفي بعدين
في شركه المنشاوي
زين: عايز اي ي روح امك
يوسف: اهدى بس وسيب هدومي شكلي بقى عره بسببك انت واخوك
اسر: خلاص هو كلم بابا
زين: وانا اخر من يعلم
يوسف: اش حال اني لسه عارف انها اختك يوم كتب كتابك
زين: هقول اي مبروك بس عارف لو زعلتها هعمل فيك اي
يوسف: دي في قلبي. وطلع يجري
زين: هتروح مني فين انا وانت والزمن طويل
اسر: انا فرحت ان زينه طلعت بتحب يوسف انت مشوفتش كان بيعمل اي عشان يلاقيها
زين: هو جدع ويستحق المهم وانت واروى
اسر: عايز اتقدملها انهرده بس مش هينفع عشان يوسف هيتقدم ل زينه ف هروح بكره
زين: وانت مستعجل كده لي
اسر: اسباب كتير من الاسباب دي اهلها عشان عيزين يرجعو في اسرع وقت
زين: تمام
اسر: وانت عامل اي مع اسراء
زين: كويسين هروح انا اكمل الشغل. زين خرج واروى دخلت على طول
اروى: اسر اعمل اي حاجه بس خليهم يسافرو مش عايزه اشوفهم
اسر: ممكن تهدي بس
اروى بعياط: ي اسر دول عندهم الفلوس كل حاجه مش مهم انا فرحانه ولا لا
اسر مسحلها دموعها: اوعدك ان الموضوع ده هيخلص بسرعه بكره هاجي اتقدملك ومش هيعدي الاسبوع الجاي غير وانتي مراتي
اروى اطمنت شويه وتلفونها رن: هشوف اسراء و نكمل كلامنا بعدين
اسر: تمام
اروى خرجت وردت: في اي
اسراء:معرفتنيش لي ان اهلك جم
اروى: عشان لسه جايين امبارح ملحقتش اقولك انا مش مطمنالهم حاولي تشوفي طريقه نراقب تحركاتهم لغايه ميسافرو تاني
اسراء: متقلقيش انا ظبط كل حاجه المهم يوسف هيتقدم ل زينه انهرده فاكيد لازم تيجي عشان نكون مع زينه وقولي برضو ل بسنت
اروى: حاضر سلام
اسراء: سلاموز
ويعدي الوقت بهدوء
اسراء: مالك قالبه وشك كده لي اش حال ان حبيب القلب بره
زينه مردتش ووشها خالي من اي تعابير
اروى: زينه انتي يبت
بسنت: انتي مغصوبه طيب قولي اي حاجه تخلينا نفهم
زينه بصتلهم ودموعها بدأت تنزل جايه تتكلم قاطعها صوت زين
زين: يلا ي زينه عيزينك برا
زينه بصالو بتوسل
زين: عارف انك متوتره بس ده شعور عادي تعالي. ومسك اديها وخرجها
بسنت بتفكير: انا مش مطمنه
اروى: مش انت دارسه علم نفس فهمينا بقى
بسنت: الي فهمتو من حركه اديها ونظرات عنيها ان في حد ضاغط عليها او بيجبرها على حاجه نظرتها ل زين مش قلق دي نظره توسل انو يساعدها
اسراء: مجبوره اي زينه بتحب يوسف وامبارح اعترفتلو
بسنت: مش لازم الاجبار يكون من الجهه دي
اروى: تصدقو بالله انا اتخنقت من كل ده بأمانه يعني 
اسراء: يلا نخرج بس عشان مينفعش نسيبها كده
برا
محمد: ها يبنتي موافقه
زينه بصتلو بكسره وبصت ليوسف الي باين عليه الفرحه
محمد: زينه موافقه ولا لا
يوسف بدأت ملامح القلق تظهر على وشو
زينه بصتلو بحزن: انا اسفه بس مش هقدر
يتبع
#الا_رسول_الله
#مقاطعه_فرانسا
#مقاطعه_المنتجات_الفرنسيه