ما بين متمرده و مغرور

الثامن عشر

ما بين متمرده و مغرور
الثامن عشر

اسراء اخدت المسدس منها بابتسامه جانبيه وهي مصوباه ناحيتها: كانت فرصتك الاخيره سلاموز
شاهي عيطت وهي بتهز راسها وبتترعش وخايفه: لا لا 
وزين بيزعق لانو عارف ان في تلك الحالتين   هيخسرها: اسرااااااء انا بحبااااك
اسراء ضربت الطلقه و اتقطعت الانفاس و الكل غمض عينو  والمكان هادي فتحو عنيهم بس شاهي لسه عايشه بصو على اسراء لقوها ضربت الطلقه في الثقف اتكلمت وهي مغمضه عنيها: انا اديتك فرصه بس دي الاخيره المره الجايه هتبقى نهايتك. و اخدت الجاكت و مشيت وزين جري وراها
سيف بغضب: عجبك كده ضيعتي اخر فرصه لينا
شاهي وهي بتترعش بس بتحاول تجمع كلامها: ااا اابعد ع عني م ممش عايزه حاجه. واغمى عليها
عند اسراء و زين
اسراء ماشيه بسرعه ودموعها بتنزل وزين بيجري وراها: اسراء اسمعيني اسراء. مسكها
اسراء بعياط وعصبيه: ابعد عني متلمسنيش انت فاهم انا هطلق منك ومش عايزه اشوف وشك تاني حتى لو صدفه والا هتش
قاطعها زين لما شدها جامد وباسها من شفايفها بقوه
فضلت تضرب فيه ودموعها بتتسابق على خدها
و قوتها بدأت ترتخي بالتدريج 
زين بعد عنها وهو بيبص في عنيها ولسه قريب من وشها: بتحبيني
اسراء فضلت تتنفس بسرعه وهي باصه في عينو وخلاص بتفقد قوتها راحت لفت وشها الجهه التانيه . زين قرب منها وباسها في رقبتها وقال بهمس وهو بيحرك شفايفو على وشها: بتحبيني ي اسراء
اسراء غمضت عنيها ولفت و باستو بعنف. زين اتصدم في الاول بس سرعان مابدلها بشغف و مقربها لحضنو اكتر لدرجه ان عضمها كان هيتكسر
بعد شويه 
بعدت عنو وهي باصه في عينو وبتاخد نفسها بسرعه: انا بكرهك
زين قرب من شفايفها وهمس: وانا بحبك
اسراء وهي بتزقو: ابعد عني انا بكرهك ومش بكره
في حياتي قدك
زين وهو بيلزقها فيه اكتر: وانا بحبك ومحبتش  في حياتي قدك
اسراء بصتلو و ملامحها لانت ودموعها بتنزل ببطئ: غبي
زين: كنت هبقى غبي لو سبتك تضيعي مني
اسراء حضنتو و اتنهدت براحه وقالت بهمس: بحبك اوي
زين شالها وبصلها بابتسامه وحب: وانا بعشقك
اسراء دفنت وشها في رقبتو:اخرس
ضحك عليها باستمتاع و مشي بيها للعربيه وركبها ولف وركب جنبها اسراء بتحاول تهرب من عينو ووشها بقى احمر زين ضحك وخدها في حضنو وساق العربيه
بهدوء
عند زينه
فاتحه صوره يوسف وبتعيط بحرقه وضامه نفسها في وضعيه الجنين: انا اسفه اوي ولله بحبك اوي
وصلتلها ماسدج *متنسيش معادنا بكره متتاخريش ي حبيبتي عشان مزعلش منك *
زينه قفلت التلفون وعيطت اكتر
عند امجد
راح للمكان الي مازن قالو عليه ملقاش حاجه: مااازن ي مااازن. سمع صوت واطي راح للمكان بحظر واتصدم لما لقى مازن غرقان في دمو ومغمي عليه. جري عليه بسرعه: مازن فوق مين عمل فيك كده مااااازن. راح سندنو وركبو العربيه ووداه المستشفى واتصل على جين
امجد بقلق: الو ي جين تعالى بسرعه على مستشفى.............
جين قام يلبس بسرعه وهو بيكلمو: انت كويس
امجد: مازن شاف حد خارج من عند عثمان وكلمني ولما وصلت لقيتو مضروب على دماغو ضربه جامده وغرقان في دمو
جين وهو بياخد المفاتيح: مسافه السكه وهكون عندك كلم بسنت وانا هكلم اسراء يجو على هناك
امجد: ماشي متتاخرش سلام. قفل وكلم بسنت وحكالها كل حاجه
بسنت بصدمه: اي طيب طيب انا جايه حالا
اروى باستغراب: مالك
بسنت بصالها بصدمه: مازن اتصاب وهو دلوقتي في المستشفى
اروى: مازن مين
بسنت: هحكيلك في الطريق يلا بسرعه
عند جين
جين بعصبيه:ردي بقى ردي
عند اسراء وزين
زين: مين الي بيتصل
اسراء: ده جين استنى هشوف عايز اي
زين اخد منها التلفون وقفلو: لا انهرده يومي انا وبس واجازه من كل حاجه
اسراء: ي زين ممكن يكون في حاجه مهمه
زين: مش هعيد كلامي تاني
في المستشفى
بسنت: اي الي حصل  ي امجد
امجد: فين جين و اسراء
قاطعهم وصول جين
اروى: اسراء مجتش لي
جين: مكنتش بترد بعدين قفلت التلفون
اروى: طلاما كان مفتوح وقفلتو تبقى نايمه دلوقتي
بسنت: مش وقتو خالص اي الي حصل ي امجد ومين عمل كده في مازن
امجد: مازن كلمني وقال ان في حد خرج من عند عثمان مخبي وشو فمشي وراه ولما وقف اتصل عليا وحكالي
وقفل روحت لقيتو غرقان في دمو
جين: باظت ي امجد باااظت كل منتحرك خطوه لقدام نرجع ميت خطوه ورا
امجد بعصبيه: هي اي الي باظت حصل اي يعني مازن وملوش علاقه بالمهمه يبقى فين المشكله
بسنت بتفكير: لا ي امجد جين عنده حق طلاما 
مازن عرف ان في حد بيروح ل عثمان والشخص ده عرف اكيد هياخد حظرو بعد كده
اروى: انا شايفه اننا لازم ننفذ الخطه في اسرع وقت
امجد وهو بيتمالك اعصابو: هنعملها ازاي واسراء تلفونها مقفول
بسنت: هروحلها انا واروى بكره بس انتو اجهزو يعني
جين بتفكير: ممم في حاجه محتاجين نعملها في الاول
اروى: اي هي
جين: لازم يكون في عدد كبير من حراسنا جوا القسم عشان يغطو على الي بيحصل
امجد: تمام اوي كده
قاطعهم الدكتور
امجد: هو كويس ي دكتور
الدكتور: هو اضرب في مكان خطر فهنستى يفوق ونعرف لو فيه مضاعفات
جين: اي نوع المضاعفات الي ممكن تجيلو
الدكتور: ممكن فقدان الذاكره او انو يبقى كفيف او حتى تاثر على الاعصاب ف مش هيعرف يمشي  وده هنعرفو لما يفوق الصبح عن اذنكو. وسابهم ومشي
بسنت بقلق: هنعمل اي
امجد بخنقه: مفيش غير اننا نستنى زي م الدكتور قال
اروى: بس ده هيفوق الصبح
جين: انا وامجد هنقعد معاه عشان مينفعش نسيبو لواحده ممكن عثمان يبعت حد يأذيه وانتو روحو استريحو شويه عشان تروحو ل اسراء بكره
امجد: وانت كمان ي جين امشي انا بس الي هفضل معاه عشان انت تجهز الخطه بكره
الباقي: تمام
عند زين واسراء
اسراء: لو لاحظت اننا وصلنا ممكن تنزلني ده لو مش هيضايق حضرتك
زين وهو بيفتح الباب: لا
اسراء: على فكره انت رخم
زين: عارف. ودخلو وقفل الباب واتجه للاوضه
اسراء بخضه: انت هتعمل اي نزلني
زين بصلها بخبث: أبداً بس حابب نتكلم في موضوع كده
اسراء: لاااااااا
دخل وقفل الباب برجلو
تاني يوم
اسراء فتحت عنيها بكسل بصت جنبها لقت زين ماسك فيها كأنها هتهرب منو ابتسمت ومسحت على شعرو وهي بتصحيه:زين ي زين
زين:ممم
اسراء ضحكت:ممم اي بس اصحى
زين فتح عين ولسه مغمض عين
اسراء بابتسامه:صباح الخير ي حبيبي
زين شدد على حضنها:احلى صباح ده ولا اي
اسراء ضحكت وهي بتقوم
زين مسك اديها: راحه فين
اسراء وهي بتلعب في شعرو: هحضرلك الفطار عشان متتاخرش على الشركه
زين: لا مش عايز اروح انهرده عايز اقعد معاكي
اسراء: قوم ي زين مش وقت دلع
زين: يستي انتي مالك انا هقعد مع مراتي ايش حشرك انتي
اسراء: استنى عشان دماغي عملت ايرور
زين ضحك: صح فكرتيني انتي من امتى بتحبيني
اسراء:عايز تعرف من امتى
زين:اه
اسراء شاورت على دراعو:من يوم محطيت ملكيتي عليك
زين بصلها باستغراب: ملكيتك
اسراء:ديما لما بعمل اي حاجه او بالاصح بعلم على حد بعمل حرف R  عشان يكون الي عمل كده روح  بس انت الوحيد الي عملت حرفي على دراعك عشان كده اتأكدت انك مش هتبقى لغيري
زين غمز: يواد يجامد انت   
اسراء:وانت ي سيدي عرفت امتى
زين:يوم مرجعنا من الخطف ساعتها رجعت عشان صعبتي عليا فشوفت جين معاكي اتعصبت وحسيت كان في نار جوايا لغايه مروحت وفضلت اكسر في الاوضه من غير سبب ساعتها افتكرت كلام امي زمان ان وقت مكون تايهه اسيب خيالي يتحكم فيا واطبعها على الورق ساعتها رسمت الرسمه الي انتي شوفتيها في الاول اتصدمت بس بعد كده ارتحت اني عرفت حقيقه مشاعري اتجاهك ويوم مكنا في الاسطبل لقتها فرصه بنسبالي عشان كده وافقت
اسراء ضحكت:ولله انت مجنون
زين غمز:بس قمر
اسراء بضحك: قمر بالستر بيبي يلا قوم البس عشان مش تتأخر بعدين حتى لو انت قعدت ف انا مش هقعد عشان ورايا شغل
زين: عايز اسالك على حاجه
اسراء بهدوء: عارفه هتسالني على اي بس صدقني مينفعش تعرف
زين: لي مينفعش
اسراء حاوطت وشو: عشان خايفه عليك ي زين
زين باس اديها: صدقيني انا بقلق عليكي
اسراء ضيقت عنيها: تقلق على مين اش حال كنت
هرتكب جريمه امبارح
زين: متفكرنيش ده انا كنت هموت من الرعب انتي اتجننتي ازاي تعملي كده طب افرضي كانت الطلقه من نصيبك كنت هعمل اي ساعتها
اسراء: وانت فاكر اني يوم م الصخر يموت هيبقى على ايد العرسه دي اكيد لا
زين:اومال الي حصل ده اي
اسراء:انت بتكلم الصخر حريف لعبه الموت انا كنت عارفه ان الطلقه هتقف عليها
زين:ازاي وانتي لفيتي الخزنه
اسراء شاورت على دماغها:عشان ده بيفكر المفروض المسدس يبقى فيه ٦ طلقات بس احنا ضربنا ٥بس وده الي محدش لاحظو بعدين انا كنت حاطه الطلقه رقم خامسه والمفروض اني بلف الخزنه فانا عشان مضربه على اللعبه دي عارفه المفروض كام ثانيه بسرعه كام بالظبط فانا لفتها ٣٦٠ درجه عشان تقف في المكان الي انا مختراه لاني عارفه انها مش هتجلها الجرءه تبدأ الاول وبكده اضمن ان الطلقه تبقى من نصيبها
زين فاتح بؤو من الصدمه:اي ده
اسراء ضحكت:صعبه عليك دي ي زيزو متحاولش تفهمها
زين:يخربيتك اي كل ده طب افرضي انك حسبتي  غلط
اسراء ببساطه: يبقى نصيبي كده
زين:انتي بتتكلمي ببساطه كده لي انتي واعيه انك كان ممكن تموتي مش خايفه
اسراء بابتسامه وجع:الي حصلي في حياتي كفيل يخلي الخوف ميعرفش طريقو لقلبك.كملت بمرح:ولا انت ناسي الي حصل يوم الخطف
زين بخبث: انا مش فاكر غير حاجه واحده بس
اسراء: بضهر ايدي وعلى وشك
زين ضحك بصوت عالي: ولله انتي مجنونه
اسراء: بطل رغي وقوم يلا خد دش والبس
زين: حاضر ي اخره صابري
اسراء مسكت خدودو: حبيبي مطيع وبيسمع الكلام
زين: ولله انتي قلب حبيبك من جوا هاتي بوسه
اسراء: بستك عقربه قوم يلا
زين: يلا! عمري مشوفت في دبشك
اسراء وهي بتقوم: اديك شوفت
عند اروى وبسنت
اروى: هنروحلها دلوقتي
بسنت: اه عشان نلحق نخلص قبل مياخدو احتياطتهم
اروى: انا كلمت حارس يراقب الوضع من بعيد اعبال منفذ
بسنت: تمام يلا
عند امجد وجين
امجد: جهزت الكاميرات
جين: ايوه بس لغايه دلوقتي كل حاجه مش مضمونه
امجد بتفكير: هو في حل بس ربنا يستر
وينجح.............
جين: وساكت كل ده ي امجد ده كده تمام اوي
بعد شويه
اسراء فتحت الباب: اي براحه كسرتو الباب
بسنت واروى بصلوها وضحكو بصوت عالي.ودخلو
اسراء قفلت الباب باستغراب: مالكو في اي
بسنت واروى كاتمين ضحكهم بصو لبعض بعدين انفجرو بالضحك
اسراء رفعت حاجب: شايفين اراجوز قدامكو
بسنت وهي بتسيطر على ضحكها فتحت الكاميرا الاماميه و لفتها ل اسراء
اسراء بصت برفعه حاجب سرعان متحول لصدمه حطت اديها على رقبتها و وشها بقى احمر في ثواني كانت اختفت من قدامهم
اروى وبسنت قعدين يضحكو بصوت عالي
اسراء من جوا الاوضه: اخرسووووووو
في الشركه
اسر: مالك مبسوط كده
زين: هو حرام ابقى مبسوط
اسر: لا يعم قصدي مش عادتك
زين: مش مهم يوسف فين
دخل يوسف وكان متغير مش بيضحك زي العاده ملامحو جامده
زين: مين ده
اسر: انا عارف يخويا انت مين ي رايق
يوسف ببرود: ملف الثفقه الاخيره جاهزه
زين واسر بصدمه: يوسف
يوسف رفع حاجب
اسر: لا منا متعودتش تدخل من غير الفرح الي بتعملو قبل متدخل
زين بجديه: اسمع ي يوسف عارف انت حاسس ب اي بس الي متأكد منو انها بتحبك و
قاطعو يوسف: مش عايز اتكلم في الموضوع ده
تسريع الاحداث
اسراء: طب مدي فكره كويسه جدا
امجد: هتعرفي تعملي كده
اسراء: عيب عليك هاتو بس واتفرج
امجد: خدي يلا عشان ميحصلش اي غلط
اسراء اتنهدت: متتأخروش صدقوني مش هستحمل
بسنت: متقلقيش انا واروى هنكون مراقبين حركاتك عشان لو حسينا انك هتفقدي السيطره نلحقك
اسراء هزت راسها ودخلت
في بيت المنشاوي
محمد بحنان: اي الي حصل معاكي يبنتي انا ابوكي وخايف عليكي انا شوفت قد اي انتو بتحبو بعض لي مش رفضتيه
زينه دموعها بتنزل بصمت
محمد: ربنا يريح قلبك ي بنتي
في مكان تاني
شاهي بعصبيه: طلعني من لعبتك دي انا مش مستغنيه عن عمري كفايه اوي الي حصل
سسيف بعصبيه:جايه تقولي ده دلوقتي بعد كل الي عملناه
شاهي: متعملش نفسك دور البطل ونبي وركبك اصلا كانت بتخبط في بعض لمجرد كلام لاكن انا الي وقفت في وش المدفع يعني كنت هتقتل وانت معملتش حاجه ف انسى اني اكمل في اللعبه دي
عند اسراء
بسنت: يلا ي جماعه
جايين يخرجو جين رجع تاني: خلي السماعه دي معاكي واهدي خالص احنا معاكي
اسراء هزت راسها وخرجو وبعد دقايق العسكري دخل ومعاه عثمان
عثمان: انتي مين
اسراء: مش عيب متعرفش الصخر برضو
عثمان: هو انتي
اسراء قعدت وهي حاطه رجل على رجل وبتقول بسخريه: ايوه انا لقيت نفسي فاضيه قولت اجي اشمت فيك شويه حلو اوي الكلبش في ايدك منور كده
عثمان بشر: الحرب لسه منتهتش
اسراء وهي مضيقه عنيها: عندك حق الحروب دي مش بتنتهي الى بموت واحد مننا بس وعد من الصخر شخصيا انك هتخسر الحرب دي و البدله الحمرا هتنور عليك تبقى قولي مقاسك بقى عشان اجبهالك هديه
عثمان بصلها بغل وشر: ورحمة اهلك لاوديكي عندهم وهدمرلك حياتك كلها
اسراء ضحكت بصخب ومسكت الكلبش الي في ايدو بسخريه: انت مصدق نفسك انت بتكلم الصخر فوق
عثمان ضحك بشر: بس انتي غلطتي غلطه بعمرك كلو الي يدخل اللعبه دي مينفعش يكون عنده الي يخاف عليه
اسراء بسخريه: بيجاد لا بتهزر انت عارف انت بتقول اي
عثمان بشر: صح اهلك ماتو بس حبيب القلب لسه
. اروى سمعت الي قالو من السماعه
بصت للباقي بقلق
جين باستغراب: في اي
اروى بقلق: مصيبه
اسراء بصت لعثمان بهدوء وبرود بسببو دق الخوف قلب عثمان
اسراء مسكتو من هدومو واتكلمت بنبره مرعبه : تفتكر انا المفروض اعمل اي دلوقتي
عثمان حاول ميبينش انو خايف: ولا تقدري تعملي حاجه
اسراء هزت راسها بابتسامه جانبيه: غلط ي عثمان انا اقدر اعمل كل حاجه اقدر اسحب روحك وانت بين جيش وانت عارف كده كويس واكبر اثبات الي حصل مع حراسك او الي حصل مع شركائك فمعنديش مانع نهائي اخد روحك حالا ولا حد يقدر يقربلي اقدر اعيشك طول عمرك بتتمنى الموت ومش تطولو اقدر اخد روحك وقتي وفي وسط مركز الشرطه ولا حد يقدر ينطق بكلمه انا تربيه غابه يعني الخوف ميلقيش مكان في قلبي ومتنساش انا ابقى بنت مين انا بنت مهاب الي كان سيرتو لما بتتقال في مكان يتمنو الموت ولا ان حد يقع في ايدو ولا انا اخت مين اخت روح الي كان بنسبلها القتل كانها بتاكل لب عادي تفتكر واحده زي تخاف
ضحكت بصخب صدمو : انت غبي اوي بجد واقف قصاد الصخر لا وكمان بتهددو تعرف انا اكتر حاجه بحبها اي هي الدم واسهل حاجه بعملها القتل تفتكر بقى انا ممكن اتردد في القتل اكيد لا واكبر اثبات الي حصل في حراسك مسبتش حد عايش ودخلت لوحدي وسط كل الحراس دي وقتلتهم بس تعرف انت معاك حق دلوقتي ليا الي اخاف عليه بس انت تعرف الي انت بتهددني بيه ده مين زين المنشاوي الي انت نفسك بتخاف تقف في وشو الي عايش طول حياتك مستخبي ليعرف الحقيقه الي هتكون السبب في موتك مين بقى الي المفروض يخاف انا ولا انت بذات بعد م زين او اسر يعرف انك الي قتلت امهم تعرف حتى روحك مش هطفي نارهم مضحكش عليك يصاحبي انت خسران خسران.ضحكت بصوت عالي
عثمان بصلها بصدمه وهو شايف نسخه روح قدامو
اسراء بتتكلم بتحدي وعيون بتنطق بالانتقام وعثمان بيسمعها كانو بيسمع روح: اوعى تفتكر ان بموتي ان كده خلاص هتعيش حياتك غلط اللعبه هتنتهي بموتك ي عثمان
في اللحظه دي العسكري دخل واخد عثمان
اسراء مشيت وهي بتودع عثمان بنظره سخريه
اروى بقلق:انتي كويسه
اسراء بهدوء: عايزه افضل لوحدي شويه
بسنت: انتي مش اتأثرتي بكلامه صح
اسراء مردتش ومشيت
عند زينه
ساره بطفوليه: زينه بابا مش راضي يديني شكولاته
زبنه بصتلها ومردتش
ساره بدموع: انتي مش بتحبيني
زينه دموعها نزلت وحضنتها: بحبك اوي ي حبيبتي بس انا تعبانه شويه
ساره: هو لي كلو زعلان هو انا عملت حاجه غلط
زينه بحنان: لا ي حبيبتي انتي شطوره
ساره: يعني انتو بتحبوني
زينه: بنحبك اوي. وفضلت حضناها
في السجن
:انت خايف ولا اي
عثمان:انت مشوفتش كانت بتتكلم ازاي روح ماتت وسابتلنا نسختها ويمكن تكون افظع منها كمان
اتكلم بعصبيه:متقولش كدااااا هقتلها يعني هقتلها
عثمان:صدقني خطر دي عامله زي الاسد الجعان الي مستني فرستو
:قولت هقتلها وهفكرك
عند اسراء
قعده قدام البحر بسرحان: هو انا فعلا خطر على زين مكنش ينفع احبو ولا اعلقو بيا انا ممكن في اي وقت اتقتل وممكن حد يستغل زين بسببي غبيه غبيه ازاي سمحتي ده انو يحصل. قطع تفكرها صوت تلفونها
اسراء: الو ي يوسف
يوسف: مقولتليش اي الموضوع الي عيزاني فيه
اسراء: هتعرف لما نتقابل مسافه السكه واكون
هناك
يوسف: سلام
قفلت واتصلت على بسنت
اسراء: بصي انا هروح مشوار تبقي خدي اروى وروحو اقعدو شويه مع زينه
بسنت: تمام بس هنروح نشوف مازن الاول
اسراء: اشي سلاموز
في شركه المنشاوي
اسر: هتروح البيت ولا هتيجي معايا الفله
زين: لا هروح معاك اسراء عايزه تقعد مع زينه
اسر: تمام يلا وبالمره نتكلم مع بابا في الي حصل يمكن يكون ل عثمان قرايب ولا حاجه
زين: يلا
بعد شويه
عند زينه
سيف: لو عايزاني امسح الصور تقابليني انهرده
في.........
زينه: وانا اي الي يضمنلي انك هتمسحم
سيف: مفيش ضمان ملكيش حل غير انك تصدقيني
زينه بكره: انا بندم على اليوم الي قابلتك فيه
سيف بضحك: كلو بتاع مصالح ي سنيوره سلام. وقفل
زينه قامت لبست وهي بتعيط وراحت للمكان الي اتفقو عليه
عند يوسف واسراء
يوسف: ممكن اعرف جيباني لي
اسراء بصالو ببرود: اقعد
يوسف: لما اعرف الاول عايزه اي
اسراء ببرود: اقعد
يوسف قعد وهو بيزفر
اسراء بصتلو بهدوء: زينه رفضتك غصب عنها
يوسف بسخريه: لي حد ضربها على اديها
اسراء ببرود: لا حد هددها انو هيفضحها
يوسف: نعم
في بيت المنشاوي
اروى:ازيك يعمي
محمد:الحمدلله يبنتي انتو عاملين اي
بسنت:كويسين اومال فين زينه
محمد:فوق اطلعولها
قاطعهم نزول ساره
ساره:بابا هي زينه فين
محمد باستغراب:هي مش في اوضتها
ساره:لا
عند اسراء ويوسف
اسراء بهدوء: زي مسمعت سيف فبرك صور ليها
وهددها انها لو مش سابتك هينشر الصور على النت و هيجيلك ويوريك الصور
يوسف قبض ايدو بعصبيه وحاول يتملك اعصابو: عرفتي ازاي
اسراء: استغليت عدم وجود زينه في الاوضه وفتحت تلفونها و حظنا حاجتين الاول ان تلفون زينه بيسجل المكلمات فقدرت اعرف منو التاني ان ي دخلت على الواتس وشوفت الصور واتأكدت بمصادري الخاصه ان الصور متفبركه
يوسف بعصبيه: اقسم بالله مهرحمو
اسراء: هقولك حاجه بأمانه يعني ي يوسف انت غبي
يوسف بصلها برفعه حاجب
اسراء: بتبصلي كده لي انا بقول الحقيقه لو فعلا زينه مش بتحبك لي اعترفتلك بحبها ولي كانت فرحانه لما باباها وافق انكو تتجوزو فجأه لقتها قالت انها مش موافقه اكيد في سبب ورا رفضها ي اما في حد وقع بنكو او حد بيضغط عليها فالنفرض ان زينه مش بتحبك لي تنهار وتعيط بالمنظر ده ورافضه تتكلم مع اي حد
عند زينه
زينه: عايز اي
سيف: وحشتيني مووووت
زينه بكره: انت عايز مني اي ي اخي متسبني في حالي
سيف: مينفعش اسيبك تتهني كده بعد كل ده
زينه بعدم فهم: يعني ا. مكملتش ولقتو خرج مخدر وخدرها
سيف شالها: صبرت عليكي كتير لاكن انك تعيشي
حياتك قبل ماخد الي عايزو لا يحلوه مش هيحصل
في بيت المنشاوي
زين واسر داخلين لقو ساره بتعيط ومحمد قاعد بتعب واروى بتهدي ساره وبسنت بتتكلم في التلفون بعصبيه
زين بهمس: ولا ي اسر الجو متجهرب كده لي
اسر بهمس: انا عارف ي خويا تعالى نشوف في اي
اسر: مالكو قاعدين كده لي
اروى: زينه خرجت من غير متعرف حد ومحدش عارف هي فين
زين: هي اسراء مش كانت معاها
اروى: لا اسراء اتصلت علينا وقالت هتروح مشوار مهم و نيجي احنا نقعد مع زينه لغايه مهي تيجي
اسر بقلق: هتكون راحت فين
بسنت بعصبيه في التلفون: اتصرف انت شغلتك اي بظبط تقلب الدنيا عليها انت فاهم. وقفلت 
محمد:استر يارب
قعدو بقلق وكل واحد بيحاول يوصل لزينه بطريقتو. قاطعهم صوت خبط جامد على الباب ودخول يوسف و......... يتبع
#الا_رسول_الله
#مقاطعه_فرانسا
#مقاطعه_المنتجات_الفرنسيه