روايه عشق حياه

الفصل الثامن عشر

رواية عشق حياة
بقلمي المتواضع زوزه
جروب روايات بقلمي المتواضع زوزه ❤️🌈😍

الفصل الثامن عشر

وفي غرفه كنان .

عدي : فين الهدوم اللي قولتلك عليها يا حازم .
حازم بضحك : اهي بس انا مش هلبس .
عدي : كلنا هنلبس وكان لبس جلباب صعيدي وارتدوه جميعهم وكان شكله جميل عليهم ونزلوا الي الاسفل

وذهب احمد الاسيوطي الي غرفه حياه وعندما دخل : قال بسم الله ما شاء الله يا بتي كيف الجمر .
حياه بابتسامه : شكرا يا جدو .
احمد الاسيوطي : يلا يابتي عشان عريسك تحت بده يديكي شبكتك وبعدين تجعدي انتي عند الحريم واحنا عند الرجاله .
وأخذها ونزل الي الاسفل .
وعندما رائها كنان أنصدم مما رآه وقال : ايه ده القمر دي مراتي انا وخذ ينظر لها ولا يرفع نظره عنها حتي خجلت حياه .
احمد الاسيوطي بابتسامه : اتفضل مراتك ياولدي دلوق بجت مراتك بس حافظ عليه واعرف ان في ضهرها رجاله .
كنان بابتسامه وهو ينظر لها : اوعدك اني مزعلهاش هو حد يكون معاه القمر ده ويزعله بردو وغمز الي حياة .
مؤيد وهو واقف : ولله اخويا كنان ده طول عمره محظوظ من حقه يقول اتجوزها هو في حد يسيب القمر ده بردو .
حمزه بضحك : ياريتني كنت مكانه يارب اوعدني بقا .
مؤيد بضحك : وانا كمان ياارب زي اخويا ياارب واحده حلوه كده .
عدي بضحك: يخربيتكوا اكتموا محدش هنا يعرف أن إحنا اول مره نشوفها ولو كنان سمعكوا هيعملكوا شاورما .
مؤيد بضحك : انا رايح اسلم علي القمر مرات اخويا واخلي كنان يتحرك بدل ماهو تنح فيها .
مؤيد وهو يضحك وينظر الي كنان : اهلا يا قمر نورتي عيلتنا كلها ولله كنان عرف ينقي لو عندك اخت صغيره بقا احجزهالي بس تكون شبهك كده يا قمر وغمز لها .
كنان وهو يلكمه في بطنه : جاي تعاكس مراتي قدامي ما تتلم يالا .
مؤيد بضحك : ما انت الصراحه وقعت واقف يعني هو في حلاوه كده يا جدع ايه ده .
كنان بعصبيه خفيفه : لم لسانك يالا دي مراتي وأخذ حياه بحضنه .
حياه بخجل : كنان .
كنان وهو ينظر لها بحب : قلب كنان .
مؤيد بضحك: ده انت واقع اوووي ياخي طب اتلم عشان عيلتها واقفه .
كنان بضحك : مراتي وانا حر ياعم وبعدين اعرفك يا حياتي ده مؤيد اخويا الصغير .
مؤيد بابتسامه : انا مؤيد الشناوي لو فيه اي مزه حواليكي قوليلي بس تكون قمر زيك يا قمر وغمز لها ثانيه .
كنان بعصبيه خفيفه : لم نفسك يالا وامشي من هنا بدل ما اموتك دلوقتي .
مؤيد بتمثيل الحزن : يرضيكي يا قمر يعمل فيا كده ده انا اخوه الصغير وبهزر واعتبريني من هنا ورايح اخوكي ولو هو ضايقك قوليلي وانا وانتي نعمل فيه مقلب عادي هههههههههه.
حياه بابتسامه : علي فكره يا كنان اخوك دمه عسل وباين علينا هنبقي صحاب .
مؤيد بضحك: ونبي انتي اللي عسل يا عسل .
كنان بعصبيه : لم نفسك يالا .
فاتي عدي وارجعه خلف وقال : نورتي عيلتنا يا حياه .
حياه بابتسامه : شكرا .
كنان : ده عدي اخويا الكبير .
حياه : اتشرفت بمعرفتك يا استاذ عدي .
عدي بابتسامه: استاذ مين بس انا اسمي عدي وابقي اخوكي الكبير وكنان لو زعلك في أي يوم او اي حد من عيلتي زعلك تعاليلي انا وانا هجبلك حقك واوعي تخافي من حد انتي بقيتي فرد من عيله الشناوي ونورتي عيلتنا ولله .
وعد تنظر له نظره غريبة ثم تقول في نفسها : عامل زاي بيحامي علي اخواته ربنا يخليهم لبعض .
عدي وهو ينظر لها : مالك متنحه فيا كده .
وعد بحرج : ها ولا حاجه .
عدي : طب خدي التليفون ده طمني اهلك وجبتلك هدوم فوق عشان لو عوزتي تغيري .
وعد بشكر : شكرا يا عدي .
عدي : لا شكر علي الواجب .
حازم وهو يأتي إليهم وبضحك : مبروك يا كنان ولله وقعت واقف لو ليها اخوات أو حد زيها كده قولي وانا جاهز اكتب دلوقتي ولله جوزوني بقا اله بس يكون قمر شبه مراتك كده .
كنان بعصبيه مكتومه : اللهم طولك يا روح عارف لو متلمتش انت والولا التاني هموتكوا .
حازم بضحك: ياعم احنا كلمناك احنا بنكلم القمر اللي واقفه دي وبعدين انا معرفتكيش بنفسي انا حازم مش اخوهم بس صاحبهم واخوهم واخوكي واللي تعوزيه قوليلي عليه ولو فيه عروسه قوليلي وانا جاهز ولله بس تكون قمر زيك .
كنان بعصبيه مكتومه : ما تتلم ياعم انت ايه واقف بتعاكسها قدامي وبعدين نظر إلي حياه وقال : قوليلي اعمل ايه دلوقتي عشان محدش يشوفك وبعدين في حلاوتك دي هخطفك ولله .
نظرت له حياه بصدمه وخجل : ههتخطفي ليه .
كنان بضحك: ماهو انتي الصراحه حلوه اوووي ومش عايز حد يشوفك غيري .
حياه بعد ان توردت وجنتيها باللون الاحمر : كنان بس بقا .
كنان وهو يغمز لها : قلب كنان وروح كنان من جوا بلاش تحمري عشان مخطفكيش دلوقتي .
حياه ازدادت خجل .
عدي بضحك : خف ياخويا علي البت شويه وسبها هنا مع الحريم يلا وتعالي نطلع عند الرجاله .
حازم بضحك : والناس برا هتخيل علينا باللبس اللي احنا لابسينه ده مش عارف عدي اخوك بيجيب الافكار دي منين .
كنان بابتسامه : اللبس هنا كده وليهم عادتهم برا في الافراح غيرنا .
عدي بابتسامه : طب يلا عشان قرايب العروسه عايزين يسلموا عليها .
كنان بابتسامه : ماشي .
عدي بتذكر : اخدنا الكلام ونسينا نقدم شبكه العروسه اقعدي يا عروسه وخلي كنان يقدملك شبكتك .
حياه بخجل : بس انا لابسه طقم الماس اهو وده كتير عليا ولله .
عدي بابتسامه : مفيش حاجه تكتر عليكي انتي بقيتي مننا اقعدي يلا خليه يقدملك شبكتك وسط عيلتك .
ثم جلست حياه وبجوارها كنان واتي حازم ومؤيد وبعد الخدم يحملون اطقم الالماس والذهب وسط الذهول الجميع .
حياه بخجل : بس ده كتير اووي يا كنان .
كنان بابتسامه: مفيش حاجه كتيره عليكي يا حياتي ، انا هلبسك الدبله بس مش هعرف البسك الدهب والحاجه دي عشان انتي لابسه طقم فخليهم جمبك وخلي جدتك تفرج الكل عليهم عشان يعرفوا أن انتي تتقلي بالدهب اوعي تتكسفي ده مش مقامك يا حياتي لما نرجع القاهره هعملك احسن من كل ده .
امينه وهي تزغرد : مبروك يا غاليه خلي الكل يتفرج علي شبكتك ويعرفوا أن بنت عيلتنا مش اي حدا ثم قامت واعطتها طقمين ذهب وقالت : دول هديه من جدك احمد يا غاليه .
ثم أتت سيده أخري وتدعي انهار ومعها ثلاث اطقم ذهب ثم أعطتها لها وقالت بفرحه : ودول هديه من جدك ابراهيم وانا عمتك انهار يا بت الغالي تعالي في حضني .
حياه بابتسامه : يعني انتي عمتي .
انهار بابتسامه : ايوه يا غاليه انا عمتك انهار وليكي عمه كومان بس هيا مسافره مع ولدها بيتعلم برا.
حياه بابتسامه : انا فرحت اوي أن عندي عمه قمر اوي زيك .
انهار بابتسامه : ولله انتي اللي جمر وكلامك جمر يا غاليه والف مبروك يا بتي .
كنان بابتسامه : هقوم انا يا حياتي واسيبك وسط عيلتك اتعرفي علي الكل وخدي راحتك وذهب وخرج مع إخوته الي الخارج عند الرجال الذين كانوا يضربون النار ويركبون الاحصنه ويحتفلوا مع بعضهم .
وعد بابتسامه : الجو هنا جميل اووي يا حياه انا اول مره اجي هنا او جيت قبل كده وانا صغيره بس مش متذكره اووي.
حياه بابتسامه : انا اول مره احضر حاجه كده بردو .
وعد بفرحه : انا فرحانه ليكي اووي .
ثم أتيت إليهم امينه وقالت : نسوان البلد بدهم يبركوا ليكي يا بتي .
ثم اتي إليها العديد من النساء وأخذوا ينظرون إليها منهم ينظر بحب ومنهم ينظر بغيره ومنهم ينظر بحقد ومنهم ينظر بسعاده .
واحده من النساء : بتكوا كيف الجمر يا حاجه امينه دي لو متربي معنا إهنه في البلد كان رجاله البلد كليتهم جروا وراها .
واحده أخري : بتكوا حلوه كيف امها زمان كانت صبيه وكمان داكتوره قد الدنيا ربنا يباركلكوا فيها يا حاجه .
وآخري قالت : بس ليه يا حاجه كل الدهب ده هي متجوزه من عيله غنيه جوي والا ايه .
الحاجه امينه : ايوه متجوزه من عيله كبيره جوووي عيله الشناوي اللي ليهم إهنه مصانع .
واحده أخري : يووه العيله الغنيه جووووي دي بس الصراحه بتكوا حلوه وتستاهل .
واحده اخري : بس غريبه يعني وين امها وابوها يا حاجه .
الحاجه امينه : تعيشي انتي يا اختي ربنا افتكرهم .
واحده أخري من النساء وهي ابنه سيد الدهشوري تتحدث بغل : ايوه خطفوا البت اياك ورجعوا بتهم وماتوا حتي بتهم طلعت متجوزه ومرديوش يجوزوها لولد اخوي .
زوجه أحد أبناء سيد الدهشوري : وهي تطول تتجوز ولدي ده كيف الجمر ده البنته كلهم في البلد نفسهم يتجوزهم .
انهار بضحكه : مين ده اللي البنته هيموتوا عليه مش ده ابنك اللي بت الشيخ عبد العزيز رمت دهبوا في وشوا وجلتله انت جليل الربايه .
واحده أخري بغل من عيله الدهشوري : لا ياختي ده هي اللي بت بتتامر وشايفه نفسها عاد ده احنا كنا جايبين ليها دهب جد.إكده ده دهب بتكوا ميجيش فيها حاجه وبعدين عريس بتكوا جايبلها ازاز تلبسه عاد .
انهار وهي تضحك : ازاز ايه بس والا انتي صحيح هتعرفي منين ده الماس يا اختي اغلي من الدهب بكتيييييير جوووي ده يجيبولها دهب جد إكده وبعدين انتوا كنتوا جايبن طجمين دهب بس انا ام البت صحبتي اياك .
واحده وهي تضحك : لا بس انتوا بتكوا الصراحه يا انهار تستاهل تجلها دهب وعريسها زين زيها وداكتور جد الدنيا زيها احسن ميه مره من واد عيله الدهشوري يا اختي بتاع دبلوم .
انهار وهي تضحك : يا اختي الغالي ميخدش غير الغالي وهي بتنا اي حد بردو ده بت الصافي والآسيوطي يعني بت كبرات البلد .
واحده أخري : ربنا يفرحكوا بيها يا اختي وعجبال ما تشيلوا عيالها .
وأخذ النساء يتحدثون هكذا منهم من تتحدث بفرحه ومنهم من تغير ومن تحقد ومنهم لا يهمها الامر .
وعد وهي تنظر إلي حياه بصدمه : هما هيتخانقوا والا ايه .
حياه وهي تنظر لهم بصدمه : انا مش مصدقه هما بيقولوا كده ليه .
الحاجه امينه : متشليش هم انتي يابتي هما إكده فيه اللي فرحان وليه اللي غيران وفيه اللي حاقد عليكي وفي اللي مبهموش الأمر بس عمتك انهار سكتتهم كلهم .
واحده وهي تنظر إلي وعد : بس جوليلنا يا حاجه امينه مين دي اللي شبه الأجانب مع بتكم .
الحاجه امينه : ده الحاج بيجول انها خطيبه اخو كنان .
وعد بصدمه : خطيبه مين انا مش خطيبه حد ثم قامت وقالت بعصبيه : انا رايحه اشوف بيقول كده ليه.
حياه وهي تمسكها : اهدي شويه كده يبقي اتكلمي معاه وافهمي منه هو اكيد فيه سبب .
وعد بعصبيه خفيفه : بس ميقولش كده .
حياه : اهدي بس وبعدين يبقي افهمي منه .
وعد بعد أن جلست ثانية : طيب .
ثم أتت إليهم انهار وقالت بفرحه: تعالو ندخل قاعه مجفوله بتاعت الحريم وخلينا نرقص وشدتهم وقاموا معها وذهب نصف النساء معهم الي الداخل واخذت النساء ترقص وسط خجل حياه وتردد وعد بأن ترقص ثم قامت حياه ووعد ورقصوا سويا وكانت الاثنين يرقصون بمهاره عاليه جدا ثم جلسوا بعد فتره .
حياه بضحك : بقا وعد المعز بترقص حلو كده .
وعد بضحك : ولله ما اعرف اني برقص كده اصلا وانتي كنان طلع محظوظ أخد اجدع دكتوره رقاصه هههههههه.
حياه بضحك : لا بلاش كنان يعرف ده احنا نتفضح وظلوا ي.ضحكون والرجال في الخارج يقومون بضرب النار.