ما بين متمرده و مغرور

الثالث و العشرون

ما بين متمرده و مغرور
الثالث والعشرون

اروى: واخيرا نقدر نعيش حياه طبيعيه
زينه وهي باصه ل اسراء: بس تعرفو صدق الي سماها صخر هي فعلا زي اسمها صخر
الكل بصلها بابتسامه وهي غرقانه في النوم
تاني يوم
زين باستغراب: راحه فين
اسراء وهي بتلبس الجاكت غمزت: هروح اشمت فيه وجايه
زين: اوصلك في طريقي
اسراء: لي انت رايح فين
زين: هروح الشركه زي مانتي عارفه اسر سايب الشغل كلو عليا الفتره دي
اسراء: هتروح كده
زين باستغراب: مالو
اسراء بغيره: شركه اي الي تروحها كده انت رايح تتشقط وجاي يعني
زين ضحك: يخربيتك انتي بتغيري
اسراء: ا اغير لا طبعا اغير من اي
زين بخبث: كويس اصل انهرده في اجتماع مع شويه بنات اي موزز
اسراء: لو عايز تموت قولي متتكسفش
زين: انا عايز افهم انتي مضايقه لي فيها اي يعني
اسراء: ابدا مفهاش حاجه ومفهاش حاجه برضو لما اخد فيك اعدام عادي جدا
زين : طب انتي عايزه اي دلوقتي
اسراء: تخش تغير عشان شكلك حلو في اللبس ده
زين ضحك : طب انتي مصدقه نفسك يعني انا اقدر ابص لواحده غيرك ده انتي الي في القلب يبت
اسراء: كل بعقلي حلاوه اصل انا هبله
زين بخبث: بعدين فيها اي ده اجتماع يعني شغل بس ليكي حق تقلقي بصراحه اسر قالي ان المندوبه الي هتيجي فرسه
اسراء تمسكو من هدومو وتقربو منها وتتكلم ببرودها المعتاد: اقسم بالله الي هتقرب منك لتكون في كفنها في ساعتها انت بتاعي انا وبس و خلي اي واحده تستظرف لا وتستظرف لي ترفع عنيها عليك بالغلط وهي هتتمنى الموت ولا تشوف ربع الي هعملو فيها
زين بضحك: خلاص يكبير اهدى بس انتي قلبتي كده لي انا بهزر
اسراء وهي واقفه قصادو ومفيش مسافه بينهم غير شويه سنتي مترات: هزارك ده هيجيب اجلك في مره
زين: طب ولله بتغيري
اسراء: ايوه بتزفت عايز اي يعني
زين حاوطها بحنان: لو بين مليون واحده يستحيل واحده تملى عيني غيرك او افكر في واحده غيرك انتي حبيبتي الاولى والاخيره
اسراء بعدت بتوتر: ط طب انا همشي عشان هتأخر
زين: اهربي اهربي هعديها بمزاجي
عند امجد وبسنت
امجد صحي ملقاش بسنت جنبو خرج يدور عليها لغايه مسمع صوتها وهي بتغني في المطبخ ابتسم ووقف وراها وحضنها:صباح العسل عليك يعسل
بسنت بخضه: حرام عليك ي امجد كنت هروح فيها
امجد: بعد الشر عليكي يحببتي ها اي الريحه الحلوه دي
بسنت لفت وحطت اديها حوالين رقبتو: اعبال متاخد دش اكون خلصت يلا
امجد بنص عين: بتوزعيني بالزوق يعني
بسنت: بظبط كده
امجد: خلاص ماشي بس بشرط
بسنت: ولله الواحد بيخاف من شروطك دي
امجد ببراءه مصتنعه: انا اخس عليكي ده انا حتى كيوت
بسنت بنص عين: عليا انا ده احنا دافنينو سوا
امجد ضحك: ولله هبله
بسنت: اخلص بقى عشان الاكل مش يتحرق
امجد: مش هتحرك من هنا الى لو
بسنت باستغراب: لو اي
امجد بخبث: عملت كده. وقرب من شفايفها وباسها بعمق وبعد عنها بسرعه وهي مسكت الطبق وخدفتو عليه: يحيواااااااااان
عند اروى و اسر
اسر بعصبيه:اي الي هببتيه ده
اروى جت وهي بتضحك: مش قادره يالهوي شكلك مسخره
اسر مسكها من قفاها: حد مسلطك عليا يبت اي الي هببتيه في وشي ده رسمالي عفريت
اروى: مسمحلكش ده الجوكر
اسر:ويطلع مين سي الجوكر ده كمان
اروى بشهقه:متعرفش الجوكر خلصانه انت مش زوجي قره عيني لا
اسر رفع حاجب
اروى: خلاص مترفعش حاجبك كده بتفكرني ب لؤي
اسر باستنكار:مين يختي
اروى اتكلمت بعفويه:ده حبيب قلبي قمور لا قمور اي ده موز اوي و
قاطعها اسر بصوت جهوري: ارواااااااا
اروى اتخضت من صوتو: ا اسر انا ولله. قاطعها بقبله بعنف محاوله تهدئه اعصابو. بعد عنها لما حس بدموعها بتنزل وبص في عنيها اروى بصتلو بدموع وزقتو ودخلت اوضتها و كتمت شهقاتها في المخده
اسر جري ووقف قدام الباب لسه هيخبط رجع في كلامو وخرج ورزع الباب جامد
اروى سمعت رزع الباب وعيطت اكتر واتصلت على اسراء
اسراء: خير
اروى بعياط: اسراء
اسراء وقفت العربيه على جنب: في اي ي اروى مالك
اروى بعياط: عايزه اتكلم معاكي
اسراء: استني انا جيالك حالا. قفلت قبل متسمع ردها واتصلت على زين: الو ي زين انا هتاخر عشان هعدي على اروى
زين ب استغراب: هتسافري مخصوص و دلوقتي
اسراء: اروى محتجاني ي زين وانا يستحيل اتأخر عنها في اي وقت
زين: خلاص روحي انا هخلي الحراس يجهزولك الطياره عشان متتاخريش ومتنسيش معاد الدكتوره بليل
اسراء: تمام مع السلامه
عند زينه و يوسف
يوسف: لو عيزاني انتحر قوليلي
زينه: لي بس يحبيبي
يوسف: لي بس! انتي عايزه تشليني يبنتي بقولك البيت ناقصه حاجه اجبها معايا تقوليلي اه استنى في حاجات مهمه اوي
زينه: يسلام على اساس ان الشكولاته و الشبسي والاندومي و الشيتوس و الهوهوز مش مهمين
يوسف: لا طبعا مهمين اوي اومال
زينه: لا ولله اومال مين الي  خلص الشيتوس
يوسف: الي هو بالجبنه ده
زينه: اه
يوسف: وبيقرمش وشكله عامل زي الصوابع
زينه بتجز على سنانها: اه
يوسف: لا معرفش
زينه: ولاا هتجيب الحاجه بالزوق ولا لا
يوسف: اعتبريها عندك يمعلمه
زينه: شطور
بعد شويه
اسراء: يبت افتحي فرهضت
اروى فتحت واترمت في حضنها وقعدت تعيط
اسراء بتحاول تهديها: يخربيتك دي منظر واحده فرحها كان من يومين ولله تلاقيكي بتعيطي عشان الصواريخ خلصت صح طب ولله لو قولتي صح لطخك عيارين يجيبو أجلك انا بقولك اهو
اروى ضحكت وسط دموعها: بس بقى مش عارفه اتقمص دور الحزن ابدا
اسراء:قومي يبت جبيلي حاجه اكلها
اروى: اي يبت النداله دي يعني بدل متهديني وتشوفي مالي تقوليلي عايزه تتطفحي
اسراء: الله منا مفرهضه من السفر وكله بسببك
اروى: امري لله عايزه تطفحي اي
اسراء: وده سؤال اكيد مكرونه بالبشاميل
في مكان تاني
عثمان: كل حاجه راحت خلاص كسبت بنت مهاب
: لسه اللعبه شغاله
عثمان بص لمصدر الصوت باستغراب: انت مين
ابتسم بخبث: انا الشيطان
بعد شويه
عند اسراء و اروى
اروى: بس يستي وراح خرج ورزع الباب
اسراء: عايزه الحق انتي بنت كلب وهو اكلب منك
اروى بلخبطه: انتي بتقولي اي
اسراء بهدوء: نتكلم جد بقى انتي اي الي زعلك
اروى اتنهدت بحزن: اسر مش بيثق فيا ي اسراء
اسراء: غبيه لو فكرتي كده اسر مش بيحب قدك الغيره في الحب مطلوبه لو مفيش غيره ميبقاش اسمو حب يعني انتي مثلا لو لقيتيه مع واحده تانيه هتعملي اي
اروى: ولله لقتلهم هم الاتنين
اسراء: شوفتي بقى ان انتي برضو بتغيري هل ده معناه انك مش بتثقي فيه
اروى: يعني اعمل اي
اسراء: ولله اجابه السؤال ده عندك انتي مش عندي بعدين لازم تعتمدي على نفسك انتي دلوقتي متجوزه والبيوت ليها اسرار مينفعش حد يعرفها لانها ممكن تكبر طبيعي يحصل مشاكل بنكو الجواز كده مش ديما حياه سعيده فيه لاكن في مشاكل لازم حد يدخل فيها ولازم يكون موثوق فيه انا معاكي في اي حاجه وفي اي وقت محتجاني فيه هتلاقيني
اروى بابتسامه: انا بحمد ربنا انك في حياتي
اسراء وهي بتقوم: بس يبت انتي اختي همشي انا بقى
اروى: تمشي اي لا انتي هتقعدي معايا
اسراء: عايزه زين يعمل مني بوفتيك حضرتك بعدين انا راحه الدكتوره انهرده ادعيلي
اروى: بدعيلك من غير متقولي
اسراء: يلا سلاموز اه صح تبقي فهميه حوار لؤي
اروى: حاضر.كملت بحزن: بس تعرفي واحشني اوي 
اسراء انهدت بحزن: و واحشني انا كمان.ابتسمت بحزن:تعرفي اخر مره روحتلو ومكنيش معايا قالي انو زعلان منك عشان سبتيه لوحدو 
اسر بغيظ: حنين اوي
اسراء: شرفت يبرنس
اسر بيحاول يمسك اعصابو: ممكن اعرف مين استاذ لؤي الي زعلان اوي انك سبتيه عشان انا على اخري
اسراء بصت ل اروى: لا عندك حق غيرتو فوق الحد. بصتلو: اصل في واحد عاقل يغير من طفل عندو ٨ سنين
اسر باستغراب: نعم
اسراء بصت في الساعه: لا انت لسه هتستغرب انا مش فاضيه.حضنت اروى وسلمت عليها: لو زعلك كلميني وملكيش دعوه الباقي
اروى ضحكت: حاضر
اسراء: يلا سلاموز. ومشيت
اسر ربع ايدو: ها
اروى: ها اي
اسر: هنستعبط بقى مين لؤي
اروى ابتسمت برخامه: ملكش فيه
اسر: اروى انا مش بهزر
اروى بحزن: كان بطل
اسر: كان!
اروى بحزن: اصلو مات
اسر: انا مش فاهم حاجه
اروى اتنهدت بحزن: انا واسراء على طول كنا بنروح نزور الاطفال الي في الملجأ وفي يوم جه طفل عندو سنتين اهلو ماتو في حادثه كان زي الملايكه وكان متعلق بينا اوي على طول بيقولي متسبنيش وتمشي عشان انا بحبك اوي ي ماما. دموعها نزلت بغزاره: اول  مقالها حضنتو جامد وحلفتلو ان عمري مهسيبو ابدا حسيت ساعتها انو حته مني تعرف لما كنت بعاملو ك طفل كان بيرفع حاجبو زيك كده ويقولي هو انا طفل انا كبرت خلاص حاولنا نقنع صاحب الملجأ ناخدو نربيه فرفض عشان لازم يكون بين اب وام ويكون في سبب للتبني كنت خايفه حد ياخدو مني ده ابني بس صاحب الملجأ اتعاطف معانا بذات ان لؤي كان متعلق بيا فوافق  فرحت وبقيت بهتم بيه و بعامله زي ابني عدت فتره وهو تعلقو بيا بيذيد مع الوقت جت فتره لؤي بدأ يتعب اوي خوفت عليه ووديناه المستشفى كانت صدمه عمري لما عرفت انو. عياطت بشهقات: انو مريض بالكانسر  وفي مرحله متأخره انهرت لؤي قالي انتي بتعيطي لي ي ماما انا بطل وهعرف اغلب المرض ده عارف يعني اي طفل عندو  خمس سنين يعيش العذاب ده اسراء ساعتها قالتلي ان لؤي بيستمد مني القوه عشان كده لازم ابقى قويه على الاقل قدامو بدأ رحله العلاج وانا مسبتهوش لحظه الدكتور قالي خلاص مفيش امل من العلاج لازم يعمل العمليه ف الاول رفضت خوفت عليه اوي بس مكنش في ايدي حاجه غير اني اوافق روحت اشوفو قبل العمليه قالي جمله بتقطع في قلبي لغايه دلوقتي قالي اقولك على سر انا بحبك اوي قولتلو انت بتقول كده لي دلوقتي قالي مش عارف حسيت اني لازم اقولها فهمت هو حاسس بايه حضنتو جامد
وقولتلو هترجعلي ي حبيبي مش هتسيب ماما لوحدها صح قالي عمري مهسيبك خالص. غمضت عنيها: دي اخر مره شوفتو فيها لان العمليه للأسف فشلت. بصت ل اسر بعياط: مطلعش قد كلامو ي اسر  ابني مات قدام عيني ومقدرتش اعمل حاجه. اسر حضنها بحزن وفضل يهديها لغايه محس بتقل على كتفو فعرف انها نامت فشالها ووداها السرير ونام وهي في حضنو بصها بحب: طب احبك اكتر من كده اي انتي ملاك نازل من السما كل مره بتثبتيلي انك نازله على الارض بالغلط ربنا يخليكي ليا ويقدرني واسعدك. باس راسها وراح في النوم
تسريع الاحداث
زين: يعني تقدر ترجع زي الاول
الدكتوره:عشان ابقى صريحه مش بظبط انا هساعدها تستوعب فقدانهم بس مش هقدر اخليها تنساهم دول اهلها بس في الاول كده لازم تبطلي المهدء الي بتاخديه وانا هكتبلك نوع تاني
اسراء: يعني هتفرق
الدكتوره: هيفرق جدا الي بتاخديه بيخليكي شبه فاقده الذاكره وبترجعلك بعد م مفعولو يروح لاكنالدوا التاني هيهديكي ومع مساعدتك ليا هتستوعبي فقدانهم بس في الاول هتحلمي بكوابيس وهيبقى في ضغط عليكي الفتره دي عشان بطلتي الدوا بس مع الوقت كل حاجه هتتصلح
زين بص ل اسراء
اسراء بهدوء: هنبدأ امتى
دي كانت اخر محادثه حصلت واسراء لسه بطبيعتها بس بعد مبطلت المهدء
اسراء بعياط: سبهم ونبي لاااا روح اااه ابعد عنهااااا اش لاااااااااااااا
زين وهو بيحاول يسيطر عليها: اهدي ي اسراء اهدي ده كابوس
اسراء بصريخ: ابعد عنااااااي قتلتهم لييي اااااااه متسبنيش ي روح انا لسه محتجاكي اش لاااا عشان خاطري مش تسبيني ااااااااااه
زين دموعو نزلت وضربها بالقلم  وفضل يهزها: فوقي بقى فوقي
اسراء وهي بتفقد وعيها: ر روح ا اا اش. وفقدت وعيها في حضن زين غمض عينو بوجع وحس انو غلط لما فكر انها تتعالج شالها ودخلها الاوضه وفضل يمسح على شعرها: عشان خاطري ارجعي بسرعه مش قادر اشوفك كده. الباب خبط ف باس راسها وخرج
بسنت: لسه زي مهي
زين بحزن: حاسس اني غلطت اول مره اشوفها كده اتعودت عليها قويه و مش بيهمها حد
اروى: بالعكس ي زين انت كده بتساعدها هي لازم تواجهه هربت كتير وجه وقت المواجهه وهتبقى صعبه بس لازم نقف جنبها
زين: يعني هفضل معيشها على المهدئات و المنوم انا بقيت اخاف اسيبها لوحدها لتعمل في نفسها حاجه
زينه: هي مش هتفضل كده على طول ان شاء الله هترجع زي الاول واحسن كمان
زين مسح على وشو وبص على اسراء بحزن
بعد شهرين
اسراء: ولله لاجي معاك انت بتقول اي يجدع عيب
زين: انتي لسه تعبانه بعدين انا مش هتاخر هحضر الاجتماع وهاجي على طول عشان الاجتماع ده لازم انا واسر نكون فيه
اسراء: شوف ي زين انت لغايه دلوقتي مشوفتش جناني اقسم بالله لو رجلك خطت عتبه الباب من غيري لقطعهالك
زين: نفسي افهم ليييييي
اسراء: عايزني اسيبك مع الهانم براحتكو يعني
زين: هانم مين
اسراء: متستعبطش اروى قالتلي ان المندوب الجاي من برا بنت
زين بتنهيده: ولله انتي تعبتيني
اسراء: يلا يبابا عشان مش نتأخر
زين: يلا ي اخره صبري
عند امجد و بسنت
امجد: بساااااااانت
بسنت: اييييييي خرمت وداااااني انا في نفس البيت مش في اسراليا
امجد: تخيلي مين الي كلمني
بسنت: مين
امجد بابتسامه: جين
بسنت بعدم استعاب: جين مين جين بتاعنا
امجد ضحك: اه
بسنت بفرحه: بجد وقال اي هيجي امتى
امجد: هو مش هينزل الفتره دي بس انا عرفتو على الي زين هيعملو وهيجي في نفس اليوم عشان يعملها مفجأه
بسنت: اسراء لما تعرف هتفرح اوي
امجد: لا مانتي مش هتعرفيها عشان تبقى مفجأه
عند زينه و يوسف
زينه: هتوديني الجامعه في طريقك
يوسف: اه يلا
زينه: انا اتخنقت
يوسف: استحملي الفتره دي مفضلش غير شهر على الامتحانات
زينه: خايفه اوي كل مبيقرب معاد الامتحانات كل مبقلق اكتر
يوسف: ده شعور عادي بيحصل بس انا واثق انك هتنجحي وهتتخرجي بامتياز كمان يمهندسه قلبي
زينه: تعرف
يوسف: عرفيني
زينه بابتسامه: انا بحبك
يوسف: قوليلي حاجه معرفهاش
زينه: تصدق انك رخم انت ماشيه
يوسف مسكها وهو بيضحك: قموصتي القمر حبيبه قلبي
عيب عليكي يعني انتي متعرفيش اني بحبك لا بعشقك كمان انتي دخلتي حياتي بدلتيها اول مره قلبي يدق كان ب اسمك انتي بحبك ولله العظيم بحبك
زينه: لو فاكر اني هسامحك ب الكلمتين دول ف احب اقولك. ولفت اديها حوالين رقابتو: ان معاك حق بحبك 
في شركه المنشاوي
اسراء: انا جيييت
اروى: صاحبي حبيبي واحشني ي زمكس
اسر باستغراب: مش لسه كنت معاها امبارح
اروى: اسكت انت ايش عرفك كيفك يصاحبي
اسراء: كله تمام وزي الفل يمعلم
زين: تجار مخدرات اخر كلام
اسر: طب نتكلم في الشغل بقى
اروى: هادم اللحظات ومفسد السعاده المايك معاك
اسر: هتصرف معاكي في البيت
قاطع كلامهم خبط على الباب ودخول بنت في منتصف العشرينات بهدوم قصيره وضيقه وحاطه كيلو دقيق المهم
زين: اوباااا مين الموزه
اسراء ببرود: مممم في واحد صاحبنا بيحفر قبرو
اسر واروى بضحك:اعمل نفسك ميت اعمل نفسك ميت
البنت:هو ده مكتب استاذ اسر
اسر وحب يقلد زين:لو مش هو هنخليه هو يجميل
اروى: لا يحبيبتي ده مقابر اعبال عندك
البنت:شكلي غلط في المكان
زين:ولله يعسل لو مهربتيش دلوقتي لتكوني دخلتي مكان بس في الجنه
اسراء رفعت سكينه وابتسمت :حبيبي. زين بصلها وبلع ريقو بتوتر
اسر: حضرتك المندوب الي بعتاه شكره.......
البنت: ايوه انا بعدين بلاش حضرتك وكده نرفع الالقاب انا اسمي  سرين
اروى: اي يختي سردين
سرين: افندم بعدين حضرتك مين
اسر: اروى مراتي والسكرتيره وده زين ا
مكملش كلامو لما لقاها اندفعت ناحيه زين
سيرين بدلع: هو في حد ميعرفش زين المنشاوي ده العالم كلو بيتكلم عن وسامتو بس ظلموه في الصور طلع احلى في الحقيقه
كانت اسراء بتابع كلامها ببرود وهي حاطه رجل على رجل وسانده اديها على المكتب
اروى وهي بتخبط فوق راسها: احيه احيه احيه احيه
زين بحرج اتكلم وهو بيشاور على اسراء: احم اعرفك ا
سيرين وهي بتلعب في خدودها: اه اختك صح يخلاثي هي عندها كام سنه هي في ثانوي صح
اروى ضحكت وهي بطلع التلفون عشان تصور : الله هشوف مدبحه في الحقيقه هصورها
سيرين: اسمك اي يكتكوته
اسراء بصت ل اديها ببرود بعدين بصتلها واديها الي على المكتب رافعه سكينه: حافظه الشهاده ولا تقولي ورايا
سيرن رجعت بتوتر: اي الي انتي مسكاه ده خطر
اسر: احم مدام اسراء المنشاوي حرم زين
سيرين بصدمه وتوتر: ا اا اي
زين و اسر واروى: الله يرحمك
بعد شويه
اسراء بعصبيه: قدامكو حلين يتكلمو رئيس الشركه يبعت حد مكانها ي تلغو العقد و الى قسما بالله لتسمعو في اخبار الحوادث احلى اخبار
زين: بعد الي عملتيه فيها ده
اسراء: ولله رد فعلي طبيعي لما الاقي واحده جايه تشقط مش جايه تشتغل لا و اي. وهي بتقلدها: هو في حد ميعرفش زين المنشاوي بس ظلموه في الصور طلع احلى في الحقيقه. دي ناقص تطلبك مني. كملت بعصبيه: انت بتضحك
زين بضحك: ولله مجنونه يبنتي احنا طلعناها من تحت ايدك بالعافيه واهي محجوزه في المستشفى ومش هتطلع دلوقتي
اروى: تستاهل علبه السردين دي جايه تتمرقع
اسر بص ل زين: شامم ريحه شياط
زين بضحك: انت هتقولي
في منتصف الليل
اسراء لابسه فستان ابيض وشبه الاميرات:اي رأيك
زين بابتسامه:زي الملايكه
اسراء ابتسمت برقه:هو انا قولتلك اني بحبك
زين حاوط خصرها:مش فاكر فكريني بقى باليوم ده
اسراء شهقت:اه يقليل الادب ابعد كده خليني امشي.وهي في نص الطريق عربيه خبطتها واتحول لون الافستان من ابيض ل احمر
زين بصراخ:اسرااااااااااء
يتبع